ꤛꤥ꤭ꤟꤢ꤬ 2:16 - ลีเทส่อพ๊าอาเซ เร๊อ เห่ขุทวาลู๊

¹⁶ โทเรอ อา เฮ๊ แกแย อิเช ถู่หลุ่ย เนอเต๊เห่ เน๊อ, “จอเถ่ ตาพาแก ลอ เออเต๊เห่. นอทวาแถ่ แต่ แวเพ อาหี่ เออเนอ เร๊อ เกล๊กู แต่เหม่.”

Eastern Kayah Shadaw Dialect

¹⁶ ꤓꤥ꤭ꤚꤣꤧ꤬ ꤢ꤬ ꤟꤢꤩ ꤊꤣꤧ꤬ꤛꤢꤧ꤭ ꤤ꤬ꤏꤢꤩ꤭ ꤓꤢꤨ꤬ꤜꤝ꤫ꤤ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ, “ꤡꤢꤪ꤭ꤓꤢꤩ꤬ ꤒꤣꤧ꤬ꤖꤢ꤭ꤊꤢꤧ꤭ ꤜꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬꤯ ꤔꤢꤪ꤭ꤓꤝꤢ꤭ꤓꤢꤧ꤬ ꤒ꤫ꤢꤧ꤬ ꤠꤢꤧ꤭ꤖꤢꤩ꤭ ꤢ꤬ꤟꤤ꤬ ꤣꤧ꤭ꤔꤣꤧ꤬ ꤔꤢꤧ ꤊꤜꤢꤩ ꤒ꤫ꤢꤧ꤬ꤗꤢꤩ꤬”

ꤛꤥ꤭ꤟꤢ꤬ 2:16 ပူးပေါင်းရင်းမြစ်များ

มัทธิว 21:13

โทเรอ อา เฮ๊ เหย่ซี เน๊อ, “ลีเทส่อพ๊ากู ราม๊าแก อาเฮ๊, ‘แวหี่ หม่า อู เก่ เฮ๊ เร๊อ เตจ๊อเบ อาหี่,’ หม่าแน๊เรอ ซี จว๊า นอทวา ลอเฮ๊อ เตหลู่เตโฮกู เน๊อ, ‘เพรเอ่โห่เอ่ฮี๊ เหล่โอ่ว๊าโอ่ อาเหล่โอ่ เฮ๊อ.’”

ꤗꤢ꤬ꤊꤢꤨ 11:17

โทเรอ อา อิซว๊าอี๊แส่ เหย่ซี เน๊อ, “เด๊อ ลีเทส่อพ๊ากูเนอ, จอแปแหร่ เฮ๊ เนอ, ‘แวหี่ หม่า อู เก่ เฮ๊ เร๊อ เมวเจอะโหร่ ปว๋า เต๊อเจ่อ เหล่จ๊อบู่จ๊อเบ อาหี่.’ หม่าแน๊เรอ ซี จว๊านอ ทวาแถ่ ลอเฮ๊อ อา เร๊อ ‘เพรเอ่โห่เอ่ฮี๊ เหล่โอ่ว๊าโอ่ อาเหล่โอ่ เฮ๊อ.’”

ꤜꤢꤨꤊꤢ꤬ 2:49

เร๊อ เป๊เจ่ เหย่ซู่ เฮ๊ฉื่อ เน๊อ, “ซี จว๊า แม๊ปู แว เกเต๊ เนอ เมเต? ซี ซิเง แหน่ เร๊อ แว โอ่ เด๊อ แวเพ อาหี่กู โต่ แอ.”

เปโตร เนอบ่า ต๊าบ่า 2:3

ซ๊าร๊า กลว่าแลโฮ อาเหน่ เออเต๊เห่เนอ, เด๊อ อา เตแม๊ปู กู๊หว่ากู๊เว เอ่หนิเร๊อดื่อ อาเง เร๊อ อา แด๊ แลโฮแจ่ เป่ ซี เตโด่แน เด๊อ อู แด๊แจ่ เนอเต๊เห่ อาขว่าอาคยา, เร๊อ อา แม๊ปู เมเอ่เฉ่เด๊อะ ซีขุ ปา. เพร เด๊อ อา เก่ เมจากาคยา เหย่ซี เนอ อา โอ่ตี๊หรี่แตแร หนื่ออื่อ อาเหน่ อางยา ลาเฮ๊อ, โทเรอ เด๊อ อา เก่ เมปย๊าแก เหย่ซี อาเงเนอ อา โอ่มอ ตาปา น๊อโต่.

