ꤛꤥ꤭ꤟꤢ꤬ 16:7 - ลีเทส่อพ๊าอาเซ เร๊อ เห่ขุทวาลู๊

⁷ เก่ เฮ๊ ลอล๋อ โหง่ หม่า, แว จว๊าแก ซีเหล่ หม่า อาแร๊ เล๊อ เจ๊อ เด๊อ ซีเงเจ๊อ, เมเตเฮ๊เรอ แว เก่ จว๊า โต่ เฮ๊เนอ, เพรเมจว่า หม่าเฮ๊อ แหย่โยบูโพ๊แบ่เจ่ เออเตเพร แฮ เด๊อ ซีโอ่ โต่. หม่าแน๊เรอ แว เก่ จว๊า เฮ๊เนอ, แว เก่ นอแฮแล ลาติ ลู เด๊อ ซีโอ่ ปา.

Eastern Kayah Shadaw Dialect

⁷ ꤊꤢꤩ꤬ ꤟꤢꤩ ꤜꤢꤪ꤭ꤜꤢꤪ꤭ ꤍ꤫ꤥ꤬ ꤗꤢ꤬, ꤠꤢꤧ꤭ ꤡꤝꤢꤊꤢꤧ꤭ ꤞꤤ꤭ꤜ꤫ꤢꤩ꤬ ꤗꤢ꤬ ꤢ꤬ꤚꤢꤧ ꤜꤣ ꤡꤣꤧ ꤘꤣ ꤞꤤ꤭ꤑꤢꤩ꤭ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤊꤢꤩ꤬ ꤡꤝꤢ ꤒꤥ꤬ ꤟꤢꤩꤔꤣꤧ꤬, ꤖꤚꤢꤩ꤬ꤗꤢꤩ꤬ꤡꤝ꤫ꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤒꤣ꤬ꤖꤚꤢꤩ꤬ ꤟꤢꤧ꤭ ꤘꤣ ꤞꤤ꤭ꤥ꤬ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤊꤢꤩ꤬ ꤡꤝꤢ ꤟꤢꤩꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤜꤢ꤭ꤒꤢꤩ꤬ ꤜꤢꤨ꤭ ꤘꤣ ꤞꤤ꤭ꤥ꤬ ꤕꤢ꤭꤯

ꤛꤥ꤭ꤟꤢ꤬ 16:7 ပူးပေါင်းရင်းမြစ်များ

ꤛꤥ꤭ꤟꤢ꤬ 14:26

หม่าแน๊เรอ, เพ เก่ นอแฮ เป่ ซี เพรเมจว่า ซี แหย่โยบูโพ๊แบ่เจ่ เร๊อ แวมุย ปา. อา เก่ อิซว๊าอี๊แส่ เป่ ซี เตล๋อ ปลี ปา, โท๊โต่ ล๋อ เต เด๊อ แว เฮ๊โทเฮ๊อ ซี เต๊เห่เนอ, อา เก่ เด๊อซิเง กาคยา คยาแซ๊ ซี ปา.

ꤛꤥ꤭ꤟꤢ꤬ 15:26

“แว เก่ นอแฮ เพรเมจว่าเต เด๊อ อา โอ่ เด๊อ เพโอ่ เออเนอ เตเพร เด๊อ ซี โอ่ ปา. อา หม่า เตหม่าเต่จ๊อ อา แหย่โยบูโพ๊แบ่เจ่ เด๊อ อา โอ่ เด๊อ เพ อา โอ่ แฮ. ช๋า อา แฮโต่ ปาเนอ, อา เก่ แด๊โฉ่โล เป่ ซี เร๊อ แวหรี่แวแก ปา.

