ꤛꤥ꤭ꤟꤢ꤬ 18:37 - ลีเทส่อพ๊าอาเซ เร๊อ เห่ขุทวาลู๊

³⁷ คุ๊ยปีลาต เฮ๊ ลู เน๊อ, “เก่ เฮ๊ฮู๊เนอ เฮ๊เรอ เน ทวา คุ๊ย เตเพร เฮ๊อ เนอ?” อา แด๊เฮอ ลู ฮู๊เนอ. แบ่เจ่ เหย่ซู่ เฮ๊ฉื่อ ลู เน๊อ, “แว หม่า คุ๊ย เตเพร หม่าแหน่ ฮู๊ เน เฮ๊ เนอเฮ๊อ. แซ่ฮู๊ แว เก่ เฮ๊โฉ่เป่ อู เร๊อ เตหมะเตจ๊อ เนอเรอ, แว แฮ อากาโอ่พู๊เจแล เด๊อ เห่ขุเออ เฮ๊อ. ล๊อ แกแย โอ่เกอ เด๊อ เตหมะเตจ๊อ ตากยา เต๊เห่เนอ อา เก่ หนิดา แวโหง่ ปา” อา เฮ๊ ฮู๊เนอ.

Eastern Kayah Shadaw Dialect

³⁷ ꤋꤝꤤꤕꤤꤜꤢ ꤟꤢꤩ ꤜꤢꤨ꤭ ꤔꤢꤧ, “ꤊꤢꤩ꤬ ꤟꤢꤩꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤔꤢꤧ꤬ ꤓꤝꤢ꤭ ꤋꤝꤤ ꤒꤣ꤬ꤖꤚꤢꤩ꤬ ꤟꤣꤧ ꤔꤣꤧ꤭?” ꤢ꤬ ꤘꤣꤧꤟꤣꤧ꤭ ꤜꤢꤨ꤭ ꤟꤢꤨꤔꤣꤧ꤬꤯ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤠꤢꤧ꤭ ꤗꤢ꤬ ꤋꤝꤤ ꤒꤣ꤬ꤖꤚꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤨ ꤔꤢꤧ꤬ ꤟꤢꤩ ꤔꤣꤧ꤬ꤟꤣꤧ꤯ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤔꤣꤧ꤬ꤚꤣꤧ꤬, ꤠꤢꤧ꤭ ꤟꤢꤧ꤭ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤟꤣꤧ꤯ ꤜꤢꤪ꤭ ꤊꤣꤧ꤬ꤛꤢꤧ꤭ ꤥ꤬ꤊꤣꤧ꤭ ꤘꤣ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣ꤬ꤊꤛꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤘꤢ꤭ ꤠꤢꤧ꤭ꤍ꤫ꤥ꤬ ꤕꤢ꤭꤯” ꤢ꤬ ꤟꤢꤩ ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 18:37 ပူးပေါင်းရင်းမြစ်များ

ꤛꤥ꤭ꤟꤢ꤬ 8:47

จอแปแหร่ อาพู๊อาเลอ เต๊เห่ เนอหม่า อา ซิครือซิลอ หนิดา จอแปแหร่ อาโหง่. หม่าแน๊เรอ ซี หม่า จอแปแหร่ พู๊เหมาะพู๊คู เต๊เห่ หม่าโต่ อาขว่าอาคยา, ซี หนิดา ลูโหง่ โต่.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:6

หม่าแน๊เรอ เป หม่า จอแปแหร่ อาแกแย เต๊เห่. อูเป๋ เตเพร เบ่เบ่ เด๊อ อา ซิเง จอแปแหร่ เตเพรเนอ, อา ครวาหนิดา เกอดื่อ เปโหง่. หม่าแน๊เรอ จอแปแหร่ อาแกแย หม่าโต่ เต๊เห่เนอ, อา ครวา หนิดา เกอ เปโหง่ โต่. ฮู๊เนอ อาขว่าอาคยา, แกแย เด๊อ อา พย๊าหนิ แหย่โยบูโพ๊ แบ่เจ่ เด๊อ อา เฮ๊เบ่ เตหมะเตจ๊อ เออเตเพร เต๊เห่ เนอหม่า อูเป, เร๊อ แกแย เด๊อ อา พย๊าหนิ ซิปล่อ เด๊อ อา เฮ๊เบ่ แลโฮแลแห่ดื่อเง เนอโตโด เต๊เห่ เนอหม่า อูเปเนอ, เป ซิเง เบโปล แจ่ ดื่อ แพ๊.

