ꤛꤥ꤭ꤟꤢ꤬ 2:5 - ลีเทส่อพ๊าอาเซ เร๊อ เห่ขุทวาลู๊

⁵ เหย่ซู่ อาโหมะ แด๊โฉ่ หลู่เล๊ เต๊เห่ เน๊อ, “เก่ อา นอ ซี เต๊อเจ่อเจ่อ เฮ๊เรอ เม เป่ อา นี๋.”

Eastern Kayah Shadaw Dialect

⁵ ꤛꤢꤩ꤬ꤏꤛꤢꤨ ꤢ꤬ꤗ꤫ꤥ꤬ ꤟꤢꤩꤏꤥ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ, “ꤊꤢꤩ꤬ ꤢ꤬ ꤔꤢꤪ꤭ ꤞꤤ꤭ ꤒꤣ꤬ꤡꤣ꤬ꤡꤣ꤬ ꤟꤢꤩꤚꤣꤧ꤬ ꤗꤢꤩ꤬ ꤕ꤫ꤢꤩ꤬ ꤢ꤬ ꤔꤤ꤮꤯”

ꤛꤥ꤭ꤟꤢ꤬ 2:5 ပူးပေါင်းရင်းမြစ်များ

เห่ขุทวาลู่ 6:22

โทเร๊อ เพโนอาห์ ครวา เมเกอ ฮู๊ จอแปแหร่ดุ เฮ๊แก ลู เนอ ปว๋า เต๊อเจ่อ.

ꤛꤥ꤭ꤟꤢ꤬ 15:14

ซี เก่ เม ฮู๊ แว เฮ๊แก ซี โหง่ เออ เฮ๊เนอหม่า, ซี ทวาเฮ๊อ แว โคแบ๊ซว๊า เฮ๊อ.

ꤟꤤꤙꤚꤢꤨ 11:8

เบ๊อะจอแปแหร่ เอ๊ เพอับราฮัม เร๊อ อา นอเถ่จว๊า ลู เด๊อ เก่เต๊เก่ เด๊อ อา เก่ เด๊อะ เร๊อ ลู ปา เบ๊อะเนอ, อา โต เถ่จว๊า โต เบ๊อะโต๊โผ่เนอ อา ซิเง โต่ หม่าแน๊เรอ เด๊อ อาเตหยื่อ อาขว่าอาคยา, อา หนิดา เร๊อ อา เถ่จว๊า.

ꤟꤤꤙꤚꤢꤨ 5:9

เบ๊อะครี๊ หนิดา โทลอเฮ๊อ จอแปแหร่ อาโหง่ ปว๋า เต๊อเจ่อ เบ๊อะเนอ, อา ทวาแถ่ เป่เฮ๊อ ล๊อ แกแย เด๊อ อา หนิดา ลูโหง่ เนอเต๊เห่ อา เมแลเปล๊กา อาตูจูเพรเง อา แก่ช๊าแก่แร เฮ๊อ.

เพรโด่แนพู๊ เต๊เห่ 9:6

หม่าแน๊เรอ ก๊อถ่อมอ เร๊อ จว๊าโน เด๊อ วีกู เนอ. เน โต เมแคร๋ ฮู๊เตเนอ, อู เก่ เฮ๊โฉ่ดื่อ เน ปา.”

เห่ขุทวาลู่ 41:55

เบ๊อะ อียิปต์เมวเจ่อพู๊ ลอ ปลี เป๊อแถ่ ซิเต่อเบ่ เฮ๊อ เก่วีเก่กอดุ เบ๊อะเนอ, เหย่ซี แฮกุยแถ่ แลแค เฉ่เอ่เฉ่โอ เด๊อ คุ๊ย อาโอ่ เร๊อ คุ๊ย เฮ๊ฉื่อ เหย่ซี เน๊อ, “จว๊า แลแค เด๊อ เพโยเซฟ โอ่ เนอ, เร๊อ เม แลแค ฮู๊ อา เฮ๊โฉ่ ซี เนอ.”

มัทธิว 12:46

เบ๊อะแบ่เจ่ เหย่ซู่ เฮ๊เบ่เฮ๊ชอ เร๊อ แกแย เบ๊หมู่ เบ๊อะเนอ, อาโหมะ เร๊อ อา โป่เพรคู เต๊เห่ แฮ ก๊อถ่อ โอ่ป่อ โอ่ ลู เด๊อ อากลอ เร๊อ อา ซิหยื่อ แม๊เถอะ เฮ๊เบ่ ลู.