ꤛꤥ꤭ꤟꤢ꤬ 19:28 - ลีเทส่อพ๊าอาเซ เร๊อ เห่ขุทวาลู๊

²⁸ อา เฮ๊โท ฮู๊เนอ เร๊อ แบ่เจ่ เหย่ซู่ ซิเง เร๊อ อา เมโทลอเฮ๊อ เตปว๋า เต๊อ เจ่อ เฮ๊อ. เร๊อ แซ่ฮู๊ ลีเทส่อพ๊า เก่ เล๊อบาแถ่ อาเงเนอ, แบ่เจ่ เหย่ซู่ เฮ๊ เน๊อ, “แว ซิโอเทอ” อา เฮ๊ ฮู๊เนอ.

Eastern Kayah Shadaw Dialect

²⁸ ꤢ꤬ ꤟꤢꤩꤓꤥ꤭ ꤟꤢꤨꤔꤣꤧ꤬ ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤞꤤꤑꤢꤩ꤭ ꤔꤢꤧ ꤢ꤬ ꤗꤢꤩ꤬ꤓꤥ꤭ꤜꤢꤪ꤭ꤟꤣꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤟꤣꤧ꤯ ꤚꤣꤧ꤬ ꤞꤢꤧꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤊ꤫ꤢꤦ꤬ ꤜꤣꤙꤢ꤭ꤓꤢꤧ꤬ ꤢ꤬ꤑꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤔꤢꤧ, “ꤠꤢꤧ꤭ ꤞꤤꤥ꤭ꤓꤣꤧ꤭” ꤢ꤬ ꤟꤢꤩ ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 19:28 ပူးပေါင်းရင်းမြစ်များ

ꤛꤥ꤭ꤟꤢ꤬ 19:30

เบ๊อะแบ่เจ่ เหย่ซู่ โปแม๊ เออ เบ๊อะเนอ, อา เฮ๊ เน๊อ, “อา โทเฮ๊อ” เร๊อ อา กู่กล๊อ ตางอแก, โทเรอ อา เด๊อะแลแก อาซิปล่อ เซอเพร เด๊อ จอแปแหร่ อา กู๊ยากู.

ꤜꤢꤨꤊꤢ꤬ 22:37

แว เฮ๊ ฮู๊เออ เมเตเฮ๊เนอหม่า ลีเทส่อพ๊า ราม๊าหนื่ออื่อแก แวหรี่แวแก เออเนอ, อา เบ่ เล๊อแถ่บาแถ่ ปา. ลีเทส่อพ๊า เฮ๊ เน๊อ, ‘อู แด่โน เต่อเกอ แว เร๊อ แกแยจา แกแยมู๊แหม่รีแจ่ เต๊เห่ อาเกล,’ แว เฮ๊ ซี เออเนอ, อา เตเร แฮ เล๊อแถ่บาแถ่ เฮ๊อ.”

ꤛꤥ꤭ꤟꤢ꤬ 19:24

เหย่ซี เตเพร เร๊อ เตเพร เฮ๊ เกอเร๊อลู เน๊อ, “เป ท๊อเย อา โต่ แฮ๋, อูเป โต พย๊าหนิเป ปาเนอ, เปบ๊อเตแบบุ๊ยโป๊!” อา เฮ๊ เกอเร๊อ ลู ฮู๊เนอ. แซ่ฮู๊ ลีเทส่อพ๊า เก่ อาเล๊อบาแถ่ เร๊อ เตทวา อาเหน่ ฮู๊เออ แพ๊. ลีเทส่อพ๊า เฮ๊ เนอ, “เหย่ซี เบ พย๊า เกอเร๊อ แลแค แวจา เต๊เห่ เฮ๊อ. แซ่ฮู๊ เหย่ซี เก่ พย๊าหนิ แวจา เร๊อ อา บ๊อแลแค เตแบบุ๊ย เฮ๊อ.” เร๊อ เกลอฮู๊ เออเต๊เห่เนอ, อา เม แลแค ฮู๊เนอ เฮ๊อ.

ꤜꤢꤨꤊꤢ꤬ 18:31

เหย่ซู่ เอ๊หนิ ตื๊อแพ๊ เพรโด่แนพู๊ เต๊เห่ เช๊อซิเนอ, เร๊อ อา เฮ๊โห เหย่ซี เน๊อ, “เป เก่ แถ่ ลอ เด๊อ วีเยรูซาเล็ม. เร๊อ ลอ เตหรี่เตแก เด๊อ เพรโพร เต๊เห่ รา หนื่ออื่อแก แกแย อาพู๊ อาหรี่อาแก เออเต๊เห่เนอ, อา เก่ เล๊อแถ่บาแถ่ ปา.

