ꤛꤥ꤭ꤟꤢ꤬ 16:5 - ลีเทส่อพ๊าอาเซ เร๊อ เห่ขุทวาลู๊

⁵ “กู๊แหน่เนอ, แว เก่ กาเฮ๊อ เด๊อ เพร เด๊อะ อา นอแฮ แว เออเตเพร อา โอ่ เฮ๊อ. ‘เน เตเร จว๊าเบ๊อะโต๊โผ่เต ปาเนอ,’ ซี แด๊เฮอ แว เตเพร่ว โต่.

Eastern Kayah Shadaw Dialect

⁵ “ꤊꤢꤨꤔ꤫ꤢꤧ꤬ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤊꤢ꤬ꤟꤣꤧ ꤘꤣ ꤖꤚꤢꤩ꤬ ꤘꤣ ꤢ꤬ ꤔꤢꤪ꤭ꤟꤢꤧ꤭ ꤠꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤥ꤬ ꤟꤣꤧ꤯ ‘ꤔꤢꤧ꤬ ꤊ꤫ꤢꤦ꤬ꤚꤢꤩ꤭ ꤡꤝꤢꤙꤣꤧꤒꤢꤩ꤭ ꤒꤣ꤬ꤖꤥ꤬ꤒꤢꤩ꤭ ꤕꤢ꤭ꤔꤣꤧ꤬,’ ꤞꤤ꤭ ꤘꤣꤧꤟꤣꤧ꤭ ꤠꤢꤧ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯

ꤛꤥ꤭ꤟꤢ꤬ 16:5 ပူးပေါင်းရင်းမြစ်များ

ꤛꤥ꤭ꤟꤢ꤬ 13:36

“แบ่เจ่, เน เตเร จว๊า เบ๊อะโต๊โผ่เต ปา?” คูซีโมน เปโตร แด๊เฮอ ลู ฮู๊เนอ. เร๊อ แบ่เจ่ เหย่ซู่ เฮ๊ฉื่อ ลู เน๊อ, “เหล่โอ่ เด๊อ แว เตเร จว๊า เออโต๊โผ่เนอ, กู๊แหน่เร๊อ เน ครวาจว๊า แจ่ เกอแล๋ แว โต่. หม่าแน๊เรอ เน เก่ ครวาจว๊า เกอเนอ แว เด๊อคยา ปา.”

ꤛꤥ꤭ꤟꤢ꤬ 7:33

แบ่เจ่ เหย่ซู่ เฮ๊ เน๊อ, “แว โอ่เต่อ งยาเกอปา เร๊อ ซี โต่. งยาแต่โต่ ปาหม่า แว เก่ กาคยา คยาแซ๊ เด๊อ เพรนอแฮ แว เออเตเพร อา โอ่ เฮ๊อ.

ꤛꤥ꤭ꤟꤢ꤬ 16:28

แว โอ่ เด๊อ เพโอ่ แฮ เร๊อ แว แฮแล เด๊อ เห่ขุเออ. กู๊แหน่เร๊อ แว เก่ เถ่กาแก เด๊อ เห่ขุเออ เร๊อ แว เก่ กาคยา คยาแซ๊ เด๊อ แวเพ อา โอ่.”

ꤛꤥ꤭ꤟꤢ꤬ 17:4

แว เม เป่ โทลอ เฮ๊อ เน เตเม เด๊อ เน นอเม แว เนอเต๊เห่ อาขว่าอาคยา, แว เด๊อะ โล เฮ๊อ เน เตอเรอดุ เตอเรอทู เด๊อ เห่ขุ เออเนอ เฮ๊อ.

ꤛꤥ꤭ꤟꤢ꤬ 16:10

เมเตเฮ๊เรอ, แว เก่ กา เด๊อ เพ อา โอ่ ปา เร๊อ ซี แม๊เถอะ ปา แว โต่ อาขว่าอาคยา, แหย่โยบูโพ๊แบ่เจ่ เก่ เด๊อซิเงโปล เป่ เหย่ซี เร๊อ เตจ๊อเตเต อาแกล๊อาโกล ปา.

