ꤛꤥ꤭ꤟꤢ꤬ 15:7 - ลีเทส่อพ๊าอาเซ เร๊อ เห่ขุทวาลู๊

⁷ ซี เก่ โอ่จิจือหมะ เด๊อ แวกู, เร๊อ แวลาแวโหง่ เก่ โอ่จิจือหมะ เด๊อ ซีกู เก่เฮ๊เรอ ซี ซิหยื่อกุย อิเตเต๋ เบ่เบ่ เนอ, แว เก่ เด๊อะ ซี ปา.

Eastern Kayah Shadaw Dialect

⁷ ꤞꤤ꤭ ꤊꤢꤩ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤠꤢꤧ꤭ꤊꤢꤨ꤭, ꤚꤣꤧ꤬ ꤠꤢꤧ꤭ꤜꤢ꤭ꤠꤢꤧ꤭ꤍ꤫ꤥ꤬ ꤊꤢꤩ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤞꤤ꤭ꤊꤢꤨ꤭ ꤊꤢꤩ꤬ꤟꤢꤩꤚꤣꤧ꤬ ꤞꤤ꤭ ꤞꤤꤛ꤫ꤢꤦ꤬ꤊꤝꤤ꤭ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤘꤣꤧ ꤞꤤ꤭ ꤕꤢ꤭꤯

ꤛꤥ꤭ꤟꤢ꤬ 15:7 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:14

เด๊อ จอแปแหร่ อาเป๊เส่เง เนอ, เป หยื่อเอ่แลหนิ เร๊อดื่อ เปเหน่ เร๊อ เป กุย อิเตเต๋ เบ่เบ่, เก่ อาโต เร๊อ ลูซิปล่อ เฮ๊เนอหม่า, อา เกล๊ หนิดา แหน่ เป เตกุยจ๊อเบ เฮ๊อ.

ꤛꤥ꤭ꤟꤢ꤬ 14:13

เด๊อ แวขว่าแวคยา, เร๊อ แซ่ฮู๊ อู เก่ แม๊เถอะ แวเพ อาเตอเรอดุเตอเรอทู อาเงเนอ, ซี กุย เต อิเตเต๋ เบ่เบ่, ซี เก่ กุย เร๊อ แวมุย เฮ๊เนอ, แว เก่ เด๊อ ซี ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:22

โท๊โต่ เป ย๋อ จูเอ่ อาโหง่เฮ๊แก เร๊อ เป ย๋อ เมโต ลูซิปล่อ อาขว่าอาคยา, เป กุย เต อิเตเต๋ เบ่เบ่ เนอ, เป เก่ พย๊าหนิ เต เด๊อ อา โอ่ เนอเต๊เห่ ปา.

ꤛꤥ꤭ꤟꤢ꤬ 15:16

ซี นว๊าแถ่ แว หม่าโต่. แว นว๊าแถ่ ซี เร๊อ แว แด่แถ่เฮ๊อ ซี เด๊อ ซี เก่ เถ่จว๊า แลแค เร๊อ จว๊า เส่แถ่อาโพแถ่ เอ๊ แลแค. แว แด่แถ่เฮ๊อ ซี เร๊อ ซี เก่ เส่จิจือหมะ แลแค เด๊อ อาตื๊อดื่อ. ซี เก่ เมฮู๊เนอ ตื๊อหม่า ซี กุย อิเตเต๊ เบ่เบ่, ซี เก่ กุย เร๊อ แวมุย เฮ๊เนอ, เพ เก่ เด๊อ ซี ปา.

มัทธิว 7:7

“กุย มอ แลแค, ซี เก่ พย๊าหนิ ปา. แม๊ปู มอ แลแค, ซี เก่ แม๊เถอะ ปา. ด่อมอ แลแค, กู่ดาเนอ, จอแปแหร่ เก่ บ๊าโม เป่ดื่อ ซี ปา.

ꤛꤥ꤭ꤟꤢ꤬ 16:23

เบ๊อะเนอเตอเนอ ปาเนอ, ซี แด๊เฮอ ปา เจ๊อ แว เตอเจ๋อ โต่ เฮ๊อ. แว เฮ๊จ๊อจ๊อ ซี, ซี เก่ กุย แวเพ อิเตเต๋ เบ่เบ่, ซี เก่ กุย เร๊อ แวมุย เฮ๊เนอ, แวเพ เก่ เด๊อ ซี ปา.

