ꤛꤥ꤭ꤟꤢ꤬ 16:32 - ลีเทส่อพ๊าอาเซ เร๊อ เห่ขุทวาลู๊

³² หม่าแน๊เรอ เบ๊อะเด๊อ ซี เก่ แกล่โพร๊ แกล่แพร ลอ ปา, เร๊อ ซี เก่ กาเถ่ แลแค เด๊อ ซีหี่ เตเพร เร๊อ เตเพร เนอ, อา เก่ แฮโต่ ปา. เฮ๊ตาเต้า หม่า อา แฮโต่ เจ๊อเฮ๊อ. ซี ปว๋า เตเพร เก่ แด่โอ่แก ตื๊อดื่อ แว ปา. หม่าแน๊เรอ แว โอ่ตื๊อดื่อ หม่าโต่, เมเตเฮ๊เรอ แวเพ โอ่เกอ เร๊อ แว.

Eastern Kayah Shadaw Dialect

³² ꤗꤢ꤬ꤔꤢꤧꤚꤣꤧ꤬ ꤏꤣꤧꤋꤢꤩ꤭ ꤘꤣ ꤞꤤ꤭ ꤊ꤫ꤢꤦ꤬ ꤊꤜꤢꤧ꤬ꤖꤚꤥꤊꤜꤢꤧ꤬ꤖꤚꤢꤧ꤭ ꤜꤢꤪ꤭ ꤕꤢ꤭, ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤊꤢ꤬ꤊꤢꤧ꤭ ꤜꤢ꤭ꤋꤢꤧ꤭ ꤘꤣ ꤞꤤ꤭ꤟꤤ꤬ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ ꤕꤢ꤭꤯ ꤟꤢꤩꤒꤢ꤭ꤒꤢ꤭꤮ ꤗꤢ꤬ ꤢ꤬ ꤟꤢꤧ꤭ꤒ꤫ꤥ꤬ ꤡꤣꤧꤟꤣꤧ꤯ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤘꤢꤧ꤬ꤥ꤬ꤊꤢꤧ꤭ ꤒꤢꤦꤘꤢꤦ꤬ ꤠꤢꤧ꤭ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤥ꤬ꤒꤢꤦꤘꤢꤦ꤬ ꤗ꤫ꤢ꤬ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ꤖꤢꤩ꤭ ꤥ꤬ꤊꤣꤧ꤭ ꤔꤢꤧ ꤠꤢꤧ꤭꤯

ꤛꤥ꤭ꤟꤢ꤬ 16:32 ပူးပေါင်းရင်းမြစ်များ

มัทธิว 26:31

โทเรอ แบ่เจ่ เหย่ซู่ เฮ๊ เหย่ซี เน๊อ, “เออ เตเซ ซี วิ แก แว ปา เมเตเฮ๊เรอ ลีเทส่อพ๊า ราม๊า เฮ๊เนอ, ‘แว เก่ มือ เพรเก ซิหมิ ปา, เร๊อ ซิหมิเบ๊หมู่ เต๊เห่ เก่ แกล่โพร๊ แกล่แพร ลอ ปา.’

ꤛꤥ꤭ꤟꤢ꤬ 8:29

โทเร๊อ เพร เด๊อ อา นอแฮ แว เออเตเพรเนอ, อา โอ่เกอ เร๊อ แว. แว เมโต ลูซิปล่อ ปว๋า โตโพ๊ เจ๊อ อาขว่าอาคยา อา วี๊แก แว โต่.”

ꤛꤥ꤭ꤟꤢ꤬ 8:16

หม่าแน๊เรอ แว เก่ เมจากาคยา อู เฮ๊เนอ, แว เก่ เมจากาคยา จ๊อจ๊อเตเต อู แพ๊, เมเตเฮ๊เรอ แว เมจากาคยา ตื๊อดื่อ เตเพร๊ หม่าโต่. แว เมโหร่ เต่อเกอ เร๊อ แวเพ เด๊อ อา นอแฮ แว เออเตเพร.

