ꤛꤥ꤭ꤟꤢ꤬ 16:22 - ลีเทส่อพ๊าอาเซ เร๊อ เห่ขุทวาลู๊

²² เต เก่ ทวาแถ่ แซ่เกอดื่อ เน๊อ ซี ฮู๊เออเนอ ปา. กู๊แหน่เร๊อ ซี เก่ ซิเปลซิหย่อ ปา, หม่าแน๊เรอ แว เก่ แม๊เถอะ คยาแซ๊ ซี ปา เร๊อ ซี เก่ ซิครือซิลอ แหน่เจ๊อ ปา. โท๊โต่ อู พย๊าแก แจ่ ปา เจ๊อ ซี เตซิครือซิลอ เตเพร่ว เจ๊อโต่ ปา.

Eastern Kayah Shadaw Dialect

²² ꤒꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤞꤢꤧꤊꤣꤧ꤭ꤘꤢꤦ꤬ ꤔꤢꤧ ꤞꤤ꤭ ꤟꤢꤨꤣꤧ꤭ꤔꤣꤧ꤬ ꤕꤢ꤭꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤤꤕꤜꤢꤩ꤭ꤔꤢꤩ꤬ꤙꤢꤩ꤬ ꤕꤢ꤭, ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤋꤛꤢ꤭ꤞꤢꤧ ꤞꤤ꤭ ꤕꤢ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ ꤕꤢ꤭꤯ ꤓꤥ꤭ꤒꤥ꤬ ꤢꤨ꤭ ꤖꤛꤢꤊꤢꤧ꤭ ꤡ꤫ꤢꤧ꤬ ꤕꤢ꤬ ꤡꤣꤧ ꤞꤤ꤭ ꤒꤢꤩ꤬ꤞꤤꤋꤚꤢꤦ꤭ꤞꤤꤜꤢꤪ꤭ ꤒꤣ꤬ꤖꤚꤢꤩ꤬꤮ ꤡꤣꤧꤒꤥ꤬ ꤕꤢ꤭꤯

ꤛꤥ꤭ꤟꤢ꤬ 16:22 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 1:8

ซี แม๊เถอะน๊อ อา โต่ หม่าแน๊เรอ ซี โมหนิ อา. ซี แม๊เถอะ แต่ล๋าย อา กู๊แหน่ โต่ หม่าแน๊เรอ ซี หยื่อเอ่ อา. ฮู๊เนออาขว่าอาคยา, ซี ซิครือซิลอ หม่าแหน่ เจ๊อ เร๊อ ซี ซิครือ เจ๊อ บ๋า เตเนอ เฮ๊แจ่ ปา เจ๊อ โต่.

เพรโด่แนพู๊ เต๊เห่ 13:52

เร๊อ เพรหยื่อเอ่พู๊ โอ่ เบ๊อะวีอันทิโอก อากู เต๊เห่เนอ, เหย่ซี ซิครือซิลอ แหน่เจ๊อ เร๊อ อา เล๊อบา แลแค เจ๊อ เร๊อ แหย่โยบูโพ๊แบ่เจ่.

ꤛꤥ꤭ꤟꤢ꤬ 16:6

แว เฮ๊โล เป่ ซี ฮู๊เออ เร๊อ ซี ซิเปลซิหย่อ ล๋อปลี เจ๊อ.

เธสะโลนิกา เนอบ่า ต๊าบ่า 2:16

เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

เพรโด่แนพู๊ เต๊เห่ 16:25

เบ๊อะเหมาะเนเคเนอ, คูเปาโล เร๊อ คูสิลาส กุยจ๊อเบ เร๊อ อิโร ถู่เซ๊แถ่ จอแปแหร่ อาเค, แกแย โอ่ เด๊อ ทอกู เต๊เห่ หนิดา แลแค เหย่ซี เตกุยจ๊อเบ เต๊เห่ เร๊อ เหย่ซี เตอิโร เต๊เห่.

