ꤛꤥ꤭ꤟꤢ꤬ 19:4 - ลีเทส่อพ๊าอาเซ เร๊อ เห่ขุทวาลู๊

⁴ คุ๊ยปีลาต แฮเถ่ คยาแซ๊ เร๊อ อา เฮ๊ แกแยยิวพู๊ เต๊เห่ เน๊อ, “แซ่ฮู๊ ซี เก่ ซิเง แลแค เร๊อ แว เจแม๊ อา เร๊อ แว แม๊เถอะ อา เม เตซื๊อ เตอเจ๋อ โต่ อาเงเนอ, แว เก่ เอ๊เถ่โล เป่ คยาแซ๊ ซี เบ๊อะเออ.”

Eastern Kayah Shadaw Dialect

⁴ ꤋꤝꤤꤕꤤꤜꤢ ꤟꤢꤧ꤭ꤓꤢꤩ꤬ ꤋꤛꤢ꤭ꤞꤢꤧ ꤚꤣꤧ꤬ ꤢ꤬ ꤟꤢꤩ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ, “ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤔꤢꤧ ꤠꤢꤧ꤭ ꤡꤢꤩ꤭ꤗꤢꤧ ꤢ꤬ ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤢ꤬ ꤗꤢꤩ꤬ ꤒꤢꤩ꤬ꤞꤢꤦ ꤒꤣ꤬ꤡꤣ꤬꤮ ꤒꤥ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤢꤩꤓꤢꤩ꤬ꤜꤥ꤭ ꤕ꤫ꤢꤩ꤬ ꤋꤛꤢ꤭ꤞꤢꤧ ꤞꤤ꤭ ꤙꤣꤧꤣꤧ꤭꤯”

ꤛꤥ꤭ꤟꤢ꤬ 19:4 ပူးပေါင်းရင်းမြစ်များ

ꤛꤥ꤭ꤟꤢ꤬ 19:6

เพรหลู่แต ทวาดุทวาเต เต๊เห่ เร๊อ เกลอฮู๊ เด๊อ อา โอ่ป่อ เตหลู่เเตโฮ เต๊เห่ แม๊เถอะ ลูลู เน๊อ, “มือเซอแถ่แก อา เด๊อ อี๊ถื่อดีเต่ลู เนอ, มือเซอแถ่แก อา เด๊อ อี๊ถื่อดีเต่ลู เนอ,” อา เอ๊โทแถ่ แลแค ฮู๊เนอ. หม่าแน๊เรอ คุ๊ยปีลาต เฮ๊ เหย่ซี เน๊อ, “เอ๊จว๊า เกอเร๊อดื่อ แลแค เร๊อ มือเซอแถ่ เกอเร๊อดื่อ แลแค เด๊อ อี๊ถื่อดีเต่ลู เนอ. เด๊อ แวเง เร๊อ, เตซื๊อ เด๊อ แว เก่ เมจากาคยา อา เนอ, แว เจแม๊ อา เร๊อ แว แม๊เถอะ เตอเจ๋อ โต่,” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 18:38

คุ๊ยปีลาต แด๊เฮอ ลู เน๊อ, “เตหมะเตจ๊อ หม่า อิเตเต?” ฮู๊เนอ. เร๊อ คุ๊ยปีลาต เถ่โต คยาแซ๊ เด๊อ แกแยยิวพู๊ เออเต๊เห่ อา โอ่ เร๊อ อา เฮ๊ เหย่ซี เน๊อ, “แว เตเร เมจากาคยา อา อาเงเนอ. แว แม๊เถอะ อาเตซื๊อ เตอเจ๋อ โต่. อา เฮ๊ เหย่ซี ฮู๊เนอ.

ꤜꤢꤨꤊꤢ꤬ 23:4

โทเรอ คุ๊ยปีลาต เฮ๊ เพรหลู่แต ทวาดุทวาเต เต๊เห่ เร๊อ แกแย เบ๊หมู่ เต๊เห่ เน๊อ, “แว แด๊เฮอ เจแม๊ แกแย เออเตเพรเนอ, แว แม๊เถอะ อาเตซื๊อ เตอเจ๋อโต่.”

ꤜꤢꤨꤊꤢ꤬ 23:47

โรมัน เกลอฮู๊เตเย กู่กล๊อ เออเตเพร แม๊เถอะ เตเมอาเหน่ เออเต๊เห่ เร๊อ อา ถู่เซ๊แถ่ จอแปแหร่ เร๊อ อา เฮ๊ เน๊อ, “แกแย เออเตเพร หม่า แกแยจ๊อ แกแยเต หม่าแหน่ เจ๊อ แหน่ เฮ๊อ!”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:5

หม่าแน๊เรอ แซ่ฮู๊ ครี๊ เก่ พย๊าจว๊าแก เป เตซื๊อเตปล๊า เต๊เห่ อาเงเนอ, อา แฮแล โทเฮ๊อ เด๊อ เห่ขุ เออเนอหมา ซี ซิเง โทดื่อ เฮ๊อ. โท๊โต่ ซี ซิเงเฮ๊อ เร๊อ เหย่ซู่ครี๊ เออเนอหมา อา เตซื๊อเตปล๊า โอ่เกออู เตอเจ๋อ โต่.

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.

เปโตร อาเหร่อเล๊อ ต๊าบ่า 2:22

“อา เม เตซื๊อ เตอเจ๋อ โต่. อู หนิโฮน๊อ เร๊อ อา เฮ๊เบ่ แลโฮ เตเพร่ว โต่.”

