ꤛꤥ꤭ꤟꤢ꤬ 16:20 - ลีเทส่อพ๊าอาเซ เร๊อ เห่ขุทวาลู๊

²⁰ แว เฮ๊จ๊อจ๊อ ซี, เบ๊อะแกแย เห่ขุพู๊ เต๊เห่ เก่ ซิครือซิลอ ตือปือลือชือ เจ๊อ ปา เบ๊อะเนอ, ซี เก๊โหง่เก๊เห่ แลแค ปา. เด๊อ แว ข่าเบ่ เตจาเตจือ อาขว่าอาคยา, ซี เก่ ซิเปลซิหย่อ แหน่เจ๊อ ปา, หม่าแน๊เรอ ซี เต ซิเปล ซิหย่อ เออเนอ อา เก่ ทวาแถ่ เต๊เปล่โค๊ เป่ลาติ ซี เร๊อ ซี เต ซิกอ ล๊อ แกแน ปา.

Eastern Kayah Shadaw Dialect

²⁰ ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤙꤣꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤒꤣꤧ꤬ꤕ꤫ꤢꤦ꤬ꤜꤣꤧ꤬ꤏ꤫ꤣꤧ꤬ ꤡꤣꤧ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ꤍ꤫ꤥ꤬ꤊ꤫ꤢꤦ꤬ꤟꤢꤩ꤬ ꤜꤢ꤭ꤋꤢꤧ꤭ ꤕꤢ꤭꤯ ꤘꤣ ꤠꤢꤧ꤭ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤊ꤫ꤢꤦ꤬ ꤞꤤꤕꤜꤢꤩ꤭ꤔꤢꤩ꤬ꤙꤢꤩ꤬ ꤔꤢꤧ꤬ꤡꤣꤧ ꤕꤢ꤭, ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤒꤢꤩ꤬ꤞꤤꤕꤜꤢꤩ꤭ꤔꤢꤩ꤬ꤙꤢꤩ꤬ ꤣꤧ꤭ꤔꤣꤧ꤬ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤒꤣꤧ꤬ꤕꤜꤢꤩ꤬ꤋꤥ ꤕ꤫ꤢꤩ꤬ꤜꤢ꤭ꤒꤢꤩ꤬ ꤞꤤ꤭ ꤔꤢꤧ ꤞꤤ꤭ ꤒꤢꤩ꤬ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤕꤢ꤭꤯

ꤛꤥ꤭ꤟꤢ꤬ 16:20 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 1:2

แว โป่แหว่ ซี๋, เบ๊อะซี๋ แม๊เถอะ ป่อชิเต่อเบ่ เร๊อ เตแป่เตเช เตอิลออี๊โหล่ ปว๋า เต๊อเจ่อ กาเบ่ ซี เบ๊อะเนอ, แด่ อา ฮู๊ เตซิครือ อาดุ เต๊อเจ่อ เด๊อ ซิเง เนอ นี๋.

มัทธิว 5:4

แกแย เด๊อ อาโหง่อาเห่ ซี เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ จอแปแหร่ เก่ อิลออี๊ เหย่ซี ปา.

โครินธ์ เนอบ่า ต๊าบ่า 6:10

เป แม๊เถอะ เอ๊แหน่เจ๊อ เตแป่เตเช หม่าแน๊เรอ เป ซิลอซิอือ ปว๋า โตโพ๊ เจ๊อ. อา แซ๊ เร๊อ เป โซพ๊าโซแร แหน่เจ๊อ หม่าแน๊เรอ เด๊อ เป อิซว๊าอี๊แส่ เป่ อู อาขว่าอาคยาเร๊อ, อู ดุแหย่แถ่เซ เด๊อ แหย่โย ตากยา เนอ อา โอ่ เอ๊แหน่เจ๊อ เฮ๊อ. อา แซ๊ เร๊อ เปเต โอ่ เกออู เตอเจ๋อ โต่ หม่าแน๊เรอ เป พย๊าหนิ ลอเฮ๊อ เตปว๋า เต๊อเจ่อ เฮ๊อ.

ꤗꤢ꤬ꤊꤢꤨ 16:10

ฮู๊เนอเรอ, เหมาะมารีย์ จว๊าเฮ๊โฉ่โล เป่ แกแย เด๊อ อา จว๊าเต่อเคเต่อน๊อ เร๊อ เหย่ซู่ เนอเต๊เห่ เร๊อ เหย่ซู่ เด๊อะโล แม๊เถอะ เป่ ลู อาหรี่อาแก. เบ๊อะเนออาเค เหย่ซี ซิเปล เร๊อ อาโหง่อาเห่ ปาแพ๊ แลแค แพ๊.

