ꤛꤥ꤭ꤟꤢ꤬ 15:24 - ลีเทส่อพ๊าอาเซ เร๊อ เห่ขุทวาลู๊

²⁴ เตเม อาโค๊ตีกลี๊ เด๊อ อู เมแจ่ เตเพร่ว โต่ เออเต๊เห่เนอ, แว เก่ เด๊อะโล เด๊อ เหย่ซี อาเกล โต่ เฮ๊เนอ, เหย่ซี เตซื๊อ โอ่ แตแค๋ โต่. หม่าแน๊เรอ, กู๊แหน่เออ, เหย่ซี แม๊เถอะ เตเม อาโค๊ตีกลี๊ เออเต๊เห่ เร๊อ อา ซิเถ่ ลอปลี เฮ๊อ แว เร๊อ แวเพ เฮ๊อ.

Eastern Kayah Shadaw Dialect

²⁴ ꤒꤢꤩ꤬ꤗꤢꤩ꤬ ꤋꤥꤒꤣꤧ꤬ꤊꤜꤤ ꤘꤣ ꤢꤨ꤭ ꤗꤢꤩ꤬ꤡ꤫ꤢꤧ꤬ ꤒꤣ꤬ꤖꤚꤢꤩ꤬꤮ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤊꤢꤩ꤬ ꤘꤣꤧꤜꤥ꤭ ꤘꤣ ꤛꤢꤩ꤬ꤞꤤ꤭ ꤢ꤬ꤊꤜꤢꤩ꤭ ꤒꤥ꤬ ꤟꤢꤩꤔꤣꤧ꤬, ꤛꤢꤩ꤬ꤞꤤ꤭ ꤒꤢꤩ꤬ꤞꤢꤦ ꤥ꤬ ꤒꤣꤧ꤬ꤋꤢꤧ꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬, ꤊꤢꤨꤔ꤫ꤢꤧ꤬ꤣꤧ꤭, ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤒꤢꤩ꤬ꤗꤢꤩ꤬ ꤋꤥꤒꤣꤧ꤬ꤊꤜꤤ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤞꤤꤓꤢꤩ꤬ ꤜꤢꤪ꤭ꤕꤜꤤ꤭ ꤟꤣꤧ ꤠꤢꤧ꤭ ꤔꤢꤧ ꤠꤢꤧ꤭ꤖꤢꤩ꤭ ꤟꤣꤧ꤯

ꤛꤥ꤭ꤟꤢ꤬ 15:24 ပူးပေါင်းရင်းမြစ်များ

ꤛꤥ꤭ꤟꤢ꤬ 14:9

แบ่เจ่ เหย่ซู่ เฮ๊ฉื่อ ลู เน๊อ, “คูฟีลิป, แว โอ่เต่อเกอ เร๊อ ซี งยากู๋ ลา เจ๊อ เฮ๊อ เร๊อ หม่า เน ซิเงน๊อ แหน่ แว โต่ แอ? แกแย เด๊อ อา แม๊เถอะน๊อ แว เนอ, อา แม๊เถอะน๊อเฮ๊อ เพ เฮ๊อ. เน๊อ, ‘เด๊อะโล เป่ เป เร๊อ เพ,’ เน จว๊าเฮ๊โต่ ฮู๊เนอ เมเต?

ꤛꤥ꤭ꤟꤢ꤬ 5:36

“หม่าแน๊เรอ แว เตข่าเฮ๊โล เด๊อ อาดุเล๊อ ปา เจ๊อ เร๊อ คูยอห์น อา เตข่าเฮ๊โล เออเนอ อาโอ่ เต๊เห่. แวเพ เด๊อะ แว เตเอ่เตแร เด๊อ แว เบ่ เมโทแก, เร๊อ กู๊แหน่เออ แว เม เฮ๊อ แรเต เออเต๊เห่ เฮ๊อ. แรเต เออเต๊เห่ เนอหม่า, อาข่าเฮ๊โล เฮ๊อ ซิปล่อ เร๊อ แวเพ นอแฮ หม่าแหน่ เฮ๊อ แว เนอ เฮ๊อ.

ꤛꤥ꤭ꤟꤢ꤬ 10:37

แว เก่ เมโต ฮู๊ แวเพ เมเนอ โต่ เฮ๊เรอ หยื่อเอ่ แต่ แว แต่เหม่.

