ꤛꤥ꤭ꤟꤢ꤬ 17:21 - ลีเทส่อพ๊าอาเซ เร๊อ เห่ขุทวาลู๊

²¹ เก๋อ เพ, ฮู๊ เน โอ่ เด๊อ แวกู, เร๊อ แว โอ่ เด๊อ เนกู เออเนอ, แซ่ฮู๊ เหย่ซี ล๋อ ปลี เก่ โอ่เกอดื่อ ลู เร๊อ ซิปล่อ เตเมเม๋ แพ๊ เนอ, แว กุย ซิยอแถ่ เฮ๊อ เน เฮ๊อ. โท๊โต่ แซ่ฮู๊ แกแย เห่ขุพู๊ เต๊เห่ เก่ หยื่อเอ่ เร๊อ เน นอแฮแล แว เนอเรอ, แว กุยจ๊อเบ เร๊อ เหย่ซี เก่ โอ่เกอดื่อ เด๊อ เปกู นี๋.

Eastern Kayah Shadaw Dialect

²¹ ꤊꤣ꤮ ꤖꤢꤩ꤭, ꤟꤢꤨ ꤔꤢꤧ꤬ ꤥ꤬ ꤘꤣ ꤠꤢꤧ꤭ꤊꤢꤨ꤭, ꤚꤣꤧ꤬ ꤠꤢꤧ꤭ ꤥ꤬ ꤘꤣ ꤔꤢꤧ꤬ꤊꤢꤨ꤭ ꤣꤧ꤭ꤔꤣꤧ꤬, ꤞꤢꤧꤟꤢꤨ ꤛꤢꤩ꤬ꤞꤤ꤭ ꤜꤢꤪ꤭꤮ ꤕꤜꤤ꤭ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤜꤢꤨ꤭ ꤔꤢꤧ ꤞꤤꤕꤜꤢꤪ꤬ ꤒꤣ꤬ꤗꤢꤩ꤭ꤡꤢꤦ꤭ ꤚꤣꤧ꤬, ꤠꤢꤧ꤭ ꤊꤝꤤ꤭ ꤞꤤꤛꤢꤪ꤬ꤓꤢꤧ꤬ ꤟꤣꤧ ꤔꤢꤧ꤬ ꤟꤣꤧ꤯ ꤓꤥ꤭ꤒꤥ꤬ ꤞꤢꤧꤟꤢꤨ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤔꤢꤧ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤠꤢꤧ꤭ ꤔꤣꤧ꤬ꤚꤣꤧ꤬, ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤔꤢꤧ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤘꤣ ꤕꤢꤩ꤬ꤊꤢꤨ꤭ ꤔꤤ꤮꤯

ꤛꤥ꤭ꤟꤢ꤬ 17:21 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 12:12

แกแยเห่ขุพู๊ อาเหน่กล่อ เออเนอ อาครืออาขรว่า โอ่เอ๊ แหน่เจ๊อ หม่าแน๊เรอ เหน่กล่อ โอ่จือแพ๊ ลู เตเพรเพร่ว แพ๊. แซ่ฮู๊เนอเฮ๊อ เป เด๊อ อา หยื่อเอ่ เหย่ซู่ครี๊ เออเต๊เห่เนอ, อา โอ่โหร่ โอ่เอ๊ แหน่เจ๊อ หม่าแน๊เรอ เป ทวา จือแพ๊ ลู เหน่กล่อ เตเพรเพร่ว แพ๊.

ꤛꤥ꤭ꤟꤢ꤬ 17:11

แว โอ่ ตื๊อดื่อ ปา เด๊อ เห่ขุเออ โต่, หม่าแน๊เรอ เหย่ซี เออเต๊เห่ เก่ โอ่ ตื๊อดื่อปา เด๊อ เห่ขุเออ ปา. แวเร๊อ, แว เก่ กาคยา คยาแซ๊ เด๊อ เนโอ่ ปา. เก๋อ เพ บูโพ๊! แซ่ฮู๊ เหย่ซี เก่ โอ่ลู เร๊อ ซิปล่อ เตเมเม๋ แพ๊ ฮู๊ แว เร๊อ เน โอ่ลู เร๊อ ซิปล่อ เตเมเม๋ แพ๊ อากูเนอ, ตอกอเตเก บี๊หนิดื่อ เหย่ซี เร๊อ เนมุย เด๊อ อาโพรอาฉว่าอาชอ, เนมุย เด๊อ เน เด๊อะ แว เออเนอ นี๋.

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

ꤛꤥ꤭ꤟꤢ꤬ 13:35

ซี เก่ โม เกอเร๊อ ลู เตเพร เร๊อ เตเพร เฮ๊เนอ, อู ปว๋า เตเพร เก่ ซิเง เร๊อ ซี ทวา แว โคเป๊เจ่ ปา.”

