ꤛꤥ꤭ꤟꤢ꤬ 15:5 - ลีเทส่อพ๊าอาเซ เร๊อ เห่ขุทวาลู๊

⁵ “แว หม่า แท๊ทือเหมาะ, ซี หม่า อาแพ เต๊เห่. แกแย เด๊อ อา โอ่จิจือหมะ เด๊อ แวกู เร๊อ แว โอ่จิจือ เด๊อ เหย่ซี อากู เต๊เห่เนอ, เหย่ซี เก่ เส่เถ่โพเถ่ เอ๊แหน่เจ๊อ ปา. เมเตเฮ๊เรอ ซี เก่ โอ่ จิจือ เร๊อ แว โต่ เฮ๊เนอ, ซี เมแจ่ เต เตอเจ๋อ โต่.

Eastern Kayah Shadaw Dialect

⁵ “ꤠꤢꤧ꤭ ꤗꤢ꤬ ꤎꤢ꤬ꤕꤛꤤꤗ꤫ꤢꤪ꤬, ꤞꤤ꤭ ꤗꤢ꤬ ꤢ꤬ꤖꤢꤧ꤭ ꤒꤣꤧ꤬ꤟꤢꤩ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤢꤩ꤬ꤥ꤬ꤊꤢꤩ꤬ꤏꤢꤪ ꤘꤣ ꤠꤢꤧ꤭ꤊꤢꤨ꤭ ꤚꤣꤧ꤬ ꤠꤢꤧ꤭ ꤊꤢꤩ꤬ꤥ꤬ꤊꤢꤩ꤬ꤏꤢꤪ ꤘꤣ ꤛꤢꤩ꤬ꤞꤤ꤭ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤛꤢꤩ꤬ꤞꤤ꤭ ꤊ꤫ꤢꤦ꤬ ꤞꤢꤩ꤬ꤓꤢꤧ꤬ꤖꤥ꤭ꤓꤢꤧ꤬ ꤢꤩꤔꤢꤧ꤬ꤡꤣꤧ ꤕꤢ꤭꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤊꤢꤩ꤬ ꤥ꤬ ꤡ꤫ꤢꤩ꤬ꤡꤢꤦ꤭ ꤔꤢꤧ ꤠꤢꤧ꤭ ꤒꤥ꤬ ꤟꤢꤩꤔꤣꤧ꤬, ꤞꤤ꤭ ꤗꤢꤩ꤬ꤡ꤫ꤢꤧ꤬ ꤒꤢꤩ꤬ ꤒꤣ꤬ꤡꤣ꤬꤮ ꤒꤥ꤬꤯

ꤛꤥ꤭ꤟꤢ꤬ 15:5 ပူးပေါင်းရင်းမြစ်များ

ฟีลิปปี 4:13

เหย่ซู่ครี๊ เด๊อ อา เด๊อะ แว เตอ๊าเตเหร่ เออเตเพร เมจว่า แว อาขว่าอาคยา, แว เมเบ๊ลอ เฮ๊อ เตปว๋า เต๊อเจ่อ เฮ๊อ.

โคโลสี 1:10

แซ่ฮู๊ ซี เก่ โอ่เซอเพร เกอติ เร๊อ แบ่เจ่ โทเรอ แซ่ฮู๊ ซี เก่ เมโม ลู ซิปล่อ อาเงเนอ, เป กุยจ๊อเบ จอแปแหร่ ฮู๊เนอ. โท๊โต่ แซ่ฮู๊ ซี เก่ เมเตแร๊ ปว๊าเต๊อเจ่อ, เร๊อ ซี เก่ เส่แถ่แร๊ เร๊อ ซี เก่ ดุแถ่ดื่อ เด๊อ เตซิเง จอแปแหร่ อากู อาเงเนอ, เป กุยจ๊อเบ เป่ โป่ เด๊อ ซีเง.

