ꤛꤥ꤭ꤟꤢ꤬ 19:35 - ลีเทส่อพ๊าอาเซ เร๊อ เห่ขุทวาลู๊

³⁵ แกแย เด๊อ อา แม๊เถอะ อา ทวาแถ่ ฮู๊เออ เตเพรเนอ อา แด๊โฉ่โล เป่ อู. เร๊อ อา แด๊โฉ่ โลโตตื้อ เป่ อู แพ๊. อา ซิเง ตาเต เกอเร๊อ เนอ อา เฮ๊ เออเนอหม่า อาจ๊ออาเต แพ๊. แซ่ฮู๊ ซี เก่ หยื่อเอ่ เกออู เนอ, อา แด๊โฉ่โล เป่ ซี แพ๊.

Eastern Kayah Shadaw Dialect

³⁵ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤧꤓ꤫ꤣꤧ꤬ ꤢ꤬ ꤓꤝꤢ꤭ꤓꤢꤧ꤬ ꤟꤢꤨꤣꤧ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤢꤨ꤭꤯ ꤚꤣꤧ꤬ ꤢ꤬ ꤟꤢꤩꤏꤥ꤬ ꤜꤥ꤭ꤒꤥ꤭ ꤕ꤫ꤢꤩ꤬ ꤢꤨ꤭ ꤖꤢꤧ꤯ ꤢ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤚꤣꤧꤘꤢꤦ꤬ ꤔꤢꤧ ꤢ꤬ ꤟꤢꤩ ꤣꤧ꤭ꤔꤣꤧ꤬ꤗꤢ꤬ ꤢ꤬ꤡꤢꤪꤢ꤬ꤒꤢꤩ꤬ ꤖꤢꤧ꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤔꤣꤧ꤬, ꤢ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤖꤢꤧ꤯

ꤛꤥ꤭ꤟꤢ꤬ 19:35 ပူးပေါင်းရင်းမြစ်များ

ꤛꤥ꤭ꤟꤢ꤬ 21:24

เพร ราม๊าราแด เต เออเต๊เห่ หม่า แว เด๊อ อา ทวา แบ่เจ่ เหย่ซู่ อา โคเจ่ เออเตเพร แพ๊. เร๊อ อา แม๊เถอะลอ ล๋อ เตเมทวาแถ่ อาเหน่ เออเต๊เห่ เร๊อ อา ราม๊าราแด แพ๊. อา เตเฮ๊โฉ่โล เป่ เออเต๊เห่ เนอหม่า อาโต ล๊อ แพ๊ เนอ เป ซิเง.

ꤛꤥ꤭ꤟꤢ꤬ 15:27

ซี โอ่เต่อเกอ เร๊อ แว เด๊อ กูลู่ เค ปา เจ๊อ อาขว่าอาคยา, ซี เบ่ แด๊โฉ่ เป่ เกออู เร๊อ แวหรี่แวแก นี๋.”

เปโตร อาเหร่อเล๊อ ต๊าบ่า 5:1

แว หม่า เพรหยื่อเอ่ตู๊หมู่ตอกล๊อ โหมะเผระ กู่กล๊อ เตเพร, โทเรอ แว หม่า เพรข่าเฮ๊โล เป่ ครี๊ อา เตข่าจาข่าจือ อาหรี่อาแก เตเพร. โท๊โต่ ช๋า จอแปแหร่ เด๊อะโล เฮ๊อ อู เร๊อ อา เตเตอเรอดุ เตอเรอทู เบ๊อะเนอปาเนอ, แว เบ่เบ่, แว เก่ โอ่เต่อเกอ เร๊อ อา เตเตอเรอดุ เตอเรอทู เออเนอ ปา. กู๊แหน่เรอ แว กุยซิยอ ซี เพรหยื่อเอ่ตู๊หมู่ตอกล๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เนอ,

ꤚꤥꤗꤢꤩ꤬ 15:4

เมเตเฮ๊เรอ, ลีเทส่อพ๊า เด๊อ อู ราโอ่ อา มู๋ หนู่เค เต๊เห่เนอ, อา รา หนื่ออื่อ เด๊อ อา เก่ อิซว๊าอี๊แส่ เป อาเงเฮ๊อ. แซ่ฮู๊ เป เก่ โอ่ เร๊อ เตแม๊ชือ เนอ, ลีเทส่อพ๊า เด๊อะ เฮ๊อ เป แด่ทูซิปล่อ เร๊อ เตเหร่เตแบ เต๊เห่ เฮ๊อ.

