ꤛꤥ꤭ꤟꤢ꤬ 3:17 - ลีเทส่อพ๊าอาเซ เร๊อ เห่ขุทวาลู๊

¹⁷ เมเตเฮ๊เรอ, จอแปแหร่ นอแฮแล อาพู๊คู เด๊อ อา เก่ เมจากาคยา แกแย เห่ขุพู๊ อาเงเนอ หม่าโต่. เร๊อ อา นอแฮ ลู เด๊อ อา เก่ แฮ เมแลเปล๊กา แกแย เห่ขุพู๊ อาเง เนอแพ๊.

Eastern Kayah Shadaw Dialect

¹⁷ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤊꤣꤧ꤬ꤛꤢꤧ꤭ ꤟꤢꤩ꤬ꤋꤢꤨ꤬ꤖꤢꤨ ꤢ꤬ꤑꤢꤩ꤭ꤔꤣꤧ꤬ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬ ꤢ꤬ ꤔꤢꤪ꤭ꤟꤢꤧ꤭ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤟꤢꤧ꤭ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤊꤣꤧ꤬ꤛꤢꤧ꤭ ꤟꤢꤩ꤬ꤋꤢꤨ꤬ꤖꤢꤨ ꤢ꤬ꤑꤢꤩ꤭ ꤔꤣꤧ꤬ꤖꤢꤧ꤯

ꤛꤥ꤭ꤟꤢ꤬ 3:17 ပူးပေါင်းရင်းမြစ်များ

มัทธิว 1:23

“เพรเหมาะพู๊เส่ เตเพร เก่ โหมะดอแถ่ เร๊อ อา เก่ พู๊โอ่หนิ อา พู๊เพรคู ปา, เร๊อ อู เก่ เอ๊ อามุย เน๊อ อิมมานูเอล ปา,” อิมมานูเอล อาโหง่แลช๊า หม่า, “จอแปแหร่ โอ่เกอ เร๊อ เป.”

มัทธิว 18:10

“รอหนิ แลแค ซีเหน่ นี๋. จว๊า เตเน ปีตี๊ แต่ เป๊เจ่ ปีตี๊เล๊อ เด๊อ ซีเกล เนอเต๊เห่ แต่เหม่ นี๋, เมเตเฮ๊เรอ แว เฮ๊ เฮ๊อ ซี, เป๊เจ่เออเต๊เห่ อาเตเน่ว ม๊อขุพู๊ เด๊อ อา โอ่ป่อ แม๊ หนิ เหย่ซี เต๊เห่เนอ, อา โอ่ผื่อ เน๊อ เพ จอแปแหร่ เด๊อ ม๊อขุ ปว๋า โตโพ๊เจ๊อ.

มัทธิว 18:11

เมเตเฮ๊เรอ, แกแยเห่ขุ อาพู๊คู หม่าเฮ๊อ แวเออ, แว แฮแล เอ๊ กา แกแย เด๊อ อา โอ่เหม่ เนอเต๊เห่ แพ๊.

ꤜꤢꤨꤊꤢ꤬ 19:10

เมเตเฮ๊เรอ แกแย อาพู๊ หม่าเฮ๊อ แวเออ, แว แฮ แม๊ปู เตเมแลเปล๊กา แกแย เด๊อ อา โอ่เหม่ เต๊เห่.”

ꤜꤢꤨꤊꤢ꤬ 9:56

เร๊อ เหย่ซี เถ่จว๊า แฮเง โค๊แก เด๊อ อาโร ตอดอ.

ꤛꤥ꤭ꤟꤢ꤬ 1:29

เด๊อคยา เตอเนอเนอ, คูยอห์น แม๊เถอะ เหย่ซู่ แฮ เด๊อ อา โอ่ เร๊อ อา เฮ๊ เน๊อ, “แม๊มอ, จอแปแหร่ อาซิหมิพู๊ เด๊อ อา พย๊าวีแกแก แกแย เห่ขุพู๊ อา เตซื๊อเตโอ่หร่า เต๊เห่ เออเนอ เตเพร.

ꤛꤥ꤭ꤟꤢ꤬ 10:36

ฮู๊เนอเรอ เพ นว๊าแถ่ แว เร๊อ อา นอแฮแล แว เด๊อ เห่ขุเออ. เร๊อ เบ๊อะแว เฮ๊ เน๊อ, ‘แว หม่า จอแปแหร่ อาพู๊คู เตเพร’ เบ๊อะเนอ, ซี จว๊า เฮ๊โต่ แว เร๊อ แว เฮ๊ซื๊อ จอแปแหร่ ฮู๊เต?

ꤛꤥ꤭ꤟꤢ꤬ 11:42

แว ซิเง เร๊อ เน หนิดา แว เตกุยจ๊อเบ ปว๋า โผ่. หม่าแน๊เรอ แว แม๊ เด๊อ อา เก่ ทวาบุ๊ย ทวาเตอเรอ เป่ แกแย เด๊อ อา ก๊อถ่อ เบ๊อะเออ เต๊เห่ อาเง, เร๊อ แซ่ฮู๊ เหย่ซี เก่ หยื่อเอ่ เน๊อ เน นอแฮ แว อาเงเนอเรอ, แว เฮ๊ ฮู๊เออ แพ๊.”

