ꤛꤥ꤭ꤟꤢ꤬ 3:18 - ลีเทส่อพ๊าอาเซ เร๊อ เห่ขุทวาลู๊

¹⁸ แกแย เด๊อ อา หยื่อเอ่ พู๊คู เต๊เห่เนอ, จอแปแหร่ เมจากาคยา เหย่ซี โต่. แกแย เด๊อ อา หยื่อเอ่ พู๊คู โต่ เต๊เห่เนอ, จอแปแหร่ เมจากาคยา เหย่ซี เฮ๊อ, เมเตเฮ๊เรอ, อา ย๋อ หยื่อเอ่ เกออู จอแปแหร่ อาพู๊คู เด๊อ อา โอ่ ตื๊อ เตเพรเพร่ว เออเตเพร โต่ อาขว่าอาคยา, อา เมจากาคยา เฮ๊อ เหย่ซี.

Eastern Kayah Shadaw Dialect

¹⁸ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤖꤢꤨꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤒꤥ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤖꤢꤨꤖꤚꤢꤩ꤬ꤋꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤟꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤢ꤬ ꤜꤢ꤭ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤥ꤬ ꤒꤢꤦ ꤒꤣ꤬ꤖꤚꤢꤩ꤬ꤖꤢꤧ ꤣꤧ꤭ꤒꤣ꤬ꤖꤚꤢꤩ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤘꤣꤧꤡꤢ꤭ꤟꤣꤧ ꤛꤢꤩ꤬ꤞꤤ꤭꤯

ꤛꤥ꤭ꤟꤢ꤬ 3:18 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:10

ฮู๊เนอเรอ แกแย เด๊อ อา หยื่อเอ่ จอแปแหร่ อาพู๊คู เออเต๊เห่เนอ, อา ซิเง ตาเต เจ๊อ เร๊อ จอแปแหร่ ข่าเฮ๊โล เออเนอหม่า อาโต หม่าแหน่ เจ๊อ. หม่าแน๊เรอ แกแย เด๊อ อา หยื่อเอ่ จอแปแหร่ โต่ เต๊เห่เนอ, อา เฮ๊ จอแปแหร่ เร๊อ แกแย แลโฮ, เมเตเฮ๊เรอ เด๊อ อา หยื่อเอ่ เกอ จอแปแหร่ ข่าเฮ๊โล เร๊อ อาพู๊คู อาหรี่อาแก เออเนอ โต่ อาขว่าอาคยา, อา เฮ๊ แลแค ฮู๊เนอ แพ๊.

ꤗꤢ꤬ꤊꤢꤨ 16:16

แกแย เด๊อ อา หยื่อเอ่ เตซิครือซิลอมีลา เออ เร๊อ อา เจอาเหน่ เร๊อ เทอ เตเพรเพร เนอ, อา เก่ พย๊าหนิ เตเมแลเปล๊กา ปา. หม่าแน๊เรอ แกแย เด๊อ อา หยื่อเอ่ โต่ เต๊เห่เนอ อา เก่ ข่าเบ่ เตเมจากาคยา ป๋า.

ꤚꤥꤗꤢꤩ꤬ 8:1

ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

ꤛꤥ꤭ꤟꤢ꤬ 5:24

“แว เฮ๊จ๊อจ๊อ ซี, แกแย เด๊อ อา หนิโฮ แว ลาโหง่ เออเรอ อา หยื่อเอ่แหน่ เพร เด๊อ อา นอแฮแล แว เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร เฮ๊อ. เร๊อ อา แม๊เถอะ เบ่น๊อปา เด๊อ เตเมจากาคยาโต่. อา จว๊า ตาลว๊าเบ๊ เฮ๊อ เร๊อ เตเซอ เร๊อ อา จว๊าโน เฮ๊อ เด๊อ เตเซอเพร อากูเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:12

อูเป๋ เตเพร เบ่เบ่ เด๊อ อา พย๊าหนิ อาพู๊คู เออเนอหมา, อา พย๊าหนิเฮ๊อ เตเซอเพร เออเนอ เฮ๊อ. หม่าแน๊เรอ อูเป๋ เตเพร๊ เบ่เบ่ เด๊อ อา พย๊าหนิ เกออู จอแปแหร่ อาพู๊คูเออ โต่ เนอหม่า, อา พย๊าหนิ เกออู เตเซอเพร โต่.

