ꤛꤥ꤭ꤟꤢ꤬ 16:33 - ลีเทส่อพ๊าอาเซ เร๊อ เห่ขุทวาลู๊

³³ “แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

Eastern Kayah Shadaw Dialect

³³ “ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤞꤤꤕꤜꤢꤪ꤬ ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤟꤢꤩ ꤕ꤫ꤢꤩ꤬ ꤓꤥ꤭ ꤜꤢꤪ꤭ ꤟꤣꤧ ꤞꤤ꤭ ꤜꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤘꤣ ꤞꤤ꤭ ꤓꤝꤢ꤭ꤓꤢꤧ꤬ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤠꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤔ꤫ꤤ꤬ꤙꤢꤩ꤬ꤟꤣꤧ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤟꤣꤧ꤯ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ꤙꤢꤩ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤕꤢ꤭, ꤗꤢ꤬ꤔꤢꤧꤚꤣꤧ꤬ ꤘꤢꤧ꤬ꤏꤝꤢ꤬ꤘꤢꤧ꤬ꤏꤢꤪ꤭ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤔꤤ꤮꤯ ꤠꤢꤧ꤭ ꤗꤢꤩ꤬ꤕ꤫ꤢꤩ꤬ ꤓꤥ꤭ꤟꤣꤧ ꤟꤢꤩ꤬ꤋꤢꤨ꤬ꤔꤢꤩꤋꤢꤨ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯”

ꤛꤥ꤭ꤟꤢ꤬ 16:33 ပူးပေါင်းရင်းမြစ်များ

ꤛꤥ꤭ꤟꤢ꤬ 14:27

แว แด่แก เป่ ซี ซิปล่อ อา เตตู๊จุเตอเจ๊อ เฮ๊อ. เร๊อ แว เด๊อะ เป่ เฮ๊อ ซี แว เตตู๊จุเตอเจ๊อ เฮ๊อ. แว เด๊อะ ซี เออเนอหมา อาแซ่เน๊อ แกแย เด๊อ ซี เนอเต๊เห่ หม่าโต่. ซิปล่อกู่ ซิปล่อแก แต่ แลแค แต่เหม่. ซิอิเช แต่ แลแค แต่เหม่เหม่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:4

เมเตเฮ๊เรอ จอแปแหร่ อาพู๊ ปว๋า เตเพร เนอ อา เมเป่ ลอ เฮ๊อ เห่ขุ เหล่โกล มู๊แหม่ เต๊เห่เฮ๊อ. เป เมเป่ เห่ขุ เหล่โกล มู๊แหม่ เต๊เห่ เร๊อ เป เตหยื่อเตแหน่ อาคยา เฮ๊อ.

เธสะโลนิกา เนอบ่า ต๊าบ่า 3:16

เตตู๊จุเตอเจ๊อ อา แบ่เจ่ เก่ เด๊อะตา ดื่อ ซี เตตู๊จุเตอเจ๊อ ปว๋า โตโพ๊ เด๊อ แกล๊ ปว๋า โตโบ อากู นี๋. แบ่เจ่ เก่ โอ่เกอ ดื่อ เร๊อ ซี ปว๋า เตเพร นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:4

หม่าแน๊เรอ พู๊เลอ ซี๋, ซี หม่า จอแปแหร่ อาแกแย เต๊เห่ เร๊อ ซี เมเป่แก เฮ๊อ เพรโพร อาก่าอาแปล เต๊เห่ เฮ๊อ, เมเตเฮ๊เรอ จอแปแหร่โอ่ เด๊อ ซีเหน่กู เออเตเพรเนอ อาดุ เล๊อ เจ๊อ เร๊อ โลเน๊มู๊แหม่รีแจ่ กู่กล๊อ เด๊อ อา โอ่เต่อเกอ เร๊อ แกแยเห่ขุพู๊ เด๊อ อา เม เตจ๊อเตเต โต่ เนอเต๊เห่ อากู เออโตโด เนอ เจ๊อ.

