ꤛꤥ꤭ꤟꤢ꤬ 18:33 - ลีเทส่อพ๊าอาเซ เร๊อ เห่ขุทวาลู๊

³³ ฮู๊เนอเรอ คุ๊ยปีลาต โน เด๊อ อาโฮกู เร๊อ อา นอเอ๊โน อู เร๊อ แบ่เจ่ เหย่ซู่ เร๊อ อา แด๊เฮอ ลู เน๊อ, “เน หม่า แกแยยิวพู๊ อาคุ๊ย เตเพร หม่าแหน่ แอ? ฮู๊เนอ.”

Eastern Kayah Shadaw Dialect

³³ ꤟꤢꤨꤔꤣꤧ꤬ꤚꤣꤧ꤬ ꤋꤝꤤꤕꤤꤜꤢ ꤔꤥ꤭ ꤘꤣ ꤢ꤬ꤟꤥ꤭ꤊꤢꤨ꤭ ꤚꤣꤧ꤬ ꤢ꤬ ꤔꤢꤪ꤭ꤢꤩꤔꤥ꤭ ꤢꤨ꤭ ꤔꤢꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤚꤣꤧ꤬ ꤢ꤬ ꤘꤣꤧꤟꤣꤧ꤭ ꤜꤢꤨ꤭ ꤔꤢꤧ, “ꤔꤢꤧ꤬ ꤗꤢ꤬ ꤛꤢꤨꤘꤢ꤬ꤖꤢꤨ ꤢ꤬ꤋꤝꤤ ꤒꤣ꤬ꤖꤚꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤧ꤭?” ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 18:33 ပူးပေါင်းရင်းမြစ်များ

ꤛꤥ꤭ꤟꤢ꤬ 19:12

เป๊อแถ่ เบ๊อะอา เฮ๊โท ฮู๊เนอ เนอ, คุ๊ยปีลาต แอ๊จื๊อ แม๊ปู แกล๊ เด๊อ อา เก่ ปลวาเถ่แก เหย่ซู่. หม่าแน๊เรอ แกแยยิวพู๊ เต๊เห่ เอ๊โท เป่แฮ ตือดื๊อโป่ เน๊อ, “เน เก่ ปลวาเถ่แก แกแย เนอเตเพร เฮ๊หม่า, เน หม่า จ๊อแผ่ ซีซาร์ อาโคแบ๊ซว๊า หม่าโต่. แกแย เตเพรเพร เด๊อ อา ดี๊กว๊า แล เกอเร๊อ อาเหน่ เร๊อ จ๊อแผ่ เนอ, หม่าเฮ๊อ แกแย เด๊อ อา เท๊ฉื่อ คุ๊ยซีซาร์ เฮ๊อ.”

ꤛꤥ꤭ꤟꤢ꤬ 19:3

อา แฮโต ลู เร๊อ อา แฮเฮ๊ กาคยาคยา แฮเงเง ลู เน๊อ, “เก๋อ ยิวอาคุ๊ยดุ, โอ่เซอเพร ม๊อเนอ ทูดื่อ นี๋!” อา เฮ๊ แลหวี่แลวอ กู๊นีกู๊โหน่ โท ลู ฮู๊เนอ เร๊อ เหย่ซี แปล่ ลู กู๊หลิเล

ꤛꤥ꤭ꤟꤢ꤬ 18:37

คุ๊ยปีลาต เฮ๊ ลู เน๊อ, “เก่ เฮ๊ฮู๊เนอ เฮ๊เรอ เน ทวา คุ๊ย เตเพร เฮ๊อ เนอ?” อา แด๊เฮอ ลู ฮู๊เนอ. แบ่เจ่ เหย่ซู่ เฮ๊ฉื่อ ลู เน๊อ, “แว หม่า คุ๊ย เตเพร หม่าแหน่ ฮู๊ เน เฮ๊ เนอเฮ๊อ. แซ่ฮู๊ แว เก่ เฮ๊โฉ่เป่ อู เร๊อ เตหมะเตจ๊อ เนอเรอ, แว แฮ อากาโอ่พู๊เจแล เด๊อ เห่ขุเออ เฮ๊อ. ล๊อ แกแย โอ่เกอ เด๊อ เตหมะเตจ๊อ ตากยา เต๊เห่เนอ อา เก่ หนิดา แวโหง่ ปา” อา เฮ๊ ฮู๊เนอ.

ꤛꤥ꤭ꤟꤢ꤬ 12:13

ฮู๊เนอเรอ อา ปื่อหนิ แลแค กะน๊อดุเหล่ เต๊เห่ เร๊อ อา เถ่จว๊า แม๊ฉื่อ ลู, เร๊อ อา เอ๊โท แลแค เนอ, “ถู่เซ๊แถ่ แลแค จอแปแหร่!” “จอแปแหร่ เก่ เด๊อะบุ๊ยเด๊อะเตอเรอ อา เด๊อ อา แฮ เร๊อ แบ่เจ่ อามุย เออเตเพร!” “จอแปแหร่ เก่ เด๊อะบุ๊ยเด๊อะเตอเรอ อิสราเอล อาคุ๊ยจ๊อแผ่ เออเตเพร นี๋”

ꤗꤢ꤬ꤊꤢꤨ 15:2

คุ๊ยปีลาต แด๊เฮอ เหย่ซู่ เน๊อ, “เน หม่า แกแยยิวพู๊ อาคุ๊ย เตเพร หม่าแหน่ แอ?” เร๊อ อา เฮ๊ฉื่อ คุ๊ย เน๊อ, “อ่อ, อา หม่าเนอ ฮู๊ เน เฮ๊เนอ เฮ๊อ.”