ꤛꤥ꤭ꤟꤢ꤬ 10:32

หม่าแน๊เรอ แบ่เจ่ เหย่ซู่ เฮ๊ เหย่ซี เน๊อ, “เตเมแร๊ เด๊อ แวเพ นอเม แว เต๊เห่เนอ, แว เด๊อะโล เอ๊ เป่ลาเฮ๊อ ซี เฮ๊อ. หม่าแน๊เรอ ซี เตเร ต่าโต่ แว เร๊อ แว เม เตแร๊ เออเต๊เห่ เบ๊อะเต๊อเจ่อเต?” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 9:32

อู เมลี กา แจ่ แกแย เป๊เส่คี๊ เด๊อ โหมะฮ๊อกู เนอ เด๊อ เห่ขุ ทวาลู่ ม๊อขุ ทวาเซ โต่กู๊แหน่ เนอ เป หนิโฮน๊อ เตเพร่ว โต่.

ꤛꤥ꤭ꤟꤢ꤬ 7:31

หม่าแน๊เรอ อู หยื่อเอ่โหร่ หยื่อเอ่เอ๊ ปาแหน่ ลู แพ๊. เหย่ซี เฮ๊ แลแค เน๊อ, “ช๋า ครี๊ อู เฮ๊ เนอเตเพร แฮปา เบ๊อะเนอ, อา เก่ เม อาโค๊ตีกลี๊ เอ๊เล๊อปา เจ๊อ เร๊อ เออเตเพร ปา แอ?” อา เฮ๊ แลแค ฮู๊เนอ.

ꤛꤥ꤭ꤟꤢ꤬ 3:2

เตเซเคเนอ คูนิโคเดมัส แฮ เด๊อ เหย่ซู่ โอ่ เร๊อ อา เฮ๊ ลู เน๊อ, “ซ๊าร๊า, เป ซิเง เร๊อ เน หม่า หม่า ซ๊าร๊า เด๊อ อา โอ่ เด๊อ จอแปแหร่ อา โอ่แฮแล เตเพร. เป ซิเง เร๊อ จอแปแหร่ เก่ โอ่เกอ เร๊อ แกแย เตเพรเพร โต่ เฮ๊เนอหม่า อา เมแจ่ เตโค๊ตีกลี๊ ฮู๊ เน เม เออเนอ เตเพร่ว โต่.”

มัทธิว 9:33

เบ๊อะแบ่เจ่ เหย่ซู่ เหว่เถ่แก โทเฮ๊อ โลเน๊ เบ๊อะเนอ, แกแยเป๊ เออเตเพร เฮ๊เบ่ แจ่ กาคยา คยาแซ๊. เร๊อ แกแย เบ๊หมู่ เต๊เห่ คย๊าอายื๊อ แหน่เจ๊อ. “อาทวา เต ฮู๊เออ เด๊อ อิสราเอลพู๊ อาเกล เนอ แม๊เถอะ แต่ล๋าย แตแค๋ โต่,” เตเพร๊ เร๊อ เตเพร อาเฮ๊แลแค ลู เนอ.

ꤡꤛꤢꤩ꤭ꤗꤢ꤬ꤎꤣ꤬ 4:4

แกแย เด๊อ อา ซิปล่อก่า เด๊อ จอแปแหร่ อาขุ ซี๋, ซี แบ๊ซว๊า เน๊อ เห่ขุ อา เตมู๊แหม่รีแจ่ เต๊เห่ เนอหม่า ซี ทวาแถ่เฮ๊อ เพร เด๊อ อา ซิเถ่ จอแปแหร่ เต๊เห่เฮ๊อ เนอหม่า ซี ซิเง โต่ แอ? แกแย เด๊อ อา ซิหยื่อ ทวาแถ่ เห่ขุ อา เตมู๊แหม่รีแจ่ เออเต๊เห่ อา โคแบ๊ซว๊า เตเพรเพรเนอ อา เม ซิเถ่ซิฮา เฮ๊อ อาเหน่ เน๊อ จอแปแหร่ เฮ๊อ.

ทิโมธี เนอบ่า ต๊าบ่า 3:4

เหย่ซี เก่ หม่า แกแย เด๊อ อา อิแช๊เอ่ อูมุย, อา อิแช๊เอ่ อูเหน่ เร๊อ เมบูเมบย่า อาเหน่, จ่า แถ่ม๊อแถ่โผ่ อาเหน่, ซิหยื่อ เมโม ตาปา โชชื่อ เจ๊อ อาเหน่ เออเนอ อาดุเล๊อ เจ๊อเน๊อ เตโมหนิ จอแปแหร่ ปา.

