ꤛꤥ꤭ꤟꤢ꤬ 20:25 - ลีเทส่อพ๊าอาเซ เร๊อ เห่ขุทวาลู๊

²⁵ อา โคเจ่ เออเต๊เห่ เฮ๊ คูโธมัส เน๊อ, “เป แม๊เถอะเฮ๊อ แบ่เจ่ เฮ๊อ,” อา เฮ๊ เป่ ลู ฮู๊เนอ. หม่าแน๊เรอ อา เฮ๊ฉื่อ เหย่ซี เน๊อ, “แว เก่ แม๊เถอะ ลีป๊าหน่า อาเหล่โกล โจยโอ่แก เด๊อ อา กู๊ยากู โต่, โทเรอ แว เก่ ก๊ออูเบ่หนิ ลีป๊าหน่า โจยเหล่โกล เร๊อ แว กู๊นอ โต่, แว เก่ พือเบ่หนิ อารอเกล อาโจย เร๊อ แว กู๊ขุ โต่ เฮ๊เนอ, แว หยื่อเอ่โต่.”

Eastern Kayah Shadaw Dialect

²⁵ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤢꤩ ꤋꤢꤨ꤭ꤞꤥꤗꤢ ꤔꤢꤧ, “ꤕꤢꤩ꤬ ꤗꤢꤧꤓ꤫ꤣꤧ꤬ꤟꤣꤧ ꤙꤢꤧ꤬ꤡꤢꤩ꤬ ꤟꤣꤧ,” ꤢ꤬ ꤟꤢꤩ ꤕ꤫ꤢꤩ꤬ ꤜꤢꤨ꤭ ꤟꤢꤨꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤢ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤊꤢꤩ꤬ ꤗꤢꤧꤓ꤫ꤣꤧ꤬ ꤜꤤ꤬ꤕꤣꤧ꤬ꤔꤢ꤬ ꤢ꤬ꤜ꤫ꤢꤩ꤬ꤊꤜꤥ꤭ ꤡꤝꤢꤩ꤭ꤥ꤬ꤊꤢꤧ꤭ ꤘꤣ ꤢ꤬ ꤊꤢꤨꤛꤢ꤭ꤊꤢꤨ꤭ ꤒꤥ꤬, ꤓꤥ꤭ꤚꤣꤧ꤬ ꤠꤢꤧ꤭ ꤊꤢꤩ꤬ ꤊꤣꤧ꤬ꤢꤨ꤭ꤙꤢꤩ꤬ꤔ꤫ꤤ꤬ ꤜꤤ꤬ꤕꤣꤧ꤬ꤔꤢ꤬ ꤡꤝꤢꤩ꤭ꤜ꤫ꤢꤩ꤬ꤊꤜꤥ꤭ ꤔꤢꤧ ꤠꤢꤧ꤭ ꤊꤢꤨꤔꤢꤪ꤭ ꤒꤥ꤬, ꤠꤢꤧ꤭ ꤊꤢꤩ꤬ ꤖꤢꤦ꤭ꤙꤢꤩ꤬ꤔ꤫ꤤ꤬ ꤢ꤬ꤚꤢꤪ꤭ꤊꤜꤢꤩ꤭ ꤢ꤬ꤡꤝꤢꤩ꤭ ꤔꤢꤧ ꤠꤢꤧ꤭ ꤊꤢꤨꤋꤢꤨ꤬ ꤒꤥ꤬ ꤟꤢꤩꤔꤣꤧ꤬, ꤠꤢꤧ꤭ ꤛ꤫ꤢꤦ꤬ꤢꤩ꤬ꤒꤥ꤬꤯”

ꤛꤥ꤭ꤟꤢ꤬ 20:25 ပူးပေါင်းရင်းမြစ်များ

ꤛꤥ꤭ꤟꤢ꤬ 6:30

ฮู๊เนอเร๊อ เหย่ซี แด๊เฮอ ลู เน๊อ, “แซ่ฮู๊ เป เก่ แม๊เถอะ เตโค๊ตีกลี๊คยา เร๊อ เป เก่ หยื่อเอ่ อาเงเนอ, เน เก่ เด๊อะโล เป่ เป เตโค๊ตีกลี๊ อิเตเต ปา? เน เก่ เม เป่ เป หม่าอิเตปา เออ?

ꤗꤢ꤬ꤊꤢꤨ 16:11

เหย่ซี หนิโฮ เหมาะมารีย์ แด๊โฉ่ เป เหย่ซี เน๊อ, “เหย่ซู่ เซอเพร แพ๊, แว แม๊เถอะ เจ๊อ อา เร๊อ แวเหน่ เจ๊อ,” อา เฮ๊ เป เหย่ซี ฮู๊เนอ หม่าแน๊เรอ เหย่ซี หยื่อเอ่โต่.

