ꤛꤥ꤭ꤟꤢ꤬ 15:6 - ลีเทส่อพ๊าอาเซ เร๊อ เห่ขุทวาลู๊

⁶ แกแย เตเพรเพร เด๊อ อา โอ่จิจือหมะ เด๊อ แวกู โต่ เนอ, อาแซ่เน๊อ ส่อแพ เด๊อ อู วีเถ่แก อา เด๊อ อากลอ, เร๊อ อา โน๊แกคราแก เต๊เห่ เนอแพ๊. ส่อแพ ฮู๊เนอ เต๊เห่เนอ, อูโถ่ปล๊อ อา เร๊อ อู วีโนแก ลู เด๊อ หมิกู เร๊อ อู ชื๊ออือแก อา แพ๊.

Eastern Kayah Shadaw Dialect

⁶ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤠꤢꤧ꤭ꤊꤢꤨ꤭ ꤒꤥ꤬ ꤔꤣꤧ꤬, ꤢ꤬ꤞꤢꤧꤔꤢꤧ ꤞꤢꤪ꤬ꤖꤢꤧ꤭ ꤘꤣ ꤢꤨ꤭ ꤠꤤ꤭ꤓꤢꤩ꤬ꤊꤢꤧ꤭ ꤢ꤬ ꤘꤣ ꤢ꤬ꤊꤜꤢꤪ꤭, ꤚꤣꤧ꤬ ꤢ꤬ ꤔꤥꤊꤢꤧ꤭ꤋꤚꤢ꤭ꤊꤢꤧ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤖꤢꤧ꤯ ꤞꤢꤪ꤬ꤖꤢꤧ꤭ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤓꤥ꤬ꤕꤜꤢꤪ ꤢ꤬ ꤚꤣꤧ꤬ ꤢꤨ꤭ ꤠꤤ꤭ꤔꤥ꤭ꤊꤢꤧ꤭ ꤜꤢꤨ꤭ ꤘꤣ ꤗꤤ꤬ꤊꤢꤨ꤭ ꤚꤣꤧ꤬ ꤢꤨ꤭ ꤏꤢꤦꤢꤦ꤭ꤊꤢꤧ꤭ ꤢ꤬ ꤖꤢꤧ꤯

ꤛꤥ꤭ꤟꤢ꤬ 15:6 ပူးပေါင်းရင်းမြစ်များ

มัทธิว 7:19

ล๋อ ส่อเหมาะ เด๊อ อา เส่แถ่ อาแร๊โต่ เต๊เห่เนอ, อู เก่ ปาตือแก ลู ปา เร๊อ อู เก่ วีโนแก ลอ ลู เด๊อ หมิกู ปา.

ꤛꤥ꤭ꤟꤢ꤬ 15:2

แท๊ทือแพ เด๊อ อา จิจือหมะ เร๊อ แว เร๊อ อาเส่อาโพ เถ่โต่ เต๊เห่เนอ, อา เก่ ปาแก ลอ ปา. อาแพ เด๊อ อาเส่อาโพเถ่ เต๊เห่เนอ เบ่เบ่, แซ่ฮู๊ อา เก่ เส่เถ่ เอ๊แถ่โป่ อาเงเนอ อา กล๊าแก แลเก่ อาแพ เต๊เห่.

มัทธิว 13:41

ล๋อ เต เด๊อ อา ซูซื๊อ อูแกล๊ เต๊เห่เนอ, เร๊อ ล๋อ แกแย เด๊อ ปว๊า โพ๊โพ๊ อา เม เตมู๊แหม่รีแจ่ เต๊เห่เนอ, แกแย อาพู๊คู หม่า เฮ๊อ แว เออ, แว เก่ นอกา เตเน่ว ตอกล๊อ ปา เร๊อ อา เก่ แฮ เย๊เถ่ ตาพาแก เหย่ซี เด๊อ จอแปแหร่ อา เทอเลเก่กู เออเนอ ปา.

มัทธิว 3:10

กวา เต๊เบ่ โอ่เฮ๊อ เด๊อ ส่อแก่ช๊าเฮ๊อ เร๊อ อู เก่ กวาเก่ แลคื๊อเฮ๊อ ส่อเหมาะ เต๊เห่ ปา, เร๊อ อู เก่ โด่ตือโต่ เจ๊อ เด๊อ อาหรุ่ยอาถว่า ปา ส่อเหมาะ ต๊อเหมาะเหมาะ เด๊อ อาเส่อาโพ ตว่าแร๊ โต่ เนอ, อู เก่ กวาเก่ แลคื๊อแก อา ปา เร๊อ อู เก่ วีโนแก อา เด๊อ หมิกู ปา.