ꤛꤢꤨꤘꤢ꤬ 1:24

เป เก่ ถู่เซ๊แถ่ โหร่ลู จอแปแหร่ โป๊! แซ่ฮู๊ ซี เก่ แลคื๊อ แต่เหม่ อาเงเนอ, จอแปแหร่ เก่ แม๊ตู่ เมจว่า เร๊อดื่อ ซี นี๋. โท๊โต่ อา เก่ เอ๊กา เบ๊ดื่อ ซี เด๊อ อา เป๊เส่เง ปา เร๊อ ซี เตซื๊อ เก่ โอ่ ปา โต่, เร๊อ ซี เก่ ซิครือซิลอ หม่าแหน่ ดื่อ ปา นี๋.

ꤜꤢꤨꤊꤢ꤬ 24:21

หม่าแน๊เรอ เป แม๊ชือ ซิเลหนิ อา เร๊อ อา เก่ เมแลเปล๊กา อิสราเอลพู๊ เต๊เห่ ปา. ฮู๊เนอโทโต่, เออเตอเนอหม่า เตเมทวาแถ่ อาเหน่ โอ่บาเฮ๊อ โซเนอ เฮ๊อ.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

ꤚꤥꤗꤢꤩ꤬ 5:11

เป เหล่ซิครือซิลอ เนอ อาโอ่ ตื๊อ เออเนอ หม่าโต่. เด๊อ แบ่เจ่ เหย่ซู่ครี๊ อาขว่าอาคยาเร๊อ, เป ซิครือซิลอ แบ๊ซว๊าหนิ เฮ๊อ เร๊อ จอแปแหร่ เฮ๊อ. เพร เด๊อ อา เม แบ๊ซว๊า กาคยา เป่ คยาแซ๊ เป เร๊อ จอแปแหร่ หม่า เหย่ซู่ครี๊ เออเนอ เฮ๊อ.

ꤜꤢꤨꤊꤢ꤬ 24:17

เหย่ซู่ เฮ๊ เหย่ซี เน๊อ, “ซี เฮ๊เบ่โด่แนจว๊า แคร๋ ลู เร๊อ เตหรี่เตแก อิเตเต?” เออโตโพ๊เรอ เหย่ซี ก๊อถ่อโอ่โก๊ แลแค เร๊อ เหย่ซี เป๊เส่เงเนอ, อา ซิเปลซิหย่อ ลอปลี เจ๊อ.

ꤜꤢꤨꤊꤢ꤬ 23:27

แกแย ครวาจว๊าปลู ครวาจว๊าเผ่ เอ๊แหน่เกอ เหย่ซู่ อาคยา, เร๊อ เด๊อ แกแย เออเต๊เห่ อาเกลเนอ, เพรเหมาะ เด๊อ อา ซิเปล ซิหย่อ แหน่เจ๊อ เต๊เห่เนอ, อา โอ่ป่า จว๊าเต่อเกอ เบ๊อะเนอ, เร๊อ อา โหง่เซอโหง่โอ่ แลแค เจ๊อ.

เตเด๊อะโลแถ่ 18:7

บ๋า อา ถู่เซ๊แล เกอเร๊อ อาเหน่ เร๊อ อา เมโมแล เกอเร๊อดื่อ อาเหน่ เนอ, นอข่าเบ่ เลอกาคยา ฉื่อเกอ ลาติ มอ อา เร๊อ เตจาเตจือ เร๊อ เตซิเปลเหน่เบ่ เออเนอ. อา เฮ๊แล เกอเร๊อ อาเหน่ เน๊อ, ‘แว โอ่แนโอ่ ฮู๊ คุ๊ยโหมะ เตเพร, แวเว โอ่น๊อ เกออู โต่ อาขว่าอาคยา, แว โอ่แคร๊ น๊อ เกออู โต่, กู๊แหน่เออ ตาแฮเง ปาหม่า, แว โหง่แวเห่ น๊อ เกออู โต่.’

เตเด๊อะโลแถ่ 11:10

เด๊อ เหย่ซี เออซิเนอ เซอ อาขว่าอาคยา, แกแย โอ่ เด๊อ เห่ขุเออ ปว๋า เตเพร เก่ ซิครือซิลอ ล๊อปลี เจ๊อ ปา. เหย่ซี เก่ เมป่วยเมลู เร๊อ อา เก่ ซูจว๊า เป่ ลู เชหยู่ เตเพร เร๊อ เตเพร ปา, เมเตเฮ๊เรอ เพรโพร เออซิเนอ เนอ อา ย๋อ เมโอ่ทวาแถ่ เอ๊ เป่ เหย่ซี เตจาเตจือ เร๊อ แกแย เห่ขุพู๊ เต๊เห่ ข่าเบ่ลอ อาขว่าอาคยา, อา เซอ เป่ เหย่ซี เร๊อ อา ซิครือซิลอ ลอปลี เจ๊อ.

