ꤛꤥ꤭ꤟꤢ꤬ 2:2 - ลีเทส่อพ๊าอาเซ เร๊อ เห่ขุทวาลู๊

² ป่วยกาฉู่แด่ เออเนอ, อู หม่าแฮ เต่อเกอ เหย่ซู่ เร๊อ อา โคเจ่ เต๊เห่.

Eastern Kayah Shadaw Dialect

² ꤕꤝꤢꤩ꤬ꤊꤢ꤬ꤏꤥ꤭ꤘꤢꤧ꤬ ꤣꤧ꤭ꤔꤣꤧ꤬, ꤢꤨ꤭ ꤗ꤫ꤢ꤬ꤟꤢꤧ꤭ ꤒ꤫ꤥ꤬ꤊꤣꤧ꤭ ꤛꤢꤩ꤬ꤏꤛꤢꤨ ꤔꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬꤯

ꤛꤥ꤭ꤟꤢ꤬ 2:2 ပူးပေါင်းရင်းမြစ်များ

โคโลสี 3:17

ซี เฮ๊เบ่ เบ่เบ่, ซี เมเต อิเตเต๋ เบ่เบ่, แม๊ แบ่เจ่ เหย่ซู่ครี๊ อาเป๊เส่ เร๊อ เม แลแค นี๋. เด๊อ แบ่เจ่ เหย่ซู่ครี๊ อาขว่าอาคยา, เร๊อ เฮ๊บุ๊ยเฮ๊เตอเรอ ถู่เซ๊แถ่ แลแค จอแปแหร่ นี๋.

โครินธ์ อาเหร่อเล๊อ ต๊าบ่า 7:39

เพรเหมาะ เตเพรเนอ, อาเว เก่ เซอล๋ายโต่ เฮ๊เรอ อา เก่ พย๊า เต๊เปล่ อาเว เฮ๊เนอหม่า อาหนิ โต่. หม่าแน๊เรอ อาเว เก่ เซอ โทเฮ๊อ เก่เฮ๊เรอ อา เก่ ซิหยื่อ พย๊า เต๊เปล่ เพรคู เด๊อ อาโรเตเพร เฮ๊เนอหม่า อาหนิ เฮ๊อ. หม่าแน๊เรอ อา โตเบ่ พย๊า แพ๊ เพรคู เด๊อ อา หยื่อเอ่ แบ่เจ่ เหย่ซู่ครี๊ เนอ แพ๊.

ꤟꤤꤙꤚꤢꤨ 13:4

ล๋อ แกแย เด๊อ อา โอ่ เฮ๊อ เร๊อหี่เร๊อเพร๊ เต๊เห่ อาเงเกอลาติ เนอ, เด๊อ อา โอ่ เฮ๊อ เน๊อ อาพู๊อาเม เออ อาขว่าอาคยา, อา เบ่ แด่ดุหยื่อแหน่ เกอเร๊อ แลแค อา โอ่ เฮ๊อ เน๊อ หี่เร๊อเพร๊ เออเนอ. เม เร๊อ เว เนอ เบ่ กะหนิ ลูขุ โต่, แด่จ๊อ เร๊อ ลู เตเพร เร๊อ เตเพร. แกแย เด๊อ อาซิปล่อ ปาต๊า มู๊แหม่ เนอเต๊เห่ เน๊อ แกแย เด๊อ อา จว๊าซื๊อ อูพู๊อูเม เต๊เห่เนอ, จอแปแหร่ เก่ เมจากาคยา เหย่ซี ปา.

โครินธ์ อาเหร่อเล๊อ ต๊าบ่า 10:31

ฮู๊เนอเรอ, แว เก่ เฮ๊ฉื่อโปล เป่ เหย่ซี เนอ, ซี เม อิเตเต๋ เบ่เบ่, ซีเอ่ซีโอ อิเตเต๋ เบ่เบ่, เม เด๊อ อู เก่ ถู่เซ๊แถ่ แลแค จอแปแหร่ อาเง เนอ.

มัทธิว 25:45

“เร๊อ อา เก่ เฮ๊ฉื่อ เหย่ซี เน๊อ, ‘แว เฮ๊แหน่ เจ๊อ ซี, เด๊อ แว โป่แหว่ เต๊เห่ อาเกล เนอ, ซี เก่ เมจว่าน๊อ อู แกแย เด๊อ อู เตเน ปีติ้ว เล๊อ ลู เตเพร่ว โต่ เนอหม่า แซ่เฮ๊อ ซี เมจว่า น๊อ แว โต่ เฮ๊อ.’

มัทธิว 25:40

“คุ๊ย เออเตเพร เก่ เฮ๊ฉื่อ เหย่ซี เน๊อ, ‘แว เฮ๊แหน่ เจ๊อ ซี, เด๊อ แว โป่แหว่ เต๊เห่ อาเกล, ซี เมจว่าน๊อ แกแย เด๊อ อู เตเน ปีติ้วเล๊อ ลู เตเพร เนอหม่า หม่าเฮ๊อ ซี เมจว่า แว เฮ๊อ.’

