ꤛꤥ꤭ꤟꤢ꤬ 2:11 - ลีเทส่อพ๊าอาเซ เร๊อ เห่ขุทวาลู๊

¹¹ เหย่ซู่ เมโค๊ตีกลี๊ ลู เต โต๊โผ่หม่า เบ๊อะวีคานา, กาลิลีเก่ เออเนอเฮ๊อ, เร๊อ อา แด๊โฉ่ล๊อลี อา เตลี อาเตเค เบ๊อะเนอ. ฮู๊เนอเรอ อา โคเจ่ เต๊เห่ หยื่อเอ่แหน่ ลู.

Eastern Kayah Shadaw Dialect

¹¹ ꤛꤢꤩ꤬ꤏꤛꤢꤨ ꤗꤢꤩ꤬ꤒꤣꤧ꤬ꤊꤜꤤ ꤊꤣꤧ꤬ꤜꤢꤨ ꤒꤢꤩ꤬ ꤒꤣ꤬ꤖꤥ꤬ꤗꤢ꤬ ꤙꤣꤧ ꤠꤤ꤭ꤊꤢ꤬ꤔꤢ, ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬ ꤣꤧ꤭ꤔꤣꤧ꤬ꤟꤣꤧ, ꤚꤣꤧ꤬ ꤢ꤬ ꤘꤣꤧꤜꤥ꤭ꤓꤢꤧ꤬ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤙꤣꤧꤔꤣꤧ꤬꤯ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤜꤢꤨ꤭꤯

ꤛꤥ꤭ꤟꤢ꤬ 2:11 ပူးပေါင်းရင်းမြစ်များ

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

ꤛꤥ꤭ꤟꤢ꤬ 3:2

เตเซเคเนอ คูนิโคเดมัส แฮ เด๊อ เหย่ซู่ โอ่ เร๊อ อา เฮ๊ ลู เน๊อ, “ซ๊าร๊า, เป ซิเง เร๊อ เน หม่า หม่า ซ๊าร๊า เด๊อ อา โอ่ เด๊อ จอแปแหร่ อา โอ่แฮแล เตเพร. เป ซิเง เร๊อ จอแปแหร่ เก่ โอ่เกอ เร๊อ แกแย เตเพรเพร โต่ เฮ๊เนอหม่า อา เมแจ่ เตโค๊ตีกลี๊ ฮู๊ เน เม เออเนอ เตเพร่ว โต่.”

ꤛꤥ꤭ꤟꤢ꤬ 6:2

แกแย เบ๊หมู่ ลอ แม๊เถอะ โทเฮ๊อ เตโค๊ตีกลี๊คยา เด๊อ แบ่เจ่ จว๊า เมโอ่เหม่ เป่ แกแยชุ๊ย แกแยเชเต๊เห่ อาขว่าอาคยา, เหย่ซี ครวา จว๊าปลูจว๊าเผ่ เกอ ลอ ลูคยา.

ꤛꤥ꤭ꤟꤢ꤬ 6:30

ฮู๊เนอเร๊อ เหย่ซี แด๊เฮอ ลู เน๊อ, “แซ่ฮู๊ เป เก่ แม๊เถอะ เตโค๊ตีกลี๊คยา เร๊อ เป เก่ หยื่อเอ่ อาเงเนอ, เน เก่ เด๊อะโล เป่ เป เตโค๊ตีกลี๊ อิเตเต ปา? เน เก่ เม เป่ เป หม่าอิเตปา เออ?

ꤛꤥ꤭ꤟꤢ꤬ 6:26

แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, ซี แม๊เถอะ แว เม เตโค๊ตีกลี๊คยา เร๊อ ซี แม๊ปู แว หม่าโต่. ซี เอ่ก๊อ ค๊อมู เร๊อ ซี แม๊ปู แว แพ๊.