ฟีลิปปี 4:7

จอแปแหร่ เก่ เด๊อ ซี อา เตเตอเจ๊อตู๊จู่ เด๊อ แกแย เห่ขุพู๊ เตเน ทว๊าโต่ เออเนอ ปา. เด๊อ ซี ทวาแถ่ เฮ๊อ เตเตอเจ๋อโต เร๊อ เหย่ซู่ครี๊เฮ๊อ อาขว่าอาคยา, จอแปแหร่ อา เต เตอเจ๊อตู๊จู่ เก่ โอ่ป่อหม่า เร๊อดื่อ ซี ซิปล่อสู่เทอ เร๊อ ซี เตเตเน เต๊เห่ ปา.

เปโตร อาเหร่อเล๊อ ต๊าบ่า 5:9

โอ่หม่าโอ่กลอ แลแค เด๊อ ซี เตหยื่อเตแหน่. เร๊อ เมตาตือฉื่อ แลแค โลเน๊มู๊แหม่รีแจ่ กู่กล๊อ นี๋, เมเตเฮ๊เรอ, ซี ซิเง เร๊อ ซีโป่ซีแหม่ เด๊อ อา โอ่ เด๊อ เห่ขุ ต๊าบ่าลอ เด๊อ อา หยื่อเอ่แหน่เอ่เต แซ่เน๊อ ซี เออเต๊เห่เนอ, อา ข่าเบ่เกอ เฮ๊อ เตจาเตจือ ฮู๊ ซี ข่าเบ่ เฮ๊อ เออเนอ เฮ๊อ.

ꤛꤥ꤭ꤟꤢ꤬ 14:1

แบ่เจ่ เหย่ซู่ เฮ๊ เหย่ซี เน๊อ, “ซิปล่อกู่ ซิปล่อแก แลแค แต่เหม่ นี๋. หยื่อเอ่ แลแค จอแปแหร่ เร๊อ หยื่อเอ่เกอ แลแค แว นี๋.

ทิโมธี เนอบ่า ต๊าบ่า 3:12

แกแย ปว๋า เตเพร เด๊อ อา ซิหยื่อ โอ่เซอเพร โต ฮู๊ จอแปแหร่ อาซิปล่อ อา เตซิหยื่อ เด๊อ เหย่ซู่ครี๊ อากู เต๊เห่เนอ, อู เก่ เมจาเมจือ หม่าแหน่ เจ๊อ เหย่ซี ปา.

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

เตเด๊อะโลแถ่ 3:21

“แว เมเป่ โทเฮ๊อ เร๊อ แว โอ่แนหนิ เต่อเกอ เฮ๊อ เร๊อ แวเพ เด๊อ กู่แกล๊เท แถ่โล อาขุ เฮ๊อ. ฮู๊เนอเรอ แกแย เด๊อ อา เมเป่เต เต๊เห่เนอ, แว เก่ นอโอ่แนโอ่ เต่อเกอ เหย่ซี เร๊อ แว เด๊อ แว กู่แกล๊เท แถ่โล อาขุ เออเนอ ปา.

ꤟꤤꤙꤚꤢꤨ 11:25

คูโมเสส แด่แล อาซิปล่อ เน๊อ, พื๋อ เน๊อ อา เตเร ลือ เตโม แตแปล๊เตอเปลอฮู๊ เด๊อ อา เก่ เด๊อะ ทวาแถ่ เตซื๊อ เออเนอ, อา เก่ ข่าเต่อเกอ เตจาเตจือ เน๊อ จอแปแหร่ อาแกแย เต๊เห่เนอหม่า, อา โมเล๊อ ปา เจ๊อ อา ซิหยื่อ ฮู๊เนอ.

เตเด๊อะโลแถ่ 7:14

“ซ๊าร๊าดุ, แว ซิเงโต่, เน ซิเง แพ๊,” แว เฮ๊ฉื่อ อา ฮู๊เนอ. เร๊อ อา เฮ๊ฉื่อ แว เน๊อ, “เหย่ซี เต๊เห่ เนอหม่า แกแย เด๊อ อา จว๊า ตาลว๊าเบ๊ โทเฮ๊อ เตเมจาเมจือ เด๊อ อา ต๊อหร่อเซ๊ ซิอิเช เออเต๊อเจ่อเนอ เฮ๊อ. เหย่ซี โฉ่ปลี โทเฮ๊อ อา จาจวาทู เออเต๊เห่ เฮ๊อ, โทเรอ อา เมบู โทเฮ๊อ เร๊อ ซิหมิพู๊ เนอโตโด อาสุ่ย เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:7

ฮู๊เนอเรอ โป่แหว่ ซี, เบ๊อะเป ข่าเบ่ เจ๊อ เตแป่เตเช เด๊อ อาดุอาแย เร๊อ เตจาเตจือ ล๋อ ปลี เออเต๊เห่ อาเค เจ๊อเนอเนอ, ซี หยื่อเอ่ ซิเลหนิ ปา ครี๊ อาขว่าอาคยา, อา หนิอ๊าหนิเหร่ แหน่เจ๊อ เด๊อ เปเง เจ๊อ.