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤟꤤꤙꤚꤢꤨ 1:3

อู เก่ แม๊เถอะ แฮเง จอแปแหร่ อา เตเตอเรอดุทู เด๊อ อากู ปา. อา หม่า อา แซ่ ลอหล่าตี๊กลิ เจ๊อ เน๊อ จอแปแหร่ เฮ๊อ. แซ่ฮู๊ เห่ขุ เร๊อ ม๊อขุ เน๊อ เตแบ๊แถ่ ล๋อ ปลี เต๊เห่ เก่ โอ่ แฮเง ตื๊อดื่อ โป่ เนอ, อา ปื่อหม่า จว่าเกอ เตแบ๊แถ่ ล๋อ ปลี เออเนอ เน๊อ อาโหง่ เด๊อ อาโพรอาเตอเรอ ฉว่าชอ เออเต๊เห่. เบ๊อะอา เมปลื๊อเมโท โทเฮ๊อ ปลวาแก ลอ ล๋อ แกแย เห่ขุพู๊ อาเตซื๊อ เต๊เห่ เบ๊อะเนอ, อา กา แก๊แถ่ เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ เด๊อ อาโพรอาเตอเรอ อาดุอาทู ตื๊อดื่อ เออเตเพร อากู๊ขุ จ๊อทว๊า ตากยา.

ꤛꤥ꤭ꤟꤢ꤬ 13:3

แบ่เจ่ เหย่ซู่ ซิเงดื่อเฮ๊อ เร๊อ อาเพ เด๊อะตา โทลอเฮ๊อ ลู เตโพรเตเตอเรอ ฉว่าชอ เด๊อ เตล๋อ ปลี อาขุ เฮ๊อ. อา ซิเง เร๊อ อา โอ่ เด๊อ จอแปแหร่ โอ่แฮ เร๊อ อา เก่ กาคยา คยาแซ๊ เด๊อ จอแปแหร่ อา โอ่ ปา.

ꤛꤥ꤭ꤟꤢ꤬ 16:16

“งยาแต๋โต่ ปาหม่า ซี แม๊เถอะน๊อ ปา แว โต่ เฮ๊อ, หม่าแน๊เรอ งยาแต๋โต่ คยาแซ๊ ปาหม่า ซี แม๊เถอะ คยาแซ๊ แว ปา.”

ꤛꤥ꤭ꤟꤢ꤬ 14:28

“ซี หนิโฮ โทเฮ๊อ แว เฮ๊ ซี เน๊อ, ‘แว จว๊าแก ซีเหล่ ปา ตื๊อดื่อเรอ แว เก่ กาโตเกอ คยาแซ๊ ซี ปา.’ แว เซเร จว๊า เด๊อ เพ อา โอ่ ปา, แว เฮ๊ ซี ฮู๊เออเนอ, ซี เก่ โม แว เฮ๊เรอ ซี ซิครือ แพ๊, เมเตเฮ๊เรอ แวเพ เนอ อาดุเล๊อ เร๊อ แว.

ꤛꤥ꤭ꤟꤢ꤬ 6:62

เก่ เมฮู๊เนอ เฮ๊เรอ, ซี แม๊เถอะ แกแยพู๊คูเออ เก่ กากี๊แถ่ คยาแซ๊ เด๊อ อาเหล่โกล เหล่โอ่ ปา เฮ๊เรอ, ซี เก่ เตเน แลแค ฮู๊เต ปา?

ꤛꤥ꤭ꤟꤢ꤬ 17:13

“แว แฮเฮ๊อ เด๊อ เนโอ่ กู๊แหน่ เฮ๊อ. แซ่ฮู๊ เหย่ซี เก่ โอ่เล๊อบา เร๊อ เตซิกอล๊อ แกแน อาเงเนอ, เบ๊อะแว โอ่ปา เบ๊อะเห่ขุเออ เบ๊อะเนอ, แว แด๊โฉ่โล เป่ เฮ๊อ เหย่ซี เร๊อ เตเออเต๊เห่ เฮ๊อ.

ꤛꤥ꤭ꤟꤢ꤬ 16:17

อา โคเจ่ เต๊เห่เห่ เนอ, อา แด๊เฮอ เกอเร๊อ ลู เตเพร เร๊อ เตเพร เร๊อ อา เฮ๊ แลแค เน๊อ, “อา จว๊า เฮ๊ โต่ เน๊อ, ‘งยาแต๋โต่ ปาหม่า ซี แม๊เถอะน๊อ ปา แว โต่ เฮ๊อ, หม่าแน๊เรอ งยาแต๋โต่ คยาแซ๊ ปาหม่า ซี แม๊เถอะ คยาแซ๊ แว ปา’ อา เฮ๊ ฮู๊เออเนอหม่า อา ซิเฮ๊ อาโหง่แลช๊า ฮู๊เต?” โทเรอ เหย่ซี เฮ๊ แลแค เน๊อ, “‘เมเตเฮ๊เรอ แว เตเร จว๊า เด๊อ เพ อา โอ่ เฮ๊อ,’ อา เฮ๊ ฮู๊เนอหม่า อา ซิหยื่อ เฮ๊ อาโหง่แลช๊า ฮู๊เตเต๋?”