ꤛꤥ꤭ꤟꤢ꤬ 6:14

เบ๊อะแกแย เออเต๊เห่ แม๊เถอะโท แบ่เจ่ เหย่ซู่ เม เตโค๊ตีกลี๊คยา เออเต๊เห่ เบ๊อะเนอ, เหย่ซี เฮ๊ แลแค เน๊อ, “เพรโพร เด๊อ อา เตเร แฮแล เด๊อ เห่ขุเออ ปา อู เฮ๊ เนอหม่า อา หม่า แหน่ เฮ๊อ อา เฮ๊อ,” อา เฮ๊ แลแค ฮู๊เนอ.

โครินธ์ เนอบ่า ต๊าบ่า 4:17

เมเตเฮ๊เรอ เตแป่เตเช เด๊อ เป ข่าเบ่ อา เบ๊อะเห่ขุ เออเต๊เห่ เนอหม่า แตแปล๊เตอเปลอฮู๊ แพ๊. เป เก่ โต๊โหล่แม๊ เร๊อ เตตว่าเตแร๊ เด๊อ เป เก่ พย๊าหนิ อา ช๋า โหน่ปา ตือทือ ปา เต๊เห่ เฮ๊เนอหม่า, อาหม่า เร๊อ เตอเจ๋อ ล๋ายโต่. เบ๊อะเห่ขุเออ เป ข่าเบ่ เจ๊อ เตแป่เตเช เออเต๊เห่ หม่าแน๊เรอ เด๊อ ม๊อขุ ปาเนอ เตลีเตเตเค ตูจูเพร เด๊อ อาตว่าอาแร๊ เล๊อ, เร๊อ อาดุอาโถ่ เล๊อ เจ๊อ เร๊อ เตแป่เตเช เด๊อ เป ข่าเบ่ เด๊อ เห่ขุ เออเนอ, เป เก่ พย๊าหนิ ปา.

ꤛꤥ꤭ꤟꤢ꤬ 14:13

เด๊อ แวขว่าแวคยา, เร๊อ แซ่ฮู๊ อู เก่ แม๊เถอะ แวเพ อาเตอเรอดุเตอเรอทู อาเงเนอ, ซี กุย เต อิเตเต๋ เบ่เบ่, ซี เก่ กุย เร๊อ แวมุย เฮ๊เนอ, แว เก่ เด๊อ ซี ปา.

ꤛꤥ꤭ꤟꤢ꤬ 12:41

เพรโพร อิสยาห์ เฮ๊ฮู๊เออ เมเตเฮ๊เรอ อา แม๊เถอะน๊อ แบ่เจ่ เหย่ซู่ อา เตอเรอดุเตอเรอทู ตื๊อเรอ อา เฮ๊ ลูหรี่ลูแก ฮู๊เออ แพ๊.

ꤛꤥ꤭ꤟꤢ꤬ 12:37

แบ่เจ่ เหย่ซู่ เด๊อะโล เป่ เจ๊อ เหย่ซี ล๊อ เตเม อาโค๊ตีกลี๊ เออเต๊เห่ เด๊อ เหย่ซี เป๊เส่เง เจ๊อ ตื๊อดื่อเรอ อา หยื่อเอ่ ปาแหน่แล ลู โต่โต่.

ꤛꤥ꤭ꤟꤢ꤬ 2:23

เบ๊อะเหย่ซู่ โอ่ปา วี เยรูซาเล็ม ป่วยเตจว๊า ตา ลว๊า อูป่วยกู เบ๊อะเนอ, อู แม๊เถอะ อา เม เตโค๊ตีกลี๊ เนอเต๊เห่ อาขว่าอาคยา, อู หยื่อเอ่ โหร่แหน่เจ๊อ ลู.