เพรโด่แนพู๊ เต๊เห่ 5:41

เพรโด่แนพู๊ เต๊เห่ เหย่ซีซิครือซิลอ เถ่จว๊าแก เด๊อ แกแยยิวพู๊ ทวาดุทวาเต เออเต๊เห่ อา เป๊เส่เง, เมเตเฮ๊เรอ เด๊อ เหย่ซู่ อาขว่าอาคยาเร๊อ, จอแปแหร่ แด่โอ่ แหน่ เฮ๊อ เหย่ซี เร๊อ อา โต แหน่ เฮ๊อ เร๊อ อา เบ่ ป่อชิเต่อ อู เมเตเร เหย่ซี ฮู๊เออ เนอหมา อา อาต่า แหน่ เฮ๊อ ฮู๊เนอ แพ๊.

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

ꤛꤥ꤭ꤟꤢ꤬ 16:6

แว เฮ๊โล เป่ ซี ฮู๊เออ เร๊อ ซี ซิเปลซิหย่อ ล๋อปลี เจ๊อ.

ꤜꤢꤨꤊꤢ꤬ 22:62

ฮู๊เนอเร๊อ อา เถ่จว๊าแก เด๊อ อากลอ เร๊อ อา จว๊า โหง่เซอโหง่โอ่ เจ๊อ.

ꤜꤢꤨꤊꤢ꤬ 22:45

อา กุยจ๊อเบ โทเรอ อา กาคยาโต คยาแซ๊ เด๊อ อา โคเจ่ เต๊เห่ อา โอ่. อา โคเจ่ เต๊เห่ ซิปล่อกู่แก ตาลว๊าซิลือ อาขว่าอาคยา, เหย่ซู่ กาแม๊เถอะ เร๊อ เหย่ซี โอ่เมอตาปา ลอปลี เจ๊อ ปว๋า เตเพร.

ꤜꤢꤨꤊꤢ꤬ 6:21

ซี เด๊อ อา ซิกู๊ซิวี กู๊แหน่ เออเต๊เห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ ซี เฮ๊อ, เมเตเฮ๊เรอ จอแปแหร่ เก่ เด๊อะ เอ่ก๊อโอบา ซี ปา! ซี เด๊อ อา โหง่อาเห่ กู๊แหน่ เออเตเห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ ซี เฮ๊อ, เมเตเฮ๊เรอ ซี เก่ งยาฮาน๊อ ปา!

ꤗꤢ꤬ꤊꤢꤨ 14:72

อา เฮ๊ โทโท เร๊อ ชาเพ อี๊อู่ โป่คยาแซ๊ เนอโพ๊โตโพ๊เนอ. เบ๊อะเนอเค คูเปโตร เตเนแถ่ โต่เบ่ แบ่เจ่ เหย่ซู่ เฮ๊หนื่ออื่อแก ลู โหง่ เน๊อ, “เบ๊อะชาเพ อี๊อู่ แต่ล๋าย เนอโพ๊เนอโตโพ๊ โต่เนอ, เน เก่โชโม๊บิแก แว โซโพ๊ เนอปา” อา เฮ๊ ลู โหง่ ฮู๊เนอ อาขว่าอาคยา, จี๋ อาเชแถ่ เจ๊อ ลูซิปล่อ เร๊อ อา โหง่เซอโหง่โอ่ เจ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:6

ซี แม๊บือ เป เร๊อ แบ่เจ่ เร๊อ อู เมจาเมจือ แหน่เจ๊อ ซี, หม่าแน๊เรอ ซี ซิครือซิลอ พย๊าฉื่อปา เตซิครือมีลา. เบ๊อะซี พย๊าฉื่อ เตซิครือมีลา เบ๊อะเนอ, แหย่โยบูโพ๊ แบ่เจ่ เม ซิครือซิลอ เป่ ซี เฮ๊อ.

ꤛꤥ꤭ꤟꤢ꤬ 20:20

อา เฮ๊โท เป่ เหย่ซี ฮู๊เนอเร๊อ อา เด๊อะโล เป่ เหย่ซี เร๊อ อากู๊ขุ เร๊อ อารอเกล. เบ๊อะอา โคเจ่ เต๊เห่ แม๊เถอะ ลู เบ๊อะเนอ, อา ซิครือซิลอ ตาปา แลแค เจ๊อ.

มัทธิว 21:38

“หม่าแน๊เรอ เบ๊อะเพรเมเอ่ โก๊ เอ่เพร๊ เออเต๊เห่ แม๊เถอะ ลู เบ๊อะเนอ, เหย่ซี เฮ๊ เกอเร๊อลู เน๊อ, ‘อา หม่า เพร เด๊อ อา พย๊าหนิ อู่เจเต๊เหย่ เนอเตเพร เฮ๊อ, จว่า! จว๊าเมเซอแก ลู โป๋, เร๊อ เป เก่ พย๊า แกเผ่ อา อูเจเต๊เหย่ ปา,’ อา เฮ๊ แลแค ฮู๊เนอ.