ꤛꤥ꤭ꤟꤢ꤬ 19:20 - ลีเทส่อพ๊าอาเซ เร๊อ เห่ขุทวาลู๊

²⁰ อู มือเซอแถ่ เหย่ซู่ เออเนอ, อา โอ่ผื่อ แพ๊ เร๊อ วี อาขว่าอาคยา, แกแยยิวพู๊ เต๊เห่ แด๊แม๊ โร๊ลู ลีเออ. เร๊อ ลีเออเนอ อู ราโอ่ ลอปลี เร๊อ ฮีบรูโหง่ เด๊อ แกแยยิวพู๊ เฮ๊เบ่ เกอเร๊อ เออเนอ, เร๊อ ลาตินโหง่ เร๊อ กรีกพู๊ อาโหง่.

Eastern Kayah Shadaw Dialect

²⁰ ꤢꤨ꤭ ꤗꤢꤦ꤭ꤞꤣꤧ꤭ꤓꤢꤧ꤬ ꤛꤢꤩ꤬ꤏꤛꤢꤨ ꤣꤧ꤭ꤔꤣꤧ꤬, ꤢ꤬ ꤥ꤬ꤖꤢꤦ꤬ꤖꤢꤧ ꤔꤢꤧ ꤠꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤢꤧꤗꤢꤧ ꤢꤩꤜꤥ꤬ ꤜꤤ꤬ꤣꤧ꤭꤯ ꤚꤣꤧ꤬ ꤜꤤ꤬ꤣꤧ꤭ꤔꤣꤧ꤬ ꤢꤨ꤭ ꤚꤢ꤭ꤥ꤬ ꤜꤢꤪ꤭ꤕꤜꤤ꤭ ꤔꤢꤧ ꤟꤤꤙꤚꤢꤨꤍ꤫ꤥ꤬ ꤘꤣ ꤛꤢꤨꤘꤢ꤬ꤖꤢꤨ ꤟꤢꤩꤙꤢꤩ꤬ ꤚꤣꤧꤘꤢꤦ꤬ ꤣꤧ꤭ꤔꤣꤧ꤬, ꤔꤢꤧ ꤜꤢ꤬ꤒꤢꤩ꤬ꤍ꤫ꤥ꤬ ꤔꤢꤧ ꤊꤚꤤꤗꤤ꤭ꤡꤣ꤬ꤖꤢꤨ ꤢ꤬ꤍ꤫ꤥ꤬꤯

ꤛꤥ꤭ꤟꤢ꤬ 19:20 ပူးပေါင်းရင်းမြစ်များ

เตเด๊อะโลแถ่ 16:16

เบ๊อะเนออาเค ซิปล่อเซอเพร มู๊แหม่ เออโซโด เนอ, อา นอจว๊า โอ่ปล๊อ คุ๊ย เออเต๊เห่ เด๊อ เหล่โอ่ โต๊โผ่ เด๊อ ฮีบรูโหง่ เฮ๊ เน๊อ อาเมเกดโดน.

เพรโด่แนพู๊ เต๊เห่ 26:14

เป แลคื๊อตา ลอ เด๊อ เห่ขุ ปว๋า เตเพร เจ๊อ, เร๊อ แว หนิโฮ โหง่พราแถ่ เร๊อ ฮีบรูโหง่ ตือมื๊อ เร๊อ อา เฮ๊ แว เน๊อ, ‘เก๋อ คูเซาโล๋, คูเซาโล๋, เน เมจาเมจือ แว เมเต? เน ตอพอเช เกอเร๊อ คยาดื่อ เน กู๊โด่ เน๊อ ตอมอ เด๊อ อาแซ่เน๊อ ปู่ เตเป กาคยา เช เกอเร๊อ คยาแซ๊ดื่อ อา เหน่แบ่แจ่ อิปลี๊ เนอแพ๊,’ อา เฮ๊ แว เนอ ฮีบรูโหง่ ฮู๊เนอ.

เพรโด่แนพู๊ เต๊เห่ 22:2

เบ๊อะเหย่ซี หนิโฮ อา เฮ๊เบ่ เหย่ซี เร๊อ ฮีบรูโหง่ เบ๊อะเนอ, เหย่ซี ลื๋อ โอ่ โส่ แร๊เกอเล๊อ ปาปา. เร๊อ คูเปาโล เฮ๊เบ่ แฮเง โป่ เน๊อ,

เพรโด่แนพู๊ เต๊เห่ 21:40

เร๊อ เกลอฮู๊ตีรี๊ อากู่กล๊อ เออเตเพร เด๊อะอา ค๊าขิ อาขว่าอาคยา, คูเปาโล ก๊อถ่อ เบ๊อะกู่โบลู เนอ, เร๊อ อา วื๊อแหว่จว๊า อากู๊ขุ เด๊อ แกแย เบ๊หมู่ เออเต๊เห่ อา โอ่. เบ๊อะเหย่ซี โอ่โส่เฮ๊อ อาเบ๊อะเนอ, คูเปาโล เฮ๊เบ่ตา เหย่ซี เร๊อ ฮีบรูโหง่.

