ꤛꤥ꤭ꤟꤢ꤬ 21:22 - ลีเทส่อพ๊าอาเซ เร๊อ เห่ขุทวาลู๊

²² แบ่เจ่ เหย่ซู่ เฮ๊ฉื่อ ลู เน๊อ, “แว เก่ ซิหยื่อ นอโอ่เซอเพร โต่ ลู เด๊อ แว แฮปา เก่เฮ๊เรอ, จู๊ดื่อ แว แพ๊. เนอหม่า เน เตเม หม่าโต่, เน เตเม หม่า เน เบ่ ครวาเกอ แว แพ๊,” อา เฮ๊ ลู ฮู๊เนอ.

Eastern Kayah Shadaw Dialect

²² ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤠꤢꤧ꤭ ꤊꤢꤩ꤬ ꤞꤤꤛ꤫ꤢꤦ꤬ ꤔꤢꤪ꤭ꤥ꤬ꤞꤣꤧ꤭ꤖꤚꤢꤩ꤬ ꤒ꤫ꤥ꤬ ꤜꤢꤨ꤭ ꤘꤣ ꤠꤢꤧ꤭ ꤟꤢꤧ꤭ꤕꤢ꤭ ꤊꤢꤩ꤬ꤟꤢꤩꤚꤣꤧ꤬, ꤡꤢꤨꤘꤢꤦ꤬ ꤠꤢꤧ꤭ ꤖꤢꤧ꤯ ꤔꤣꤧ꤬ꤗꤢ꤬ ꤔꤢꤧ꤬ ꤒꤢꤩ꤬ꤗꤢꤩ꤬ ꤗ꤫ꤢ꤬ꤒꤥ꤬, ꤔꤢꤧ꤬ ꤒꤢꤩ꤬ꤗꤢꤩ꤬ ꤗꤢ꤬ ꤔꤢꤧ꤬ ꤙꤢꤩ꤬ ꤋꤚꤝꤢ꤭ꤊꤣꤧ꤭ ꤠꤢꤧ꤭ ꤖꤢꤧ,” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 21:22 ပူးပေါင်းရင်းမြစ်များ

ꤗꤢ꤬ꤊꤢꤨ 9:1

เหย่ซู่ เฮ๊ เหย่ซี เน๊อ, “แว เฮ๊ หม่าแหน่แหน่ เจ๊อ ซี, แกแย เด๊อ อา ก๊อถ่อโอ่ เบ๊อะซีเกล เออ เต๊เห่เห่เนอ, เบ๊อะเหย่ซี อาเซอ แต่ล๋ายโต่ เนอ, เหย่ซี เก่ แม๊เถอะน๊อ แลแค จอแปแหร่ แฮ เป๊อเทอเป๊อเก่ เร๊อ อา เตอเรอฉว่าชอ ปา.”

เตเด๊อะโลแถ่ 2:25

หม่าแน๊เรอ ปื่อหม่าปื่อกลอ หนิ แร๊ แลแค เต เด๊อ อาโอ่ เร๊อ ซี เนอเต๊เห่ โต่เด๊อ แว แฮแล ปา โตโพ๊ เนอ นี๋.

โครินธ์ อาเหร่อเล๊อ ต๊าบ่า 4:5

ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา.

เตเด๊อะโลแถ่ 3:11

“งยาแต่โต่เนอ แว เก่ แฮ ปา. แซ่ฮู๊ อู เก่ พย๊าเผ่แก แต่ เน กู๊โก่เท แต่เหม่เนอ, ปื่อหม่า หนิ แร๊ เต เด๊อ ซี พย๊าหนิ โทเฮ๊อ, เตอิซว๊าอี๊แส่ เด๊อ อาโตอาเบ่ เนอ เต๊เห่ นี๋.

ꤡꤛꤢꤩ꤭ꤗꤢ꤬ꤎꤣ꤬ 5:7

ฮู๊เนอเร๊อ โป่แหว่ ซี๋, แด่ทูซิปล่อโต่ แลแค เด๊อ แบ่เจ่ แฮ คยาแซ๊ ปา โตโพ๊ เออเนอ นี๋. เตเนแม๊ เกอ แลแค เมอ เพรแฮเมเอ่แหล่ เตเพร โอ่ป่อแม๊ชือ เกอ เร๊อ อา เตเส่เตโพ เด๊อ อางูดุงูชอ เออเต๊เห่เนอ. อา เบ่ เป๊อแถ่ แด่ทูซิปล่อ โอ่ป่อหนิ เก่จือ ตา ลู่ เออ เด๊อ อา เมแด๊แถ่ เป่ ลู เตกลุยเตลุ๊ย เออเต๊เห่, โทเร๊อ อา เบ่ โอ่ป่อ โต่เด๊อ เก่จือ ตาเนอ เด๊อคยา เด๊อ อา เมเผระเมมี เป่ ลู เตเส่เตโพ เออเต๊เห่.