เพรโด่แนพู๊ เต๊เห่ 2:46

เหย่ซี จว๊า โอ่กู๊ โร๊ลู เด๊อ เต หลู่แตโฮ ปว๋า เตอเนอ เร๊อ เหย่ซี ซิปล่อฉว่า เด๊อะเอ่เด๊อะโอ เป่ ลู เตเพร เร๊อ เตเพร. เร๊อ ซิครือซิลอ เอ่โหร่โอโหร่ลู เด๊อ เหย่ซี อาหี่ด๊อหี่แพ อากู.

ꤟꤤꤙꤚꤢꤨ 10:34

ซี ซิยอเร๊อ แกแย เด๊อ อู ด๊อตา ลู เด๊อ ทอกู เนอเต๊เห่. อู เป่เอ่เป่โอ ปื่อเผ่ จว๊าแก ลอ ซี ตาหมื่อตาเต เจ๊อ หม่าแน๊เรอ, ซี แด่ ซิครือ แลแค แพ๊ ซี ซิปล่อ, เมเตเฮ๊เรอ ซี ซิเง เน๊อ ซี ตาหมื่อตาเต เด๊อ อาแร๊เล๊อ เร๊อ อา โอ่หม่าโอ่กลอ ตูจูเพร เออเนอ อา โอ่ เอ๊ลูปา เด๊อ ม๊อขุ อาขว่าอาคยา, ซี ซิครือซิลอ แลแค แพ๊.

ꤟꤤꤙꤚꤢꤨ 6:18

ฮู๊เนอเรอ จอแปแหร่ เด๊อะ ลอเฮ๊อ เป อา เตอ๊อแล เน๊อ อา เตแบแลหนิ อาโหง่เออ เนอเจ่อลอ เฮ๊อ. จอแปแหร่ แลโฮแจ่โต่ อาขว่าอาคยา, เออเนอเจ่อ เนอ อา ถู่แหล่ เต๊เปล่ โค๊แจ่ โต่โต่. เป เด๊อ อา แกล่ ตาดวา โอ่ว่าวโอ่โอ๊บี๊ เฮ๊อ เด๊อ จอแปแหร่ อา โอ่ เต๊เห่เนอ, เด๊อ จอแปแหร่ ถู่แหล่ เต๊เปล่ โค๊แจ่ ปา อา เตอ๊อแล โต่ อาขว่าอาคยา, เป ซิปล่อโม ซิปล่อชอแถ่ แหน่เจ๊อ. เด๊อ เป ซิปล่อโม ซิปล่อชอ อาขว่าอาคยา, เตแม๊ชือ เด๊อ จอแปแหร่ เด๊อ เปเออ เนอ, เป ปื่อหม่า แฮเง ตื๊อดื่อ เต่อเบ๊เฮ๊อ เด๊อ อาตื๊อดื่อ เฮ๊อ.

เพรโด่แนพู๊ เต๊เห่ 5:41

เพรโด่แนพู๊ เต๊เห่ เหย่ซีซิครือซิลอ เถ่จว๊าแก เด๊อ แกแยยิวพู๊ ทวาดุทวาเต เออเต๊เห่ อา เป๊เส่เง, เมเตเฮ๊เรอ เด๊อ เหย่ซู่ อาขว่าอาคยาเร๊อ, จอแปแหร่ แด่โอ่ แหน่ เฮ๊อ เหย่ซี เร๊อ อา โต แหน่ เฮ๊อ เร๊อ อา เบ่ ป่อชิเต่อ อู เมเตเร เหย่ซี ฮู๊เออ เนอหมา อา อาต่า แหน่ เฮ๊อ ฮู๊เนอ แพ๊.