เปโตร เนอบ่า ต๊าบ่า 2:20

เด๊อ เหย่ซี ซิเง เป แบ่เจ่ เร๊อ เหย่ซู่ครี๊ เด๊อ อา เมแลเปล๊กา เป เออเตเพร อาขว่าอาคยา, เหย่ซี แลเปล๊เถ่แกเฮ๊อ เร๊อ เห่ขุ อา เตมู๊แหม่รีแจ่ เออเต๊เห่ เฮ๊อ. หม่าแน๊เรอ กู๊แหน่เออ เหย่ซี เก่ โนเม โต๊โผ่ตอตอ เต่อคย๊าแซ๊ เร๊อ เตมู๊แหม่รีแจ่ เออเต๊เห่ เฮ๊เรอ เตมู๊แหม่ เออเต๊เห่ ทวาแกเฮ๊อ ลูแบ่เจ่ เฮ๊อ. แกแย ฮู๊เนอเต๊เห่ อา เตโอ่เซอเพร เนอหม่า, อา จาเล๊อ ปา เจ๊อ เร๊อ อา เหล่โกลเลอ เนอ เจ๊อ.

ꤟꤤꤙꤚꤢꤨ 10:27

อา โอ่แก แพ๊ตื๊อ เต๊อเจ่อ เด๊อ เป เก่ โอ่ป่อแพ๊ จอแปแหร่ อา เตเมจากาคยา เร๊อ หมิแก โรโซดุ เด๊อ อา เก่ อือเซอแก ล๋อ แกแย เด๊อ อา ซิเถ่ จอแปแหร่ เออเต๊เห่เนอ ปา.

เตเด๊อะโลแถ่ 20:15

แกแย เตเพรเพร เด๊อ อู เก่ แม๊เถอะ อู ราโอ่ อามุย เด๊อ ลีเซอเพร เออต๊าบ่า อากู โต่ เฮ๊ เนอ, อู เบ่ วีตาแก อา เด๊อ หมิเผ่ เออเต๊เผ่ อากู.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:19

เหย่ซี เถ่จว๊าแก เด๊อ เปเกล เฮ๊อ. เหย่ซี เออเต๊เห่ เนอหม่า อา โอ่เต่อ แม๊เกอ หม่าแหน่ เร๊อ เป เตแบ๊ซว๊าแบ๊โค ลู เออเนอ หม่าโต่. เหย่ซี เก่ โอ่ป่าเต่อ หม่าเกอ หม่าแหน่ เร๊อ เป เฮ๊เนอหม่า, เหย่ซี แกล๊ โอ่เต่อเกอ แหน่ เร๊อ เป แพ๊. หม่าแน๊เรอ เหย่ซี เถ่จว๊าแก เด๊อ เปเกล เร๊อ เหย่ซี อาเตเถ่จว๊าแก เออเนอ อา เด๊อะโล หล่าลีแก เจ๊อ เฮ๊อ เร๊อ เหย่ซี โอ่เต่อเกอ หม่าแหน่ ปา เร๊อ เป เตเพร่ว โต่ เฮ๊อ.

มัทธิว 27:5

เร๊อ คูยูดาส เว๊อตาแก รือหย่าเออ เบ๊อะเตหลู่แต โฮกู เนอ เร๊อ อา เถ่กาแก. โทเรอ อา เถ่จว๊า เด๊อ อาโร โต๊โผ่ เร๊อ อา จว๊า จอเซอแก อาเหน่.

เตเด๊อะโลแถ่ 21:8

หม่าแน๊เรอ แกแย เด๊อ อา โต๊โหร่ เต๊เห่, แกแย เด๊อ อาจ๊อ เร๊อ อา เตหยื่อเตแหน่ โต่ เต๊เห่, แกแย เด๊อ อาซิปล่อ มู๊แหม่ เต๊เห่, แกแย เด๊อ อา เมเซอ แกแย เต๊เห่, แกแย เด๊อ อา จว๊าซื๊อ เพรเหมาะเพรคู เต๊เห่, แกแย เด๊อ อา ทวา โลเน๊มู๊แหม่รีแจ่ ซ๊าร๊า เอ่อูแหย่โย เต๊เห่, แกแย เด๊อ อา จ๊อเบ เตแหย่โย เต๊เห่, เร๊อ แกแย เด๊อ อา แลโฮ อู เต๊เห่เนอ อาเหล่โอ่เหล่แบ่ หม่าเฮ๊อ หมิเผ่ เด๊อ อา หม่า เตเซอ เนอโพ๊โตโพ๊ เด๊อ อู ชื๊ออือ อา เร๊อ หย่าซู๊แบ เออเต๊เผ่ เนอ เฮ๊อ.”