ꤛꤥ꤭ꤟꤢ꤬ 3:36

แกแย เด๊อ อา หยื่อเอ่แหน่ พู๊คู เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร. เร๊อ แกแย เด๊อ อา หนิดา เกออู โต่ เร๊อ อา หยื่อเอ่แหน่ เกออู พู๊คูเออ โต่ เต๊เห่เนอ, อา พย๊าหนิ เกออู ซิปล่อเซอเพรโต่. จอแปแหร่ อาเต เมจากาคยา ตาโอ่ เด๊อ แกแย เนอเต๊เห่ อาลู.”

ꤚꤥꤗꤢꤩ꤬ 5:1

ฮู๊เนอเรอ จอแปแหร่ แด่จ๊อแด่เต เฮ๊อ เป เร๊อ เป เตหยื่อเตแหน่ อาคยา เฮ๊อ. เป โอ่โอ่เพรโอ่ดือ โอ่โครโอ่เกล เต่อ คยาแซ๊ เฮ๊อ เร๊อ จอแปแหร่ เฮ๊อ. เพร เม ทวาแถ่ เป่ เป ฮู๊เออเนอหม่า หม่าเฮ๊อ เป แบ่เจ่ เหย่ซู่ครี๊ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:9

จอแปแหร่ โมเร๊อ เป บ๋า เตเนอ อา เด๊อะโล เป่ เฮ๊อ เป เร๊อ อา นอแฮแล อาพู๊คู เด๊อ อา โอ่ ตื๊อ เตเพรเพร่ว เออเนอแพ๊ เด๊อ เห่ขุ เออเนอ เฮ๊อ. แซ่ฮู๊ เป เก่ พย๊าหนิ เกอ แฮเง ซิปล่อเซอเพร เด๊อ อาพู๊คู อาโอ่ เออเนอ เร๊อ, อา นอแฮ เป่ เฮ๊อ เป เฮ๊อ.

ꤚꤥꤗꤢꤩ꤬ 8:34

ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.

ꤛꤥ꤭ꤟꤢ꤬ 20:31

หม่าแน๊เรอ อู ราโอ่ ลี เออต๊าบ่า หม่า แซ่ฮู๊ ซี เก่ หยื่อเอ่ เร๊อ เหย่ซู่ หม่า เพรเมแลเปล๊กา เมสิยาห์, อา หม่า จอแปแหร่ อาพู๊คู เตเพร, เร๊อ เด๊อ ซี หยื่อเอ่ ลู อาขว่าอาคยา, เร๊อ ซี เก่ พย๊าหนิ ซิปล่อเซอเพร อาเงเนอ, อู รา เป่ ซี แพ๊.

ꤛꤥ꤭ꤟꤢ꤬ 6:47

แว เฮ๊จ๊อจ๊อ ซี, แกแย เด๊อ อา หยื่อเอ่ แว เตเพรเพร เนอ, อา เก่ พย๊าหนิเฮ๊อ ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 6:40

เมเตเฮ๊เรอ, แวเพ อา เตซิหยื่อ หม่า หม่าเฮ๊อ ล๋อ แกแย เด๊อ อา แม๊เถอะ อาพู๊คู เออ เร๊อ อา หยื่อเอ่ เต๊เห่เนอ, อา เก่ พย๊าหนิ ซิปล่อเซอเพร ตูจูเพร, เร๊อ แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เนอเตอเนอ ปา.”

ꤛꤥ꤭ꤟꤢ꤬ 1:18

อู แม๊เถอะน๊อ จอแปแหร่ เตเพร่ว โต่ ตื๊อดื่อเร๊อ, อาพู๊คู โอ่ตื๋อ เตเพรเออ, อา หม่า จอแปแหร่ เฮ๊อเฮ๊อ เร๊อ อา โอ่เต่อเกอ เร๊อ อาเพ เออ เด๊อะโลแถ่เฮ๊อ เป่ เร๊อ จอแปแหร่ เฮ๊อ.