ꤛꤥ꤭ꤟꤢ꤬ 15:16

ซี นว๊าแถ่ แว หม่าโต่. แว นว๊าแถ่ ซี เร๊อ แว แด่แถ่เฮ๊อ ซี เด๊อ ซี เก่ เถ่จว๊า แลแค เร๊อ จว๊า เส่แถ่อาโพแถ่ เอ๊ แลแค. แว แด่แถ่เฮ๊อ ซี เร๊อ ซี เก่ เส่จิจือหมะ แลแค เด๊อ อาตื๊อดื่อ. ซี เก่ เมฮู๊เนอ ตื๊อหม่า ซี กุย อิเตเต๊ เบ่เบ่, ซี เก่ กุย เร๊อ แวมุย เฮ๊เนอ, เพ เก่ เด๊อ ซี ปา.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

โครินธ์ เนอบ่า ต๊าบ่า 13:8

เมเตเฮ๊เรอ เป ช๊าฉื่อเท๊ฉื่อ เตหมะเตจ๊อ เนอหม่า อาหนิ โต่, เป เบ่ครวา โป่ เกอเร๊อเกอ เด๊อ เตหมะเตจ๊อ ตากยา.

ꤛꤥ꤭ꤟꤢ꤬ 5:19

ฮู๊เนอเรอ, เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, พู๊คูเออ อา เม จู๋ ดื่อ ฮู๊ อา ซิหยื่อเม เนอหม่า อาหนิ โต่. อา เมแพ๊ ฮู๊ อา แม๊เถอะ อาเพ จอแปแหร่ เมเนอ เต๊เห่ แพ๊. เพ เมเต อิเต๊ เบ่เบ่, อา พู๊คู เม เกอดื่อ ฮู๊เนอ.

ꤡꤛꤢꤩ꤭ꤗꤢ꤬ꤎꤣ꤬ 1:17

ล๋อ เชหยู่ เด๊อ อาแร๊ เน๊อ อา เล๊อบา เนอหม่า จอแปแหร่ เด๊อ อา แบ๊แล ต๊อเหมาะ น๊อ เฉ่ เน๊อ เล เออเต๊เห่ เตเพร เด๊อะตา แพ๊. จอแปแหร่ อาเหล่โกล ถู่แหล่ เต๊เปล่โค๊แก เกอ ฮู๊ เตลี เก๊โอ่ ถู่แหล่ โค๊แก เนอโต่.

เปโตร เนอบ่า ต๊าบ่า 3:18

หม่าแน๊เรอ, ดุแถ่ แฮเงโป่ แลแค เด๊อ เตบุ๊ยดุเตอเรอทู อากู เร๊อ เด๊อ เตซิเง เพร เด๊อ อา เมแลเปล๊กา เป หม่าดื่อ เป แบ่เจ่ เหย่ซู่ครี๊ เออ อากู นี๋. กู๊แหน่เออ ตาแฮเงเนอ, อู เก่ ถู่เซ๊แถ่ ดื่อ เป แบ่เจ่ เหย่ซู่ครี๊ ตูจูเพร แตแลเคร๊ นี๋. อาเมน.

ꤛꤥ꤭ꤟꤢ꤬ 12:24

แว เฮ๊จ๊อจ๊อ ซี, โบ๊กู่ลาปล่อ ต๊อปล่อเนอ, อู เก่ โหล่ตา ลู เด๊อ เห่ขุ โต่ เฮ๊เนอ, อา เพ๊แถ่ อา เส่แถ่ แจ่โต่. หม่าแน๊เรอ อู เก่ โหล่ตา ลู เฮ๊เนอ, อา เก่ เพ๊แถ่ เส่แถ่ เอ๊แหน่เจ๊อ ปา.