ꤛꤥ꤭ꤟꤢ꤬ 1:50

เหย่ซู่ เฮ๊ ลู เน๊อ, “แว เฮ๊ เน เร๊อ แว แม๊เถอะ เน เด๊อ ก่อดุ๊ยเหมาะเล เนอหม่า เน หยื่อเอ่ หม่าแหน่ แว เร๊อ แว หม่า จอแปแหร่ อาพู๊คู, อิสราเอล อาคุ๊ยจ๊อแผ่ เตเพรเนอ แอ? เน เก่ แม๊เถอะโป่ เตโค๊ตีกลี๊ ดุเล๊อ เจ๊อ เร๊อ เออเต๊เห่เนอ ปา.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:13

เต เด๊อ แว รา เป่ ซี เออเนอหมา, แซ่ฮู๊ ซี เด๊อ อา หยื่อเอ่ จอแปแหร่ อาพู๊คู อามุย เออเต๊เห่ เก่ ซิเง เกอ เร๊อดื่อ ซีเหน่ เร๊อ ซี พย๊าหนิเฮ๊อ ซิปล่อเซอเพร ตูจูเพร แตแลเคร๊ เฮ๊อ. อาเงเนอเรอ, แว รา เป่ ซี แพ๊.

ꤛꤥ꤭ꤟꤢ꤬ 4:46

โทเรอ, แบ่เจ่ เหย่ซู่ กาคยา คยาแซ๊ เด๊อ วีคานา เด๊อ กาลิลีเก่กู เบ๊อะอาเหล่ เมทวาแถ่ เทอ เร๊อ แท๊ทือเส่เทอแย เนอ เบ๊อะวีคาเปอรนาอูม อากู เนอ, แกแย ทวา คุ๊ย อาหลู่เล๊ กู่กล๊อ โอ่เตเพร เร๊อ อา พู๊เพรคู อาชุ๊ย.

ꤛꤥ꤭ꤟꤢ꤬ 5:23

เมเตเฮ๊เรอ, แซ่ฮู๊ แกแย ล๋อ ปลี เก่ เบ่หยื่อเบ่แหน่ อาพู๊คู ฮู๊ อู เบ่หยื่อเบ่แหน่ เพเนอ เร๊อ อา เด๊อะตา ลอ เต เมจากาคยา เด๊อ ลู กู๊ยากู. แกแย เด๊อ อา เบ่หยื่อเบ่แหน่ พู๊คู โต่ เต๊เห่เนอ, หม่าเฮ๊อ อา เบ่หยื่อเบ่แหน่ เพ เด๊อ อา นอแฮแล ลู เนอเตเพร โต่ เฮ๊อ.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

โครินธ์ เนอบ่า ต๊าบ่า 3:18

กู๊แหน่เออ เต เด๊อ อา โฮ๊ ตาตือ บี๊ ล๋อ เป เด๊อ อา หยื่อเอ่ เหย่ซู่ เออเต๊เห่ อาเป๊เส่ เนอ อา โอ่ ปา เตอเจ๋อ โต่. ฮู๊เนอเรอ, กู๊แหน่เออ เป แม๊เถอะ แฮเง ลา เฮ๊อ แบ่เจ่ อา เตลีเตตาเค เร๊อ เป ทวาแถ่ แซ่เฮ๊อเร๊อ หม่าโด่ เด๊อ อา ลีช๊าเตเค กาคยา แบ่เจ่ อา เตลีเตเค เต๊เห่เนอ เฮ๊อ. เป แม๊เถอะ แฮเง ลา เฮ๊อ แบ่เจ่ อาลีเตเค, เร๊อ แหย่โยบูโพ๊ แบ่เจ่ เม เป่ เฮ๊อ เป เด๊อ เป เก่ แซ่แฮ เร๊อ แซ่แฮ, แซ่เฮ๊อ เร๊อ เป แบ่เจ่ เด๊อ อา เตอเรอดุทู เออเตเพรเนอ เฮ๊อ.

