ꤛꤥ꤭ꤟꤢ꤬ 17:22 - ลีเทส่อพ๊าอาเซ เร๊อ เห่ขุทวาลู๊

²² แซ่ฮู๊ เหย่ซี เก่ โอ่ลู เร๊อ ซิปล่อ เตเมเม๋ แพ๊ ฮู๊ แว เร๊อ เน โอ่ลู เร๊อ ซิปล่อ เตเมเม๋ แพ๊ อากูเนอ เนอ, แว เด๊อะ เฮ๊อ เหย่ซี เตเตอเรอดุ เตอเรอทู เด๊อ เน เด๊อะ แว เออเนอ เฮ๊อ.

Eastern Kayah Shadaw Dialect

²² ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤥ꤬ꤜꤢꤨ꤭ ꤔꤢꤧ ꤞꤤꤕꤜꤢꤪ꤬ ꤒꤣ꤬ꤗꤢꤩ꤭ꤡꤢꤦ꤭ ꤟꤢꤨ ꤠꤢꤧ꤭ ꤔꤢꤧ ꤔꤢꤧ꤬ ꤥ꤬ꤜꤢꤨ꤭ ꤔꤢꤧ ꤞꤤꤕꤜꤢꤪ꤬ ꤒꤣ꤬ꤗꤢꤩ꤭ꤡꤢꤦ꤭ ꤢ꤬ꤊꤢꤨ꤭ꤔꤣꤧ꤬ ꤚꤣꤧ꤬, ꤠꤢꤧ꤭ ꤘꤣꤧ ꤟꤣꤧ ꤛꤢꤩ꤬ꤞꤤ꤭ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤘꤣ ꤔꤢꤧ꤬ ꤘꤣꤧ ꤠꤢꤧ꤭ ꤣꤧ꤭ꤔꤣꤧ꤬ ꤟꤣꤧ꤯

ꤛꤥ꤭ꤟꤢ꤬ 17:22 ပူးပေါင်းရင်းမြစ်များ

โครินธ์ เนอบ่า ต๊าบ่า 3:18

กู๊แหน่เออ เต เด๊อ อา โฮ๊ ตาตือ บี๊ ล๋อ เป เด๊อ อา หยื่อเอ่ เหย่ซู่ เออเต๊เห่ อาเป๊เส่ เนอ อา โอ่ ปา เตอเจ๋อ โต่. ฮู๊เนอเรอ, กู๊แหน่เออ เป แม๊เถอะ แฮเง ลา เฮ๊อ แบ่เจ่ อา เตลีเตตาเค เร๊อ เป ทวาแถ่ แซ่เฮ๊อเร๊อ หม่าโด่ เด๊อ อา ลีช๊าเตเค กาคยา แบ่เจ่ อา เตลีเตเค เต๊เห่เนอ เฮ๊อ. เป แม๊เถอะ แฮเง ลา เฮ๊อ แบ่เจ่ อาลีเตเค, เร๊อ แหย่โยบูโพ๊ แบ่เจ่ เม เป่ เฮ๊อ เป เด๊อ เป เก่ แซ่แฮ เร๊อ แซ่แฮ, แซ่เฮ๊อ เร๊อ เป แบ่เจ่ เด๊อ อา เตอเรอดุทู เออเตเพรเนอ เฮ๊อ.

ꤛꤥ꤭ꤟꤢ꤬ 14:20

เบ๊อะเนอเตอเนอ ปาเนอ, ซี เก่ ซิเง เน๊อ แว โอ่ เด๊อ แวเพ อากู เร๊อ ซี โอ่ เด๊อ แวกู เร๊อ แว โอ่ เด๊อ ซีกู ปา.

ꤛꤥ꤭ꤟꤢ꤬ 1:16

อาบุ๊ยเตอเรอ โอ่เล๊อโอ่บา เจ๊อ อาขว่าอาคยา, เป ล๋อ ปลี พย๊าหนิ เกอดื่อเฮ๊อ เตบุ๊ยเตเตอเรอ เต๊อเจ่อ โท เต๊อเจ่อ เด๊อ ลูโอ่ เฮ๊อ.