ꤛꤥ꤭ꤟꤢ꤬ 21:7

เออโตโพ๊เรอ เหย่ซู่ อา โคเจ่ เด๊อ อา โม หนิเกอเร๊อ เออเตเพร เฮ๊ คูเปโตร เน๊อ, “อา หม่า แบ่เจ่ เน๋อ,” อา เฮ๊ เป่ ลู ฮู๊เนอ. เบ๊อะคูซีโมน เปโตร หนิโฮ ลู เฮ๊ เน๊อ, “อา หม่า แบ่เจ่ เนอ,” ฮู๊เนออาเค, โตโพ๊โต อา แซ๊แถ่ คยาแซ๊ อาจา เด๊อ อา โปล๊แก ลู เนอตือปือ โทเรอ อา อี๊ฉ่าตา เด๊อ เทอกู.

ꤛꤥ꤭ꤟꤢ꤬ 14:27

แว แด่แก เป่ ซี ซิปล่อ อา เตตู๊จุเตอเจ๊อ เฮ๊อ. เร๊อ แว เด๊อะ เป่ เฮ๊อ ซี แว เตตู๊จุเตอเจ๊อ เฮ๊อ. แว เด๊อะ ซี เออเนอหมา อาแซ่เน๊อ แกแย เด๊อ ซี เนอเต๊เห่ หม่าโต่. ซิปล่อกู่ ซิปล่อแก แต่ แลแค แต่เหม่. ซิอิเช แต่ แลแค แต่เหม่เหม่.

ꤛꤥ꤭ꤟꤢ꤬ 14:1

แบ่เจ่ เหย่ซู่ เฮ๊ เหย่ซี เน๊อ, “ซิปล่อกู่ ซิปล่อแก แลแค แต่เหม่ นี๋. หยื่อเอ่ แลแค จอแปแหร่ เร๊อ หยื่อเอ่เกอ แลแค แว นี๋.

ꤛꤥ꤭ꤟꤢ꤬ 4:14

หม่าแน๊เรอ แกแย เด๊อ อา เก่ โอเทอ เด๊อ แว เด๊อะโอ อา ปา เออเนอ, อา ซิโอ ปา เทอ โตโพ๋ โต่. เทอ เด๊อ แว เก่ เด๊อะโอ อา ปา เออเนอ, อา เก่ ทวาแถ่ เทอเถ่ขุ เด๊อ ลูกู ปา. เร๊อ อา เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”

ꤜꤢꤨꤊꤢ꤬ 24:41

เหย่ซี ซิครือซิลอ แลแค เร๊อ อา อาเถ่ ตี๊ปี่ตาปา ลอ แลแค ลู อาขว่าอาคยา, อา หยื่อเอ่แร๊ แลแค ล๋ายโต่. โทเรอ เหย่ซู่ แด๊เฮอ เหย่ซี เน๊อ, “ซี เหล่เอ่เหล่โอ โอ่ เต๊อเจ่อเจ่อ แอ?”

ꤜꤢꤨꤊꤢ꤬ 16:25

“หม่าแน๊เรอ เพอับราฮัม เฮ๊ฉื่อ ลู เน๊อ, ‘แวพู๊คู๋, เตเนแถ่เบ่ โต่คยา เบ๊อะเน โอ่เซอเพร ปา เบ๊อะเนอ, เน โอ่ เร๊อ เต เด๊อ อา โอ่โมโอ่เจ่ เน เนอเต๊เห่ เฮ๊อ, หม่าแน๊เรอ คูลาซารัส เออเนอ, อา พย๊าหนิ ลอปลี เตจาเตจือ เต๊เห่. ตื๊อดื่อเรอ กู๊แหน่เออ, อา พย๊าหนิ เกอลาติ เฮ๊อ เตโอ่โมโอ่เจ่ เหล่โอ่ เบ๊อะเออ เฮ๊อ. เร๊อ เน เร๊อ เน ข่าเบ่ เกอลาติ เตจาเตจือ เฮ๊อ

ꤜꤢꤨꤊꤢ꤬ 10:42

หม่าแน๊เรอ เต เด๊อ อาโหล่เนอ อา โอ่ แพ๊ เต๊อเจ่อเจ๊อ แพ๊. เร๊อ เหมาะมารีย์ นว๊าพย๊า โทเฮ๊อ เต เด๊อ อาแร๊เล๊อ เออเต๊อเจ่อ เฮ๊อ. อู พย๊าเผ่แก แจ่ ปา อา เตเพร่ว โต่ เฮ๊อ.”