เพรโด่แนพู๊ เต๊เห่ 4:32

เพร เด๊อ อา หยื่อเอ่แหน่หยื่อรี เต๊เห่เนอ เหย่ซี โอ่ลู เร๊อ ซิปล่อ เตเม๋ จือ, เตเตเน เต๊อเจ๋อลู. เหย่ซี ตาหมื่อตาเต เต๊เห่เนอ เหย่ซี แด่กว๊า เกอเร๊อ แลแค เร๊อ อาเต เตเพร่ว โต่. เตเด๊อ อา โอ่ เร๊อ เหย่ซี เต๊เห่เนอ เหย่ซี เอ่โหร่พย๊าโหร่ แคลู.

ꤛꤥ꤭ꤟꤢ꤬ 17:8

เมเตเฮ๊เรอ, เตหรี่เตแก เด๊อ เน เด๊อะ แว เนอเต๊เห่เนอ, แว เด๊อะ เร๊อ เหย่ซี เร๊อ เหย่ซี พย๊าฉื่อ โทเฮ๊อ. เหย่ซี ซิเง ตาเต เฮ๊อ เร๊อ แว โอ่ เด๊อ เน โอ่ แฮ เร๊อ เหย่ซี หยื่อเอ่ เร๊อ เน นอแฮ แว.

ꤛꤥ꤭ꤟꤢ꤬ 10:38

หม่าแน๊เรอ เก่ แว เมเฮ๊อ ฮู๊ แวเพ เมเนอ เฮ๊เรอ ซี เก่ หยื่อเอ่ แลแค เจ๊อ ตีกี๋ โต่ เฮ๊เนอ, ปีตี๊ตื๊อดื่อ เร๊อ ซี โตเบ่ หยื่อเอ่ ช๊าเหล่ แลแค เต เด๊อ แว เม อาโค๊ตีกลี๊ เนอเต๊เห่. ซี เก่ หยื่อเอ่ แว เตเม เต๊เห่ เฮ๊เรอ ซี เก่ ซิเงแฮ เร๊อ เพโอ่ เด๊อ แวกู เร๊อ แว โอ่เด๊อ อากู ปา, อา เฮ๊ เหย่ซี ฮู๊เนอ.”

ꤛꤥ꤭ꤟꤢ꤬ 10:30

แว เร๊อ แวเพ หม่า เตเพรเพร่ว แพ๊.”

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

โครินธ์ อาเหร่อเล๊อ ต๊าบ่า 1:10

แวโป่แวแหว่ ซี๋ กู๊แหน่เออ แว กุยซิยอ ฉว่าแหน่ เฮ๊อ ซี เน๊อ เตเตอเรอฉว่าชอ เด๊อ แบ่เจ่ เหย่ซู่ครี๊ เด๊อะ แว เออเนอเฮ๊อ. แว ซิหยื่อ กุยซิยอ ซี หม่า ฮู๊เตเฮ๊เนอ, แว ซิหยื่อ เด๊อ ซี เก่ โครเกล ลู, โอ่โค๊เมโค๊ลู ตู๊หมู่ เร๊อ ตู๊หมู่ แต่เหม่. แว ซิหยื่อ แฉ่ครวา ซี เน๊อ ซี เหล่เตเน เต๊เห่ เบ่เบ่, ซี เตเตเนหนื่ออื่อ เต๊เห่ เบ่เบ่, นอ แซ่ แพ๊ ลู เต๊อเจ่อเจ่อ แพ๊ นี๋.

ꤚꤥꤗꤢꤩ꤬ 12:5

ฮู๊เนอเฮ๊อ เป โอ่โหร่โอ่เอ๊ หม่าแน๊เรอ เป ทวาแถ่เฮ๊อ ลู เหน่ เตเพรเพร่ว แพ๊ เด๊อ ครี๊ อากูเฮ๊อ. เป โอ่จิจือเต่อ ลอเฮ๊อ ลู ปว๋า เตเพรเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:7

เตข่าเฮ๊โล เนอหม่า อา โอ่ โซเจ่อ.

เพรโด่แนพู๊ เต๊เห่ 2:46

เหย่ซี จว๊า โอ่กู๊ โร๊ลู เด๊อ เต หลู่แตโฮ ปว๋า เตอเนอ เร๊อ เหย่ซี ซิปล่อฉว่า เด๊อะเอ่เด๊อะโอ เป่ ลู เตเพร เร๊อ เตเพร. เร๊อ ซิครือซิลอ เอ่โหร่โอโหร่ลู เด๊อ เหย่ซี อาหี่ด๊อหี่แพ อากู.

ꤛꤥ꤭ꤟꤢ꤬ 17:25

“เพ เด๊อ อาจ๊ออาเต๋, แกแย เห่ขุพู๊ เต๊เห่ ซิเง เน โต่ ตื๊อดื่อเรอ แว ซิเง เน, โท๊โต่ แกแย เด๊อ อา หยื่อเอ่ แว เออเต๊เห่ ซิเง เร๊อ เน นอแฮ แว.

ꤛꤥ꤭ꤟꤢ꤬ 10:16

แว ซิหมิ เด๊อ อาโร เด๊อ อา โอ่ เบ๊อะอาโปกู เออโต่เนอ อา โอ่ปา เต๊เห่. แว เบ่ เอ๊กา เกอ เหย่ซี ปา. เหย่ซี เก่ หนิดา เกอ แวโหง่ ปา, เร๊อ เหย่ซี เก่ กา ทวา เต่อ ลอ ลู ซิหมิ ตู๊หมู่จือแพ๊, เพรเกซิหมิ อา แบ่เจ่ เตเพรเพร่ว แพ๊ปา.