ꤟꤤꤙꤚꤢꤨ 2:3

ฮู๊เนอเรอ, กู๊แหน่เออ เป เก่ แด่หยื่อ เกออู เตเมแลเปล๊กา อาดุอาแย เออ โต่ เฮ๊เรอ จอแปแหร่ เก่ เมจากาคยา หม่าแหน่ เจ๊อ เป ปา. จอแปแหร่ อา เตเมแลเปล๊กา อาแกล๊อาโกล เออเนอ, แบ่เจ่ อาเหน่กล่อ เร๊อดื่อ แด๊โฉ่โด่แน โล เหร่อเล๊อ เป่ อู เฮ๊อ. เร๊อ แกแย เด๊อ อา หนิโฮ ลู เฮ๊เออ เต๊เห่เนอ อา เฮ๊โฉ่โปล เป่ แฮเง เป่ เน๊อ เตเมแลเปล๊กา เตหรี่เตแก เออเต๊เห่ เนอหม่า อา หม่าแหน่ เจ๊อ ฮู๊เนอ.

ꤟꤤꤙꤚꤢꤨ 12:25

ฮู๊เนอเร๊อ, แซ่ฮู๊ ซี เก่ ทวา แต่ แกแย เด๊อ อา หนิโฮ จอแปแหร่ อาโหง่พราแถ่ เร๊อ อา เท๊ฉื่อแก จอแปแหร่ เนอเต๊เห่ อาเตเมเนอ, รอหนิ แลแค ซีเหน่ นี๋. เบ๊อะอิสราเอลพู๊ เต๊เห่ หนิโฮ เตเด๊อะรอ เหย่ซี เด๊อ เห่ขุเออ เบ๊อะเนอ, เหย่ซี หนิดา แลแค ลูโหง่ โต่. ฮู๊เนอเร๊อ อา เกล๊ แลเปล๊เบ๊ แลแค เน๊อ เตเมจากาคยาโต่ เก่ เมฮู๊เนอเร๊อ เปเก่ เท๊ฉื่อแก เด๊อ ม๊อขุ เออเตเพร เด๊อะรอเปเออ เก่เฮ๊เรอ, เตเนแม๊มอ, ซี เกล๊ แลเปล๊ เบ๊แจ่ ปา เจ๊อแหน่ เน๊อ จอแปแหร่ อา เตจามือกาคยา ตีกี๋ เจ๊อแหน่โต่เฮ๊อ.

ꤛꤥ꤭ꤟꤢ꤬ 1:12

หม่าแน๊เรอ แกแย เด๊อ อา เอ๊ฉื่อ ลู เต๊เห่ เร๊อ อา หยื่อเอ่แหน่ ลู เต๊เห่เนอ, อา เด๊อะทวาแถ่ เหย่ซี เร๊อ จอแปแหร่ อา พู๊เหมาะ พู๊คู เต๊เห่.

ꤛꤥ꤭ꤟꤢ꤬ 3:16

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

ꤟꤤꤙꤚꤢꤨ 3:19

ฮู๊เนอเรอ เด๊อ เหย่ซี หยื่อเอ่โต่ อาขว่าอาคยา, เหย่ซี โนหนิ ปา เก่ เนอต๊าบ่า โต่ เนอหม่า เป ซิเงโปล ลอ ดื่อเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:23

จอแปแหร่ เฮ๊แก อาโหง่ เร๊อ อา เฮ๊ เนอ, เป เบ่ หยื่อเอ่ อาพู๊คู เหย่ซู่ครี๊ อามุย เร๊อ เป เก่ โม เกอเร๊อ แคลู เตเพร เร๊อ เตเพร ฮู๊ อา เฮ๊แก โทเฮ๊อ อาโหง่ เร๊อ เป เออเนอ.