ꤛꤥ꤭ꤟꤢ꤬ 20:29 - ลีเทส่อพ๊าอาเซ เร๊อ เห่ขุทวาลู๊

²⁹ โทเรอ แบ่เจ่ เหย่ซู่ เฮ๊ ลู เน๊อ, “เน ย๋อ แม๊เถอะ แว ขว่าคยา, เร๊อ เน หยื่อเอ่ แพ๊. แกแย เด๊อ อา แม๊เถอะ แว โต่ เร๊อ อา หยื่อเอ่ เต๊เห่เนอ, อา เก่ พย๊าหนิ เตเด๊อะบุ๊ยเด๊อะเตอเรอ,” อา เฮ๊ ลู ฮู๊เนอ.

Eastern Kayah Shadaw Dialect

²⁹ ꤓꤥ꤭ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤜꤢꤨ꤭ ꤔꤢꤧ, “ꤔꤢꤧ꤬ ꤜꤢ꤭ ꤗꤢꤧꤓ꤫ꤣꤧ꤬ ꤠꤢꤧ꤭ ꤋꤝꤢ꤬ꤋꤛꤢ꤭ꤚꤣꤧ꤬ ꤔꤢꤧ꤬ ꤛ꤫ꤢꤦ꤬ꤢꤩ꤬ ꤖꤢꤧ꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤧꤓ꤫ꤣꤧ꤬ ꤠꤢꤧ꤭ ꤒꤥ꤬ ꤚꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬,” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 20:29 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 1:8

ซี แม๊เถอะน๊อ อา โต่ หม่าแน๊เรอ ซี โมหนิ อา. ซี แม๊เถอะ แต่ล๋าย อา กู๊แหน่ โต่ หม่าแน๊เรอ ซี หยื่อเอ่ อา. ฮู๊เนออาขว่าอาคยา, ซี ซิครือซิลอ หม่าแหน่ เจ๊อ เร๊อ ซี ซิครือ เจ๊อ บ๋า เตเนอ เฮ๊แจ่ ปา เจ๊อ โต่.

โครินธ์ เนอบ่า ต๊าบ่า 5:7

เมเตเฮ๊เรอ เป โอ่เซอเพร เร๊อ เต เด๊อ เป หยื่อเอ่หนิ อา เต๊เห่ แพ๊, เป โอ่เซอเพร เร๊อ เต เด๊อ เป แม๊เถอะ อา เนอเต๊เห่ หม่าโต่.

ꤟꤤꤙꤚꤢꤨ 11:1

เตหยื่อ อาโหง่แลช๊า หม่า เต เด๊อ เป แม๊ชือ ลู เต๊เห่เนอ, เป หยื่อเอ่ อาหม่าอากลอ เร๊อดื่อเฮ๊อ เน๊อ เป เก่ พย๊าหนิ เฮ๊อ. โท๊โต่ เตหยื่อ อาโหง่แลช๊า หม่า เตเด๊อ เป แม๊เถอะแจ่ ล๋ายโต่ เต๊เห่เนอ, เป หยื่อเอ่ อาหม่าอากลอ ตื๊อดื่อ หนิปา เร๊อ เป เก่ พย๊าหนิ ปาเนอเฮ๊อ.

ꤟꤤꤙꤚꤢꤨ 11:27

เด๊อ เตหยื่อ อาขว่าอาคยาเร๊อ, อา เถ่จว๊า เด๊อ อียิปต์เก่กู. คุ๊ย ซิปล่อดุ เจ๊อ ลู หม่าแน๊เรอ อา ซิอิเช โต่. เมเตเฮ๊เรอ อา แม๊เถอะเฮ๊อ จอแปแหร่ เด๊อ อู แม๊เถอะแจ่ ลู โต่ เออเตเพร อาขว่าอาคยา, อา แด่ทูซิปล่อ แฮเง ลาโป่ เจ๊อ.

ꤜꤢꤨꤊꤢ꤬ 1:45

เน หยื่อเอ่ เร๊อ แบ่เจ่ อา เตหรี่เตแก เออ เก่ แฮ เล๊อแถ่บาแถ่ หม่าแหน่ เด๊อ เนเง ปา อาขว่าอาคยา, เน พย๊าหนิเฮ๊อ เตเด๊อะบุ๊ยเด๊อะเตอเรอ เฮ๊อ!”

ꤛꤥ꤭ꤟꤢ꤬ 4:48

เหย่ซู่ เฮ๊ อา เน๊อ, “ซี ดาแม๊เถอะ เป่ปา เตโค๊ตีกลี๊คยา เร๊อ อาคย๊าอายื๊อ เต๊เห่ โต่ เฮ๊เรอ, ซี หยื่อเอ่ เจ๊อ ตีกี๋ โต่.”

ꤛꤥ꤭ꤟꤢ꤬ 20:8

เด๊อคยา เร๊อ อา โคเจ่ เด๊อ อา แกล่แฮ โต่เหร่อ เด๊อ โลขุ เออเตเพร แฮโน เด๊อ อากู. อา แฮ แม๊เถอะ เร๊อ อา หยื่อเอ่ เร๊อ เหย่ซู่ เซอเพร กาคยา เฮ๊อ.

ꤟꤤꤙꤚꤢꤨ 11:39

เด๊อ เหย่ซี เตหยื่อ อาขว่าอาคยาเร๊อ, ล๋อ แกแย เออเต๊เห่เนอ, จอแปแหร่ แม๊โม เกอเร๊อ แหน่เจ๊อ เหย่ซี. หม่าแน๊เรอ ล๋อ จอแปแหร่ อ๊อแลแก เต๊เห่เนอ, เหย่ซี พย๊าหนิ เกออู โต่.

มัทธิว 13:16

หม่าแน๊เรอ ซี เออเต๊เห่เนอ, ซีเป๊เส่ แม๊เถอะ, ซีกู๊หลิโก่ หนิโฮ อาขว่าอาคยา, ซี เก่ พย๊าหนิ เตเด๊อะบุ๊ยเด๊อะเตอเรอ.

ꤛꤥ꤭ꤟꤢ꤬ 20:28

“แว แบ่เจ่, แว จอแปแหร่,” คูโธมัส เฮ๊ฉื่อ ลู ฮู๊เนอ.