ꤛꤥ꤭ꤟꤢ꤬ 11:15

หม่าแน๊เรอ, แว โอ่เกอ เร๊อ คูลาซารัส เบ๊อะเนอ โต่ เร๊อ แว ซิครือ แพ๊, เมเตเฮ๊เรอ เด๊อ อา ทวาแถ่ ฮู๊เออ อาขว่าอาคยา, ซี เตหยื่อ แว เก่ ดุแถ่ เร๊อ ดุแถ่ ปา. เตเออเต๊เห่ ทวาแถ่ ฮู๊เออ เนอหม่า, อา ทวาแถ่ เด๊อ อา เก่ ทวาบุ๊ยทวาเตอเรอ เด๊อ ซิเง แพ๊. ฮู๊เนอเรอ จว๋า, เป จว๊าเกอ อา โป๋.”

ꤛꤥ꤭ꤟꤢ꤬ 1:17

จอแปแหร่ เด๊อะตา เตซว๊าเตแส่ เร๊อ คูโมเสส เร๊อ คูโมเสส เด๊อะตา แฮเง เน๊อ เป, ตื๊อดื่อเร๊อ เหย่ซู่ครี๊ หม่า หม่าเฮ๊อ แกแย เด๊อ อา เด๊อะตา เป่ เป เตบุ๊ยเตเตอเรอ เร๊อ เตหมะเตจ๊อ.

ꤛꤥ꤭ꤟꤢ꤬ 1:43

อาเนอ เตอเนอ เหมาะลี เบ๊อะเนอ, เหย่ซู่ แด่แล เฮ๊อ อาซิปล่อ เด๊อ อา เก่ จว๊า เด๊อ กาลิลีเก่. อา แม๊เถอะ คูฟีลิป เร๊อ อา เฮ๊ ลู เน๊อ, “จว๊า! ครวาเกอ แวคยา เร๊อ ทวาแถ่เกอ แว โคเจ่ แห.”

ꤛꤥ꤭ꤟꤢ꤬ 2:1

โซเนอ เตอเนอเนอ ป่วยกาฉู่แด่ โอ่เด๊อ กาลิลีเก่, วีคานา อากู ตู๊ผู่, เร๊อ เหย่ซู่ อาโหมะ โอ่เกอ เบ๊อะเนอ.

ꤛꤥ꤭ꤟꤢ꤬ 4:3

เบ๊อะเหย่ซู่ หนิโฮ อู แด๊ ลูแหย่โย ฮู๊เออ เนอ, อา เถ่จว๊าแก เด๊อ ยูดาห์เก่. โทเรอ อา กาคยา คยาแซ๊ เด๊อ กาลิลีเก่.

ꤛꤥ꤭ꤟꤢ꤬ 4:54

เออเนอหมา แบ่เจ่ เหย่ซู่ โอ่ เด๊อ ยูดาห์เก่ เร๊อ เถ่จว๊า คยาแซ๊ เด๊อ กาลิลีเก่ เร๊อ อา เด๊อะโล อาเตเม โคตีกลี๊ เนอโพ๊โตโพ๊ เออเนอ เฮ๊อ.

ꤛꤥ꤭ꤟꤢ꤬ 7:31

หม่าแน๊เรอ อู หยื่อเอ่โหร่ หยื่อเอ่เอ๊ ปาแหน่ ลู แพ๊. เหย่ซี เฮ๊ แลแค เน๊อ, “ช๋า ครี๊ อู เฮ๊ เนอเตเพร แฮปา เบ๊อะเนอ, อา เก่ เม อาโค๊ตีกลี๊ เอ๊เล๊อปา เจ๊อ เร๊อ เออเตเพร ปา แอ?” อา เฮ๊ แลแค ฮู๊เนอ.