ꤚꤥꤗꤢꤩ꤬ 7:4

ฮู๊เนอเรอ, แว โป่แหว่ ซี๋, เบ๊อะครี๊ เซอ เด๊อ อี๊ถื่อดีเต่ลู เบ๊อะเนอ, อา แซ่เฮ๊อ เร๊อ ซี เซอ เต่อเกอเฮ๊อ เร๊อ ลู เฮ๊อ อาขว่าอาคยา, ซี โอ่ปา เด๊อ เตซว๊าเตแส่ อา เตเป๊อเตเบ่ อาเล โต่ เฮ๊อ. กู๊แหน่เออ ซี ทวาแถ่เฮ๊อ เต๊อเจ๋อโต เร๊อ อา เด๊อ จอแปแหร่ เมเซอเพร กาคยา ลู เด๊อ เตเซอ เออเนอ เตเพร เฮ๊อ. เด๊อ เตเมทวาแถ่ เฮ๊อ ฮู๊เออ อาขว่าอาคยา, ซี เก่ เส่เถ่โพเถ่ แลแค เต เด๊อ อาแร๊ เต๊เห่ เร๊อ อา ทวาบุ๊ย ทวาเตอเรอ เป่ เด๊อ จอแปแหร่ อาเง.

ฟีลิปปี 1:11

โท๊โต่ แว กุยจ๊อเบ เป่ เด๊อ ซีเง เนอ, เด๊อ เหย่ซู่ครี๊ อา เตโพรเตเตอเรอ ขว่าคยาเร๊อ, ซี เก่ เส่เถ่ แฮเง เกอ แลแค เตจ๊อเตเต อาเส่ เต๊เห่. เมเตเฮ๊เรอ เบ๊อะอู แม๊เถอะ ซี เส่เถ่ เตจ๊อเตเต อาเส่ เออเต๊เห่ เบ๊อะเนอ, อู เก่ แด่ดุหยื่อแหน่ จอแปแหร่, เร๊อ อู เก่ ถู่เซ๊แถ่หนิ ลู ปา.

ꤛꤥ꤭ꤟꤢ꤬ 9:33

แกแย เออเตเพร อา โอ่เด๊อ จอแปแหร่ อา โอ่แฮ เก่หม่าโต่ เฮ๊เนอหม่า, อา เมแจ่ เตอเจ๋อ โต่,” อา เฮ๊ กาคยาฉื่อ เหย่ซี ฮู๊เนอ.

ฟีลิปปี 4:17

แว แม๊ปู เด๊อ อู เก่ เด๊อะครา แว เชหยู่ ฮู๊เนอ หม่าโต่. แซ่ฮู๊ จอแปแหร่ เก่ เด๊อ ซี เตเมหนิคว๊าเก่ เนอเร๊อ แว ซิปล่อฉว่า ซิหยื่อ แม๊เถอะ เล๊อตาเปล๋ เด๊อ ซี เก่ เม เอ๊แถ่โป่ เตแร๊ เต๊เห่ ฮู๊ ซี เม โทเฮ๊อ เนอเต๊เห่ เจ๊อตาเปล๊.

ꤚꤥꤗꤢꤩ꤬ 6:22

หม่าแน๊เรอ กู๊แหน่เออ จอแปแหร่ ฉิย๊า ปลวาเถ่จว๊าแก เฮ๊อ ซี เด๊อ เตซื๊อเตปล๊า อาหลู่เล๊ เฮ๊อ. เร๊อ ซี ทวาเฮ๊อ จอแปแหร่ อาหลู่เล๊ เด๊อ อาเซ เต๊เห่ เฮ๊อ. เด๊อ ซี ทวาเฮ๊อ ฮู๊เออ อาขว่าอาคยา, อา หนิบุ๊ยหนิเตอเรอ เด๊อ ซีเง หม่า หม่าเฮ๊อ อา ซูจว๊า ซี เด๊อ เตโอ่เซอเพร บูโพ๊ อา แกล๊เดกู เออเนอ เฮ๊อ. เร๊อ เด๊อ เป โอ่เซอเพร บูโพ๊ เฮ๊อ อาขว่าอาคยา, อา หนิบุ๊ย เฮ๊อ เด๊อ ซิเง หม่า หม่าเฮ๊อ ซี พย๊าหนิ ซิปล่อเซอเพร ตูจูเพร เออเนอ เฮ๊อ.