เอเฟซัส 2:20

ซี หม่า อาแซ่เน๊อ หี่ เด๊อ อู แบ๊ อา อี๊ถื่อแก่ช๊า เร๊อ หล่อ เออเตเม เนอเฮ๊อ. เพรโด่แน เร๊อ เพรโพร เต๊เห่ เนอหม่า อาแซ่เน๊อ อู แบ๊ หี่ถื่อ อา อี๊ถื่อแก่ช๊า เออเต๊เห่เนอ เฮ๊อ. เร๊อ แบ่เจ่ เหย่ซู่ครี๊ อาแหน่แบ่เจ่ เร๊อดื่อ เออเนอหมา อาแซ่เน๊อ หี่เออ เตเม เก่กลอเก่หม่า อาเงเนอ, อา หม่า อา ทวา เพร ตาทว๊าหม่า เป่ อู เต เด๊อ อา โหล่ดุเล๊อ อู เตเพร เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:24

แกแย เด๊อ อา จูเอ่ จอแปแหร่ โหง่เฮ๊แก เออเต๊เห่ เนอหม่า อา โอ่หม่าโอ่กลอ เด๊อ จอแปแหร่ อากู เฮ๊อ, เร๊อ จอแปแหร่ โอ่หม่าโอ่กลอ เกอเฮ๊อ เด๊อ เหย่ซี อากู เฮ๊อ. จอแปแหร่ เด๊อ โทเฮ๊อ เป แหย่โยบูโพ๊ แบ่เจ่ อาขว่าอาคยา, อา เด๊อซิเง โทเฮ๊อ เป เร๊อ อา โอ่หม่าโอ่กลอ เด๊อ เปกู เฮ๊อ.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

โครินธ์ เนอบ่า ต๊าบ่า 5:20

ฮู๊เนอเรอ, กู๊แหน่เออ เป ทวา เป่ เพรเฮ๊เบ่เต เด๊อ ครี๊ อาเหล่โอ่. จอแปแหร่ อาเหน่แบ่เจ่ เร๊อดื่อ นอกุยซิยอ แฮเง เป เร๊อ ซี เด๊อ ซี เก่ หนิดา เป เตเฮ๊โฉ่โด่แน ซี เออ. เป กุยซิยอ ซี เด๊อ ครี๊ อามุยกู เร๊อ ครี๊ เก่ เมทวาแถ่ คยา ซี เร๊อ จอแปแหร่ อา โคแบ๊ซว๊า เต๊เห่.

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

ꤗꤢ꤬ꤊꤢꤨ 6:7

โทเรอ อา เอ๊แฮ ปล๊อลอ อา โคเจ่ เช๊อซิเนอ เร๊อ อา นอเถ่จว๊า ลู ตู๊หมู่ เร๊อ ซิเนอ ฮู๊เนอ. โทเร๊อ แซ่ฮู๊ เหย่ซี เก่ เหว่เถ่แกเบ๊ โลเน๊ เนอ, อา เด๊อ เป่ เหย่ซี เตอเรอฉว่าชอ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:3

แซ่ฮู๊ ซี เก่ แบ๊ซว๊าแบ๊โค เต่อเกอ เร๊อ เป อาเงเนอ, เป แด๊โฉ่ เป่เกอ ซี เต เด๊อ เป แม๊เถอะ โทเฮ๊อ เร๊อ เป หนิโฮเบ่ โทเฮ๊อ เนอเต๊เห่ เฮ๊อ. เป เตแบ๊ซว๊าแบ๊โค คยาลู เออเนอหมา, เป แบ๊ซว๊า เปเหน่ เร๊อ เพ จอแปแหร่ เร๊อ อาพู๊คู เหย่ซู่ครี๊.

เพรโด่แนพู๊ เต๊เห่ 5:41

เพรโด่แนพู๊ เต๊เห่ เหย่ซีซิครือซิลอ เถ่จว๊าแก เด๊อ แกแยยิวพู๊ ทวาดุทวาเต เออเต๊เห่ อา เป๊เส่เง, เมเตเฮ๊เรอ เด๊อ เหย่ซู่ อาขว่าอาคยาเร๊อ, จอแปแหร่ แด่โอ่ แหน่ เฮ๊อ เหย่ซี เร๊อ อา โต แหน่ เฮ๊อ เร๊อ อา เบ่ ป่อชิเต่อ อู เมเตเร เหย่ซี ฮู๊เออ เนอหมา อา อาต่า แหน่ เฮ๊อ ฮู๊เนอ แพ๊.

ꤛꤥ꤭ꤟꤢ꤬ 17:24

“เก๋อ เพ, แกแย เด๊อ เน เด๊อะ เร๊อ แว เออเต๊เห่เนอ, แว โอ่ เบ๊อะโต๊โผ่เนอ, แว ซิหยื่อ เอ๊ โอ่เกอ เหย่ซี เบ๊อะเนอ. แว ซิหยื่อ เด๊อ เหย่ซี เก่ แม๊เถอะ แว เตเตอเรอดุ เตอเรอทู เด๊อ เน เด๊อะ แว เออเต๊เห่, เมเตเฮ๊เรอ, เน โม ปา แว เด๊อ เป แบ๊แล แต่ล๋าย เห่ขุ โต่ เบ๊อะเนอ ปา เจ๊อ.”