ꤚꤥꤗꤢꤩ꤬ 1:30

โทเรอ เหย่ซี เฮ๊ปย๊า อูมุย, ซิเถ่ จอแปแหร่, อิชอ อี๊บ่าฉว่า พย๊าแถ่โล เหน่, ถู่เซ๊ เกอ เร๊อ อาเหน่. เหย่ซี เตเน เอ๊แถ่โป่ แกล๊ อาเซ เต๊เห่ เด๊อ อา เก่ เม เอ๊แถ่ แฮเงโป่ เตมู๊แหม่รีแจ่. เหย่ซี หนิดา แลแค อาโหมะอาเพ โหง่ โต่.

เพรโด่แนพู๊ เต๊เห่ 10:38

โทเรอ จอแปแหร่ นว๊าแถ่ วีนาซาเร็ธพู๊ เหย่ซู่ เร๊อ อา เด๊อะ ลู แหย่โยบูโพ๊แบ่เจ่ เร๊อ อา เตโพรเตเตอเรออาฉว่าชอ ฮู๊เต เนอ, ซี ซิเง โทดื่อเฮ๊อ. เหย่ซู่ เลจว๊า เด๊อ เหล่โอ่ ปว๋า โต๊โผ่ เร๊อ จว๊า เมบุ๊ยเมเตอเรอ เป่ อู, แหย่โอ่เหม่ลอ แกแย โอ่ เด๊อ โลเน๊โลหน่า กู่กล๊อ เมนือเมจ๊า ลู เต๊เห่, เมเตเฮ๊เรอ จอแปแหร่ โอ่เกอ เน๊อ อา อาขว่าอาคยา, อา เมเฮ๊อ เต ฮู๊เนอ เฮ๊อ.

เพรโด่แนพู๊ เต๊เห่ 2:22

เร๊อ คูเปโตร เฮ๊ โป่ เน๊อ, “แวโค อิสราเอล ซี๋, หนิดา แลแค แว เตเฮ๊เบ่เออ! เบ๊อะวีนาซาเร็ธ เหย่ซู่ โอ่เตอเกอ เร๊อ ซี เบ๊อะเนอ, อา เด๊อะโล เอ๊ เป่โทเฮ๊อ ซี เตเม อาโค๊ตีกลี๊ เต๊เห่ เนอ เตเม อาตาปา อาคย๊าอายื๊อ เต๊เห่ เน๊อ เตเม อาโค๊ตีกลี๊ อา เมม๊าเมแด เด๊อ จอแปแหร่ เด๊อะโพรเด๊อะเตอเรอ ลู เออเนอเต๊เห่ เฮ๊อ. เออเนอหมา อา เด๊อะโลเฮ๊อ เน๊อ เหย่ซู่ หม่า อา โอ่ เด๊อ จอแปแหร่ อา โอ่แฮ ฮู๊เนอ เฮ๊อ. อา เม เป่ โทลอเฮ๊อ เตเม เออเต๊เห่ เนอหม่า ซี ซิเง โทดื่อเฮ๊อ.

ꤛꤥ꤭ꤟꤢ꤬ 12:45

แกแย เด๊อ อา แม๊เถอะ แว เนอ, อา แม๊เถอะ เกอเฮ๊อ เพร เด๊อ อา นอแล แวเออ เตเพร เฮ๊อ.

ꤛꤥ꤭ꤟꤢ꤬ 6:36

หม่าแน๊เรอ, ฮู๊ แว เฮ๊โทเฮ๊อ ซีเนอ, ซี แม๊เถอะ เจ๊อ แว ตื๊อดื่อเรอ ซี หยื่อเอ่ แว โต่.

ꤜꤢꤨꤊꤢ꤬ 24:19

เร๊อ เหย่ซู่ เแด๊เฮอ ลู เน๊อ, “อู เมแคร๋ อิเตเออ?” เร๊อ เหย่ซี เฮ๊ฉื่อ ลู เน๊อ, “หม่าแหน่เฮ๊อ วีนาซาเร็ธอาพู๊ เหย่ซู่ อาหรี่อาแก เนอ กอก๋อ. อา หม่า เพรโพร เตเพร. อา เตเฮ๊เบ่เฮ๊โช เร๊อ อา เตเอ่เตแร เด๊อ จอแปแหร่ เร๊อ แกแย ล๋อ ปลี อาเป๊เส่เง เนอ, อา โอ่ เร๊อ เตโพรเตเตอเรอ เจ๊อ.