ꤛꤥ꤭ꤟꤢ꤬ 17:18

ฮู๊ เน นอแฮ แว เด๊อ เห่ขุ เออเนอ, แว นอจว๊าเฮ๊อ เหย่ซี เด๊อ เห่ขุพู๊ เออเต๊เห่ อา โอ่ เฮ๊อ.

ꤛꤥ꤭ꤟꤢ꤬ 17:21

เก๋อ เพ, ฮู๊ เน โอ่ เด๊อ แวกู, เร๊อ แว โอ่ เด๊อ เนกู เออเนอ, แซ่ฮู๊ เหย่ซี ล๋อ ปลี เก่ โอ่เกอดื่อ ลู เร๊อ ซิปล่อ เตเมเม๋ แพ๊ เนอ, แว กุย ซิยอแถ่ เฮ๊อ เน เฮ๊อ. โท๊โต่ แซ่ฮู๊ แกแย เห่ขุพู๊ เต๊เห่ เก่ หยื่อเอ่ เร๊อ เน นอแฮแล แว เนอเรอ, แว กุยจ๊อเบ เร๊อ เหย่ซี เก่ โอ่เกอดื่อ เด๊อ เปกู นี๋.

ꤛꤥ꤭ꤟꤢ꤬ 17:23

แซ่ฮู๊ เหย่ซี เก่ ซิปล่อ จิจือแร๊ ลู เตเมเม๋ แพ๊, โท๊โต่ แซ่ฮู๊ แกแย เห่ขุพู๊ เต๊เห่ เก่ ซิเงแฮ เร๊อ เน นอแฮแล แว, เร๊อ เน โมหนิเร๊อ เพร เด๊อ อา หยื่อเอ่ แว เต๊เห่ ฮู๊ เน โมหนิเร๊อ แว เนอเรอ, แว โอ่ เด๊อ เหย่ซี อากู เร๊อ เน โอ่ เด๊อ แวกู.”

ꤛꤥ꤭ꤟꤢ꤬ 17:25

“เพ เด๊อ อาจ๊ออาเต๋, แกแย เห่ขุพู๊ เต๊เห่ ซิเง เน โต่ ตื๊อดื่อเรอ แว ซิเง เน, โท๊โต่ แกแย เด๊อ อา หยื่อเอ่ แว เออเต๊เห่ ซิเง เร๊อ เน นอแฮ แว.

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 17:8

เมเตเฮ๊เรอ, เตหรี่เตแก เด๊อ เน เด๊อะ แว เนอเต๊เห่เนอ, แว เด๊อะ เร๊อ เหย่ซี เร๊อ เหย่ซี พย๊าฉื่อ โทเฮ๊อ. เหย่ซี ซิเง ตาเต เฮ๊อ เร๊อ แว โอ่ เด๊อ เน โอ่ แฮ เร๊อ เหย่ซี หยื่อเอ่ เร๊อ เน นอแฮ แว.

ꤛꤥ꤭ꤟꤢ꤬ 20:21

แบ่เจ่ เหย่ซู่ เฮ๊ คยาแซ๊ เหย่ซี เน๊อ, “ซิปล่อ ตู๊จู่เตอเจ๊อ เก่ โอ่ดื่อ เร๊อ ซี นี๋! เร๊อ ฮู๊ แวเพ นอแฮ แว เนอ, แว นอจว๊าเกอ ซี.”

ꤛꤥ꤭ꤟꤢ꤬ 3:34

แกแย เด๊อ จอแปแหร่ นอตา อา เตเพรเนอ, จอแปแหร่ เด๊อะ เล๊อบา เฮ๊อ ลู แหย่โยบูโพ๊แบ่เจ่ อาขว่าอาคยา, อา เฮ๊เบ่แพ๊ จอแปแหร่ อาลาอาโหง่ เต๊เห่ แพ๊.

ꤛꤥ꤭ꤟꤢ꤬ 5:36

“หม่าแน๊เรอ แว เตข่าเฮ๊โล เด๊อ อาดุเล๊อ ปา เจ๊อ เร๊อ คูยอห์น อา เตข่าเฮ๊โล เออเนอ อาโอ่ เต๊เห่. แวเพ เด๊อะ แว เตเอ่เตแร เด๊อ แว เบ่ เมโทแก, เร๊อ กู๊แหน่เออ แว เม เฮ๊อ แรเต เออเต๊เห่ เฮ๊อ. แรเต เออเต๊เห่ เนอหม่า, อาข่าเฮ๊โล เฮ๊อ ซิปล่อ เร๊อ แวเพ นอแฮ หม่าแหน่ เฮ๊อ แว เนอ เฮ๊อ.