ꤛꤥ꤭ꤟꤢ꤬ 8:14

แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊ เกอเร๊อ เจ๊อ แวหรี่แวแก ตื๊อดื่อเรอ แว เฮ๊ เออเต๊เห่ เนอหม่า อาโต แพ๊, เมเตเฮ๊เรอ แว โอ่เบ๊อะเตแฮ เนอ แว ซิเง เกอเนอ, แว เตเร จว๊า เบ๊อะปา เนอ แว ซิเง เกอเร๊อ แพ๊. หม่าแน๊เรอ แว โอ่เบ๊อะเตแฮ, โต่หม่าแน๊, แว เตเร จว๊าโต เบ๊อะปาเนอ ซี ซิเง โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:19

เป เก่ โม เกอเร๊อ ลู เตเพร เร๊อ เตเพร ฮู๊เนอ เฮ๊เรอ, เป ซิเง เร๊อ เป โอ่เกอเฮ๊อ เด๊อ เตหมะเตจ๊อ ตากยา เฮ๊อ. เร๊อ เป เก่ ซิปล่อโม, ซิปล่อ ตู๊จู่เตอเจ๊อ เฮ๊อ เด๊อ จอแปแหร่ อา เป๊เส่เง เฮ๊อ.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ꤛꤥ꤭ꤟꤢ꤬ 7:17

แกแย เตเพรเพร เก่ ซิหยื่อ ลือเมโต จอแปแหร่ อาซิปล่อ เฮ๊เนอ, เตอิซว๊าอี๊แส่ เออเต๊เห่ เนอหม่า อา โอ่ เด๊อ จอแปแหร่ อา โอ่แฮ แอ? หม่าโต่เรอ แว เฮ๊เบ่ เกอเร๊อดื่อ เน๊อ แว เตอเรอฉว่าชอ แอ, เนอ อาเกล๊ ซิเง แหน่ แพ๊.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

ทิโมธี อาเหร่อเล๊อ ต๊าบ่า 6:13

เด๊อ จอแปแหร่ เด๊อ อา เมเซอเพร เตปว๊าเต๊อเจ่อ เออเตเพร เร๊อ เหย่ซู่ครี๊ เด๊อ อา อ๊อแล จ๊อจื้อแพ๊ อาโหง่ เด๊อ คุ๊ยปอนทัสปีลาต อา เป๊เส่เง เออเตเพร เนอ, แว เก่ หม่าแก เนโหง่.

ꤜꤢꤨꤊꤢ꤬ 23:3

คุ๊ยปีลาต แด๊ฮ๊อ ลู เน๊อ, “เน หม่า แกแยยิวพู๊ อาคุ๊ย เตเพร หม่าแหน่ แอ?” เร๊อ อา เฮ๊ฉื่อ คุ๊ย เน๊อ, “อ่อ, อา หม่าแหน่ ฮู๊ เน เฮ๊เนอ เฮ๊อ.”

ꤗꤢ꤬ꤊꤢꤨ 15:2

คุ๊ยปีลาต แด๊เฮอ เหย่ซู่ เน๊อ, “เน หม่า แกแยยิวพู๊ อาคุ๊ย เตเพร หม่าแหน่ แอ?” เร๊อ อา เฮ๊ฉื่อ คุ๊ย เน๊อ, “อ่อ, อา หม่าเนอ ฮู๊ เน เฮ๊เนอ เฮ๊อ.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

ꤛꤥ꤭ꤟꤢ꤬ 3:32

อา แด๊โฉ่โล เป่ อู เร๊อ ล๋อ อา แม๊เถอะ เนอเต๊เห่ เร๊อ ล๋อ อา หนิโฮ เนอเต๊เห่. หม่าแน๊เรอ อา แด๊โฉ่โล เป่ อู เนอ อู หนิดา พย๊าฉื่อ ลูเต เตเพร่ว โต่.

มัทธิว 26:64

เร๊อ แบ่เจ่ เหย่ซู่ เฮ๊ฉื่อ ลู เน๊อ, “อ่อ, เน เฮ๊เนอหม่า อาหม่า, หม่าแน๊เรอ แว เก่ เฮ๊เป่ ลอ ซี ปว๋า เตเพร เร๊อ เนอปาเนอ ซี เก่ แม๊เถอะ แกแย อาพู๊คู เก่โอ่แน เด๊อ จอแปแหร่ อาเตโพร เตเตอเรอฉว่าชอ ฉว่าชอเล๊ออู เออเตเพร อากู๊ขุ จ๊อทว๊า เนอตากยา ปา. โทเรอ แว แถ่แฮ อ๊อโหล่ ปาเนอ ซี เก่ แม๊เถอะปา.”

มัทธิว 27:11

เบ๊อะเนออาเค เหย่ซู่ ก๊อถ่อ โอ่เด๊อ คุ๊ยปีลาต อาเป๊เส่เง เร๊อ อา แด๊เฮอ ลู เน๊อ, “เน หม่า แกแยยิวพู๊ อาคุ๊ย เตเพร หม่าแหน่ แอ?” เร๊อ อา เฮ๊ฉื่อ คุ๊ย เน๊อ, “อ่อ, อา หม่าแหน่ ฮู๊ เน เฮ๊เนอ เฮ๊อ”

เตเด๊อะโลแถ่ 3:14

“ราจว๊า ลีเออ เด๊อ วีเลาดีเซีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ อู เอ๊ เน๊อ, ‘อาเมน’ เออเนอ เตเพร อาโอ่. อา หม่า เพร เด๊อ อาซิปล่อจ๊อ เร๊อ อาข่าเฮ๊โล จ๊อจ๊อเตเต เออเตเพร อาโอ่. จอแปแหร่ นอแบ๊ตา แฮเง ลอ เตล๋อ ปลี เออเนอ เร๊อ อา แพ๊.