ꤗꤢ꤬ꤊꤢꤨ 14:27

เหย่ซู่ เฮ๊ เหย่ซี เน๊อ, “จอแปแหร่ เฮ๊แก มู๋ หนู่เค เนอ, ‘แว เก่ มือเซอ เพรเกซิหมิ ปา, เร๊อ ซิหมิ เต๊เห่ อา แกล่โพร๊ แกล่แพร ลอ ปา,’ ลีเทส่อพ๊ากู เฮ๊ ฮู๊เนอ. ล๋อ ซี เออเต๊เห่ เนอหมา อาแซ่เน๊อ ซิหมิ เออเต๊เห่ เนอเฮ๊อ, ซี เก่ เถ่แกล่ จว๊าโค๊แกลอ แว เหล่ปา.

มัทธิว 26:56

หม่าแน๊เรอ เตทวาแถ่ อาเหน่ ฮู๊เออ เนอหม่า แซ่ฮู๊ เพรโพร ราหนื่ออื่อแก เต๊เห่ เก่เล๊อเก่บาแถ่ อาเง แพ๊.” โทเรอ ล๋อ อา โคเจ่ เต๊เห่ ปลวาแกลู เร๊อ เถ่แกล่ ตาพาแก ลอ ลูเหล่.

ꤛꤥ꤭ꤟꤢ꤬ 20:10

โทเรอ เหย่ซี เออซิเนอ กาคยา แลแค เด๊อ อาหี่

ꤛꤥ꤭ꤟꤢ꤬ 16:25

“แว เฮ๊เบ่ เป่ ซี เตเออเต๊เห่ เร๊อ โหง่ค๊าโข่ เต๊เห่. หม่าแน๊เรอ เบ๊อะเด๊อ แว โหล่ เฮ๊เบ่ ปา เร๊อ โหง่ค๊าโข่ โต่ เนอ, อา เก่ แฮโต่ ปา. แว เก่ เฮ๊โล๊ลี เป่ลอ ซี เร๊อ แวเพ อาหรี่อาแก ปา.

ꤛꤥ꤭ꤟꤢ꤬ 16:2

อู เก่ เหว่เถ่ แก ซี เด๊อ เตจ๊อเบโฮ เต๊เห่ อากลอ ปา. แกแย เด๊อ อา เมเซอ ซี เต๊เห่เนอ อา เตเน เกอเร๊อ อาเหน่ เน๊อ, ‘เป เม เฮ๊อ จอแปแหร่ อาเตเม เฮ๊อ,’ เบ๊อะฮู๊เออเนอ, อา เก่ แฮโต่ ปา.

ꤛꤥ꤭ꤟꤢ꤬ 4:23

หม่าแน๊เรอ แกแย เด๊อ อา จ๊อเบ ชาเผร่แหน่ เจ๊อ เพ จอแปแหร่ เต๊เห่เนอ, ม๊อเนอม๊อเซ เด๊อ เหย่ซี เก่ จ๊อเบ เด๊อ แหย่โยตากยา เร๊อ เตอาจ๊ออาเต เนอ, อา เก่ แฮโต่ ปา. อา แฮโต่ เจ๊อ เฮ๊อ กู๊แหน่ เฮ๊อ. เมเตเฮ๊เรอ เพ จอแปแหร่ แม๊ปู แกแย เด๊อ อา จ๊อเบแถ่ ลู ฮู๊เนอ เต๊เห่ เฮ๊อ.

ꤛꤥ꤭ꤟꤢ꤬ 4:21

เหย่ซู่ เฮ๊ฉื่อ ลู เน๊อ, “เพรหม๋อ, หยื่อเอ่ แวเนอ, เบ๊อะเก่ แฮโต่เฮ๊อ เด๊อ ซี เก่ จ๊อเบแถ่ เพ จอแปแหร่ ปา. หม่าแน๊เรอ เบ๊อะโฉ่ เออเตเม อาลู เนอ เบ่เบ่, เด๊อ วีเยรูซาเล็ม อากู เออเนอ เบ่เบ่, อู โหล่แฮจ๊อเบ ปา เบ๊อะเนอ โต่เฮ๊อ.