ꤛꤥ꤭ꤟꤢ꤬ 5:17

เหย่ซู่ เฮ๊ฉื่อ เหย่ซี เน๊อ, “แวเพ เม แรเต ปว๋า โพ๊, อา โอ่โก๊ โตโพ๋ โต่ เร๊อ แว โตเบ่ เมเกอ ฮู๊เนอ.”

ทิโมธี อาเหร่อเล๊อ ต๊าบ่า 6:5

โท๊โต่, อา นอโอ่แถ่ เตเคร๊แขะ อู ปว๋า โตโพ๊. แกแย เด๊อ อา เคร๊แขะ อู เออเต๊เห่ อา เหล่เตเน เนอหม่า อา มู๊แหม่รีแจ่ เร๊อ เตหมะเตจ๊อ โอ่ปา เจ๊อ เด๊อ เหย่ซีกู โต่. เตจ๊อบู่จ๊อเบ เนอหม่า เกล๊ เด๊อ อู เก่ ดุแหย่แถ่เซ อาเง โตโบ เหย่ซี เตเน แลแค ฮู๊เนอ แพ๊.

ꤛꤥ꤭ꤟꤢ꤬ 20:17

เร๊อ แบ่เจ่ เหย่ซู่ เฮ๊ ลู เน๊อ, “ปื่อ แต่ แว เหม่, เมเตเฮ๊เรอ แว กา เด๊อ แวเพ โอ่ ล๋ายโต่. จว๊า เด๊อ แว โป่แหว่ เนอเต๊เห่ อา โอ่ เร๊อ จว๊าเฮ๊ เป่ เหย่ซี เน๊อ, ‘แว เก่ กากี๊แถ่ เด๊อ แวเพ หม่า อาหม่าหม่า, เหย่ซี อาเพ หม่า อาหม่าหม่า, แว จอแปแหร่ หม่า อาหม่าหม่า, เหย่ซี จอแปแหร่ หม่า อาหม่าหม่า เออเตเพร อา โอ่ปา,’” อา เฮ๊ ลู ฮู๊เนอ.

ꤛꤥ꤭ꤟꤢ꤬ 10:29

แวเพ เออเนอ อาดุเล๊อ เจ๊อ เร๊อ อู ปว๋า เตเพร. ซิหมิ เออเต๊เห่ เนอหม่า อา เด๊อะ แว เร๊อ อู แฮ จุ่ยเถ่แก แจ่ ปา เหย่ซี เด๊อ แวเพ อา กู๊ยากู เตเพร่ว โต่.

ꤛꤥ꤭ꤟꤢ꤬ 8:49

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “โลเน๊ เมเบ่ แว หม่าโต่, แว แด่ดุแด่ทู แวเพ เร๊อ ซี แด่ดุแด่ทู แว โต่.

มัทธิว 21:12

แบ่เจ่ เหย่ซู่ จว๊าโน เด๊อ เตหลู่แต โฮกู เร๊อ อา จว๊าโน เหว่เถ่แก ลอ ล๋อ แกแย พรีเอ่อิเชตาเต เบ๊อะเนอ เต๊เห่ เร๊อ อา โน ถู่ แลกลอตาแก ลอ อู เหล่ถู่แหล่ รือ เหย่ซี ดีเหร่แถ่โล เนอ เต๊เห่ เน๊อ กู่แกล๊แถ่โล เด๊อ อู เหล่โอ่แน อิเช เร๊อ ถู่หลุ่ย. เนอเต๊เห่.

มัทธิว 22:5

“หม่าแน๊เรอ แกแย เด๊อ คุ๊ย เอ๊แฮ ลู เต๊เห่เนอ อา เบ่หยื่อเบ่ แหน่ เตอเจ๋อ โต่. อา เถ่จว๊า โค๊แก ลอ. เตเพรเร๊อ อา แฮ เด๊อ เพร๊ขุ, เตเพรเร๊อ อา จว๊า เมเก่เมค๊า เต.

ꤛꤥ꤭ꤟꤢ꤬ 2:15

ฮู๊เนอเร๊อ อา เม สู่เปลอ อิปลี๊ เร๊อ อา เหว่เถ่แก ลอ ซิหมิ เร๊อ ปู่ เต๊เห่ เด๊อ เตหลู่แต โฮกู. โทเรอ อา ถู่แลกลอแก ลอ อู เหล่ถู่แหล่ รือ อา ดีเหร่ เนอเต๊เห่ เร๊อ อา เม ลูโพร๊แก ลอปลี เหย่ซี รือหย่า เต๊เห่.