ꤛꤥ꤭ꤟꤢ꤬ 20:17 - ลีเทส่อพ๊าอาเซ เร๊อ เห่ขุทวาลู๊17 เร๊อ แบ่เจ่ เหย่ซู่ เฮ๊ ลู เน๊อ, “ปื่อ แต่ แว เหม่, เมเตเฮ๊เรอ แว กา เด๊อ แวเพ โอ่ ล๋ายโต่. จว๊า เด๊อ แว โป่แหว่ เนอเต๊เห่ อา โอ่ เร๊อ จว๊าเฮ๊ เป่ เหย่ซี เน๊อ, ‘แว เก่ กากี๊แถ่ เด๊อ แวเพ หม่า อาหม่าหม่า, เหย่ซี อาเพ หม่า อาหม่าหม่า, แว จอแปแหร่ หม่า อาหม่าหม่า, เหย่ซี จอแปแหร่ หม่า อาหม่าหม่า เออเตเพร อา โอ่ปา,’” อา เฮ๊ ลู ฮู๊เนอ. အခန်းကိုကြည့်ပါ။Eastern Kayah Shadaw Dialect17 ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤜꤢꤨ꤭ ꤔꤢꤧ, “ꤕ꤫ꤢꤦ꤬ ꤒ꤫ꤢꤧ꤬ ꤠꤢꤧ꤭ ꤗꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤊꤢ꤬ ꤘꤣ ꤠꤢꤧ꤭ꤖꤢꤩ꤭ ꤥ꤬ ꤜꤢ꤭ꤟꤤꤒꤥ꤬꤯ ꤡꤝꤢ ꤘꤣ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤚꤣꤧ꤬ ꤡꤝꤢꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ, ‘ꤠꤢꤧ꤭ ꤊ꤫ꤢꤦ꤬ ꤊꤢ꤬ꤊꤣꤧ꤬ꤓꤢꤧ꤬ ꤘꤣ ꤠꤢꤧ꤭ꤖꤢꤩ꤭ ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬, ꤛꤢꤩ꤬ꤞꤤ꤭ ꤢ꤬ꤖꤢꤩ꤭ ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬, ꤠꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬, ꤛꤢꤩ꤬ꤞꤤ꤭ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤥ꤬ꤕꤢ꤭’” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯ အခန်းကိုကြည့်ပါ။ |
แว โอ่ ตื๊อดื่อ ปา เด๊อ เห่ขุเออ โต่, หม่าแน๊เรอ เหย่ซี เออเต๊เห่ เก่ โอ่ ตื๊อดื่อปา เด๊อ เห่ขุเออ ปา. แวเร๊อ, แว เก่ กาคยา คยาแซ๊ เด๊อ เนโอ่ ปา. เก๋อ เพ บูโพ๊! แซ่ฮู๊ เหย่ซี เก่ โอ่ลู เร๊อ ซิปล่อ เตเมเม๋ แพ๊ ฮู๊ แว เร๊อ เน โอ่ลู เร๊อ ซิปล่อ เตเมเม๋ แพ๊ อากูเนอ, ตอกอเตเก บี๊หนิดื่อ เหย่ซี เร๊อ เนมุย เด๊อ อาโพรอาฉว่าอาชอ, เนมุย เด๊อ เน เด๊อะ แว เออเนอ นี๋.
แว โคแบ๊ซว๊าโม ซี๋, กู๊แหน่เออ เป ทวา เฮ๊อ จอแปแหร่ อาพู๊ เต๊เห่ เฮ๊อ หม่าแน๊เรอ เป เก่ ทวาแถ่ แกแย ฮู๊เต ปา เต๊อเจ่อเต เนอ, อู เด๊อซิเง โอ่หนื่ออื่อแต่ล๋ายเป เตอเจ๋อ โต่. หม่าแน๊เรอ, เตเออเนอ เป ซิเง โทเฮ๊อ เนอ, ช๋า แบ่เจ่ เหย่ซู่ครี๊ แฮเด๊อะโอ่โลแถ่ เบ๊อะเนอ ปาเนอ, เป เก่ แซ่เน๊อ อา ปา, เมเตเฮ๊เรอ เป เก่ แม๊เถอะ หม่า เจ๊อ อา ฮู๊ อา หม่าแหน่ เนอ ปา.
