ꤛꤥ꤭ꤟꤢ꤬ 15:26 - ลีเทส่อพ๊าอาเซ เร๊อ เห่ขุทวาลู๊

²⁶ “แว เก่ นอแฮ เพรเมจว่าเต เด๊อ อา โอ่ เด๊อ เพโอ่ เออเนอ เตเพร เด๊อ ซี โอ่ ปา. อา หม่า เตหม่าเต่จ๊อ อา แหย่โยบูโพ๊แบ่เจ่ เด๊อ อา โอ่ เด๊อ เพ อา โอ่ แฮ. ช๋า อา แฮโต่ ปาเนอ, อา เก่ แด๊โฉ่โล เป่ ซี เร๊อ แวหรี่แวแก ปา.

Eastern Kayah Shadaw Dialect

²⁶ “ꤠꤢꤧ꤭ ꤊ꤫ꤢꤦ꤬ ꤔꤢꤪ꤭ꤟꤢꤧ꤭ ꤖꤚꤢꤩ꤬ꤗꤢꤩ꤬ꤡꤝ꤫ꤢ꤬ꤒꤢꤩ꤬ ꤘꤣ ꤢ꤬ ꤥ꤬ ꤘꤣ ꤖꤢꤩ꤭ꤥ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤘꤣ ꤞꤤ꤭ ꤥ꤬ ꤕꤢ꤭꤯ ꤢ꤬ ꤗꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤢ꤬ ꤥ꤬ ꤘꤣ ꤖꤢꤩ꤭ ꤢ꤬ ꤥ꤬ ꤟꤢꤧ꤭꤯ ꤏꤢ꤮ ꤢ꤬ ꤟꤢꤧ꤭ꤒ꤫ꤥ꤬ ꤕꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤕꤢ꤭꤯

ꤛꤥ꤭ꤟꤢ꤬ 15:26 ပူးပေါင်းရင်းမြစ်များ

ꤛꤥ꤭ꤟꤢ꤬ 14:26

หม่าแน๊เรอ, เพ เก่ นอแฮ เป่ ซี เพรเมจว่า ซี แหย่โยบูโพ๊แบ่เจ่ เร๊อ แวมุย ปา. อา เก่ อิซว๊าอี๊แส่ เป่ ซี เตล๋อ ปลี ปา, โท๊โต่ ล๋อ เต เด๊อ แว เฮ๊โทเฮ๊อ ซี เต๊เห่เนอ, อา เก่ เด๊อซิเง กาคยา คยาแซ๊ ซี ปา.

เพรโด่แนพู๊ เต๊เห่ 5:32

เป หม่า เพร เด๊อ อา ข่าเฮ๊โล เป่ อูเร๊อ เตเออ เต๊เห่ อาหรี่อาแก เฮ๊อ. ฮู๊เนอเฮ๊อ แหย่โยบูโพ๊แบ่เจ่ เออ เบ่เบ่, อา ข่าเฮ๊โล แซ่เกอ ฮู๊เนอเนอ. แหย่โยบูโพ๊แบ่เจ่ เออเนอ จอแปแหร่ เด๊อะตา เป่ เร๊อ แกแย เด๊อ อา หนิดา ลูโหง่ เนอเต๊เห่ อาเง แพ๊.”

เพรโด่แนพู๊ เต๊เห่ 15:8

จอแปแหร่ หม่า อา แม๊เถอะ ซิเงลอ อู ปว๋า เตเพร อาซิปล่อ. เด๊อ อา เด๊อะ เป่ แกแยยิวพู๊ หม่าโต่ เต๊เห่ แหย่โยบูโพ๊แบ่เจ่ อาขว่าอาคยา, อา เด๊อะโล เฮ๊อ เร๊อ อา ซิปล่อโอ่เฮ๊อ เหย่ซี ฮู๊ อา เด๊อะ โทเฮ๊อ เป แหย่โยบูโพ๊ เนอ เฮ๊อ.

ꤜꤢꤨꤊꤢ꤬ 24:49

เร๊อ แว เก่ นอตาแล เป่ ซี ฮู๊ แวเพ อ๊อแล หนื่ออื่อ โทเฮ๊อ เนอเต๊อเจ่อ เด๊อ ซีโหล่ ปา. หม่าแน๊เรอ ซี เก๊ พย๊าหนิ แต่ล๋าย เตเตอเรอฉว่าชอ เด๊อ อา โอ่ เด๊อ ม๊อขุเออ แฮแล แต่ล๋าย เด๊อ ซีเหน่ลูโต่ เนอ, ซี เบ่ โอ่ป่อตื๊อดื่อ เบ๊อะวีกู เออเนอ ปา.”

