ꤛꤥ꤭ꤟꤢ꤬ 3:16 - ลีเทส่อพ๊าอาเซ เร๊อ เห่ขุทวาลู๊

¹⁶ “จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

Eastern Kayah Shadaw Dialect

¹⁶ “ꤡꤢꤪꤗꤣꤧ꤬ꤚꤢꤧ꤬ ꤗꤥ꤬ꤚꤣꤧ ꤜꤢꤪ꤭ ꤡꤣꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤜꤢꤪ꤭꤮ ꤕꤜꤤ꤭꤯ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤒ꤫ꤥ꤬ ꤒ꤫ꤢꤧ꤬ ꤘꤣ ꤒꤢꤩ꤬ꤕꤛꤢꤒꤢꤩ꤬ꤜ꤫ꤢꤨ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤥ꤬ ꤒꤢꤦ ꤒꤣ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤘꤣ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭꤯

ꤛꤥ꤭ꤟꤢ꤬ 3:16 ပူးပေါင်းရင်းမြစ်များ

ꤚꤥꤗꤢꤩ꤬ 5:8

หม่าแน๊เรอ จอแปแหร่ โม เจ๊อ เป บ๋า เต เฮ๊เรอ, เบ๊อะเป ทวาปา เจ๊อ เพรเมเตซื๊อ เตโอ่หร่าพู๊ เบ๊อะเนอ ปา เจ๊อ เนอเรอ, ครี๊ แฮข่าเซอ อาซิปล่อ เด๊อ เปเง. เออ หม่า จอแปแหร่ เด๊อะโลเป่เฮ๊อ เป เน๊อ อาเตโม เป เฮ๊อ.

ꤚꤥꤗꤢꤩ꤬ 8:32

จอแปแหร่ เออเตเพรเนอ, อาพู๊ เร๊อ อาเหน่ เร๊อดื่อ เจ๊อ เร๊อ อา ซิโล เกอเร๊อ โต่. เร๊อ อา เด๊อะแลแก เจ๊อ อาพู๊ เด๊อ เป ล๋อ ปลี เต๊เห่ อาเง เจ๊อ. เก่ อา เด๊อะ ตาครา เจ๊อ เป เร๊อ อาพู๊คู เหย่ซู่ครี๊ เจ๊อ เก่เฮ๊เรอ, ล๋อ เต เด๊อ อา โอ่แก เด๊อ อาโร เต๊เห่เนอ, อา เก่ เด๊อ ตาคราโป่ เป ปา หม่าโต่ แอ?

ꤛꤥ꤭ꤟꤢ꤬ 6:40

เมเตเฮ๊เรอ, แวเพ อา เตซิหยื่อ หม่า หม่าเฮ๊อ ล๋อ แกแย เด๊อ อา แม๊เถอะ อาพู๊คู เออ เร๊อ อา หยื่อเอ่ เต๊เห่เนอ, อา เก่ พย๊าหนิ ซิปล่อเซอเพร ตูจูเพร, เร๊อ แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เนอเตอเนอ ปา.”

ꤛꤥ꤭ꤟꤢ꤬ 3:36

แกแย เด๊อ อา หยื่อเอ่แหน่ พู๊คู เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร. เร๊อ แกแย เด๊อ อา หนิดา เกออู โต่ เร๊อ อา หยื่อเอ่แหน่ เกออู พู๊คูเออ โต่ เต๊เห่เนอ, อา พย๊าหนิ เกออู ซิปล่อเซอเพรโต่. จอแปแหร่ อาเต เมจากาคยา ตาโอ่ เด๊อ แกแย เนอเต๊เห่ อาลู.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:19

จอแปแหร่ ย๋อ โมเร๊อ เป อาขว่าอาคยา, เป โม เกอเร๊อ ลู เตเพร เร๊อ เตเพร เฮ๊อ.

ꤛꤥ꤭ꤟꤢ꤬ 10:28

แว เด๊อะ เหย่ซี ซิปล่อเซอเพร ตูจูเพร. อา เก่ เซอ ปา โตโพ๋ โต่. อู แฮ จุ่ยเถ่ แจ่ ปา เหย่ซี เด๊อ แว กู๊ยากู เตเพร่ว โต่.