ꤚꤥꤗꤢꤩ꤬ 8:28

แกแย เด๊อ อา โม จอแปแหร่, เร๊อ จอแปแหร่ เอ๊ ลู เน๊อ อา เหล่เตเน แม๊ชือ หนื่ออื่อ อาเง เต๊เห่เนอ, เตเมทวาแถ่ อาเหน่ เน๊อ เหย่ซี ฮู๊เตเต๋ เบ่เบ่เนอ, จอแปแหร่ เม เป่ เตแร๊ เด๊อ เหย่ซี เง เนอหม่า, เป ซิเง แพ๊.

เพรโด่แนพู๊ เต๊เห่ 2:33

จอแปแหร่ แด่ดุแด่ทู เหย่ซู่ เร๊อ อา แด่โอ่ ลู เด๊อ อากู๊ขุ จ๊อทว๊า ตากยา, เร๊อ ฮู๊ อาเพ จอแปแหร่ อ๊อแล โทเฮ๊อ เน๊อ อา เก่ เด๊อะ ลู แหย่โยบูโพ๊ เนอ อา เด๊อะเฮ๊อ ลู เฮ๊อ. เร๊อ เหย่ซู่ กลอตาแล๊ตา เฮ๊อ เต เด๊อ เน แม๊เถอะ หนิโฮเฮ๊อ กู๊แหน่เออ เนอเต๊เห่ เฮ๊อ.

ꤛꤥ꤭ꤟꤢ꤬ 7:39

เทอ เด๊อ อาเด๊อะ อู ซิปล่อเซอเพร เด๊อ แบ่เจ่ เหย่ซู่ เฮ๊ เออเนอหมา หม่า แหย่โยบูโพ๊แบ่เจ่ แพ๊. อูเปเป๋ เบ่เบ่ เด๊อ อา หยื่อเอ่ ลู เต๊เห่เนอ, อา เก่ พย๊าหนิ ปา. แบ่เจ่ เหย่ซู่ พย๊าหนิ แล๋ เตเตอเรอดุ เตอเรอทู โต่, เมเตเฮ๊เรอ อา เซอ ก๊อถ่อกาคยา เร๊อ อา กา กี๊แถ่ เด๊อ ม๊อขุ ล๋ายโต่. ฮู๊เนอเร๊อ จอแปแหร่ อา แหย่โยบูโพ๊ แฮโนโอ่ เด๊อ เหย่ซี ซิปล่อกู เตเพร่ว ล๋ายโต่.

ꤜꤢꤨꤊꤢ꤬ 24:49

เร๊อ แว เก่ นอตาแล เป่ ซี ฮู๊ แวเพ อ๊อแล หนื่ออื่อ โทเฮ๊อ เนอเต๊อเจ่อ เด๊อ ซีโหล่ ปา. หม่าแน๊เรอ ซี เก๊ พย๊าหนิ แต่ล๋าย เตเตอเรอฉว่าชอ เด๊อ อา โอ่ เด๊อ ม๊อขุเออ แฮแล แต่ล๋าย เด๊อ ซีเหน่ลูโต่ เนอ, ซี เบ่ โอ่ป่อตื๊อดื่อ เบ๊อะวีกู เออเนอ ปา.”

เพรโด่แนพู๊ เต๊เห่ 10:34

คูเปโตร เป๊อแถ่ เฮ๊เบ่ เน๊อ, “กู๊แหน่เรอ แว ซิเง เร๊อ จอแปแหร่ แม๊ดุแม๊ปีตี๊ อู เตเพร่ว โต่ เนอหม่า อา หม่าแหน่ เจ๊อ.

ꤛꤥ꤭ꤟꤢ꤬ 14:28

“ซี หนิโฮ โทเฮ๊อ แว เฮ๊ ซี เน๊อ, ‘แว จว๊าแก ซีเหล่ ปา ตื๊อดื่อเรอ แว เก่ กาโตเกอ คยาแซ๊ ซี ปา.’ แว เซเร จว๊า เด๊อ เพ อา โอ่ ปา, แว เฮ๊ ซี ฮู๊เออเนอ, ซี เก่ โม แว เฮ๊เรอ ซี ซิครือ แพ๊, เมเตเฮ๊เรอ แวเพ เนอ อาดุเล๊อ เร๊อ แว.