ꤗꤢ꤬ꤊꤢꤨ 2:12

เร๊อ โตโพ๊โต อา ก๊อถ่อ ถู่ลูหนิ อา เหล่เมอเด๊เนอ เร๊อ อา เถ่จว๊า เด๊อ แกแย ล๋อ ปลี อา เป๊เส่เง แกแย ปว๋า เตเพร อาคย๊าอายื๊อ ลอปลี เร๊อ ถู่เซ๊แถ่ แลแค จอแปแหร่. เร๊อ เหย่ซี เฮ๊ แลแค เน๊อ, “เตเมอาเหน่ ฮู๊เออเนอ, เป แม๊เถอะน๊อ แตแค๋ โต่,” อา เฮ๊ แลแค ฮู๊เนอ.

มัทธิว 21:32

เมเตเฮ๊เรอ คูยอห์น แฮ เด๊อะโล ซี เร๊อ เต จ๊อ เตเต อาแกล๊ ตื๊อดื่อเรอ ซี หยื่อเอ่ ลู โต่. หม่าแน๊เรอ เพรกุยอาหมู่อาร๊า เร๊อ แม๊เผ่โหมะ เต๊เห่ หยื่อเอ่ ลู. ซี แม๊เถอะ เจ๊อ แกแย เออเต๊เห่ อาซิปล่อ แต๊แกละ กา เจ๊อ ตื๊อดื่อเรอ ซี ซิปล่อแต๊แกละ กา เกออู โต่, โท๊โต่ ซี หยื่อเอ่ เกอ เจ๊อ อู ตีกี๋ โต่.

มัทธิว 11:5

แกแย เป๊เส่คี๊ เต๊เห่ แม๊เถอะ แจ่เฮ๊อ, แกแย กู๊โด่ด๊า เต๊เห่ จว๊าแจ่เฮ๊อ, แกแย จุมู๊แหม่ เต๊เห่ โอ่เหม่ กาคยา ลอเฮ๊อ, แกแยกู๊หลิโกะ กอออ เต๊เห่ หนิโฮกาคยาเฮ๊อ, แกแยเซอ เต๊เห่ ก๊อถ่อเซอเพร กาคยา คยาแซ๊เฮ๊อ, แกแย โซพ๊าโซแรพู๊ เต๊เห่ หนิโฮเบ่ เกอเฮ๊อ เตซิครือซิลอมีลา เฮ๊อ.

ꤛꤥ꤭ꤟꤢ꤬ 12:10

ฮู๊เนอ อาขว่าอาคยา, เพรหลู่แต กู่กล๊อ เต๊เห่ เตเน เครเมเซอ เต่อเกอ คูลาซารัส.

ꤛꤥ꤭ꤟꤢ꤬ 9:41

เร๊อ แบ่เจ่ เหย่ซู่ เฮ๊ เหย่ซี เน๊อ, “ซี เก่ เป๊เส่คี๊ เก่เฮ๊เรอ ซี ซิเง ตาเต แล๋ เตหมะเตจ๊อ โต่ อาขว่าอาคยา ซี เตซื๊อโอ่โต่. หม่าแน๊เรอ กู๊แหน่เออ ซี เฮ๊ เน๊อ ซี เป๊เส่ลี อาขว่าอาคยา, ซี เตซื๊อโอ่,” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 15:21

ซี ทวา แว โคเจ่ อาขว่าอาคยา แกแย เห่ขุพู๊ เต๊เห่ เก่ เมจาเมจือ ซี ปา, เมเตเฮ๊เรอ เหย่ซี ซิเง แลแค เพ เด๊อ อา นอแฮ แว เออเนอ เตเพร่ว โต่.

ꤛꤥ꤭ꤟꤢ꤬ 15:22

แว เก่ แฮ แด๊โฉ่โด่แน เป่ เหย่ซี โต่. เก่เฮ๊เนอ, จอแปแหร่ แด่ เน๊อ เหย่ซี เตซื๊อ โต่. หม่าแน๊เรอ กู๊แหน่เออ แว แฮ แด๊โฉ่โด่แน โล เป่ เหย่ซี อาขว่าอาคยา, อาเหล่เฮ๊ แลเปล๊ เกอเร๊อ อาโหง่ เร๊อ อาเตซื๊อ อาเงเนอ อา โอ่ปา ตือมื๋อ โต่ เฮ๊อ.

ꤛꤥ꤭ꤟꤢ꤬ 15:23

แกแย เด๊อ อา ซิเถ่ แว เนอ อา ซิเถ่ โต่เกอเฮ๊อ แวเพ เฮ๊อ.

ꤛꤥ꤭ꤟꤢ꤬ 16:9

เด๊อ เหย่ซี หยื่อเอ่ แว โต่ อาขว่าอาคยา, อา เด๊อซิเงเฮ๊อ เหย่ซี เร๊อ เหย่ซี เตซื๊อ โอ่ เฮ๊อ.