ꤜꤢꤨꤊꤢ꤬ 22:30

เมเตเฮ๊เรอ แซ่ฮู๊ ซี เก่ เอ่โอ เต่อเกอ เร๊อ แว เด๊อ แว ดีเหร่ขุ ช๊า เด๊อ แวเทอแวเก่กู ปา. โท๊โต่ แซ่ฮู๊ ซี เก่ โอ่แนโอ่ เต่อน๊อ เกอดื่อ เร๊อ แว เด๊อกู่แกล๊เท แถ่โล อาขุ ปา. เร๊อ ซี เก่ เจแม๊ เมโต เร๊อดื่อ อิสราเอล เช๊อเนอโหมะ เออเนอ ปา.

เตเด๊อะโลแถ่ 21:14

วีเต๊เร๊ หล่อดุ อาช๊า เนอ อู แบ๊แถ่ ลู เร๊อ หล่อดุ เช๊อเนอเม. เร๊อ เด๊อ หล่อ เออเต๊เห่ ลูเนอ เนอ อู ราโอ่ อา เร๊อ ซิหมิพู๊ อา เพรโด่แนพู๊ เต๊เห่ เช๊อซิเนอ เต๊เห่ อามุย.

โคโลสี 1:24

แซ่ฮู๊ ซี เก่ หนิบุ๊ยหนิเตอเรอ อาเงเนอ, กู๊แหน่เออ แว ข่าเบ่เต เด๊อ ซีเง ฮู๊เออเนอหม่า แว ซิครือ แพ๊. ฮู๊ ครี๊ ข่า เป่ เฮ๊อ แกแย เด๊อ อา หยื่อเอ่ ลู เด๊อ อา แซ่ดื่อ เน๊อ อาเหน่กล่อ เต๊เห่เนอ, แว ซิปล่อฉว่า เด๊อ แว เหน่กล่อพ๊าหย่า เออ เก่ ข่า เป่เกอ ลอดื่อ ล๋อ แกแย เด๊อ อา หยื่อเอ่ ลู เนอเต๊เห่ อาเงเง.

ฟีลิปปี 1:29

เมเตเฮ๊เรอ, จอแปแหร่ เด๊อ ตื๊อแพ๊ ซี เตเด๊อะบุ๊ยเด๊อะเตอเรอ เด๊อ ซี เก่ หยื่อเอ่ ครี๊ เออเนอ หม่าโต่, อา ซิปล่อโอ่ เกอดื่อ เร๊อ ซี เก่ ข่าเกอ เตเมจาเมจือ เด๊อ ครี๊ อาเงเง.

ꤚꤥꤗꤢꤩ꤬ 8:30

โท๊โต่, แกแย เด๊อ จอแปแหร่ แด่แล หนื่ออื่อ โทเฮ๊อ อาซิปล่อ เร๊อ เหย่ซี มู๋ หนู่เค เออเต๊เห่เนอ, อา เอ๊เฮ๊อ เหย่ซี เด๊อ อา เก่ ทวาแถ่เฮ๊อ อาแกแย เฮ๊อ. โทเรอ แกแย เด๊อ อา เอ๊ เกอเร๊อ เออเต๊เห่เนอ, อา แด่จ๊อแด่เต โทเฮ๊อ เหย่ซี เฮ๊อ. โท๊โต่ แกแย เด๊อ อา แด่จ๊อแด่เต โทเฮ๊อ เออเต๊เห่เนอ, อา เด๊อะเฮ๊อ เหย่ซี เร๊อ อา เตอเรอดุเตอเรอทู เต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:17

เป เก่ โมเร๊อ อูโร ฮู๊เนอ เฮ๊เนอหม่า, จอแปแหร่ อาเตโม โอ่เล๊อโอ่บา เฮ๊อ เด๊อ เปกู เฮ๊อ. ฮู๊เนอเรอ ช๋า เตเมจากาคยา อาม๊อเนอ แฮโต่เฮ๊อ ปาเนอ, เป เก่ ซิปล่อคือ ซิปล่อฮา เฮ๊อ ปา, เมเตเฮ๊เรอ เป เตโอ่เซอเพร เด๊อ เห่ขุเออ เนอ, อา ย๋อ แซ่เฮ๊อ เร๊อ ครี๊ อา เตโอ่เซอเพร เฮ๊อ อาขว่าอาคยา, เป เก่ ซิปล่อคือ ซิปล่อฮา เฮ๊อ ปา.