เพรโด่แนพู๊ เต๊เห่ 10:39

“เป หม่า แกแย เต๊เห่ เด๊อ อา ข่าเฮ๊โล เป่ ลอ อู เร๊อ ล๋อ เหย่ซู่ เมโทเฮ๊อ เต เด๊อ แกแยยิวพู๊ เต๊เห่ โอ่ เกอเร๊อ เก่ เต๊เห่, เร๊อ วีเยรูซาเล็ม อากู เออเนอเต๊เห่ อาหรี่อาแก แพ๊. โทเรอ เหย่ซี มือเซอแถ่แก เหย่ซู่ เด๊อ เด๊ออี๊ถื่อดีเต่ลู อาลู

ꤛꤥ꤭ꤟꤢ꤬ 20:31

หม่าแน๊เรอ อู ราโอ่ ลี เออต๊าบ่า หม่า แซ่ฮู๊ ซี เก่ หยื่อเอ่ เร๊อ เหย่ซู่ หม่า เพรเมแลเปล๊กา เมสิยาห์, อา หม่า จอแปแหร่ อาพู๊คู เตเพร, เร๊อ เด๊อ ซี หยื่อเอ่ ลู อาขว่าอาคยา, เร๊อ ซี เก่ พย๊าหนิ ซิปล่อเซอเพร อาเงเนอ, อู รา เป่ ซี แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:13

เต เด๊อ แว รา เป่ ซี เออเนอหมา, แซ่ฮู๊ ซี เด๊อ อา หยื่อเอ่ จอแปแหร่ อาพู๊คู อามุย เออเต๊เห่ เก่ ซิเง เกอ เร๊อดื่อ ซีเหน่ เร๊อ ซี พย๊าหนิเฮ๊อ ซิปล่อเซอเพร ตูจูเพร แตแลเคร๊ เฮ๊อ. อาเงเนอเรอ, แว รา เป่ ซี แพ๊.

ꤛꤥ꤭ꤟꤢ꤬ 19:26

เบ๊อะแบ่เจ่ เหย่ซู่ แม๊เถอะ อาโหมะ เร๊อ อา โคเจ่ เด๊อ อา โม เกอเร๊อ ลู เออเตเพร ก๊อถ่อ โอ่ผื่อ เร๊อ ลู เนอ, อา เฮ๊เบ่ จว๊า อาโหมะ เน๊อ, “โหมะ กู๊แหน่เออ แกแย เออเตเพร หม่า อา ทวาเฮ๊อ เนพู๊ เฮ๊อ,” อา เฮ๊ จว๊า อาโหมะ ฮู๊เนอ.

ꤛꤥ꤭ꤟꤢ꤬ 14:29

ช๋า อา ทวาแถ่เฮ๊อ ปาเนอ, แซ่ฮู๊ ซี เก่ หยื่อเอ่ อาเงเนอเนอ, แว แด๊โฉ่ หนื่ออื่อ เป่ เจ๊อเฮ๊อ ซี เบ๊อะอา ทวาแถ่ แต่ล๋ายโต่ เออเนอ เฮ๊อ.

ꤛꤥ꤭ꤟꤢ꤬ 11:42

แว ซิเง เร๊อ เน หนิดา แว เตกุยจ๊อเบ ปว๋า โผ่. หม่าแน๊เรอ แว แม๊ เด๊อ อา เก่ ทวาบุ๊ย ทวาเตอเรอ เป่ แกแย เด๊อ อา ก๊อถ่อ เบ๊อะเออ เต๊เห่ อาเง, เร๊อ แซ่ฮู๊ เหย่ซี เก่ หยื่อเอ่ เน๊อ เน นอแฮ แว อาเงเนอเรอ, แว เฮ๊ ฮู๊เออ แพ๊.”

ꤛꤥ꤭ꤟꤢ꤬ 11:15

หม่าแน๊เรอ, แว โอ่เกอ เร๊อ คูลาซารัส เบ๊อะเนอ โต่ เร๊อ แว ซิครือ แพ๊, เมเตเฮ๊เรอ เด๊อ อา ทวาแถ่ ฮู๊เออ อาขว่าอาคยา, ซี เตหยื่อ แว เก่ ดุแถ่ เร๊อ ดุแถ่ ปา. เตเออเต๊เห่ ทวาแถ่ ฮู๊เออ เนอหม่า, อา ทวาแถ่ เด๊อ อา เก่ ทวาบุ๊ยทวาเตอเรอ เด๊อ ซิเง แพ๊. ฮู๊เนอเรอ จว๋า, เป จว๊าเกอ อา โป๋.”

ยอห์น โซบ่า ต๊าบ่า 1:12

อู ถู่เซ๊ ลอปลี เจ๊อ คูเดเมตริอัสเจ๊อ. เตหมะเตจ๊อ ข่าเฮ๊โล เจ๊อดื่อ เร๊อ อา แร๊ อาหรี่อาแก เจ๊อ. แว ถู่เซ๊ เกอเร๊อ เกอ ดื่อ อา อาหรี่อาแก, เร๊อ เน ซิเง เร๊อ เป เฮ๊เออ เนอหม่า อาจ๊ออาเต แพ๊.