เตเด๊อะโลแถ่ 12:11

เป โป่แหว่ เต๊เห่เนอ, เด๊อ ซิหมิพู๊ อาสุ่ย อาขว่าอาคยา เร๊อ เหย่ซี แด๊โฉ่โด่แน เป่ อู จอแปแหร่ อาลาอาโหง่ อาขว่าอาคยาเร๊อ, เหย่ซี เมเป่แก เฮ๊อ โลเน๊มู๊แหม่รีแจ่ กู่กล๊อ เฮ๊อ. เหย่ซี แม๊เถอะเบ่ เจ๊อ เร๊อ เตเซอ เบ่เบ่, อา ซิโล เกอเร๊อ อา ซิปล่อเซอเพร โต่.

โคโลสี 1:20

ล๋อ เต เด๊อ อา โอ่ เด๊อ ม๊อขุ เนอเต๊เห่ เบ่เบ่, เด๊อ เห่ขุเออเนอ เต๊เห่ เบ่เบ่, จอแปแหร่ นอ โครเกล กาคยา ลอ แฮเง คยาแซ๊ ลอปลี เร๊อ ครี๊ เฮ๊อ. อา นอแฮ ข่าเซอ อาพู๊คู เด๊อ อี๊ถื่อดีเต่ อาโอ่ เร๊อ อาสุ่ย เบ่ ทุ๊ยแลตา เด๊อ เปเง อาขว่าอาคยา, อา เมเปเมดวา กาคยา คยาแซ๊ ลอปลี เฮ๊อ เตปว๋า เต๊อเจ่อ ฮู๊เนอเฮ๊อ.

โครินธ์ เนอบ่า ต๊าบ่า 1:3

เป เก่ เฮ๊บุ๊ยเฮ๊เตอเรอ ถู่เซ๊แถ่ โหร่ลู เป แบ่เจ่ เหย่ซู่ครี๊ อาเพ จอแปแหร่ เออ โป๋. อา หม่า เพ เด๊อ อา ซิยอ อู เตเพร, เร๊อ ล๋อ เตเมโม เตเมจว่า เต๊เห่ เนอหม่า อา โอ่ เด๊อ ลูโอ่ แฮ แพ๊.

โครินธ์ เนอบ่า ต๊าบ่า 13:11

โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:4

เมเตเฮ๊เรอ เบ๊อะเป โอ่เกอปา เร๊อ ซี เบ๊อะเนอ, เป เฮ๊ ตาโมโม เป่ โทเฮ๊อ ซี เร๊อ เป เก่ ข่าเบ่ เตเมจาเมจือ ฮู๊เออ เนอ ปา. อา แฮ ทวาแถ่ แคร๊ เร๊อ ซี ฮู๊เตเนอ ซี แม๊เถอะเบ่ หม่าแหน่ เจ๊อเฮ๊อ.

ꤊꤢ꤬ꤜꤢ꤬ꤒꤤ 6:14

แว เก่ เฮ๊เบ่แถ่โล เกอ ฮู๊ เหย่ซีเนอ เก่เฮ๊เรอ, แว เก่ เฮ๊เบ่แถ่โล แพ๊ เด๊อ แว โด่แน เป่ แบ่เจ่ เหย่ซู่ครี๊ อา อี๊ถื่อดีเต่ อาหรี่อาแก เออเนอ แพ๊. เหย่ซู่ เซอ เด๊อ อี๊ถื่อดีเต่ลู เฮ๊อ อาขว่าอาคยา, เตปว๋า เต๊อเจ่อ เด๊อ อา จิจือ เร๊อ เห่ขุ เออเต๊เห่เนอ, อา เซอแก เป่ลอเฮ๊อ เด๊อ แวเงเฮ๊อ, ฮู๊เนอเฮ๊อ, แว เร๊อ แว เซอแก เป่ลอเฮ๊อ เตเด๊อ อา จิจือ เร๊อ เห่ขุ เออเนอเต๊เห่ เฮ๊อเฮ๊อ.

