ꤛꤥ꤭ꤟꤢ꤬ 17:1 - ลีเทส่อพ๊าอาเซ เร๊อ เห่ขุทวาลู๊

¹ แบ่เจ่ เหย่ซู่ เฮ๊โท ฮู๊เออ เร๊อ อา แม๊แถ่ เด๊อ ม๊อขุ เร๊อ อา กุยจ๊อเบ เร๊อ อา กุย ฮู๊เออ, “เพ๋, เบ๊อะแฮโต่เฮ๊อ. แซ่ฮู๊ แว เก่ เด๊อะโล เป่ อู เน เตอเรอดุ เตอเรอทู เนอ, เด๊อะมอ แว หม่า เฮ๊อ เน พู๊คูเออ อา เตอเรอดุ เตอเรอทู นี๋.

Eastern Kayah Shadaw Dialect

¹ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤓꤥ꤭ ꤟꤢꤨꤣꤧ꤭ ꤚꤣꤧ꤬ ꤢ꤬ ꤒ꤫ꤢꤨ꤬ꤓꤢꤧ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤚꤣꤧ꤬ ꤢ꤬ ꤊꤝꤤ꤭ ꤟꤢꤨꤣꤧ꤭, “ꤖꤢꤩ꤭꤮, ꤏꤣꤧꤋꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ꤯ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤓꤢꤧ꤬ꤜꤥ꤭ ꤔꤢꤧ꤬ꤔꤣꤧ꤬, ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤗꤣꤧ꤭ ꤠꤢꤧ꤭ ꤗ꤫ꤢ꤬ꤘꤢꤦ꤬ ꤔꤢꤧ꤬ ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭꤯

ꤛꤥ꤭ꤟꤢ꤬ 17:1 ပူးပေါင်းရင်းမြစ်များ

ꤛꤥ꤭ꤟꤢ꤬ 12:23

เร๊อ แบ่เจ่ เหย่ซู่ เฮ๊ เน๊อ, “เบ๊อะแฮโต่เฮ๊อ เด๊อ แกแยพู๊คูเออ เก่ พย๊าหนิเฮ๊อ เตเตอเรอดุ เตอเรอทู เฮ๊อ.

เพรโด่แนพู๊ เต๊เห่ 3:13

เพอับราฮับ, เพอิสอัด เร๊อ เพยาโคบ เต๊เห่ อา จอแปแหร่ เน๊อ เป โหมะเพเพอโพ เด๋อ หนู่เค เต๊เห่ อา จอแปแหร่ เด๊อะโล แถ่เฮ๊อ อา เตลีเตเค เนอ อาหลู่เล๊ เหย่ซู่ เออเนอ เฮ๊อ. หม่าแน๊เรอ ซี เด๊อะตาแก อา เด๊อ แกแย ทวาดุทวาเต เต๊เห่ อา กู๊ยากู เร๊อ เบ๊อะคุ๊ยปีลาต เจแม๊ โทเฮ๊อ เด๊อ อา เก่ ปลวาเถ่แก ลู เบ๊อะเนอ, ซี จูเกอ ลู โต่. เด๊อ คุ๊ย เออเตเพร อา เป๊เส่เงเนอ, ซี เคร๊ฉื่อ ตาปา เจ๊อ อู เจ๊อ.

ꤛꤥ꤭ꤟꤢ꤬ 7:39

เทอ เด๊อ อาเด๊อะ อู ซิปล่อเซอเพร เด๊อ แบ่เจ่ เหย่ซู่ เฮ๊ เออเนอหมา หม่า แหย่โยบูโพ๊แบ่เจ่ แพ๊. อูเปเป๋ เบ่เบ่ เด๊อ อา หยื่อเอ่ ลู เต๊เห่เนอ, อา เก่ พย๊าหนิ ปา. แบ่เจ่ เหย่ซู่ พย๊าหนิ แล๋ เตเตอเรอดุ เตอเรอทู โต่, เมเตเฮ๊เรอ อา เซอ ก๊อถ่อกาคยา เร๊อ อา กา กี๊แถ่ เด๊อ ม๊อขุ ล๋ายโต่. ฮู๊เนอเร๊อ จอแปแหร่ อา แหย่โยบูโพ๊ แฮโนโอ่ เด๊อ เหย่ซี ซิปล่อกู เตเพร่ว ล๋ายโต่.

เปโตร อาเหร่อเล๊อ ต๊าบ่า 1:21

เด๊อ ครี๊ อาขว่าอาคยา, ซี หยื่อเอ่แหน่ จอแปแหร่ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เร๊อ อา แด่ดุแด่แถ่โล เล๊อ เฮ๊อ ลู เออเตเพร เฮ๊อ. ฮู๊เนอเร๊อ ซี เตหยื่อ เร๊อ ซี เตแม๊ชือ เออเนอ, อา โอ่ เฮ๊อ เด๊อ จอแปแหร่ อาลูเฮ๊อ.

ꤛꤥ꤭ꤟꤢ꤬ 11:4

เบ๊อะเหย่ซู่ หนิโฮ เตหรี่เตแก เออ เบ๊อะเนอ, อา เฮ๊ เน๊อ, “เด๊อ เตชุ๊ยเออ อาขว่าอาคยา, อู เก่ แม๊เถอะ จอแปแหร่ อาเตอเรอดุเตอเรอทู ปา. โท๊โต่ เด๊อ เตชุ๊ยเออ อาขว่าอาคยาเร๊อ, อู เก่ แม๊เถอะ เกอดื่อ จอแปแหร่ อาพู๊คู อาเตอเรอดุเตอเรอทู ปา.”