ꤚꤥꤗꤢꤩ꤬ 5:10

เด๊อ อาเหร่อเค เนอหม่า, เป ทวา แกแย เด๊อ อา ซิเถ่ จอแปแหร่ เต๊เห่. เด๊อ อาพู๊คู ข่าเซอ อาซิปล่อ เด๊อ เปเง อาขว่าอาคยา, อา เม โครเกล กาคยา คยาแซ๊ เฮ๊อ เป เฮ๊อ. กู๊แหน่เออ เป ทวาเฮ๊อ อาโค แบ๊ซว๊า เฮ๊อ. เป ซิเง ตาเต เจ๊อเฮ๊อ. เร๊อ เป เหล่แลเปล๊เบ๊ แพ๊ เร๊อ อาพู๊คู อา เตโอ่เซอเพร อาคยา แพ๊.

ꤛꤥ꤭ꤟꤢ꤬ 1:29

เด๊อคยา เตอเนอเนอ, คูยอห์น แม๊เถอะ เหย่ซู่ แฮ เด๊อ อา โอ่ เร๊อ อา เฮ๊ เน๊อ, “แม๊มอ, จอแปแหร่ อาซิหมิพู๊ เด๊อ อา พย๊าวีแกแก แกแย เห่ขุพู๊ อา เตซื๊อเตโอ่หร่า เต๊เห่ เออเนอ เตเพร.

เธสะโลนิกา เนอบ่า ต๊าบ่า 2:16

เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

เอเฟซัส 2:4

เป่ แซ่ฮู๊เนอ แพ๊ ตื๊อดื่อเรอ, จอแปแหร่ เด๊อ อา เล๊อบา เร๊อ เตซิยอ เออเตเพรเนอ อา โม แหน่เจ๊อ เป เจ๊อ.

มัทธิว 9:13

หม่าแน๊เรอ แม๊ปูซิเง แลแค จอแปแหร่ ซิหยื่อ เฮ๊ อาโหง่แลช๊า เต๊เห่ เด๊อ อา เฮ๊ เน๊อ, ‘แว ซิหยื่อ เตหลู่เตแต โต่, แว ซิหยื่อแพ๊ เตซิยอกล่าเบ่ เกอเร๊อ ลู เตเพร เน๊อ เตเพร เนอแพ๊.’ เมเตเฮ๊เรอ, แว แฮ เอ๊ กา แกแย เด๊อ อาจ๊ออาเต เนอเต๊เห่ หม่าโต่. แว แฮ เอ๊ กา แพ๊ แกแย เด๊อ อา เตซื๊อเตปล๊าโอ่ดื่อ เง เนอเต๊เห่ แพ๊.”

เตเด๊อะโลแถ่ 1:5

ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

เห่ขุทวาลู่ 22:12

จอแปแหร่ ตูจูเพร อาเตเน่วพู๊ เฮ๊ ลู เน๊อ, “เมเบ่เช แต่ เป๊เจ่ เออเตเพร แต่ เหม่! เม แต่ อา เตอเจ๋อ แตเหม่! เนพู๊เพรคู โอ่ตื๋อ เตเพร ตื๊อดื่อเร๊อ เน ซิโล เกอเร๊อ ลู โต่ อาขว่าอาคยา, กู๊แหน่เออ แว ซิเง เฮ๊อ เน๊อ เน ซิอิเช แด่ดุหยื่อแหม่ เฮ๊อ จอแปแหร่ดุ เฮ๊อ.”

ꤒꤤꤒꤢꤨ 3:4

หม่าแน๊เรอ เบ๊อะจอแปแหร่ เด๊อ อา เมแลเปล๊กา เป เออเตเพร อา เตซิยอ เร๊อ อาเตโม เป โอ่โลแถ่ เฮ๊อ เบ๊อะเนอ, อา เมแลเปล๊กา เฮ๊อ เป.

ꤛꤥ꤭ꤟꤢ꤬ 1:18

อู แม๊เถอะน๊อ จอแปแหร่ เตเพร่ว โต่ ตื๊อดื่อเร๊อ, อาพู๊คู โอ่ตื๋อ เตเพรเออ, อา หม่า จอแปแหร่ เฮ๊อเฮ๊อ เร๊อ อา โอ่เต่อเกอ เร๊อ อาเพ เออ เด๊อะโลแถ่เฮ๊อ เป่ เร๊อ จอแปแหร่ เฮ๊อ.

ꤗꤢ꤬ꤊꤢꤨ 12:6

“แท๊ทือเผ่แหน่แบ่เจ่ เหล่นอแฮโป่ อู เนอ อา โอ่แก ปาแพ๊ตื๊อ อาพู๊คู เด๊อ อา โม เกอเร๊อ เออเตเพร แพ๊. เด๊ออาโน่เตเพรเฮ๊อ เร๊อ อา อาเตเน เน๊อ, ‘แว เก่ นอแฮ แว พู๊เพรคู หม่า อา เบ่หยื่อเบ่แหน่ เล๊อปา เกอเหล่,’ อา เตเน เร๊อ อา นอแฮ ลู เด๊อ เพรเมเอ่โก๊แท๊ทือเผ่ เออเต๊เห่ อา โอ่.