มัทธิว 12:19

อากย๊าอางา เกออู โต่. อา เอ๊โทเอ๊โม เกออู โต่. อา จว๊าเอ๊โทเอ๊โม เด๊อ แกล๊ดุ เนอเต๊เห่ อากูเนอ, อู หนิโฮน๊อ โต่.

เตเด๊อะโลแถ่ 3:20

หนิดา แลแค๋ แว ก๊อถ่อ โอ่เบ๊อะกู่ดา เบ๊เง เร๊อ แว ด่อ กู่ดา เออ. แกแย เตเพรเพร เก่ หนิโฮ แว ด่อ กู่ดา เก่เฮ๊ เร๊อ บ๊าโมฉื่อ เนอ, แว เก่ แฮโน เอ่เต่อโอเต่อ เกอเร๊อ อา, เร๊อ อา เก่ เอ่เต่อโอเต่อ เกอเร๊อ แว ปา.

ꤛꤥ꤭ꤟꤢ꤬ 2:3

เบ๊อะแท๊ทือเส่เทอแย เด๊อ ซิเผระ เต๊เห่ อาเง ลอแกเฮ๊อ เบ๊อะเนอ, เหย่ซู่ อาโหมะ แด๊โฉ่โล เหย่ซู่ เน๊อ, “เหย่ซี อา แท๊ทือเส่เทอแย ลอเฮ๊อ.”

ꤛꤥ꤭ꤟꤢ꤬ 2:12

โทเฮ๊อ เนอ อา เร๊อ อาโหมะ เร๊อ อาโป่ เต๊เห่ เร๊อ อา โคเจ่ เต๊เห่ แกแล แลแค เด๊อ วีคาเปอรนาอูม อากู, เร๊อ เหย่ซี จว๊า โอ่ แลแค เบ๊อะเนอ เนอโซเนอ.

ꤛꤥ꤭ꤟꤢ꤬ 2:17

อา โคเจ่ เต๊เห่ เตเนแถ่ โต่ ลีเทส่อพ๊า เฮ๊ เน๊อ, “แว ซิปล่อฉว่า โมเร๊อ แหน่เจ๊อ เนหี่. แว เตซิปล่อฉว่า โมเร๊อ เออเนอหมา อา เก่ อือ ลอแก เจ๊อ แว แซ่เน๊อ หมิเนอ เจ๊อ ปา.”

ꤛꤥ꤭ꤟꤢ꤬ 2:22

ฮู๊เนอ อาขว่าอาคยา, เบ๊อะเหย่ซู่ เซอเพร กาคยา คยาแซ๊ เด๊อ เตเซอ เบ๊อะเนอ, อา โคเจ่ เต๊เห่ เตเนแถ่ โต่เบ่ คยาแซ๊ เด๊อ อา เฮ๊เบ่แก อาโหง่ เออเนอ เร๊อ เหย่ซี หยื่อเอ่ ลีเทส่อพ๊า เร๊อ อา เฮ๊หนื่ออื่อแก อาโหง่ เนอเต๊เห่.

ꤛꤥ꤭ꤟꤢ꤬ 3:22

อา เฮ๊โท ลู เนอ, เหย่ซู่ เร๊อ อา โคเจ่ เต๊เห่ เถ่จว๊า เด๊อ ยูดาห์เก่. เร๊อ อา จว๊าโอ่ งยาหร่าเหร่ เกอ เร๊อ อา โคเจ่ เต๊เห่ เบ๊อะเนอ เร๊อ อา จว๊าเจ เป่ อู เทอ.

ꤛꤥ꤭ꤟꤢ꤬ 4:2

เก่ เฮ๊หม่าแหน่ หม่า, เหย่ซู่ เจ เป่ อู เทอ เตเพร่ว โต่, อา โคเจ่ เต๊เห่ เจ โชชื่อ เป่ อู แพ๊.

ꤛꤥ꤭ꤟꤢ꤬ 4:8

(เบ๊อะเนอเค หม่า อา โคเจ่ เถ่จว๊า พรีเอ่ เหล่เอ่ เด๊อวีกู.)

ꤛꤥ꤭ꤟꤢ꤬ 4:33

ฮู๊เนอ อาขว่าอาคยา, อา โคเจ่ เต๊เห่ แด๊เฮอ เกอเร๊อ ลู เตเพร โท เตเพร เน๊อ, “หม่า อู แฮ เด๊อะเอ่ โท เฮ๊อ ลู เหล่เอ่ เตเพร เพร แอ?”