มัทธิว 27:11

เบ๊อะเนออาเค เหย่ซู่ ก๊อถ่อ โอ่เด๊อ คุ๊ยปีลาต อาเป๊เส่เง เร๊อ อา แด๊เฮอ ลู เน๊อ, “เน หม่า แกแยยิวพู๊ อาคุ๊ย เตเพร หม่าแหน่ แอ?” เร๊อ อา เฮ๊ฉื่อ คุ๊ย เน๊อ, “อ่อ, อา หม่าแหน่ ฮู๊ เน เฮ๊เนอ เฮ๊อ”

ทิโมธี อาเหร่อเล๊อ ต๊าบ่า 6:13

เด๊อ จอแปแหร่ เด๊อ อา เมเซอเพร เตปว๊าเต๊อเจ่อ เออเตเพร เร๊อ เหย่ซู่ครี๊ เด๊อ อา อ๊อแล จ๊อจื้อแพ๊ อาโหง่ เด๊อ คุ๊ยปอนทัสปีลาต อา เป๊เส่เง เออเตเพร เนอ, แว เก่ หม่าแก เนโหง่.

ꤛꤥ꤭ꤟꤢ꤬ 19:9

อา กา โกโน คยาแซ๊ เด๊อ อาโฮกู เร๊อ อา โน แด๊เฮอ เหย่ซู่ เน๊อ, “เน โอ่เบ๊อะแฮ?” หม่าแน๊เรอ เหย่ซู่ เฮ๊กาคยาฉื่อ ลู เตอเจ๋อ โต่.

ꤛꤥ꤭ꤟꤢ꤬ 12:15

“เก๋อ เยรูซาเล็ม วีพู๊ ซี๋! ซิอิเช แต่ แลแค แต่เหม่ นี๋! แม๊มอ แลแค, ซี คุ๊ยจ๊อแผ่ แด๊หนิ แมอ๊อแล โตโล๊ เร๊อ อา แฮโตเกอ เด๊อ ซีโอ่ เฮ๊อ.”

ꤛꤥ꤭ꤟꤢ꤬ 1:49

คูนาธานาเอล เฮ๊ฉื่อ ลู เน๊อ, “รับบี เน หม่า จอแปแหร่ อาพู๊คู หม่าแหน่ เฮ๊อ, เน หม่า อิสราเอล อาคุ๊ยจ๊อแผ่ หม่าแหน่ เจ๊อ เฮ๊อ.”

มัทธิว 27:27

โทเรอ คุ๊ย อา เกลอฮู๊ เต๊เห่ เอจว๊า แบ่เจ่ เหย่ซู่ เด๊อ เกลอฮู๊โกล เหล่โอ่ เบ๊อะคุ๊ยโฮ เตเร๊กู เนอ เร๊อ เกลอฮู๊ เยโซซว๊า แฮโอ่ปล๊อ ตาวาลอ ลู.

ꤜꤢꤨꤊꤢ꤬ 23:2

เหย่ซี แด่ แลแค เตซื๊อ เด๊อ เหย่ซู่ อาลู เร๊อ อา เฮ๊ เน๊อ, “เป ปื่อหนิ แกแย เออเตเพร, เมเตเฮ๊เรอ อา อี๊หล่าเมซื๊อ เอ๊ลา เป แกแย เต๊เห่ อาแกล๊, เร๊อ อา เฮ๊ เร๊อ โหล่เด๊อะ เร๊อ โรมัน คุ๊ยซีซาร์ อาหมู่อาร๊า โต่, โท๊โต่ อา เฮ๊แลหนิ โป่ อาเหน่ เน๊อ แว หม่า ครี๊ เด๊อ อา หม่าดื่อ คุ๊ย เตเพร, อา เฮ๊ ฮู๊เนอ.”

ꤛꤥ꤭ꤟꤢ꤬ 18:34

แบ่เจ่ เหย่ซู่ เฮ๊ฉื่อ ลู เน๊อ, “เออ หม่า เน เหล่เตเน เฮ๊เถ่ เกอเร๊อดื่อ แอ? หม่าโต่เรอ แกแย เตเพรเพร แฮแด๊ เป่ เน เร๊อ แวหรี่แก แอ? อา แด๊เฮอ กาคยาฉื่อ ลู ฮู๊เนอ.”

ꤛꤥ꤭ꤟꤢ꤬ 18:38

คุ๊ยปีลาต แด๊เฮอ ลู เน๊อ, “เตหมะเตจ๊อ หม่า อิเตเต?” ฮู๊เนอ. เร๊อ คุ๊ยปีลาต เถ่โต คยาแซ๊ เด๊อ แกแยยิวพู๊ เออเต๊เห่ อา โอ่ เร๊อ อา เฮ๊ เหย่ซี เน๊อ, “แว เตเร เมจากาคยา อา อาเงเนอ. แว แม๊เถอะ อาเตซื๊อ เตอเจ๋อ โต่. อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 19:4

คุ๊ยปีลาต แฮเถ่ คยาแซ๊ เร๊อ อา เฮ๊ แกแยยิวพู๊ เต๊เห่ เน๊อ, “แซ่ฮู๊ ซี เก่ ซิเง แลแค เร๊อ แว เจแม๊ อา เร๊อ แว แม๊เถอะ อา เม เตซื๊อ เตอเจ๋อ โต่ อาเงเนอ, แว เก่ เอ๊เถ่โล เป่ คยาแซ๊ ซี เบ๊อะเออ.”