เพรโด่แนพู๊ เต๊เห่ 4:12

แกแย เด๊อ อา เมแลเปล๊ แจ่ เป หม่า ตือแพ๊ เหย่ซู่ เตเพร แพ๊. แกแย อาโร เด๊อ จอแปแหร่ เด๊อ เหย่ซี เร๊อ อา เก่ เมแลเปล๊กา เป อาเงเนอ, เด๊อ เห่ขุ เออต๊าบ่า ล๊อ เจ๊อ เนอ อา โอ่ เตเพร่ว โต่.”

โครินธ์ อาเหร่อเล๊อ ต๊าบ่า 12:12

แกแยเห่ขุพู๊ อาเหน่กล่อ เออเนอ อาครืออาขรว่า โอ่เอ๊ แหน่เจ๊อ หม่าแน๊เรอ เหน่กล่อ โอ่จือแพ๊ ลู เตเพรเพร่ว แพ๊. แซ่ฮู๊เนอเฮ๊อ เป เด๊อ อา หยื่อเอ่ เหย่ซู่ครี๊ เออเต๊เห่เนอ, อา โอ่โหร่ โอ่เอ๊ แหน่เจ๊อ หม่าแน๊เรอ เป ทวา จือแพ๊ ลู เหน่กล่อ เตเพรเพร่ว แพ๊.

เปโตร อาเหร่อเล๊อ ต๊าบ่า 2:4

แฮ แลแค เด๊อ แบ่เจ่ โอ่เออ, อา หม่า อาแซ่เน๊อ หล่อเซอเพร เตเม เด๊อ อู เตเน ลู เร๊อ อางูอาพรี โอ่โต่. เร๊อ อู วีแก แก ลู หม่าแน๊เรอ จอแปแหร่ นว๊าพย๊าแถ่ คยาแซ๊ ลู เร๊อ อางูดุงูชอ แหน่เจ๊อ เด๊อ ลูเง.

โครินธ์ อาเหร่อเล๊อ ต๊าบ่า 12:27

กู๊แหน่เออ, ล๋อ ซี เออเต๊เห่ เนอหม่า, ซี ทวา โหร่ลอ ลู ครี๊ อาเหน่กล่อ เต๊อเจ๋อ แพ๊. เร๊อ ซี เตเพร เร๊อ เตเพร เนอหม่า หม่าเฮ๊อ อาเหน่กล่อ ครือขรว่า เตอเจ๋อ แพ๊ เฮ๊อ.

เอเฟซัส 5:9

เมเตเฮ๊เรอ, เตลี อา เตเส่เตโพ เต๊เห่ เนอหม่า หม่าเฮ๊อ ล๋อ เตตว่าเตแร๊, อาจ๊ออาเต เร๊อ ซิปล่อ จ๊อจื้อ เออเต๊เห่ เนอเฮ๊อ.

โครินธ์ เนอบ่า ต๊าบ่า 9:10

เมเตเฮ๊เรอ เพร เด๊อ อา เด๊อะตา เป่ เพรแม๊หี่แม๊เพร๊ เต๊เห่ เตกลุยเตลุ๊ย เด๊อ อา เก่ อิช๊ออิปลือ อาเง เร๊อ เหล่เอ่เหล่โอ อาเง เต๊เห่ เนอหม่า จอแปแหร่ เฮ๊อ. ฮู๊เนอเฮ๊อ, จอแปแหร่ เก่ เด๊อ ซี ล๋อ เตกลุย เด๊อ ซี โหล่ เต๊เห่เนอ ปา. เตกลุย เออเนอหมา อา หม่าแหน่ เฮ๊อ ล๋อ ซี โหล่ เมแร๊ อู เนอเต๊เห่ เฮ๊อ. จอแปแหร่ เก่ นอ เส่เถ่อาโพเถ่ เอ๊แถ่ เร๊อ เอ๊แถ่ เกอโป่ดื่อ ซี เตเส่เตโพ ปา. ซี เตเส่เตโพ เออเนอหมา หม่าเฮ๊อ ล๋อ เตแร๊ เด๊อ อา แฮ เด๊อ ซี เตซิปล่อฉว่า เด๊อะอู เออเต๊เห่ อา โอ่ เนอ เฮ๊อ.