เพรโด่แนพู๊ เต๊เห่ 21:37

เบ๊อะเกลอฮู๊ เต๊เห่ เตเร เอ๊โน คูเปาโล เด๊อ เกลอฮู๊ เหล่โอ่ เบ๊อะเนอ, คูเปาโล เฮ๊ เกลอฮู๊ตีรี๊ อากู่กล๊อ เออเตเพร เน๊อ, “แว เฮ๊เบ่ เร๊อ เน หม่า อาหนิ ช๊าเหล่ แอ?” อา เฮ๊ เร๊อ, เกลอฮู๊กู่กล๊อ เออเตเพร แด๊เฮอ ลู เน๊อ, “เน เฮ๊เบ่แจ่ ช๊าเหล่ กรีกโหง่ แฮ?

ꤛꤥ꤭ꤟꤢ꤬ 19:13

เบ๊อะคุ๊ยปีลาต หนิโฮ เหย่ซี เฮ๊ฮู๊เออ เบ๊อะเนอ, อา เอ๊เถ่ เหย่ซู่ เร๊อ อา โอ่แนตา เด๊อ เตเมจากาคยา เหล่โอ่แน เหล่โอ่ เด๊อ อู เอ๊ เน๊อ, อูแบ๊ส่า แกแย เหล่จว๊า เร๊อ หล่อ ฮีบรูโหง่ หม่า อา เฮ๊ เน๊อ, กับบาธา.

ꤛꤥ꤭ꤟꤢ꤬ 5:2

เด๊อ วีเยรูซาเล็ม อากูเนอ เทออ่อ โอ่ ต๊ออ่อ. เทออ่อ เนอต๊ออ่อเนอ อา โอ่ผื่อ เร๊อ ซิหมิ เกเร๊ กู่ดากูโอ่ กู่ดากู เร๊อ ฮีบรูโหง่ เนอหม่า อู เอ๊ เร๊อ เบธซาธา. เด๊อ เทออ่อ ตีพรี อาลูเนอ, อู ช๊อ ตาวา เร๊อ เหล่สื่อ แงเม.

เตเด๊อะโลแถ่ 9:11

จ๊อแผ่ เด๊อ อา เป๊อ เหย่ซีเนอ อา โอ่เตเพร. อา หม่าเตเน๊วพู๊ เตเพร เด๊อ อา เป๊อ ครอกูดุ ครอกูแย เออตูกู เนอเตเพร เฮ๊อ. ฮีบรู อาโหง่ เนอหม่า อามุย เร๊อ คูอาบัดโดน เร๊อ กรีก อาโหง่ เนอหม่า, อา เฮ๊ เร๊อ อปอลลิโยน.

ꤟꤤꤙꤚꤢꤨ 13:12

ฮู๊เนอเรอ แซ่ฮู๊ เหย่ซู่ เก่ เม บูโพ๊ หนิเป่ แกแย เห่ขุพู๊ เออเต๊เห่ เน๊อ อาสุ่ย เร๊อดื่อ อาเงเนอ, อา เบ่จว๊า ข่าเซอ อาเหน่ เด๊อ วีกลอ โต๊โผ่.

ꤜꤢꤨꤊꤢ꤬ 23:38

เด๊อ อา กู่กล๊อเท๊ เนอ, อู ราแถ่ โอ่ เร๊อ, “อา หม่า แกแยยิวพู๊ เต๊เห่ อาคุ๊ย.”

ꤛꤥ꤭ꤟꤢ꤬ 19:42

เบ๊อะเนอ เตอเนอเนอ อาโต เร๊อ ม๊อเนอ เด๊อ อู ตี๊หรี่แตแร หนื่ออื่อ ช๊าป่าโร แกแยยิวพู๊ อา ม๊อเนอโด่ เนอเตอเนอ, โท๊โต่ โลกู ลอ โอ่ผื่อ เบ๊อะเนอ ตูกู อาขว่าอาคยา, เหย่ซี จว๊า โล๊โนแก ลู เบ๊อะเนอ.