ꤛꤥ꤭ꤟꤢ꤬ 18:32 - ลีเทส่อพ๊าอาเซ เร๊อ เห่ขุทวาลู๊

³² อา เฮ๊ แลแค ฮู๊เออ หม่า แซ่ฮู๊ อา เก่ เล๊อบาแถ่ ฮู๊ แบ่เจ่ เหย่ซู่ เฮ๊หนื่ออื่อ เฮ๊โข่แก เร๊อ อา เตเร เซอ ฮู๊เต เต๊อเจ่อ ปา เนอเฮ๊อ.

Eastern Kayah Shadaw Dialect

³² ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤣꤧ꤭ ꤗꤢ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤜꤣꤙꤢ꤭ꤓꤢꤧ꤬ ꤟꤢꤨ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤥ꤬ꤔꤢꤩ꤬ ꤟꤢꤩꤋꤥ꤬ꤊꤢꤧ꤭ ꤔꤢꤧ ꤢ꤬ ꤊ꤫ꤢꤦ꤬ꤚꤢꤩ꤭ ꤞꤣꤧ꤭ ꤟꤢꤨꤒꤢꤩ꤭ ꤒꤣ꤬ꤡꤣ꤬ ꤕꤢ꤭ ꤔꤣꤧ꤬ꤟꤣꤧ꤯

ꤛꤥ꤭ꤟꤢ꤬ 18:32 ပူးပေါင်းရင်းမြစ်များ

มัทธิว 20:19

เหย่ซี เก่ เด๊อะตาโดโต่ อา เด๊อ แกแยยิวพู๊ หม่าโต่ เต๊เห่ อา กู๊ยากู ปา, เหย่ซี เฮ๊เบ่ โตโมจู๊แก่ กี๊นีโก๊โหนะ ลอ แวปา, โทเรอ เหย่ซี เก่ มือ แว เร๊อ สู่เปลอ อิปลี๊แช๊ ปา เร๊อ เหย่ซี เก่ มือเซอแถ่ อา เด๊อ อี๊ถื่อดีเต่ลู หม่าแน๊เรอ โซเนอ เตอเนอ ปาเนอ, จอแปแหร่ เก่ เมเซอเพร ก๊อถ่อ กาคยา คยาแซ๊ อาปา.”

มัทธิว 26:2

“ซี ซิเงเฮ๊อ เน๊อ, อาโหล่ปา เนอเนอ หม่า ป่วย เด๊อ อู เอ๊ เร๊อ ป่วยเตจว๊า ตา ลว๊า แฮโต่เฮ๊อ. อู เก่ อิเชตาแก แกแยพู๊คู เออ ปา เร๊อ อู เก่ มือเซอแถ่แก ลู เด๊อ อี๊ถื่อดีเต่ลู ปา.”

ꤗꤢ꤬ꤊꤢꤨ 10:33

เร๊อ อา เฮ๊ เหย่ซี เน๊อ, “หนิดา ตาเต แลแค, กู๊แหน่ เร๊อ เป แถ่ เด๊อ วีเยรูซาเล็ม. เบ๊อะเนอ ปาหม่า อู เก่ อิแช๊ปื่อ แกแยพู๊คู หม่าดื่อ แวเออเนอ เด๊อ เพรหลู่แต ทวาดุทวาเต เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ อา กู๊ยากู ปา. เร๊อ เหย่ซี อา ซิปล่อ โต ลอ ลู เด๊อ อา เก่ เมเซอแก แว ปา. อา เก่ เด๊อะตาแก แว เด๊อ แกแยยิวพู๊ หม่าโต่ เต๊เห่ อา กู๊ยากู ปา.

ꤛꤥ꤭ꤟꤢ꤬ 10:31

แกแยยิวพู๊ เต๊เห่ อาโถ่ แลแค หล่อ เร๊อ เตเร ต่าเซอ ลู.

ꤛꤥ꤭ꤟꤢ꤬ 10:33

“เด๊อ เน เตเมแร๊ เออเต๊เห่ อาขว่าอาคยาเร๊อ, เป เตเร ต่า เน เร๊อ หล่อ หม่าโต่. เน ย๋อ เฮ๊เบ่ซื๊อ จอแปแหร่ เออเนอ แพ๊, เมเตเฮ๊เรอ เน ทวา แพ๊ แกแย เห่ขุพู๊ เตเพรแพ๊ เร๊อ เน จว๊า แด๊กว๊า แล เกอเร๊อ เจ๊อ เนเหน่ เร๊อ จอแปแหร่ เหย่ซี เฮ๊ ลู ฮู๊เนอ.”

ꤛꤥ꤭ꤟꤢ꤬ 13:18

“แว ซิ เฮ๊ ลอปลี ซี ปว๋า เตเพร ฮู๊เนอ หม่าโต่. ล๋อ ซี เด๊อ แว นว๊าแถ่ เออเต๊เห่ เนอหม่า แว ซิเง เกอเร๊อ ลอ ซี ปว๋า เตเพร. หม่าแน๊เรอ แซ่ฮู๊ ลีเทส่อพ๊า เฮ๊หนื่ออื่อ เก่ เล๊อบาแถ่ อาเงเนอ, ‘แกแย เด๊อ อา เอ่เต่อโอเต่อเกอ เต เร๊อ แว เออเตเพร ซิเถ่ แว เร๊อ อา เก่ อิเชตาแกเฮ๊อ แว เฮ๊อ.’