ꤛꤥ꤭ꤟꤢ꤬ 14:3

แว จว๊า ตี๊หรี่แตแร เป่ โท ซี เหล่โอ่ โต๊โผ่ ปา เร๊อ แว กา คยาแซ๊ เด๊อ ซีโอ่ ปา. แซ่ฮู๊ ซี เก่ กา โอ่เต่อเกอ เร๊อ แว เบ๊อะแว เหล่กาโอ่ อาเหล่โอ่ เออปาเนอ, แว แฮ เอ๊กา คยาแซ๊ ดื่อ ซี ปา นี๋.

ꤜꤢꤨꤊꤢ꤬ 9:27

แว เฮ๊ หม่าแหน่ เจ๊อ ซี, แกแย เด๊อ อา ก๊อถ่อโอ่ เบ๊อะซีเกลเออ เต๊เห่เห่เนอ, เบ๊อะเหย่ซี อาเซอ แต่ล๋าย โต่เนอ, เหย่ซี เก่ แม๊เถอะน๊อ แลแค จอแปแหร่ แฮ เป๊อเทอเป๊อเก่ ปา.”

ꤜꤢꤨꤊꤢ꤬ 4:25

แว เฮ๊จ๊อจ๊อ ซี๋ เด๊อ เพรโพร เอลียาห์ อาทือเค เนอ, เก่กล่า โซหน่า เร๊อ ต๊ากว่า เร๊อ โอ่วีโอ่กอ จาจือ โอ่แถ่ เด๊อ อิสราเอลเก่ เต๊เก่เลเจ๊อ. เบ๊อะเนอ ทือเค, เด๊อ อิสราเอล เก่กู เนอ, เพรเหมาะโอ่แคร๊ โอ่เอ๊ กู๋ ลา เจ๊อ.

โครินธ์ เนอบ่า ต๊าบ่า 4:17

เมเตเฮ๊เรอ เตแป่เตเช เด๊อ เป ข่าเบ่ อา เบ๊อะเห่ขุ เออเต๊เห่ เนอหม่า แตแปล๊เตอเปลอฮู๊ แพ๊. เป เก่ โต๊โหล่แม๊ เร๊อ เตตว่าเตแร๊ เด๊อ เป เก่ พย๊าหนิ อา ช๋า โหน่ปา ตือทือ ปา เต๊เห่ เฮ๊เนอหม่า, อาหม่า เร๊อ เตอเจ๋อ ล๋ายโต่. เบ๊อะเห่ขุเออ เป ข่าเบ่ เจ๊อ เตแป่เตเช เออเต๊เห่ หม่าแน๊เรอ เด๊อ ม๊อขุ ปาเนอ เตลีเตเตเค ตูจูเพร เด๊อ อาตว่าอาแร๊ เล๊อ, เร๊อ อาดุอาโถ่ เล๊อ เจ๊อ เร๊อ เตแป่เตเช เด๊อ เป ข่าเบ่ เด๊อ เห่ขุ เออเนอ, เป เก่ พย๊าหนิ ปา.

ꤛꤥ꤭ꤟꤢ꤬ 16:8

เบ๊อะแหย่โยบูโพ๊แบ่เจ่ แฮโต่เฮ๊อ ปา เบ๊อะเนอ, อา เก่ เด๊อซิเง เป่ แกแย เห่ขุพู๊ เต๊เห่ เร๊อ เหย่ซี เม เตซื๊อ ปา, โทเรอ อา เก่ เด๊อซิเง เป่ โป่ เหย่ซี เร๊อ เตจ๊อเตเต อาแกล๊ ปา. โท๊โต่, อา เก่ เด๊อซิเง เป่เกอโป่ เหย่ซี เร๊อ จอแปแหร่ เก่ เมจากาคยา เหย่ซี ปา.