ꤛꤥ꤭ꤟꤢ꤬ 20:23 - ลีเทส่อพ๊าอาเซ เร๊อ เห่ขุทวาลู๊

²³ ซี เก่ ปลวาแก อูเตซื๊อ เต๊เห่ เฮ๊เรอ อูเตซื๊อ เก่ ปลวาแก ปา. ซี เก่ ปลวาแก อูเตซื๊อ โต่ เฮ๊เรอ, อูเตซื๊อ เก่ ปลวาแก โต่.”

Eastern Kayah Shadaw Dialect

²³ ꤞꤤ꤭ ꤊꤢꤩ꤬ ꤕꤜꤝꤢ꤭ꤊꤢꤧ꤭ ꤢꤨ꤭ꤒꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤟꤢꤩꤚꤣꤧ꤬ ꤢꤨ꤭ꤒꤢꤩ꤬ꤞꤢꤦ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤕꤢ꤭꤯ ꤞꤤ꤭ ꤊꤢꤩ꤬ ꤕꤜꤝꤢ꤭ꤊꤢꤧ꤭ ꤢꤨ꤭ꤒꤢꤩ꤬ꤞꤢꤦ ꤒꤥ꤬ ꤟꤢꤩꤚꤣꤧ꤬, ꤢꤨ꤭ꤒꤢꤩ꤬ꤞꤢꤦ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤒꤥ꤬꤯”

ꤛꤥ꤭ꤟꤢ꤬ 20:23 ပူးပေါင်းရင်းမြစ်များ

มัทธิว 18:18

“แว เฮ๊จ๊อจ๊อ ซี, เด๊อ เห่ขุเออ ซี ปื่อหม่า อิเตเต๋ เบ่เบ่, เด๊อ ม๊อขุ เนอ, จอแปแหร่ เก่ ปื่อหม่า เกอดื่อ ฮู๊เนอ ปา. เด๊อ เห่ขุ เออเนอ, ซี ฉิย๊า ปลวาแก อิเตเต๋ เบ่เบ่, จอแปแหร่ เก่ ฉิย๊า ปลวาแก เกอดื่อ เด๊อ ม๊อขุ ฮู๊เนอ ปา.

มัทธิว 16:19

แว เก่ เด๊อะ เน ม๊อขุ เทอเลเก่กู ชอถี่ ปา. ล๋อ เน จอกลอหม่า อู เด๊อ เห่ขุ เออเนอ, จอแปแหร่ เก่ จอกลอหม่า เกอดื่อ อู เด๊อ ม๊อขุ ปา. ล๋อ เน ฉิย๊า ปลวาแก เด๊อ เห่ขุ เออเต๊เห่เนอ, จอแปแหร่ เก่ ฉิย๊า ปลวาแก เกอดื่อ ฮู๊เนอ เด๊อ ม๊อขุ ปา.”

ทิโมธี อาเหร่อเล๊อ ต๊าบ่า 1:20

แกแย เด๊อ อา เตหยื่อเตแหน่ ปย๊าแก ฮู๊เนอเต๊เห่ หม่า หม่าเฮ๊อ คูฮู๊เหม่แน๊ เร๊อ คูอเล็กซานเดอร์ เฮ๊อ. แซ่ฮู๊ อา เก่ ทวา เตอิซว๊า เด๊อ เหย่ซีเง เร๊อ อา เก่ โอ่โก๊แก อา เตเฮ๊เบ่ซื๊อ จอแปแหร่ เนอเต๊เห่ อาเงเนอ, แว เด๊อะตาแก เฮ๊อ เหย่ซี เด๊อ โลเน๊มู๊แหม่รีแจ่ กู่กล๊อ อา กู๊ยากู เฮ๊อ.

เพรโด่แนพู๊ เต๊เห่ 10:43

เพรโพร ปว๋า เตเพร แด๊โฉ่โด่แน หนื่ออื่อ โทเฮ๊อ อา อาหรี่อาแก เร๊อ เหย่ซี เฮ๊ เน๊อ, ‘ล๋อ แกแย เด๊อ อา หยื่อเอ่แลแค ลู เต๊เห่เนอ จอแปแหร่ เก่ ปลวาแก แฮเง เหย่ซี เตซื๊อ เร๊อ เหย่ซู่ อาคยา ปา,’” คูเปโตร เฮ๊ เป่ เหย่ซี ฮู๊เนอ.

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

โครินธ์ อาเหร่อเล๊อ ต๊าบ่า 5:4

เบ๊อะซี โอ่กู๊ แม๊เถอะ ตาฉื่อ โหร่ลอ ลู เบ๊อะเนอปาเนอ, แว ซิหยื่อ นอเม ลอ ซี ปว๋า เต๊อเจ่อ เด๊อ อาแซ่เน๊อ แว โอ่เต่อเกอ เฮ๊อ เร๊อ ซี ฮู๊เนอ.

เอเฟซัส 2:20

ซี หม่า อาแซ่เน๊อ หี่ เด๊อ อู แบ๊ อา อี๊ถื่อแก่ช๊า เร๊อ หล่อ เออเตเม เนอเฮ๊อ. เพรโด่แน เร๊อ เพรโพร เต๊เห่ เนอหม่า อาแซ่เน๊อ อู แบ๊ หี่ถื่อ อา อี๊ถื่อแก่ช๊า เออเต๊เห่เนอ เฮ๊อ. เร๊อ แบ่เจ่ เหย่ซู่ครี๊ อาแหน่แบ่เจ่ เร๊อดื่อ เออเนอหมา อาแซ่เน๊อ หี่เออ เตเม เก่กลอเก่หม่า อาเงเนอ, อา หม่า อา ทวา เพร ตาทว๊าหม่า เป่ อู เต เด๊อ อา โหล่ดุเล๊อ อู เตเพร เฮ๊อ.

ꤛꤥ꤭ꤟꤢ꤬ 20:22

อา เฮ๊โท ฮู๊เนอเร๊อ อา โอ๊จว๊า เด๊อ เหย่ซีขุ เร๊อ อา เฮ๊ เหย่ซี เน๊อ, “พย๊าฉื่อ แลแค แหย่โยบูโพ๊แบ่เจ่ เออ.