ꤜꤢꤨꤊꤢ꤬ 2:14

“อาลีอาเตเค ถู่เซ๊แถ่ แลแค จอแปแหร่ เด๊อ อา โอ่ เด๊อ อาเหล่โอ่แถ่โล ตื๊อดื่อเล๊อ อู เด๊อ ม๊อขุ เออเนอ เตเพร โป๋. เตเปเตดวา เร๊อ เตเตอเจ๊อตู๊จู่ เก่ โอ่แถ่ เกอดื่อ เด๊อ เห่ขุเออ เร๊อ อา เก่ โอ่เต่อเกอดื่อ เร๊อ แกแย เด๊อ จอแปแหร่ ซิปล่อ โอ่เร๊อ เกอ ลู เนอเต๊เห่ นี๋.”

เห่ขุทวาลู่ 22:2

เร๊อ จอแปแหร่ดุ เฮ๊ ลู เน๊อ, “เอ๊หนิ เนพู๊เพรคู คูอิสอัค เด๊อ เน พู๊โอ่ ตื๊อ แพ๊ ลู เร๊อ เน โมเกอเร๊อ แหน่เจ๊อ ลู เออเตเพรเนอ เร๊อ จว๊า เด๊อ เก่ เต๊เก่ เด๊อ อู เอ๊ เน๊อ โมริยาห์ เนอ. เร๊อ จว๊า เด๊อ โฉ่ เด๊อ แว เก่ ยูโล เน ปา เนอเตเม อาลู, เร๊อ เมเซอ เนพู๊ เร๊อ ชื๊ออือ หลู่แตแถ่ ลูเบ๊อะ เนอปา นี๊.”

ꤛꤥ꤭ꤟꤢ꤬ 3:18

แกแย เด๊อ อา หยื่อเอ่ พู๊คู เต๊เห่เนอ, จอแปแหร่ เมจากาคยา เหย่ซี โต่. แกแย เด๊อ อา หยื่อเอ่ พู๊คู โต่ เต๊เห่เนอ, จอแปแหร่ เมจากาคยา เหย่ซี เฮ๊อ, เมเตเฮ๊เรอ, อา ย๋อ หยื่อเอ่ เกออู จอแปแหร่ อาพู๊คู เด๊อ อา โอ่ ตื๊อ เตเพรเพร่ว เออเตเพร โต่ อาขว่าอาคยา, อา เมจากาคยา เฮ๊อ เหย่ซี.

ꤟꤤꤙꤚꤢꤨ 2:9

หม่าแน๊เรอ, เตหรี่เตแก เด๊อ เป ซิเง หม่าแหน่ เนอหม่า หม่าเฮ๊อ เหย่ซู่ เออเนอเฮ๊อ. เบ๊อะอา แฮแล เด๊อ เห่ขุเออ เบ๊อะเนอ, อา พย๊าหนิ เตเตอเรอฉว่าชอ เด๊อ อาอ๊าเจ๊เล๊อ เน๊อ ม๊อขุ เตเน่วพู๊ เต๊เห่ เตอเปลอฮู๊, เมเตเฮ๊เรอ, เด๊อ จอแปแหร่ อาบุ๊ยอาเตอเรอ อาขว่าอาคยา, เหย่ซู่ เบ่ ข่าเซอ เป่ เด๊อ เป ล๋อ ปลี อาเง. เด๊อ เหย่ซู่ ข่าเซอ อาขว่าอาคยา, กู๊แหน่เออ เป ซิเง เน๊อ จอแปแหร่ นอ เมลีเมเตเค, แด่ดุแด่ทู อู เร๊อ เหย่ซู่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:1

เพ จอแปแหร่ โม เกอเร๊อ โท เจ๊อเฮ๊อ เป บ๋า เต เนอ, แม๊มอ แลแค, อา โม เกอเร๊อ เป เออเนอ, โต่ เจ๊อ เด๊อ อู เบ่ เอ๊ เจ๊อ เป เร๊อ จอแปแหร่ อาพู๊อาเลอ เต๊เห่ เจ๊อ. เป ทวา หม่าแหน่ แหน่ เฮ๊อ จอแปแหร่ อาพู๊อาเลอ เต๊เห่ เฮ๊อ. แกแย เห่ขุพู๊ เต๊เห่ ซิเง จอแปแหร่ โต่ อาขว่าอาคยา, อา ซิเง เป โต่.