แว หนิโฮ โหง่พราฉว่า ตือมือ เด๊อ จ๊อแผ่ กู่แกล๊เท แถ่โล อาโอ่เนอ, เร๊อ อา เฮ๊ เน๊อ, “กู๊แหน่เออ แบ่เจ่ จอแปแหร่ แฮโอ่เต่อเกอ เฮ๊อ เร๊อ แกแยเห่ขุพู๊ เฮ๊อ. อา เก่ โอ่เต่อเกอ เร๊อ เหย่ซี เร๊อ เหย่ซี เก่ ทวาแถ่ จอแปแหร่ อาแกแย ปา. แบ่เจ่ จอแปแหร่ อาเหน่แบ่เจ่ เร๊อดื่อ เก่ โอ่เต่อเกอ เร๊อ เหย่ซี เร๊อ อา เก่ ทวา เป่ เหย่ซี แบ่เจ่ ปา.
เมเตเฮ๊เรอ, แกแย เด๊อ อา เตเร หยื่อเอ่ จอแปแหร่ เต๊เห่เนอ, อา ซิเง หนื่ออื่อ เร๊อดื่อเฮ๊อ. โท๊โต่ อา แด่แลหนื่ออื่อ โทดื่อเฮ๊อ อาซิปล่อ มู๋ หนู่เค เร๊อ อา เก่ นอทวาแถ่ แซ่เกอ เหย่ซี เร๊อ อาพู๊คู เออเนอ ปา. ฮู๊เนอเรอ อาพู๊คูเออ ทวาแถ่เฮ๊อ พู๊แหว่เพร่ว เตเพร เด๊อ อาโป่แหว่ โอ่โหร่โอ่เอ๊ เออเต๊เห่ อาเกล เฮ๊อ.
ฮู๊เนอเรอ, แบ่เจ่ เฮ๊ เน๊อ เตอ๊อแล อาเซ เด๊อ แว เก่ อ๊อแล เน๊อ อิสราเอลพู๊ ซี เต๊เห่เนอ, แว เก่ เฮ๊ เหย่ซี ฮู๊เออ ปา, แว เก่ ฉู่โน แว เตซว๊าเตแส่ เต๊เห่ เด๊อ เหย่ซี อาซิปล่อ เตเตเน อากู ปา. แว เก่ ราม๊าราแดโอ่ แว เตซว๊าเตแส่ เต๊เห่ เด๊อ เหย่ซี ซิปล่อกู ปา. แว เก่ ทวา เหย่ซี อาจอแปแหร่ ปา เร๊อ เหย่ซี เก่ ทวา แวแกแย ปา.
หม่าแน๊เรอ เหย่ซี แม๊ชือ ซิหนิโส่ แหน่เจ๊อ ม๊อขุ เทอเก่ เด๊อ อา โมเล๊อ เออเนอ ต๊าบ่า. ฮู๊เนอเรอ เหย่ซี เอ๊ จอแปแหร่ เร๊อ เหย่ซี จอแปแหร่ เนอ, จอแปแหร่ ซิเตเรโต่. เด๊อ จอแปแหร่ ตี๊หรี่แตแร หนื่ออื่อ เป่เฮ๊อ เหย่ซี วีเออ อาขว่าอาคยา, อา เด๊อะโล เฮ๊อ เน๊อ เหย่ซี เต๊เห่ เก่ เอ๊ จอแปแหร่ เน๊อ เหย่ซี จอแปแหร่ เนอ อา ซิเตเร แลแค โต่.