โครินธ์ เนอบ่า ต๊าบ่า 7:4

แว หยื่อเอ่ ตาเต เกอเร๊อ แหน่เจ๊อ ซี เร๊อ แว ถู่เซ๊ เกอเร๊อ แหน่เจ๊อ ซี ปว๋า โตโพ๊ เจ๊อ เม. ฮู๊เนอ อาขว่าอาคยา เป แม๊เถอะเบ่ เอ๊แหน่เจ๊อ เร๊อ เตแป่เตเช หม่าแน๊เรอ เป ซิครือซิลอ แพ๊, โท๊โต่ เป ซิปล่อโม แพ๊.

เพรโด่แนพู๊ เต๊เห่ 27:25

ฮู๊เนอ อาขว่าอาคยา, โคแบ๊ซว๊า ซี๋, แด่ชอ แลแค ซี ซิปล่อ นี๋, เมเตเฮ๊เรอ แว หยื่อเอ่หนิดื่อ จอแปแหร่ เออเตเพร เร๊อ อา เก่ เมฮู๊ อา เฮ๊โทเฮ๊อ แว เนอ ปา.

ꤊꤢ꤬ꤜꤢ꤬ꤒꤤ 1:4

แซ่ฮู๊ ครี๊ เก่ เมแลเปล๊กา เป่ เร๊อ เออตือทือ อา เตมู๊แหม่รีแจ่ เต๊เห่ อาเงเนอ, อา เด๊อะแลแก เฮ๊อ อา ซิปล่อเซอเพร เด๊อ เป่ เตซื๊อเตปล๊า เก่ ปลวาแก อาเง เฮ๊อ. ฮู๊ อา เพ จอแปแหร่ ซิหยื่อ นอเม ลู เต๊เห่เนอ, อา เมกาโทเฮ๊อ.

เพรโด่แนพู๊ เต๊เห่ 9:31

ฮู๊เนอเรอ เบ๊อะเนอเค เพรหยื่อเอ่ ตู๊หมู่ตอกล๊อ เด๊อ อา โอ่ เด๊อ ยูดาห์เก่, กาลิลีเก่, สะมาเรียเก่ เออเต๊เห่ อากู เต๊เห่ โอ่โส่โอ่เคร น๊อเกอ เนอ อู แพ๊. เด๊อ แหย่โยบูโพ๊แบ่เจ่ อาขว่าอาคยา, เพรหยื่อเอ่ ตู๊หมู่ตอกล๊อ เต๊เห่ อาอ๊าอาเหร่ ฉว่าแถ่ชอแถ่, เหย่ซี หนิอ๊าหนิเหร่, เหย่ซี โอ่โหร่โอ่เอ๊แถ่ เร๊อ โอ่เซอเพร แลแค เด๊อ เตแด่ดุหยื่อแหน่ แบ่เจ่ อากู.

ꤛꤥ꤭ꤟꤢ꤬ 12:31

“กู๊แหน่เรอ เบ๊อะแฮโต่เฮ๊อ เด๊อ อู เก่ เมจากาคยา แกแย เห่ขุพู๊ เฮ๊อ. กู๊แหน่เรอ เบ๊อะแฮโต่เฮ๊อ เด๊อ อู เก่ เหว่เถ่แก โลเน๊มู๊แหม่รีแจ่ กู่กล๊อ ซาตาน เด๊อ อา เป๊อ แกแย เด๊อ อา หยื่อเอ่โต่ เต๊เห่ เออเนอ โตโด เฮ๊อ.

ꤜꤢꤨꤊꤢ꤬ 2:14

“อาลีอาเตเค ถู่เซ๊แถ่ แลแค จอแปแหร่ เด๊อ อา โอ่ เด๊อ อาเหล่โอ่แถ่โล ตื๊อดื่อเล๊อ อู เด๊อ ม๊อขุ เออเนอ เตเพร โป๋. เตเปเตดวา เร๊อ เตเตอเจ๊อตู๊จู่ เก่ โอ่แถ่ เกอดื่อ เด๊อ เห่ขุเออ เร๊อ อา เก่ โอ่เต่อเกอดื่อ เร๊อ แกแย เด๊อ จอแปแหร่ ซิปล่อ โอ่เร๊อ เกอ ลู เนอเต๊เห่ นี๋.”