โครินธ์ อาเหร่อเล๊อ ต๊าบ่า 11:26

ซี เอ่ ค๊อมู เร๊อ ซี โอ แท๊ทือเส่เทอ เด๊อ เบกูเออ เบ๊อะเกเต๋ เบ่เบ่ เนอ, ซี แด๊โฉ่โลแถ่ เฮ๊อ แบ่เจ่ อาเตเซอ อาหรี่อาแก โต่ เฮ๊อ เด๊อ อา แฮ คยาแซ๊ ปา โตโพ๊ เนอ เฮ๊อ.

ꤛꤥ꤭ꤟꤢ꤬ 21:19

แบ่เจ่ เหย่ซู่ เฮ๊ ลู ฮู๊เออ เนอหม่า, อา ซิ แด๊โฉ่โล ลู เร๊อ คูเปโตร เก่ เซอ ฮู๊เต ปา เร๊อ จอแปแหร่ อาลีอาเตเค เก่ โอ่โลแม๊เถอะ ฮู๊เต ปา อาเงเนอ แพ๊. โทเรอ แบ่เจ่ เหย่ซู่ เฮ๊ ลู เน๊อ, “ครวา แวคยา.”

มัทธิว 24:44

ฮู๊เนอ อาขว่าอาคยา, เออเต๊เห่เนอ เบ่เบ่, โอ่ตี๊หรี่แตแร โอ่หนื่ออื่อ เกอ แลแค ซีเหน่ นี๋, เมเตเฮ๊เรอ หน่าหลิ เบ๊อะซี เตเนโต่ โต่ ปาเนอ, แกแยพู๊คู หม่าเฮ๊อแวเออ เก่ แฮ ปา.

เตเด๊อะโลแถ่ 22:20

แกแย เด๊อ อา เด๊อะโล เร๊อ ล๋อ เตหรี่เตแก เออเต๊เห่ เตเพรเนอ, อา เฮ๊ เน๊อ, “อ่อ, แว เก่ แฮแล ปา,” อาเมน, เก๋อ แบ่เจ่ เหย่ซู่ครี๊, แฮมอ แต๋.

เตเด๊อะโลแถ่ 22:7

เหย่ซู่ เฮ๊ เน๊อ, “หนิดา แลแค๋, แว แฮเล๊ ปา, แกแย เด๊อ อา หนิดา เพรโพรโหง่ เด๊อ อา เฮ๊เบ่แก เด๊อ ลีกู เออเต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ.”

เตเด๊อะโลแถ่ 1:7

แม๊มอ แลแค, อา เตเร แฮเต่อเฮ๊อ เร๊อ อ๊อโหล่ เฮ๋อ. แกแย ปว๋า เตเพร เก่ แม๊เถอะ ลอ อา ปา. แกแย เด๊อ อา ชือเซอ ลู เนอเต๊เห่ เบ่เบ่, อา เก่ แม๊เถอะ ลู ปาปา. เมวเจอะ ปว๊า เตอเจ๊อ เด๊อ เห่ขุเออ เก่โหง่เก่เห่ ลอ เร๊อ อา อาขว่าอาคยา ปา. เต เก่ ทวาแถ่ หม่าแหน่ ฮู๊เออเนอ ป๋า อาเมน.

มัทธิว 25:31

“ช๊า แกแย อาพู๊คูเออ แฮ เร๊อ อาเตอเรอดุเตอเรอทู ปา, เร๊อ อาม๊อขุ เตเน่วพู๊ เต๊เห่ เก่ แฮ เต่อเกอ เน๊อ ลู เบ๊อะเนอ, อา เก่ โอ่แนโอ่ เด๊อ อา กู่แกล๊ แถ่โล เตเค อาขุ ปา.