ꤛꤥ꤭ꤟꤢ꤬ 6:8

อา โคเจ่ เด๊อ อาโร เตเพร เด๊อ อามุย เร๊อ คูอันดรูว์, อา หม่าดื่อ คูซีโมน เปโตร อาโป่ เออเตเพร เฮ๊ แบ่เจ่ เน๊อ,

ꤛꤥ꤭ꤟꤢ꤬ 6:12

เบ๊อะเหย่ซี เอ่ก๊อโอบา ลอโทเฮ๊อ ปว๋า เตเพร เบ๊อะเนอ, แบ่เจ่ เหย่ซู่ เฮ๊ อา โคเจ่ เต๊เห่ เน๊อ, “พย๊าดว้าปล๊อ ลอคยา เหล่เอ่ โอ่เล๊อแก เนอเต๊เห่, นอโอ่แกเล๊อ เด แต่เหม่,” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 6:16

เบ๊อะเหมาะเฮ๊แล เฮ๊อ เบ๊อะเนอ, อา โคเจ่ เต๊เห่ ตากาแล จว๊า แลแค เด๊อ เทออ่อดุทือ.

ꤛꤥ꤭ꤟꤢ꤬ 6:60

เหย่ซี หนิโฮ แบ่เจ่ เหย่ซู่ เฮ๊ฮู๊เนอ เน๊อ, อา โคเจ่ โอ่โร๊ลู เฮ๊ แลแค เน๊อ, “อา เตอิซว๊า เออ อาแหย่ แหน่เจ๊อ. อูเป เตเพร เตเร หยื่อเอ่พย๊าฉื่อ เบ๊เกอ อา เตอิซว๊าเออ เป?”

ꤛꤥ꤭ꤟꤢ꤬ 6:66

เป๊อแถ่ เบ๊อะเนอ เร๊อ อา โคฮู๊เจ่ เต๊เห่ กาแก โร๊ลา เร๊อ ครวาเกอ ปา ลูคยา โต่.

ꤛꤥ꤭ꤟꤢ꤬ 6:67

เร๊อ อา แด๊เฮอ อา โคเจ่ เช๊อซิเนอ เออเต๊เห่ เน๊อ, “ซีเล, ซี ซิหยื่อ เถ่กาคยา เกอ แวเหล่ ฮู๊เนอ แวเฮ๊โต่?” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 6:70

โทเรอ แบ่เจ่ เหย่ซู่ เฮ๊ฉื่อ เหย่ซี เน๊อ, “แว นว๊าแถ่ โทเฮ๊อ ซี เช๊อซิเนอ, หม่าโต่ แอ? หม่าแน๊เรอ, เด๊อ ซีเกล เนอ, โลเน๊มู๊แหม่ กู่กล๊อ โอ่โตโด, อา เฮ๊ เหย่ซี ฮู๊เนอ.”

ꤛꤥ꤭ꤟꤢ꤬ 6:71

(อา เฮ๊ฮู๊เออหม่า อา ซิหยื่อ เฮ๊ เพซีโมน อิสคาริโอท อาพู๊ คูยูดาส. อา หม่า อา โอ่เต่อเกอ เด๊อ เช๊อซิเนอเออ อาเกล ตื๊อดื่อเรอ เด๊อคยาปาเนอ อา อิเชตาแก แบ่เจ่ เหย่ซู่.)

ꤛꤥ꤭ꤟꤢ꤬ 7:3

ฮู๊เนอเร๊อ แบ่เจ่ เหย่ซู่ อา โป่เพรคู เต๊เห่ เฮ๊ ลู เน๊อ, “แซ่ฮู๊ เน โคเจ่ เต๊เห่ เก่ แม๊เถอะเกอ เน เม เตโค๊ตีกลี๊คยา เต๊เห่ อาเงเนอเนอ, เน โตเบ่ เถ่จว๊า โค๊แก เร๊อ เบ๊อะเออ เร๊อ จว๊า เด๊อ ยูดาห์ เก่กู เนอ.

เพรโด่แนพู๊ เต๊เห่ 11:26

เบ๊อะอา แม๊เถอะ ลู เบ๊อะเนอ, อา เอ๊กาหนิ ลู เด๊อ วีอันทิโอก. เร๊อ เหย่ซี เออซิเนอ กาโอ่กู๊ แม๊เถอะ ตาฉื่อ เร๊อ เพรหยื่อเอ่ ตู๊หมู่ตอกล๊อ เบ๊อะเนอ เต๊เห่ ต๊าน๋า กู เจ๊อ. เร๊อ อา อิซว๊าอี๊แส่ ตา หนิเอ๊ เป่ลา แกแย โอ่เบ๊อะเนอ เต๊เห่. อู เอ๊ เหร่อเล๊อ เพรหยื่อเอ่ เต๊เห่ เร๊อ ครี๊พู๊ หม่า เบ๊อะวีอันทิโอก เออเนอ เฮ๊อ.

เพรโด่แนพู๊ เต๊เห่ 11:29

เพรหยื่อเอ่ ปว๋า เตเพร แด่แล แลแค อาซิปล่อ เร๊อ อา เก่ ซูจว๊า เป่ เกอ เตเมจว่า บ๋า เหย่ซี เด๊อะเบ๊ เนอ, เด๊อ เหย่ซี โป่แหว่ โอ่ เด๊อ ยูดาห์เก่กู เนอเต๊เห่.