ꤟꤤꤙꤚꤢꤨ 3:18

เบ๊อะจอแปแหร่ เฮ๊ตาแก เหย่ซี เน๊อ, เทอเก่ เด๊อ แว เด๊อะ เหย่ซี เร๊อ อา เหล่โอ่โก๊ เตเบ๊ซิพร๊า อาเง เนอโต๊โผะ หม่า อา โน หนิน๊อ ปาโต่ อา เฮ๊ ลู เนอเต๊เห่ หม่า อูเป? อา เฮ๊ตาแก โหง่เออ เนอหม่า, อา เฮ๊เฮ๊อ แกแย เด๊อ อา หนิดา ลูโหง่ โต่ เนอเต๊เห่ เฮ๊อ.

ꤟꤤꤙꤚꤢꤨ 3:12

แว โป่แหว่ ซี๋, รอ เกอ เร๊อ ดื่อ แลแค ซีเหน่ นี๋. แด่ มู๊แหม่รีแจ่ แลแค แต่ ซี ซิปล่อ แต่เหม่, ซี แด่ ซี ซิปล่อ เน๊อ ซี หยื่อเอ่ เกออู จอแปแหร่ เด๊อ อา เซอเพร เออเตเพร โต่, ซี จว๊า ตาพาแก ดื่อ ซีเง ฮู๊เนอ เต๊เห่เนอ เม แต่ แลแค แต่ เตเพร่ว แต่เหม่ นี๋.

ꤛꤥ꤭ꤟꤢ꤬ 21:7

เออโตโพ๊เรอ เหย่ซู่ อา โคเจ่ เด๊อ อา โม หนิเกอเร๊อ เออเตเพร เฮ๊ คูเปโตร เน๊อ, “อา หม่า แบ่เจ่ เน๋อ,” อา เฮ๊ เป่ ลู ฮู๊เนอ. เบ๊อะคูซีโมน เปโตร หนิโฮ ลู เฮ๊ เน๊อ, “อา หม่า แบ่เจ่ เนอ,” ฮู๊เนออาเค, โตโพ๊โต อา แซ๊แถ่ คยาแซ๊ อาจา เด๊อ อา โปล๊แก ลู เนอตือปือ โทเรอ อา อี๊ฉ่าตา เด๊อ เทอกู.

ꤛꤥ꤭ꤟꤢ꤬ 1:41

อา จว๊า แม๊ปู เหร่อเล๊อ อาแหม่ คูซีโมน เร๊อ อา แด๊โฉ่ เป่ ลู เน๊อ, “เป แม๊เถอะเฮ๊อ เมสิยาห์ เฮ๊อ” (เมสิยาห์ อาโหง่แลช๊า หม่า ครี๊)

ꤜꤢꤨꤊꤢ꤬ 24:25

ฮู๊เนอ โทเรอ เหย่ซู่ เฮ๊ เหย่ซี เน๊อ, “แกแย โอ่เล๊อโอ่กลอ ซี๋, เพรโพร เต๊เห่ เฮ๊หนื่ออื่อแก โหง่ เต๊เห่เนอ, ซี หยื่อเอ่ แหย่ แหน่เจ๊อ ว๋า!

มัทธิว 27:42

“อา เมแลเปล๊ แจ่ อู ซิปล่อเซอเพร ตื๊อดื่อเรอ อา เมแลเปล๊ แจ่ หนิเกอเร๊อ อาหน่าโต่ ว๊า. อา หม่า อิสราเอล อาคุ๊ย แวเฮ๊โต่ นอเก๊ตา มอ อา เด๊อ อี๊ถื่อดีเต่ลูเนอ แต๋, เร๊อ เป หยื่อเอ่ เกอดื่อ กอกอ.

ꤗꤢ꤬ꤊꤢꤨ 16:13

อา โคเจ่ เออซิเนอ กาคยา แด๊โฉ่ เป อา โคเจ่ เด๊อ อาโรเต๊เห่ หม่าแน๊เรอ เหย่ซี หยื่อเอ่ แลแค โคเจ่ เออซิเนอ อาโหง่ โต่.

ꤗꤢ꤬ꤊꤢꤨ 16:14

เด๊อ คยาโป่ โตโพ๊ เรอ เบ๊อะอา โคเจ่ เช๊อเตเพร เอ่ดี เบ๊อะเนอ, อา เด๊อะโล เป คยาแซ๊ เหย่ซี เร๊อ อาเหน่. แกแย เด๊อ อา แม๊เถอะ เหย่ซู่ เซอก๊อถ่อ เซอ เพร กาคยา เออเต๊เห่ แด๊โฉ่ เป่ เหย่ซี หม่าแน๊เรอ เหย่ซี หยื่อเอ่ แลแค อูโหง่ โต่ อาขว่าอาคยา, เหย่ซู่ ซิพรวา เหย่ซี.

ꤛꤥ꤭ꤟꤢ꤬ 20:27

เออโตโพ๊เรอ อา เฮ๊ คูโธมัส เน๊อ, “แฮแม๊มอ แว กู๊ขุกูเออ, แฮ เร๊อ ก๊ออูแม๊ดื่อ เร๊อ เน กู๊นอ. เนอ. บ๊อแฮ เน กู๊ขุเนอ เร๊อ พือแม๊ดื่อ แว รอเกล อาโจยเออ. ซิปล่อ หร่าเหร่ แต่เหม่. ตูรู๊ หยื่อเอ่เนอ.” อา เฮ๊ ลู ฮู๊เนอ.