ꤗꤢ꤬ꤊꤢꤨ 14:41

เบ๊อะอา กาคยา แม๊ เหย่ซี บาเฮ๊อ โซโพ๊เฮ๊อ เบ๊อะเนอ, อา เฮ๊ เหย่ซี เน๊อ, “ซี โอ๋ เมอ ตื๊อดื่อปา แลแค, ซี โอ่โก๊ เตเบ๊ซิพร๊า ตื๊อดื่อ ปา เจ๊อ แลแค ฮู๊เต? บ๊าเนอหม่า, โป่ เฮ๊อ. หนิดา แม๊มอ แลแค, เบ๊อะเด๊อ อู เก่ อิเชตาแก แกแยพู๊คูเออ เด๊อ เพรเมซื๊อ เต๊เห่ อา เด๊ออากู๊ยากูเนอ, อา แฮโต่เฮ๊อ.

ꤛꤥ꤭ꤟꤢ꤬ 11:41

ฮู๊เนอเรอ เหย่ซี ถู่ลอ ตาพาแก หล่อดุ เนอเตเม. เร๊อ เหย่ซู่ แม๊แถ่ เด๊อ ม๊อเล เร๊อ อา เฮ๊ เน๊อ, “เก๋อ เพ, เน หนิดา แว เตกุยจ๊อเบ อาขว่าอาคยา, แว เฮ๊บุ๊ยเฮ๊เตอเรอ เน.

ꤛꤥ꤭ꤟꤢ꤬ 8:20

เบ๊อะอา อิซว๊า อู เด๊อ เตหลู่แต โฮกู เบ๊อะเนอ, อา เฮ๊ เหย่ซี ฮู๊เนอ. อาเหล่โกล เหล่อิซว๊า อู เด๊อ เตหลู่แต โฮกู เออเนอหมา, อา โอ่ผื่อ เร๊อ เหล่เบ่โอ่ปล๊อ เตหลู่เต๊อ อาช๊า. หม่าแน๊เรอ เด๊อ จอแปแหร่ ตี๊หรี่แตแร หนื่ออื่อ เป่ เหย่ซู่ เด๊อ อู เก่ เมเซอ ลู อาเงเนอ, อา ล๋อ โต่ แต่ล๋ายโต่ อาขว่าอาคยา, อู ปื่อ ลู เตเพร่ว โต่.

ꤛꤥ꤭ꤟꤢ꤬ 7:30

อา เฮ๊โท ฮู๊เนอเร๊อ เหย่ซี แม๊ปูทื๊อปื่อ แบ่เจ่ เหย่ซู่. หม่าแน๊เรอ เบ๊อะเด๊อ อู เก่ ปื่อ เมเซอ ลู อาเงเนอ, อา แฮโต่ ล๋ายโต่. อาขว่าอาคยา, อู ปื่อแล ลู เตเพร่ว โต่.

ꤛꤥ꤭ꤟꤢ꤬ 16:32

หม่าแน๊เรอ เบ๊อะเด๊อ ซี เก่ แกล่โพร๊ แกล่แพร ลอ ปา, เร๊อ ซี เก่ กาเถ่ แลแค เด๊อ ซีหี่ เตเพร เร๊อ เตเพร เนอ, อา เก่ แฮโต่ ปา. เฮ๊ตาเต้า หม่า อา แฮโต่ เจ๊อเฮ๊อ. ซี ปว๋า เตเพร เก่ แด่โอ่แก ตื๊อดื่อ แว ปา. หม่าแน๊เรอ แว โอ่ตื๊อดื่อ หม่าโต่, เมเตเฮ๊เรอ แวเพ โอ่เกอ เร๊อ แว.

ꤛꤥ꤭ꤟꤢ꤬ 13:1

เบ๊อะป่วยเตจว๊า ตา ลว๊า เบ่แต่ ล๋ายโต่ เบ๊อะเนอ, แบ่เจ่ เหย่ซู่ ซิเงเฮ๊อ เร๊อ เบ๊อะเด๊อ อา เก่ เบ่ วี๊แก เห่ขุ เร๊อ อา เบ่ กา เด๊อ อาเพโอ่ เนอ อา แฮโต่เฮ๊อ. เร๊อ อา โมหนิเร๊อ อา โคเจ่ เด๊อ อา โอ่ เด๊อ เห่ขุ เออเต๊เห่ ปว๋า โตโพ๊ เจ๊อ. อา โม โต่ เจ๊อ เหย่ซี เด๊อ อา ตื๊อดื่อ เจ๊อ.

ꤜꤢꤨꤊꤢ꤬ 22:53

แว โอ่เกอ เร๊อ ซี เด๊อเตหลู่แตโฮกู เนอ ปว๊า เตอเนอ เจ๊อ เร๊อ ซี ปื่อ แว โต่โต่, หม่าแน๊เรอ เบ๊อะโลเน๊ กู่กล๊อ อา เตอเรอฉว่าชอ เป๊อเต อาเคเออ, เบ๊อะเบ่เฮ๊อ เด๊อ ซี เบ่ เมแหน่ เฮ๊อ ฮู๊เออ เฮ๊อ.”

ꤜꤢꤨꤊꤢ꤬ 18:13

“หม่าแน๊เรอ เพรกุ่ยอาหมู่อาร๊า เออเตเพรเนอ, อา จว๊าก๊อถ่อโอ่ โล เด๊อ อายา, เร๊อ อา แม๊แถ่ บื่อ เจ๊อ อาเป๊เส่ เด๊อ ม๊อขุ โต่. อา ซิเปล เร๊อ อา แปล่แล เกอเร๊อ อาโตโอ่. เร๊อ อา เฮ๊ เน๊อ, ‘เก๋อ จอแปแหร่ ซิยอเกอเร๊อ แว. แว หม่า เพรเตเหล่ซื๊อพู๊ เตเพร.’”