ꤛꤥ꤭ꤟꤢ꤬ 9:16

ฟาริสี เต๊เห่ เฮ๊ เน๊อ, “อา หม่า อา โอ่ เด๊อ จอแปแหร่ อา โอ่ แฮ หม่าโต่, เมเตเฮ๊เรอ อา โด่ เกออู ม๊อเนอโด่ โต่ เน๋อ.” หม่าแน๊เรอ เต๊เห่เห่เนอ อา เฮ๊ แลแค เน๊อ, “เพรเตซื๊อพู๊ เตเพร จว๊าเม แจ่ โต่ เตโค๊ตีกลี๊ ฮู๊เออ เต๊เห่ ฮู๊เต?” ฮู๊เนอเร๊อ เหย่ซี ซิปล่อ ลูโค๊ ลอแคลู ตู๊หมู่ เร๊อ ตู๊หมู่.

ꤛꤥ꤭ꤟꤢ꤬ 10:41

แกแย แฮโหร่แฮเอ๊ แหน่เจ๊อ เด๊อ ลูโอ่. เร๊อ เหย่ซี เฮ๊ เกอเร๊อ แคลู เตเพร โท เตเพร เน๊อ, “คูยอห์น เมโล เตโค๊ตีกลี๊คยา เตอเจ๋อ โต่ ตื๊อดื่อเรอ ล๋อ อา เฮ๊ แกแย เออเตเพร อาหรี่อาแก คยา เนอ, อาโต ลอปลีเจ๊อ,” อา เฮ๊ แลแค ฮู๊เนอ.

ꤛꤥ꤭ꤟꤢ꤬ 11:47

ฮู๊เนอเรอ เพรหลู่แต ทวาดุทวาเต เต๊เห่ เร๊อ ฟาริสี เต๊เห่ เอ๊ปล๊อ แกแยยิวพู๊ ทวาดุทวาเต เด๊อ อาโร เต๊เห่ เร๊อ โอ่กู๊โอ่แก๊ เกอเร๊อลู. เร๊อ เหย่ซี เฮ๊ เน๊อ, “เป เก่ เมฮู๊เต เออ? แกแย เออเตเพร เมโล เป่ อู เตโค๊ตีกลี๊คยา โร๊ลู เฮ๊อ.

ꤛꤥ꤭ꤟꤢ꤬ 12:18

เหย่ซี หนิโฮ แลแค เน๊อ แบ่เจ่ เหย่ซู่ เม อาโค๊ตีกลี๊ เป่ อู เตเออ อาขว่าอาคยา, เหย่ซี เถ่จว๊า แม๊ปลูแม๊เผ่ ลู เร๊อ เตหรี่เตแก เออ อาขว่าอาคยา เฮ๊อ.

ꤛꤥ꤭ꤟꤢ꤬ 16:27

เมเตเฮ๊เรอ แวเพ โมหนิเร๊อ ซี เร๊อ อาเหน่ เร๊อดื่อเจ๊อ. เด๊อ ซี โมหนิเร๊อ เฮ๊อ แว, ซี หยื่อเอ่หนิ เฮ๊อ แว เร๊อ แว โอ่ เด๊อ เพ อา โอ่ แฮ อาขว่าอาคยา, อา โมหนิเร๊อ เฮ๊อ ซี เฮ๊อ.

ꤛꤥ꤭ꤟꤢ꤬ 16:30

เป แด๊เฮอ แต่ล๋าย เน เตอเจ๋อ โต่ ตื๊อดื่อเรอ เน ซิเง ลอเหร่อดื่อเฮ๊อ เต เด๊อ เป เตเร แด๊เฮอ เน เนอเต๊เห่ เฮ๊อ. ฮู๊เนอเรอ กู๊แหน่เออ เป ซิเง เร๊อ เน ซิเง ลอ เตปว๋าเต๊อเจ่อ. เด๊อ เน ซิเง ฮู๊เออ อาขว่าอาคยา, เป หยื่อเอ่ เร๊อ เน โอ่ เด๊อ จอแปแหร่ อา โอ่ แฮแล หม่าแหน่ เฮ๊อ.”