ꤛꤥ꤭ꤟꤢ꤬ 5:38

จอแปแหร่ นอแฮ เจ๊อ แว ตื๊อดื่อเรอ ซี หยื่อเอ่หนิ เกอ แว โต่ อาขว่าอาคยา, จอแปแหร่ อาลาอาโหง่ โอ่เซอเพร เกอ เด๊อ ซี ซิปล่อกู โต่.

ꤛꤥ꤭ꤟꤢ꤬ 5:45

“เตเน แต่ แว เร๊อ แกแย เตเพร เด๊อ อา เก่ แด่ ซี เตซื๊อ เด๊อ เพ อา เป๊เส่เง เนอปา แต่เหม่. คูโมเสส เด๊อ ซี แม๊ชือ ซิเล เกอเร๊อ ลู เนอเตเพร, เก่ แด่ ซี เตซื๊อ ปา.

ꤛꤥ꤭ꤟꤢ꤬ 6:29

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “หยื่อเอ่ แลแค แว เด๊อ จอแปแหร่ นอแฮ อา เออเนอ.”

ꤛꤥ꤭ꤟꤢ꤬ 6:38

เมเตเฮ๊เรอ แว โอ่เด๊อ ม๊อขุ แฮแล เร๊อ แว แฮเม จู๋ ดื่อ แว ซิปล่อ ฮู๊เนอ หม่าโต่. แว แฮเม ฮู๊ เพร เด๊อ อา นอแฮ แว เออเตเพร อา เตซิหยื่อ เนอแพ๊.

ꤛꤥ꤭ꤟꤢ꤬ 6:40

เมเตเฮ๊เรอ, แวเพ อา เตซิหยื่อ หม่า หม่าเฮ๊อ ล๋อ แกแย เด๊อ อา แม๊เถอะ อาพู๊คู เออ เร๊อ อา หยื่อเอ่ เต๊เห่เนอ, อา เก่ พย๊าหนิ ซิปล่อเซอเพร ตูจูเพร, เร๊อ แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เนอเตอเนอ ปา.”

ꤛꤥ꤭ꤟꤢ꤬ 6:57

ฮู๊ แวเพ เด๊อ อา นอแฮ แวเออ เตเพร เซอเพร เนอ, เด๊อ อาขว่าอาคยา, เร๊อ แว เซอเพร เกอ. ฮู๊เนอเร๊อ แกแย เด๊อ อา เอ่ แวหย่า เตเพรเพร เนอ, เด๊อ แวขว่าแวคยา, เร๊อ อา เก่ เซอเพร เกอ ปา.

ꤛꤥ꤭ꤟꤢ꤬ 7:29

หม่าแน๊เรอ แว ซิเง ลู, เมเตเฮ๊เรอ แว ย๋อ โอ่ เด๊อ ลูโอ่ แฮ แพ๊ เน๋อ. เพร นอแฮ แว หม่า อา แพ๊ เน๋อ.”

ꤛꤥ꤭ꤟꤢ꤬ 8:11

เร๊อ อา เฮ๊ฉื่อ ลู เน๊อ, “อา โอ่ปา เตเพร่ว โต่.” เร๊อ แบ่เจ่ เหย่ซู่ เฮ๊ ลู เน๊อ, “แว หม่า แว เมจากาคยา เน โต่โต่. กามอ เร๊อ เมปา เต เตซื๊อ แต่เหม่ นี๋,” อา เฮ๊ ลู ฮู๊เนอ.

ꤛꤥ꤭ꤟꤢ꤬ 8:42

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “ซีเพ เก่ หม่าแหน่ จอแปแหร่ เฮ๊เรอ ซี โมหนิเกอ แว เกอเกอ, เมเตเฮ๊เรอ แว โอ่ เด๊อ ลูโอ่ แฮ เร๊อ กู๊แหน่เออ แว แฮโอ่ เบ๊อะเออแพ๊เออ. แว แฮ จู๋ ดื่อ แว ซิปล่อ หม่าโต่, แวเพ นอแฮ แว แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

แซ่ฮู๊ จอแปแหร่ เก่ ปลวาแก เป เตซื๊อเตปล๊า เออเนอเร๊อ ครี๊ ข่าเซอโทเฮ๊อ อาซิปล่อ เฮ๊อ. หม่าแน๊เรอ ตื๊อแพ๊ เป เตซื๊อเตปล๊า ตื๊อดื่อ อาเงเนอ หม่าโต่, อา ปลวาแก โต่เป่เกอดื่อ ล๋อ เห่ขุพู๊ เต๊เห่ อา เตซื๊อเตปล๊า.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:14

เป แม๊เถอะน๊อ โทเฮ๊อ, เร๊อ เป แด๊โฉ่โล เป่ เฮ๊อ อูโร เต๊เห่ เน๊อ แซ่ฮู๊ จอแปแหร่ อาพู๊คูเออ เก่ แฮ ทวาเป่ อู เพรเมแลเปล๊กา แกแย เห่ขุพู๊ เต๊เห่ อาเงเนอ, เพ จอแปแหร่ นอแฮแลเฮ๊อ ลู เด๊อ เห่ขุ เออเนอ เฮ๊อ.