ꤊꤢ꤬ꤜꤢ꤬ꤒꤤ 5:16

ฮู๊เนอเรอ แว เฮ๊ ซี, โอ่เซอเพร แลแค ฮู๊ แหย่โยบูโพ๊ แบ่เจ่ ยูแกล๊ยูโกล หนิ ซี เนอ นี๋. ซี เก่ เมฮู๊เนอ ตื๊อเรอ ซี ลือครวา เม ปา ซี สุ่ยเทอพ๊าหย่า อา เตซิหยื่อซิลอ โต่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:27

ซีเง เกอลาติ เร๊อ, ครี๊ เด๊อะแล โทเฮ๊อ อา แหย่โยบูโพ๊ เด๊อ ซีโหล่ เฮ๊อ, เร๊อ อา แหย่โยบูโพ๊ โอ่หม่าโอ่กลอ เด๊อ ซีกู อาขว่าอาคยา, อู โหล่ อิซว๊า ปา ซี เตเพร่ว โต่, เมเตเฮ๊เรอ อา แหย่โยบูโพ๊ อิซว๊า เฮ๊อ ซี เตปว๋า เต๊อเจ่อเฮ๊อ. โท๊โต่ อา อิซว๊า ซี เออเนอหม่า, เตหมะเตจ๊อ, เตแลโฮแลแห่ หม่าโต่. ฮู๊เนอเร๊อ โอ่หม่าโอ่กลอ แลแค เด๊อ ครี๊ อากู ฮู๊ อา แหย่โยบูโพ๊ อิซว๊า โทเฮ๊อ ซี เนอ นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:14

เพซี๋, แว รา เป่เฮ๊อ ซี ลีเออ, เมเตเฮ๊เรอ แกแย เด๊อ อา โอ่ หนื่ออื่อ ปา เจ๊อ เด๊อ ม๊อขุเห่ขุ ทวาแถ่ แต่ล๋ายโต่ เบ๊อะเนอ เตเพร เนอ, ซี ซิเง โทเฮ๊อ ลู เฮ๊อ. เพรคูพู๊เส่ ซี๋, แว รา เป่เฮ๊อ ซี ลีเออ, เมเตเฮ๊เรอ จอแปแหร่ อาลาอาโหง่ โอ่เซอเพร เฮ๊อ เด๊อ ซีเหน่ลู เร๊อ ซี ซิปล่อฉว่า ซิปล่อชอ เร๊อ ซี เมเป่แก เฮ๊อ โลเน๊มู๊แหม่รีแจ่ กู่กล๊อ เนอโตโด เฮ๊อ.

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

ꤛꤥ꤭ꤟꤢ꤬ 8:37

ซี ทวา เพอับราฮัม อากลุยอาแล เนอหม่า แว ซิเง แพ๊. หม่าแน๊เรอ แว อิซว๊า ซี เร๊อ ซี กู๊เหล่โก่กู โอ่เกออู โต่ อาขว่าอาคยา, ซี แม๊ปูเมเซอ แว.

ꤊꤢ꤬ꤜꤢ꤬ꤒꤤ 4:2

พู๊เพรคู เออเตเพร เนอหม่า อา โตเบ่ โอ่ป่อ ตื๊อดื่อ โต่ปา เด๊อ อู โบ่ดุ แม๊ตู่ หนิเกอเร๊อ ลู เน๊อ อู ยูแกล๊ ยูโกล หนิ ลู อาเล, เร๊อ อา โตเบ่ โอ่ป่อ โต่เด๊อ ม๊อเนอโต ม๊อเนอเบ่ เฮ๊อ เด๊อ อาเพ ตี๊หรี่แตแร เด๊อะตา ลู เออเนอ ปา.

ꤛꤥ꤭ꤟꤢ꤬ 8:31

แบ่เจ่ เหย่ซู่ เฮ๊ แกแยยิวพู๊ เด๊อ อา หยื่อเอ่แหน่ ลู เนอเต๊เห่ เน๊อ, “เก่ ซี จูเอ่ ปื่อหม่าหนิ แว เตอิซว๊าอี๊แส่ เออเต๊เห่ เฮ๊เนอหม่า, ซี ทวาเฮ๊อ แว โคเจ่ เด๊อ อา ตาเต เต๊เห่ เฮ๊อ.