เตเด๊อะโลแถ่ 22:1

เตเน่วพู๊ เออเตเพร ยูโล เป่ แว เทอเซอเพร อาเทอแล เด๊อ อา เช๊อเกอเล๊อ แม๊เถอะ โน ล๊อปลู๊ แซ่เจ๊อเร๊อ หล่อซู๊บู แปล๊ลีชี๊ เนอแตแล เร๊อ อา โอ่ เด๊อ จอแปแหร่ เน๊อ อาซิหมิพู๊ อาคุ๊ยจ๊อแผ่ กู่แกล๊เท แถ่โลโอ่เนอ เร๊อ อา ทุ๊ยเถ่.

ꤟꤤꤙꤚꤢꤨ 2:4

จอแปแหร่ เฮ๊โฉ่โปล เป่เกอโป่ อู เน๊อ เด๊อ เตเมแลเปล๊กา เตหรี่เตแก เออเนอหมา อาโต หม่าแหน่ เจ๊อ. เด๊อ เตเมม๊าเมแด, อาเตเม โค๊ตีกลี๊ เต๊เห่ เร๊อ อาเตเม ตาปาคย๊ายื๊อ เต๊เห่ อาขว่าอาคยา, อา เด๊อะโลโปล เป่เฮ๊อ อู เร๊อ เตเมแลเปล๊กา เตหรี่เตแก เออเนอหมา อา โตเฮ๊อ. โท๊โต่, จู๋ ดื่อ อาโต จอแปแหร่ อาซิปล่อ เร๊อ อา เด๊อะตา ครา เป่ อู เตแจ่เตลีแม เชหยู่ เต๊เห่. เร๊อ อา เด๊อะตา แฮเง เร๊อ แหย่โยบูโพ๊ แบ่เจ่. เด๊อ แหย่โยบูโพ๊ แบ่เจ่ เชหยู่เออ เต๊เห่ อาขว่าอาคยา, จอแปแหร่ เด๊อะโลโปล เป่เฮ๊ออู เร๊อ เตหรี่เตแก เออเนอหมา อา โตเฮ๊อ.

โครินธ์ อาเหร่อเล๊อ ต๊าบ่า 1:6

เร๊อ เป แด๊โฉ่โล เป่ ซี ครี๊ อาหรี่อาแก เออเต๊เห่เนอ, อา โอ่หม่าโอ่กลอ ตาเต เฮ๊อ เด๊อ ซีกู เฮ๊อ.

ꤛꤥ꤭ꤟꤢ꤬ 16:7

เก่ เฮ๊ ลอล๋อ โหง่ หม่า, แว จว๊าแก ซีเหล่ หม่า อาแร๊ เล๊อ เจ๊อ เด๊อ ซีเงเจ๊อ, เมเตเฮ๊เรอ แว เก่ จว๊า โต่ เฮ๊เนอ, เพรเมจว่า หม่าเฮ๊อ แหย่โยบูโพ๊แบ่เจ่ เออเตเพร แฮ เด๊อ ซีโอ่ โต่. หม่าแน๊เรอ แว เก่ จว๊า เฮ๊เนอ, แว เก่ นอแฮแล ลาติ ลู เด๊อ ซีโอ่ ปา.

ꤛꤥ꤭ꤟꤢ꤬ 8:42

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “ซีเพ เก่ หม่าแหน่ จอแปแหร่ เฮ๊เรอ ซี โมหนิเกอ แว เกอเกอ, เมเตเฮ๊เรอ แว โอ่ เด๊อ ลูโอ่ แฮ เร๊อ กู๊แหน่เออ แว แฮโอ่ เบ๊อะเออแพ๊เออ. แว แฮ จู๋ ดื่อ แว ซิปล่อ หม่าโต่, แวเพ นอแฮ แว แพ๊.

เพรโด่แนพู๊ เต๊เห่ 1:4

โตโพ๊เค เบ๊อะอา เอ่โอ เต่อเกอ เร๊อ อา โคเจ่ เออเต๊เห่ เบ๊อะเนอ, อา เฮ๊แก เหย่ซี เน๊อ, “เถ่จว๊าแก แต่ แลแค เด๊อ เยรูซาเล็ม วีเออ อากูเนอ แต่ แลเหม่. โอ่ป่อตื๊อดื่อ แลแค เบ๊อะเนอ โต่เด๊อ ซี พย๊าหนิ เชหยู่ เด๊อ แว แด๊โฉ่หนื่ออื่อ โทเฮ๊อ ซี เร๊อ แวเพ อ๊อแล เด๊อ อา เก่ เด๊อะ ซี ปาเนอ นี๋.”