เปโตร อาเหร่อเล๊อ ต๊าบ่า 1:19

เด๊อ ครี๊ พรีกา เฮ๊อ ซี เร๊อ อาสุ่ย เด๊อ อางูดุงูชอ เออ อาขว่าอาคยา, ซี หนิ เฮ๊อ เตปาลา เฮ๊อ. ครี๊ หม่า อาแซ่เน๊อ ซิหมิพู๊ เด๊อ อู แม๊เถอะ อา เตมู๊แหม่ โอ่ เตอเจ๋อ โต่ โตโด เตเพร เฮ๊อ.

โครินธ์ เนอบ่า ต๊าบ่า 5:21

ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.

ꤜꤢꤨꤊꤢ꤬ 23:41

เป เออซิเนอ พย๊าหนิ เตแม๊เมจากาคยา ฮู๊ เป เมซื๊อโทเฮ๊อ เนอเต๊เห่ อาขว่าอาคยา, อาโตอาเบ่ แพ๊. หม่าแน๊เรอ อาเนอ, อา เมซื๊อ เกออู เตอเจ๋อ โต่.”

มัทธิว 27:54

เบ๊อะโรมัน เกลอฮู๊เตเย กู่กล๊อ เออเตเพร เร๊อ แกแย เด๊อ อา โอ่ป่อแม๊เร๊อ เหย่ซู่โล เออเต๊เห่ แม๊เถอะ เตเน่วท๊อดี เร๊อ ล๋อ เตทวาแถ่ อาเหน่ เออเต๊เห่ เบ๊อะเนอ, เหย่ซี ซิอิเช เร๊อ อา เฮ๊ แลแค เน๊อ, “อา หม่า จอแปแหร่ อาพู๊ หม่าแหน่ แหน่ เฮ๊อ.”

มัทธิว 27:24

เบ๊อะคุ๊ยปีลาตแม๊เถอะ ซิเงเฮ๊อ เร๊อ อู หนิดา ปา ลู เตเฮ๊เบ่ โต่, โท๊โต่ แกแย เออเต๊เห่ เก่ เป๊อแถ่ เมตอปลอแลยอ ซู๊ซ๊า แฮเฮ๊อ อาขว่าอาคยา, อา พย๊า เทอกู๊จุ เร๊อ อา ซีปลีแก อากู๊ขุ เด๊อ แกแย เบ๊หมู่ อา เป๊เส่เง เร๊อ อา เฮ๊ เน๊อ, “แกแย เออเตเพร อาสุ่ยเนอ อา ตาเบ่ โต่เกอ ปา เด๊อ แวขุ โต่เฮ๊อ. ซี เร๊อ ซีดื่อเฮ๊อ.”

มัทธิว 27:19

เบ๊อะคุ๊ยปีลาต โอ่แนโอ่ เด๊อ อาเหล่แด๊เฮอ เจแม๊ อู กู่ แกล๊แถ่อาโล เบ๊อะเนอ, อาเม นอแฮแด๊โฉ่ แกแยเต๊เห่ เร๊อ อา เวคุ๊ยปีลาต เร๊อ อา เฮ๊ เน๊อ, “จว๊าเมเบ่แต แกแย เด๊อ อาเตซื๊อ โอ่โต่ เออเตเพรเนอ ตีกี๋ แต่เหม่ นี๋, เมเตเฮ๊เรอ แว โอ่เมอแหม่ แร๊ เจ๊อ อาหรี่อาแก ตีกี๋ เจ๊อ โต่.”

มัทธิว 27:4

เร๊อ อา เฮ๊ เหย่ซี เน๊อ, “แว เมซื๊อเฮ๊อ จอแปแหร่ เฮ๊อ, เมเตเฮ๊เรอ แว อิเชแกเฮ๊อ แกแย เด๊อ อา เตซื๊อโอ่ เตอเจ๋อ โต่ เออเตเพร เฮ๊อ” เร๊อ เหย่ซี เฮ๊ฉื่อ กาคยา ลู เน๊อ, “เน ข่า เร๊อ เหน่ดื่อฮ๊อ เป ซิเง โต่เกอ เน โต่”

ꤟꤤꤙꤚꤢꤨ 7:26

ฮู๊เนอเรอ, เหย่ซู่ หม่า เพรหลู่แต กู่กล๊อดุเล๊อ เตเพร เด๊อ อา เมเล๊อบา เป่ ลอ ล๋อ เป เตโหล่ เต๊เห่. อา หม่า อา บูโพ๊, อาเตซื๊อ โอ่โต่, อาซิปล่อ อาโพ๊อาแปละ. จอแปแหร่ แด่โอ่ข่อ ตาพา โค๊ดื่อ ลู เร๊อ เพรเมเตซื๊อ เต๊เห่, เร๊อ อา เด๊อะโอ่เฮ๊อ ลู เด๊อ เหล่โอ่ แถ่โลเล๊ออู โต๊โผ่ เฮ๊อ.

ꤛꤥ꤭ꤟꤢ꤬ 18:33

ฮู๊เนอเรอ คุ๊ยปีลาต โน เด๊อ อาโฮกู เร๊อ อา นอเอ๊โน อู เร๊อ แบ่เจ่ เหย่ซู่ เร๊อ อา แด๊เฮอ ลู เน๊อ, “เน หม่า แกแยยิวพู๊ อาคุ๊ย เตเพร หม่าแหน่ แอ? ฮู๊เนอ.”