เตเด๊อะโลแถ่ 1:4

แว หม่า คูยอห์น. แว ราจว๊า เป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา โอ่ เด๊อ เอเซียเก่กู เนอเต๊เห่ อาโอ่. จอแปแหร่ เด๊อ อา เซอเพร มู๋ หนู่เค, โท๊โต่ กู๊แหน่เค๋ หม่า อา เซอเพรเพร, เนอปา หม่า อา เก่ เซอเพรเพร เออเตเพร เร๊อ ซิปล่อเซอเพร โซซว๊าเตเม เด๊อ อา โอ่ เด๊อ ลู กู่แกล๊แถ่โล อาเป๊เส่เง เออเต๊เห่ อาบุ๊ยอาเตอเรอ เร๊อ อา เตโส่เตเคร เออเนอ, ซี เก่ พย๊าหนิดื่อ นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:14

เด๊อ เหร่อเคเนอ หม่า, เป แซ่เน๊อ แกแยเซอ เนอเต๊เห่ แพ๊. หม่าแน๊เรอ กู๊แหน่เออ, เด๊อ เป โมหนิ เฮ๊อ เป โป่แหว่ ครี๊พู๊ เต๊เห่ อาขว่าอาคยา, เป ซิเง เร๊อ เป ทวาแถ่เฮ๊อ แกแย เด๊อ อา เซอเพร เต๊เห่ เฮ๊อ. แกแย เด๊อ อา โมหนิเกอ อาโป่แหว่ ครี๊พู๊ โต่ เต๊เห่ เนอหม่า, อา โอ่หม่าโอ่กลอ ปาแพ๊ เด๊อ เตเซอ อากูแพ๊.

ꤜꤢꤨꤊꤢ꤬ 22:70

เหย่ซี ปว๋า เตเพร เฮ๊ เน๊อ, “เก่ เฮ๊ฮู๊เนอ เรอ เน หม่า จอแปแหร่ อาพู๊ เตเพร เฮ๊อ เนอ?” เร๊อ อา เฮ๊ฉื่อ เหย่ซี เน๊อ, “อ่อ, อา หม่าแหน่ ฮู๊ ซี เฮ๊ เนอ เฮ๊อ.”

ꤗꤢ꤬ꤊꤢꤨ 14:62

เร๊อ เหย่ซู่ เฮ๊ฉื่อ ลู เน๊อ, “อ่อ, แว เฮ๊อ. เร๊อ ซี เก่ แม๊เถอะ แกแยพู๊คู หม่าเฮ๊อ แวเออ เก่ โอ่แนโอ่ เด๊อ จอแปแหร่ เด๊อ อาฉว่าอาชอ เออเตเพร อากู๊ขุ จ๊อทว๊า เนอตากยา ปา, เร๊อ ซี เก่ แม๊เถอะ แว แด๊แลแฮหนิ ม๊อขุ อา อ๊อโหล่ขุ ปา.”

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

ꤛꤥ꤭ꤟꤢ꤬ 1:17

จอแปแหร่ เด๊อะตา เตซว๊าเตแส่ เร๊อ คูโมเสส เร๊อ คูโมเสส เด๊อะตา แฮเง เน๊อ เป, ตื๊อดื่อเร๊อ เหย่ซู่ครี๊ หม่า หม่าเฮ๊อ แกแย เด๊อ อา เด๊อะตา เป่ เป เตบุ๊ยเตเตอเรอ เร๊อ เตหมะเตจ๊อ.

ꤛꤥ꤭ꤟꤢ꤬ 8:45

เมเตเฮ๊เรอ แว ย๋อ เฮ๊เบ่ เป่ ซี เตหม่า เตจ๊อ อาขว่าอาคยา, ซี หยื่อเอ่ โต่.

ꤛꤥ꤭ꤟꤢ꤬ 8:46

แว เมเต เนอหม่า อา ซื๊อแพ๊ อา เฮ๊ เร๊อ อา ยูเบ๊ เนอหม่า เด๊อ ซีเกล เนอ อา โอ่เตเพรเพร แอ? แว เก่ เฮ๊เบ่เต เด๊อ อาหม่าอาจ๊อ เต๊เห่แพ๊ เก่เฮ๊เรอ หม่าเมเต เร๊อ ซี หยื่อเอ่ แว โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:21

ซี ซิเงเกอ เตหม่าเตเจ๊อ โต่ อาขว่าอาคยา เร๊อ, แว รา เป่ซี ฮู๊เนอ หม่าโต่. ซี ซิเงเฮ๊อ เตหมะเตจ๊อ เร๊อ แวรา เป่ ซี แพ๊. โท๊โต่ เตแลโฮแลแห่ เนอ อา แฮ โอ่ เถ่แจ่ เด๊อ เตจ๊อเตเต อากู แตแค๋โต่เนอ. ซีซิเงดื่อ เฮ๊อ.