มัทธิว 24:27

เมเตเฮ๊เร๊อ ฮู๊ ฉ่าลีบ๊อ เตเคแถ่ เด๊อ เก่ซิเถ่ เร๊อ แกแย โอ่ เด๊อ เก่แบ๊โน เต๊เห่ แม๊เถอะเนอ, แกแยพู๊คู หม่าเฮ๊อ แวเออ เก่ แฮ ปา หม่า อา แซ่ ฮู๊เนอ ปา.

มัทธิว 24:3

เบ๊อะแบ่เจ่ เหย่ซู่ โอ่แนโอ่ เด๊อ โต๊โฉ่โฉ่ขุ เบ๊อะเนอ, อา โคเจ่ เต๊เห่ แฮโอ่ผื่อเกอ ตื๊อดื่อ ลู เร๊อ เหย่ซี เฮ๊ ลู เน๊อ, “แด๊โฉ่โล เป่เกอแม๊ เป เด๊อ เน เฮ๊ ปื๊อหนื่อ เต๊เห่เนอ, อา เก่ ทวาแถ่ เบ๊อะเกเต ปา? เน เตเร แฮ เบ๊อะเกเต ปา, โทเรอ เห่ขุเออ เก่ ตื๊อดื่อแก เบ๊อะเกเต ปาเนอ อาเมว โค๊ตีกลี๊ เมม๊าเมแด เต๊อเจ่อเจ่อ เก่ โอ่โลแถ่ แม๊เถอะ เหร่อ ปา แอ?”

มัทธิว 8:22

หม่าแน๊เรอ แบ่เจ่ เหย่ซู่ เฮ๊ฉื่อ ลู เน๊อ, “ครอครวา เจ๊อ เกอแว กู๊แหน่เออ, แกแย เด๊อ อา ครวาเกอ จอแปแหร่โต่ เต๊เห่ เนอหม่า อาแซ่ เร๊อ แกแยเซอ เออเนอเฮ๊อ. นอโล๊ เกอ เร๊อดื่อ แกแยเซอ เออเนอ เร๊อ เหย่ซีเนอ.”

มัทธิว 16:24

โทเรอ แบ่เจ่ เหย่ซู่ เฮ๊ อา โคเจ่ เต๊เห่ เน๊อ, “แกแย เตเพรเพร เก่ ซิหยื่อ ครอครวา เกอแว เฮ๊เรอ, อา โตเบ่ เม ฮู๊ แว ซิหยื่อ นอเมลู เนอเต๊เห่, อา เม จู๋ ดื่อ อาซิปล่อ หม่า อาหนิ โต่. อา เบ่ แย๊แถ่ เกอเร๊อดื่อ อา อี๊ถื่อดีเต่ เร๊อ อา เบ่ ครอครวา เกอแวคยา.

ꤛꤥ꤭ꤟꤢ꤬ 21:21

เบ๊อะคูเปโตร แม๊เถอะ ลู เบ๊อะเนออาเค, อา แด๊เฮอ เหย่ซู่ เน๊อ, “แบ่เจ่, อาเกอเล, อา เก่ ทวาแถ่เกอ ฮู๊เต ปา?” อา แด๊เฮอ เหย่ซู่ ฮู๊เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:19

หม่าเมเตเรอ เป ซิหยื่อ จว๊าโอ่เล เกอโป่ แหน่เจ๊อ ซี เฮ๊เนอหม่า, ซี ย๋อ โอ่ เร๊อ ซี เตหยื่อ เด๊อ อาฉว่าอาชอ อาขว่าอาคยา, เป โอ่ เร๊อ เตแม๊ชือ, เป โอ่ เร๊อ เตซิครือซิลอ, เร๊อ เบ๊อะแบ่เจ่ เหย่ซู่ครี๊ แฮ เตอเนอปาเนอ, ซี ทวาเฮ๊อ เป เหล่พย๊าแถ่โลหนิ เป ซิปล่อ เด๊อ อาเป๊เส่เง ปา เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 5:8

ซี เบ่เบ่ ซี โต แด่ทูซิปล่อ เกอเกอ ฮู๊เนอ. ตูรู๊ แด่หม่าแด่กลอ แลแค ซี เตแม๊ชือ เนอ, เมเตเฮ๊เรอ แบ่เจ่ เก่ แฮ คยาแซ๊ ปาเนอ, อาม๊อเนอ ผื่อลา เฮ๊อ.