มัทธิว 28:8

ฮู๊เนอเรอ เพรเหมาะ เออซิเนอ โอ่ เบ๊อะโลกู เนอ เร๊อ อา โต๊โปล่ตาปยา เถ่กา แลแค. เหย่ซี ซิอิเชเช, ซิครือครือ เจ๊อ เร๊อ อา แกล่กา แด๊โฉ่ เป่ แลแค อา โคเจ่ เต๊เห่.

ꤛꤥ꤭ꤟꤢ꤬ 16:20

แว เฮ๊จ๊อจ๊อ ซี, เบ๊อะแกแย เห่ขุพู๊ เต๊เห่ เก่ ซิครือซิลอ ตือปือลือชือ เจ๊อ ปา เบ๊อะเนอ, ซี เก๊โหง่เก๊เห่ แลแค ปา. เด๊อ แว ข่าเบ่ เตจาเตจือ อาขว่าอาคยา, ซี เก่ ซิเปลซิหย่อ แหน่เจ๊อ ปา, หม่าแน๊เรอ ซี เต ซิเปล ซิหย่อ เออเนอ อา เก่ ทวาแถ่ เต๊เปล่โค๊ เป่ลาติ ซี เร๊อ ซี เต ซิกอ ล๊อ แกแน ปา.

ꤜꤢꤨꤊꤢ꤬ 19:26

“เร๊อ คุ๊ย เฮ๊ฉื่อ เหย่ซี เน๊อ, ‘แว เฮ๊ ซี, ล๋อ แกแย เด๊อ อาเตโอ่หนื่ออื่อ ลอ เจ๊อเฮ๊อ เนอเต๊เห่ เบ่เบ่, อู ลื๊อลื๊อ เด๊อะเอ๊แถ่ โป่ เจ๊อ ลู ปา, หม่าแน๊เรอ แกแย เด๊อ อาเต โอ่ โต่ เตเพรเนอ, อาเต โอ่แพ๊ ตี๊กิแพ๊ เบ่เบ่, อู เก่ พย๊าเผ่แกเผ่ ลอ โป่ ลูเต่ ปา.

ꤛꤥ꤭ꤟꤢ꤬ 16:16

“งยาแต๋โต่ ปาหม่า ซี แม๊เถอะน๊อ ปา แว โต่ เฮ๊อ, หม่าแน๊เรอ งยาแต๋โต่ คยาแซ๊ ปาหม่า ซี แม๊เถอะ คยาแซ๊ แว ปา.”

ꤛꤥ꤭ꤟꤢ꤬ 14:19

เตอเปลอฮู๊ อากูเนอ, แกแย เห่ขุพู๊ เต๊เห่ แม๊เถอะ ปา แว โต่. หม่าแน๊เรอ ซีเนอ, ซี เก่ แม๊เถอะ แว ปา. แว เซอเพร อาขว่าอาคยาเร๊อ ซี เก่ เซอเพร เกอ ปาปา.

โครินธ์ เนอบ่า ต๊าบ่า 6:10

เป แม๊เถอะ เอ๊แหน่เจ๊อ เตแป่เตเช หม่าแน๊เรอ เป ซิลอซิอือ ปว๋า โตโพ๊ เจ๊อ. อา แซ๊ เร๊อ เป โซพ๊าโซแร แหน่เจ๊อ หม่าแน๊เรอ เด๊อ เป อิซว๊าอี๊แส่ เป่ อู อาขว่าอาคยาเร๊อ, อู ดุแหย่แถ่เซ เด๊อ แหย่โย ตากยา เนอ อา โอ่ เอ๊แหน่เจ๊อ เฮ๊อ. อา แซ๊ เร๊อ เปเต โอ่ เกออู เตอเจ๋อ โต่ หม่าแน๊เรอ เป พย๊าหนิ ลอเฮ๊อ เตปว๋า เต๊อเจ่อ เฮ๊อ.