โคโลสี 1:6

เตซิครือมีลา เออ อา พย๊าแฮหนิ เตเด๊อะบุ๊ยเด๊อะเตอเรอ เร๊อ อา โลปีชีจว๊า ลอเฮ๊อ เด๊อ เห่ขุต๊าบ่า เฮ๊อ. อา โลปีชีจว๊า เร๊อ อา พย๊าแฮหนิ เตเด๊อะบุ๊ยเด๊อะเตอเรอ แซ่เน๊อ อา พย๊าแฮหนิ เป่เฮ๊อ ซี เบ๊อะซี หนิโฮ เร๊อ ซี ซิเงโปลแฮ เฮ๊อ เตหมะเตจ๊อ หม่าเฮ๊อ จอแปแหร่ อาบุ๊ยอาเตอเรอ อาหรี่อาแก เออเนอ เฮ๊อ.

ꤚꤥꤗꤢꤩ꤬ 12:5

ฮู๊เนอเฮ๊อ เป โอ่โหร่โอ่เอ๊ หม่าแน๊เรอ เป ทวาแถ่เฮ๊อ ลู เหน่ เตเพรเพร่ว แพ๊ เด๊อ ครี๊ อากูเฮ๊อ. เป โอ่จิจือเต่อ ลอเฮ๊อ ลู ปว๋า เตเพรเฮ๊อ.

โครินธ์ อาเหร่อเล๊อ ต๊าบ่า 10:16

เบ๊อะเป เอ่โอ โหร่ลู แบ่เจ่ เตเอ่โอ บูโพ๊ เหมาะเฮ๊ เบ๊อะเนอ เร๊อ เป กุยแถ่ จอแปแหร่ เร๊อ อา เก่ เด๊อะบุ๊ยเด๊อะเตอเรอ แท๊ทือเส่เทอเบ เออ เบ๊อะเนอ, อา เด๊อะโล เฮ๊อ เร๊อ เด๊อ ครี๊ อาสุ่ย อาขว่าอาคยา, เป ทวาแถ่ เต๊อเจ่อเจ๋อ แพ๊ ลู เร๊อ อา เฮ๊อ หม่าโต่ แอ? ฮู๊เนอเฮ๊อ เบ๊อะเป บิกยา ค๊อมู เร๊อ เป เอ่ อา เบ๊อะเนอ, อา เด๊อะโล เฮ๊อ เร๊อ เป ทวาแถ่ เต๊อเจ่อเจ๋อ แพ๊ ลู เร๊อ ครี๊ อาเหน่กล่อ เฮ๊อ, หม่าโต่ แอ?

มัทธิว 13:21

หม่าแน๊เรอ อา หยื่อเอ่ แลแค เตอเปลอฮู๊ แพ๊, เมเตเฮ๊เรอ จอแปแหร่ อาลาอาโหง่ เนอ, อา โน โอ่หม่าโอ่กลอ เด๊อ เหย่ซี ซิปล่อกู โต่. เด๊อ อา หยื่อเอ่ จอแปแหร่ อาลาอาโหง่ เออ อาขว่าอาคยา, อา ข่าเบ่ เตแป่เตเช, เตเมจาเมจือ เร๊อ อา วีแก คยาแซ๊ อา เตหยื่อเตแหน่.