ꤛꤥ꤭ꤟꤢ꤬ 17:13 - ลีเทส่อพ๊าอาเซ เร๊อ เห่ขุทวาลู๊

¹³ “แว แฮเฮ๊อ เด๊อ เนโอ่ กู๊แหน่ เฮ๊อ. แซ่ฮู๊ เหย่ซี เก่ โอ่เล๊อบา เร๊อ เตซิกอล๊อ แกแน อาเงเนอ, เบ๊อะแว โอ่ปา เบ๊อะเห่ขุเออ เบ๊อะเนอ, แว แด๊โฉ่โล เป่ เฮ๊อ เหย่ซี เร๊อ เตเออเต๊เห่ เฮ๊อ.

Eastern Kayah Shadaw Dialect

¹³ “ꤠꤢꤧ꤭ ꤟꤢꤧ꤭ꤟꤣꤧ ꤘꤣ ꤔꤢꤧ꤬ꤥ꤬ ꤊꤢꤨꤔ꤫ꤢꤧ꤬ ꤟꤣꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤥ꤬ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤢ꤬ꤑꤢꤩ꤭ꤔꤣꤧ꤬, ꤙꤣꤧ ꤠꤢꤧ꤭ ꤥ꤬ꤕꤢ꤬ ꤙꤣꤧ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭, ꤠꤢꤧ꤭ ꤟꤢꤩꤜꤥ꤭ ꤕ꤫ꤢꤩ꤬ ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯

ꤛꤥ꤭ꤟꤢ꤬ 17:13 ပူးပေါင်းရင်းမြစ်များ

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

ꤛꤥ꤭ꤟꤢ꤬ 15:11

แซ่ฮู๊ ซี เก่ ซิครือซิลอ แซ่เกอ ฮู๊ แว ซิครือซิลอ เออ อาเงเนอ, แว แด๊โฉ่โล เป่ เฮ๊อ ซี เฮ๊อ.

ꤛꤥ꤭ꤟꤢ꤬ 3:29

แว หม่า อาแซ่เน๊อ เพรครวาเกอ กาฉู่แด่ เพรคู เตเพรเนอ. กาฉู่แด่ เพรเหมาะ หม่า กาฉู่แด่ เพรคู อาเต. หม่าแน๊เรอ เพรครวาเกอ เนอเตเพร ก๊อถ่อ หนิดา กาฉู่แด่ เพรคู เฮ๊เบ่. อา หนิโฮ ลูโหง่ อาขว่าอาคยา, อา ซิครือซิลอ แหน่เจ๊อ. ฮู๊เนอเฮ๊อ แว เตซิครือ เออเนอ อา เล๊อแถ่บาแถ่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:4

แซ่ฮู๊ เป เตซิครือซิลอ เก่ เล๊อแถ่บาแถ่ อาเงเนอเรอ, เป ราเฮ๊อ เตเออเต๊เห่ เฮ๊อ.

ꤛꤥ꤭ꤟꤢ꤬ 13:3

แบ่เจ่ เหย่ซู่ ซิเงดื่อเฮ๊อ เร๊อ อาเพ เด๊อะตา โทลอเฮ๊อ ลู เตโพรเตเตอเรอ ฉว่าชอ เด๊อ เตล๋อ ปลี อาขุ เฮ๊อ. อา ซิเง เร๊อ อา โอ่ เด๊อ จอแปแหร่ โอ่แฮ เร๊อ อา เก่ กาคยา คยาแซ๊ เด๊อ จอแปแหร่ อา โอ่ ปา.

ยอห์น เนอบ่า ต๊าบ่า 1:12

แว ซิหยื่อ แด๊โฉ่ เป่ เอ๊ลู ปา ซี โหง่เต๊เห่ หม่าแน๊เรอ แว ซิหยื่อ รา อา เร๊อ เจบ่า เร๊อ ลีโบเทอ โต่. หม่าแน๊เรอ แซ่ฮู๊ เป เก่ โอ่ เร๊อ เตซิครือ เล๊อเล๊อบาบา อาเงเนอ, แว แม๊ชือ เด๊อ แว เก่ แฮ เด๊อ ซี โอ่ เร๊อ เป เก่ แม๊เถอะ ตาฉื่อ เฮ๊เบ่ คยาแซ๊ลู เตเพร เร๊อ เตเพร ปา.

ꤚꤥꤗꤢꤩ꤬ 14:17

เมเตเฮ๊เรอ, จอแปแหร่ อาเทออาเก่กู เนอ, เหล่เอ่เหล่โอ หม่า เต เด๊อ อา โหล่ดุเล๊ออู หม่าโต่. เต เด๊อ อา โหล่ดุเล๊อ อู หม่า, เตจ๊อเตเต, เตโอ่โส่โอ่เคร, เร๊อ เตซิครือซิลอ เด๊อ แหย่โยบูโพ๊ แบ่เจ่ เด๊อะ เป เออเต๊เห่ เนอแพ๊.

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

เพรโด่แนพู๊ เต๊เห่ 13:52

เร๊อ เพรหยื่อเอ่พู๊ โอ่ เบ๊อะวีอันทิโอก อากู เต๊เห่เนอ, เหย่ซี ซิครือซิลอ แหน่เจ๊อ เร๊อ อา เล๊อบา แลแค เจ๊อ เร๊อ แหย่โยบูโพ๊แบ่เจ่.

ꤛꤥ꤭ꤟꤢ꤬ 7:33

แบ่เจ่ เหย่ซู่ เฮ๊ เน๊อ, “แว โอ่เต่อ งยาเกอปา เร๊อ ซี โต่. งยาแต่โต่ ปาหม่า แว เก่ กาคยา คยาแซ๊ เด๊อ เพรนอแฮ แว เออเตเพร อา โอ่ เฮ๊อ.

ꤛꤥ꤭ꤟꤢ꤬ 17:11

แว โอ่ ตื๊อดื่อ ปา เด๊อ เห่ขุเออ โต่, หม่าแน๊เรอ เหย่ซี เออเต๊เห่ เก่ โอ่ ตื๊อดื่อปา เด๊อ เห่ขุเออ ปา. แวเร๊อ, แว เก่ กาคยา คยาแซ๊ เด๊อ เนโอ่ ปา. เก๋อ เพ บูโพ๊! แซ่ฮู๊ เหย่ซี เก่ โอ่ลู เร๊อ ซิปล่อ เตเมเม๋ แพ๊ ฮู๊ แว เร๊อ เน โอ่ลู เร๊อ ซิปล่อ เตเมเม๋ แพ๊ อากูเนอ, ตอกอเตเก บี๊หนิดื่อ เหย่ซี เร๊อ เนมุย เด๊อ อาโพรอาฉว่าอาชอ, เนมุย เด๊อ เน เด๊อะ แว เออเนอ นี๋.