เพรโด่แนพู๊ เต๊เห่ 27:22

หม่าแน๊เรอ กู๊แหน่เออ แว กุยซิยอ ซี, แด่ฉว่าแด่ชอ แลแค ซี ซิปล่อ, ซี ซิปล่อเซอเพร โตเบ่ แลจู่แกหนิ เตเพร่ว โต่. อา เก่ ปย๊าแก แพ๊ดื่อ ส่อเกลอดุ เยเต๊เบ่ ปา แพ๊.

ꤜꤢꤨꤊꤢ꤬ 19:38

เหย่ซี ถู่เซ๊แถ่ เนอ, “จอแปแหร่ เก่ เด๊อะบุ๊ยเด๊อะเตอเรอดื่อ คุ๊ย เด๊อ อา แฮ เร๊อ แบ่เจ่ อามุย เออเตเพร นี๋! เตเปเตแว เก่ โอ่ เกอดื่อ เด๊อ ม๊อขุ เร๊อ เตเตอเรอดุ เตอเรอทู เก่ โอ่ เกอดื่อ เน๊อ จอแปแหร่ เด๊อ อา โอ่ เด๋อ ม๊อขุ อาเหล่โอ่ แถ่โลเล๊อ เออเตเพร นี๋!”

เพรโด่แนพู๊ เต๊เห่ 23:11

เบ๊อะเนอเตเซ, แบ่เจ่ แฮ ก๊อถ่อโอ่ เด๊อ คูเปาโล อาช๊า เร๊อ อา เฮ๊ ลู เน๊อ, “แด่ฉว่าแด่ชอ เน ซิปล่อ นี๋. ฮู๊ เน ข่าจา โทเฮ๊อ เนเหน่ เนอ แวหรี่แวแก เบ๊อะวีเยรูซาเล็ม อากู เออเนอ, เน เก่ ข่าหนิเกอ โป่ดื่อ เตหรี่เตแก เออเนอ เด๊อ วีโรม อากู น๊อปา.”

ꤟꤤꤙꤚꤢꤨ 7:2

เร๊อ เพอับราฮัม เด๊อะเป่ ลู ล๋อ ตาเต เด๊อ อา หนิกา เนอเต๊เห่ ปุ๊ยเฉ๊อตีปุ๊ย. เมลคีเซเดค อามุย อาโหง่แลช๊า อาเหร่อเล๊อ ตือมือ หม่า หม่าดื่อ “เตจ๊อเตเต อาคุ๊ย.” โทเรอ ซาเลม อาโหง่แลช๊า หม่า ซิปล่อ ตู๊จู่เตอเจ๊อ อาขว่าอาคยา, อามุย โอ่ โป่เกอ ดื่อ เน๊อ, “ซิปล่อ เตตู๊จุเตอเจ๊อ อาคุ๊ย.”

ꤛꤥ꤭ꤟꤢ꤬ 16:11

จอแปแหร่ เมจากกาคยาเฮ๊อ โลเน๊มู๊แหม่รีแจ่ กู่กล๊อ ซาตาน เด๊อ อา เป๊อ เห่ขุ เออโตโด เฮ๊อ อาขว่าอาคยา, อา เด๊อ ซิเงโปล เป่เฮ๊อ แกแย เห่ขุพู๊ เต๊เห่ เร๊อ จอแปแหร่ เก่ เมจากาคยา เหย่ซี ปา เฮ๊อ.

มัทธิว 9:2

แกแย เต๊เห่ แย๊แฮหนิ แกแย เซอชิกยา เตเพร เด๊อ แบ่เจ่ เหย่ซู่ อา โอ่ เร๊อ อา โอ่เมอโอ่ แพ๊ เด๊อ เหล่เมอขุ. เบ๊อะแบ่เจ่ เหย่ซู่ แม๊เถอะ เหย่ซี เตหยื่อ เบ๊อะเนอ, อา เฮ๊ แกแย เซอชิกยา เนอเตเพร เรอ, “แว พู๊เพรคู๋ แด่ฉว่าแด่ชอ แหน่ ซิปล่อ นี๋. แว ปลวาแกเฮ๊อ เน เตซื๊อ เฮ๊อ.”