ꤛꤥ꤭ꤟꤢ꤬ 18:31

คุ๊ยปีลาต เฮ๊ฉื่อ เหย่ซี เน๊อ, “เอ๊ จว๊า เกอ เร๊อดื่อ แลแค เร๊อ เตเมจากาคยา เกอเร๊อดื่อ แลแค ฮู๊ ซี เตซว๊าเตแส่ โอ่เนอ.” หม่าแน๊เรอ แกแยยิวพู๊ เต๊เห่ เฮ๊ฉื่อ ลู เน๊อ, “เป เตอเรอฉว่าชอ เด๊อ เป เบ่ เมจากาคยา เซอแก แกแย เนอ, อาโอ่โต่,” อา เฮ๊ฉื่อ ฮู๊เนอ.

ꤛꤥ꤭ꤟꤢ꤬ 21:19

แบ่เจ่ เหย่ซู่ เฮ๊ ลู ฮู๊เออ เนอหม่า, อา ซิ แด๊โฉ่โล ลู เร๊อ คูเปโตร เก่ เซอ ฮู๊เต ปา เร๊อ จอแปแหร่ อาลีอาเตเค เก่ โอ่โลแม๊เถอะ ฮู๊เต ปา อาเงเนอ แพ๊. โทเรอ แบ่เจ่ เหย่ซู่ เฮ๊ ลู เน๊อ, “ครวา แวคยา.”

ꤛꤥ꤭ꤟꤢ꤬ 3:14

แซ่ฮู๊ แกแย ปว๋า เตเพร เด๊อ อา หยื่อเอ่แหน่ แว เต๊เห่, เก่ พย๊าหนิ ซิปล่อเซอเพร ตูจูเพร ตาแลเคร๊ อาเงเนอ, แว เด๊อะ อา หม่าดื่อเฮ๊อ แกแยพู๊คู เออ อู เก่ ช๊อแถ่ เกอดื่อ แว ฮู๊ คูโมเสส มู๋ หนู่เค จอแถ่ หรู่ตีลีแบ แหย่โย เด๊อ อี๊ถื่อลู เร๊อ อา ช๊อแถ่ อา เด๊อ เก่เชเทอแก หล่อตาม๊าขุ เนอ ปา.

ꤛꤥ꤭ꤟꤢ꤬ 8:28

เด๊อ เหย่ซี ซิเงโปลโต่ อาขว่าอาคยา แบ่เจ่ เหย่ซู่ เฮ๊ เหย่ซี เน๊อ, “ช๊า ซี มือเซอแถ่ แกแยพู๊คู หม่า แวเออ เด๊อ อี๊ถื่อดีเต่ เบ๊อะเนอปา, ซี เก่ ซิเงเนอ เร๊อ แว หม่า แกแย เด๊อ แว แด๊โฉ่โล โทเป่เฮ๊อ ซี เนอเตเพร ปา. โท๊โต่ ซี เก่ ซิเงแฮ เร๊อ แว เม จู๊ ดื่อ แว ซิปล่อ หม่าโต่, เร๊อ แว เฮ๊เบ่แพ๊ เต เด๊อ แวเพ อิซว๊าอี๊แส่ แว เนอเต๊เห่ แพ๊ เนอ ซี ซิเงดื่อ ปา.

เพรโด่แนพู๊ เต๊เห่ 7:59

เบ๊อะเหย่ซี ต่า คูสเทเฟน เร๊อ หล่อ เนอ, คูสเทเฟน กุยจ๊อเบแถ่ แบ่เจ่ เร๊อ อา เฮ๊ เน๊อ, “แบ่เจ่ เหย่ซู๋, พย๊าดว้าแก แว ซิปล่อ เออ.”

ꤊꤢ꤬ꤜꤢ꤬ꤒꤤ 3:13

ล๋อ เตซว๊าเตแส่ เต๊เห่เนอ, อู ลือครวา เมเบ๊ เตเพร่ว โต่ อาขว่าอาคยา, จอแปแหร่ เก่ เมจากาคยา ลอ อูปว๋า เตเพร ปา, หม่าแน๊เรอ ครี๊ อี๊ถ่า เฮ๊อ เป เฮ๊อ. เด๊อ อา ข่าเป่ เป เตจา เด๊อ อี๊ถื่อดีเต่ลู เออ อาขว่าอาคยาเร๊อ, อา แฮโน ข่าเป่เฮ๊อ เป เตเมจากาคยา เด๊อ อา เก่ กาเบ่ เป ปา เออเนอ อาเง เฮ๊อ. เมเตเฮ๊เรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อู มือเซอแถ่ อา เด๊อ อี๊ถื่อดีเต่ อาโอ่ เนอ, เตเมจากาคยา เบ่เฮ๊อ อา เฮ๊อ,” อา เฮ๊ ฮู๊เนอ.