ꤛꤥ꤭ꤟꤢ꤬ 12:23

เร๊อ แบ่เจ่ เหย่ซู่ เฮ๊ เน๊อ, “เบ๊อะแฮโต่เฮ๊อ เด๊อ แกแยพู๊คูเออ เก่ พย๊าหนิเฮ๊อ เตเตอเรอดุ เตอเรอทู เฮ๊อ.

ꤛꤥ꤭ꤟꤢ꤬ 5:28

“คย๊าอายื๊อ แลแค แต่เหม่, เมเตเฮ๊เรอ เบ๊อะเด๊อ แกแย โอ่เด๊อ โลกู ล๋อ ปลี เต๊เห่ เก่ หนิโฮ จอแปแหร่ อาพู๊คูเออ อาโหง่เนอ, อา เก่ แฮโต่ ปา.

ꤛꤥ꤭ꤟꤢ꤬ 5:25

แว เฮ๊โฉ่จ๊อจ๊อ ซี, เบ๊อะเด๊อ แกแยเซอ เต๊เห่ เก่ หนิโฮ จอแปแหร่ อาพู๊คู โหง่, เร๊อ แกแย เด๊อ อา หนิโฮ เออเต๊เห่ เก่ เซอเพร ปา เนอ, อา เก่ แฮโต่ ปา. อา แฮโต่ เจ๊อเฮ๊อ กู๊แหน่ เฮ๊อ.

ꤗꤢ꤬ꤊꤢꤨ 14:50

เบ๊อะเนอเค อา โคเจ่ เต๊เห่ เถ่แกล่ จว๊าโค๊แก ลอปลี ลูเหล่.

เพรโด่แนพู๊ เต๊เห่ 8:1

อู เมเซอ คูสเทเฟน เออเนอ, คูเซาโล โนกู แซ่เกอ อาซิปล่อ เร๊อ เพรเมเซอ คูสเทเฟน เนอเต๊เห่ เร๊อ อา ครวาอ๊อแล แซ่เกอ ฮู๊เนอ. เป๊อแถ่ เบ๊อะเนอ เตอ เนอ ตาเป่แฮ เร๊อ แกแย เด๊อ อา โอ่ เด๊อ วีเยรูซาเล็ม อากู เร๊อ อา หยื่อเอ่แลแค เหย่ซู่ เต๊เห่เนอ, อา เมจาเมจือ แหน่เจ๊อ เหย่ ซี เจ๊อ. แกแย เด๊อ อา โอ่แก เด๊อ วีเยรูซาเล็ม อากู เต๊เห่ เนอหม่า, ตื๊อแพ๊ เพรโด่แนพู๊ เต๊เห่ แพ๊. เร๊อ ล๋อ แกแย เด๊อ อา หยื่อเอ่แหน่เอ่รี เต๊เห่เนอ, อา เถ่แกล่ จว๊าโพร๊จว๊าแพร ลอปลี เด๊อ ยูดาห์เก่ เร๊อ สะมาเรียเก่.

ꤛꤥ꤭ꤟꤢ꤬ 16:31

เร๊อ แบ่เจ่ เหย่ซู่ แด๊เฮอ เหย่ซี เน๊อ, “กู๊แหน่เร๊อ ซี หยื่อเอ่ หม่าแหน่ เฮ๊อ เน๋อ?

ꤛꤥ꤭ꤟꤢ꤬ 19:27

โทเรอ อา เฮ๊ เกอลาติ อา โคเจ่ เนอเตเพร เน๊อ, “กู๊แหน่เออ แวโหมะเน๊อ อา ทวาเฮ๊อ. เนโหมะ เฮ๊อ” เป๊อแถ่ เบ๊อะเนอ เร๊อ อา โคเจ่ เออเตเพร เอ๊กาโอ่ แบ่เจ่ อาโหมะเออ เด๊อ อาหี่.

เพรโด่แนพู๊ เต๊เห่ 21:6

เป เฮ๊โมเฮ๊แร๊แก โท ลู เตเพร เร๊อ เตเพร, เร๊อ เป แถ่ เด๊อ ส่อเกลอดุกู เร๊อ เหย่ซี กาคยาแก ลอ เด๊อ อาหี่.