โครินธ์ เนอบ่า ต๊าบ่า 2:14

หม่าแน๊เรอ, แว เฮ๊บุ๊ยเฮ๊เตอเรอ ถู่เซ๊แถ่ เต เด๊อ จอแปแหร่ เม เป่ เฮ๊อ เป เออเต๊เห่, เมเตเฮ๊เรอ เด๊อ เป ย๋อ ทวาแถ่เฮ๊อ เตเต๊อเจ่อ แพ๊เน๊อ ครี๊ อาขว่าอาคยา, จอแปแหร่ จว๊า เหร่อ เด๊อ เปเป๊เส่เง เร๊อ เป ครวาจว๊าเกอ ลู เด๊อ คยา เด๊อ อาแซ่เน๊อ อู ด๊อตา ครี๊ อาแกแย เด๊อ ทอกู เนอเต๊เห่ เฮ๊อ. จอแปแหร่ เด๊อะโล เฮ๊อ เป เร๊อ อู ปว๋า เตเพร เฮ๊อ. จอแปแหร่ นอแฮเง เฮ๊อ เป เด๊อ เป เก่ เลเด๊อะซิเง เป่ อู เร๊อ ครี๊ อาหรี่อาแก เด๊อ อาแซ่เน๊อ เตโนมื๊อโนชือ เออเนอ ปว๋า โต๊โผ่ เฮ๊อ.

โครินธ์ เนอบ่า ต๊าบ่า 4:7

หม่าแน๊เรอ เป เด๊อ อา แด๊โฉ่โด่แน เป่ อู เออเต๊เห่เนอ, อา แซ๊ แพ๊ เร๊อ ปอเห่ เด๊อ อู สู่โนโอ่บา อา เร๊อ เตงูดุงูชอ เด๊อ อากู เตเม เนอเฮ๊อ. เตงูดุงูชอ เออเนอหมา หม่าเฮ๊อ เม เตซิครือมีลา เออเนอ เฮ๊อ. อา เมฮู๊เออ เมเตเฮ๊เรอ แซ่ฮู๊ จอแปแหร่ เก่ เด๊อะโล เร๊อ อาเตอเรออาฉว่าซอ เออเนอหมา อา โอ่ เด๊อ เปกู เถ่ หม่าโต่, อา โอ่ เด๊อ ลูโอ่ แฮ แพ๊.

โครินธ์ เนอบ่า ต๊าบ่า 6:4

เป เม เต อิเตเต๋ เบ่เบ่, แซ่ฮู๊ อู เก่ แม๊เถอะ เร๊อ เป หม่า จอแปแหร่ อาหลู่เล๊ เต๊เห่ อาเงเนอ, เป เด๊อะโล เป่ อู เร๊อ เป แด่ทูซิปล่อ เตจาเตจือ เต๊เห่, เร๊อ เป ข่า โซพ๊าโซแร เตเต๊เห่ เร๊อ เป ข่าเบ่ เตแป่เตเช ซีเต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:13

เพซี๋, แว รา เป่ เฮ๊อ ซี ลีเออ, เมเตเฮ๊เรอ แกแย เด๊อ อา โอ่หนื่ออื่อ ปา เจ๊อ เด๊อ ม๊อขุเห่ขุ ทวาแถ่ แตล๋ายโต่ เบ๊อะเนอ เตเพรเนอ, ซี ซิเง โทเฮ๊อ ลู เฮ๊อ. เพรคูพู๊เส่ ซี๋, เด๊อ ซี เมเป่โทเฮ๊อ โลเน๊มู๊แหม่รีแจ่ กู่กล๊อ เนอโตโด อาขว่าอาคยา, แว รา เป่เฮ๊อ ซี ลีเออต๊าบ่า. แวพู๊แวเลอ ซี๋, ซี ซิเง โทเฮ๊อ เพ จอแปแหร่ อาขว่าอาคยา, แว รา เป่เฮ๊อ ซี ลีเออ.