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 5:23

เมเตเฮ๊เรอ, แซ่ฮู๊ แกแย ล๋อ ปลี เก่ เบ่หยื่อเบ่แหน่ อาพู๊คู ฮู๊ อู เบ่หยื่อเบ่แหน่ เพเนอ เร๊อ อา เด๊อะตา ลอ เต เมจากาคยา เด๊อ ลู กู๊ยากู. แกแย เด๊อ อา เบ่หยื่อเบ่แหน่ พู๊คู โต่ เต๊เห่เนอ, หม่าเฮ๊อ อา เบ่หยื่อเบ่แหน่ เพ เด๊อ อา นอแฮแล ลู เนอเตเพร โต่ เฮ๊อ.

ꤛꤥ꤭ꤟꤢ꤬ 3:17

เมเตเฮ๊เรอ, จอแปแหร่ นอแฮแล อาพู๊คู เด๊อ อา เก่ เมจากาคยา แกแย เห่ขุพู๊ อาเงเนอ หม่าโต่. เร๊อ อา นอแฮ ลู เด๊อ อา เก่ แฮ เมแลเปล๊กา แกแย เห่ขุพู๊ อาเง เนอแพ๊.

ꤛꤥ꤭ꤟꤢ꤬ 17:18

ฮู๊ เน นอแฮ แว เด๊อ เห่ขุ เออเนอ, แว นอจว๊าเฮ๊อ เหย่ซี เด๊อ เห่ขุพู๊ เออเต๊เห่ อา โอ่ เฮ๊อ.

ꤛꤥ꤭ꤟꤢ꤬ 11:42

แว ซิเง เร๊อ เน หนิดา แว เตกุยจ๊อเบ ปว๋า โผ่. หม่าแน๊เรอ แว แม๊ เด๊อ อา เก่ ทวาบุ๊ย ทวาเตอเรอ เป่ แกแย เด๊อ อา ก๊อถ่อ เบ๊อะเออ เต๊เห่ อาเง, เร๊อ แซ่ฮู๊ เหย่ซี เก่ หยื่อเอ่ เน๊อ เน นอแฮ แว อาเงเนอเรอ, แว เฮ๊ ฮู๊เออ แพ๊.”

ꤛꤥ꤭ꤟꤢ꤬ 17:20

“แว กุยจ๊อเบ เป่ ตื๊อ แว โคเจ่ เออเต๊เห่ อาเงเนอ หม่าโต่. เหย่ซี เออเต๊เห่ จว๊า ข่าเฮ๊โล ปา เร๊อ แกแย เด๊อ อา หนิโฮ เร๊อ อา หยื่อเอ่แหน่ กา เกอ แว ปา เต๊เห่ อาเงเบ่เบ่, แว กุยจ๊อเบ เป่ เต่อเกอ ลอ เด๊อ เหย่ซีเงเง.

โครินธ์ อาเหร่อเล๊อ ต๊าบ่า 6:17

หม่าแน๊เรอ แกแย เด๊อ อา ทวาแถ่ เฮ๊อ เต๊อเจ๋อ โต เร๊อ แบ่เจ่ เต๊เห่เนอ, อา ทวาแถ่ เฮ๊อ เตอเจ๋อ โต เน๊อ แบ่เจ่ เด๊อ แหย่โย ตากยา เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:3

แซ่ฮู๊ ซี เก่ แบ๊ซว๊าแบ๊โค เต่อเกอ เร๊อ เป อาเงเนอ, เป แด๊โฉ่ เป่เกอ ซี เต เด๊อ เป แม๊เถอะ โทเฮ๊อ เร๊อ เป หนิโฮเบ่ โทเฮ๊อ เนอเต๊เห่ เฮ๊อ. เป เตแบ๊ซว๊าแบ๊โค คยาลู เออเนอหมา, เป แบ๊ซว๊า เปเหน่ เร๊อ เพ จอแปแหร่ เร๊อ อาพู๊คู เหย่ซู่ครี๊.

ꤗꤢ꤬ꤊꤢꤨ 3:24

เทอเก่พู๊ เร๊อ เทอเก่พู๊ เก่ ช่าย เกอเร๊อ คยาดื่อ ลู เฮ๊เรอ อาเทออาเก่ โอ่หม่าโอ่กลอ แฮเง โต๊แจ่ ปา ลู โต่.

ꤛꤥ꤭ꤟꤢ꤬ 13:32

จอแปแหร่ เก่ พย๊าหนิ โดโต่ อา เตเตอเรอดุ เตอเรอทู เด๊อ อา โอ่ เก่เฮ๊เรอ จอแปแหร่ เก่ อาลีอาเตเค อาพู๊คูเออ เร๊อ อาเหน่ เร๊อดื่อ ปา. อา เก่ อาลีอาเตเค เจ๊อ ลู กู๊แหน่เจ๊อ.