ꤛꤥ꤭ꤟꤢ꤬ 18:4

เต เตเร ทวาแถ่ อาเหน่ เร๊อ เหย่ซู่ ฮู๊เต เนอ, อา ซิเง ลอปลี อาขว่าอาคยา, อา แฮโต เหย่ซี เร๊อ อา แด๊เฮอ เหย่ซี เน๊อ, “ซี แม๊ปู อูเป?”

ꤛꤥ꤭ꤟꤢ꤬ 13:1

เบ๊อะป่วยเตจว๊า ตา ลว๊า เบ่แต่ ล๋ายโต่ เบ๊อะเนอ, แบ่เจ่ เหย่ซู่ ซิเงเฮ๊อ เร๊อ เบ๊อะเด๊อ อา เก่ เบ่ วี๊แก เห่ขุ เร๊อ อา เบ่ กา เด๊อ อาเพโอ่ เนอ อา แฮโต่เฮ๊อ. เร๊อ อา โมหนิเร๊อ อา โคเจ่ เด๊อ อา โอ่ เด๊อ เห่ขุ เออเต๊เห่ ปว๋า โตโพ๊ เจ๊อ. อา โม โต่ เจ๊อ เหย่ซี เด๊อ อา ตื๊อดื่อ เจ๊อ.

เพรโด่แนพู๊ เต๊เห่ 13:29

เบ๊อะเหย่ซี เมโท ลอเฮ๊อ ฮู๊ ลีเทส่อพ๊า เฮ๊หนื่ออื่อ ลูหรี่ลูแก เบ๊อะเนอ, เหย่ซี จว๊าพย๊าตาแก ลู เด๊อ อี๊ถื่อดีเต่ลู เร๊อ เหย่ซี จว๊าฉู่โนแก ลู เด๊อ โลกู.

ꤜꤢꤨꤊꤢ꤬ 9:31

เร๊อ อา โอโลแม๊เถอะ เต่อ เร๊อ ม๊อขุ อา เตลีเตเตเค เต๊เห่ เร๊อ อา เฮ๊เบ่ เกอ เหย่ซู่. เหย่ซี เฮ๊เบ่ เกอเร๊อลู เน๊อ งยาแต๋โต่ ปาเนอ, เหย่ซู่ เก่ เมเล๊อเมบาแถ่ จอแปแหร่ อา เตเซเรหนื่ออื่อ เออเนอ ปา, เร๊อ อา เก่ เซอ แก เบ๊อะวีเยรูซาเล็ม อากูเนอ ปา อาหรี่อาแก.

ꤜꤢꤨꤊꤢ꤬ 12:50

หม่าแน๊เรอ เตเจเทอ เด๊อ แว โหล่ เจ เนอ อา โอ่ปา เต๊อเจ่อ. เตเม เออเต๊อเจอะ เก่ โทตาลว๊า ล๋ายโต่ เร๊อ แว ซิปล่อ เบ่กู่เบ่แก แหน่เจ๊อ.

ꤛꤥ꤭ꤟꤢ꤬ 4:34

เหย่ซู่ เฮ๊ เหย่ซี เน๊อ, “แว เมโต เพร เด๊อ อา นอแฮ แว เออเตเพร อา เตซิหยื่อ เร๊อ แว เมโทแก เตเม เด๊อ อา เด๊อ แว เออเนอหมา หม่าเฮ๊อ แวเหล่เอ่ เฮ๊อ.

ꤛꤥ꤭ꤟꤢ꤬ 17:4

แว เม เป่ โทลอ เฮ๊อ เน เตเม เด๊อ เน นอเม แว เนอเต๊เห่ อาขว่าอาคยา, แว เด๊อะ โล เฮ๊อ เน เตอเรอดุ เตอเรอทู เด๊อ เห่ขุ เออเนอ เฮ๊อ.

ꤛꤥ꤭ꤟꤢ꤬ 19:36

แซ่ฮู๊ ลีเทส่อพ๊า เก่ เล๊อบาแถ่ อาเงเนอ, เตเออเต๊เห่ ทวาแถ่ เฮ๊อ. ลีเทส่อพ๊า เฮ๊ เน๊อ, “อาครุ๊ย เก่ แลเก่หนิ โตโบ๊ โต่,” อา เฮ๊ ฮู๊เนอ.