ꤛꤥ꤭ꤟꤢ꤬ 15:20 - ลีเทส่อพ๊าอาเซ เร๊อ เห่ขุทวาลู๊

²⁰ ซิเงแถ่เบ่ แลแค โหง่ เด๊อ แว เฮ๊ เป่ ซี เน๊อ, ‘หลู่ ดุเล๊อ เร๊อ อาแบ่เจ่ เนอ อา โอ่ เตเพร่ว โต่,’ เออเนอ นี๋. เหย่ซี เมจาเมจือ โทเฮ๊อ ๒๔ แว อาขว่าอาคยา, อา เก่ เมจาเมจือ เกอ ลาติ ซี ปา. เหย่ซี เก่ จูเอ่ หนิดา โทเฮ๊อ แวโหง่ เฮ๊เนอ, อา เก่ จูเอ่ หนิดา เกอดื่อ ซีโหง่ ปา.

Eastern Kayah Shadaw Dialect

²⁰ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤜꤢ꤭ꤋꤢꤧ꤭ ꤍ꤫ꤥ꤬ ꤘꤣ ꤠꤢꤧ꤭ ꤟꤢꤩ ꤕ꤫ꤢꤩ꤬ ꤞꤤ꤭ ꤔꤢꤧ, ‘ꤜꤢꤨ꤬ꤜꤢꤩ ꤘꤢꤨ꤬ꤜꤣ ꤔꤢꤧ ꤢ꤬ꤙꤢꤧ꤬ꤡꤢꤩ꤬ ꤔꤣꤧ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬,’ ꤣꤧ꤭ꤔꤣꤧ꤬ ꤔꤤ꤮꤯ ꤛꤢꤩ꤬ꤞꤤ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤓꤥ꤭ꤟꤣꤧ ꤠꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤊ꤫ꤢꤦ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤊꤣꤧ꤭ ꤜꤢ꤭ꤒꤢꤩ꤬ ꤞꤤ꤭ ꤕꤢ꤭꤯ ꤛꤢꤩ꤬ꤞꤤ꤭ ꤊꤢꤩ꤬ ꤡꤢꤨ꤭ꤢꤩ꤬ ꤔ꤫ꤤ꤬ꤘꤢ꤭ ꤓꤥ꤭ꤟꤣꤧ ꤠꤢꤧ꤭ꤍ꤫ꤥ꤬ ꤟꤢꤩꤔꤣꤧ꤬, ꤢ꤬ ꤊ꤫ꤢꤦ꤬ ꤡꤢꤨ꤭ꤢꤩ꤬ ꤔ꤫ꤤ꤬ꤘꤢ꤭ ꤊꤣꤧ꤭ꤘꤢꤦ꤬ ꤞꤤ꤭ꤍ꤫ꤥ꤬ ꤕꤢ꤭꤯

ꤛꤥ꤭ꤟꤢ꤬ 15:20 ပူးပေါင်းရင်းမြစ်များ

ทิโมธี เนอบ่า ต๊าบ่า 3:12

แกแย ปว๋า เตเพร เด๊อ อา ซิหยื่อ โอ่เซอเพร โต ฮู๊ จอแปแหร่ อาซิปล่อ อา เตซิหยื่อ เด๊อ เหย่ซู่ครี๊ อากู เต๊เห่เนอ, อู เก่ เมจาเมจือ หม่าแหน่ เจ๊อ เหย่ซี ปา.

ꤛꤥ꤭ꤟꤢ꤬ 13:16

แว เฮ๊จ๊อจ๊อ ซี, หลู่ เนอ อาดุเล๊อ เร๊อ อาแหน่แบ่เจ่ เตเพร่ว โต่. แกแย เด๊อ อู นอ ลู เออเตเพรเนอ อาดุเล๊อ เร๊อ อา นอ ลู เนอเตเพรเนอ อา โอ่ เตเพร่ว โต่.

มัทธิว 10:24

“โคเจ่ เนอ อาแจ่อาลีแม เล๊อ เร๊อ อาซ๊าร๊า แตแค๋ โต่. หลู่ เฮ๊เนอหม่า อาเตเรแซ่เน๊อ หลู่เล๊. หม่าแน๊เรอ อาจาเล๊อ, อาคว๊าเก่โอ่เกอโต่ เตปาลาโอ่โต่ อาเบ่ทวาโต่ เด๊อ อาเซอ เตเพรเนอ, อาดุเล๊อ เร๊อ อาแบ่เจ่ แตแค๋ โต่.

โครินธ์ เนอบ่า ต๊าบ่า 4:9

อู เมจาเมจือ เป หม่าแน๊เรอ จอแปแหร่ วีแก เร๊อ เป โต่ วา. เหย่ซี มือแลคื๊อ เป หม่าแน๊เรอ เป ก๊อถ่อ คยาแซ๊ เร๊อ เป เม แฮเง ตื๊อดื่อปา แพ๊ เตเม วา.

โครินธ์ อาเหร่อเล๊อ ต๊าบ่า 4:12

แซ่ฮู๊ เป เก่ เอ่เบ่โอน๊อ อาเงเนอ, เป เบ่ จ่าเพรอจ่าหร่อ เอ่แร ดื่อเง เต. เบ๊อะอู อิชอ เป เบ๊อะเนอ, เป เด๊อะบุ๊ยเด๊อะเตอเรอ กาคยาฉื่อ อู. เบ๊อะอู เมจาเมจือ เป เบ๊อะเนอ, เป แด่ทูซิปล่อ ฉื่อ แพ๊ อู แพ๊.

ꤛꤥ꤭ꤟꤢ꤬ 8:51

แว เฮ๊จ๊อจ๊อ ซี, แกแย เตเพรเพร เก่ อา จูเอ่ หนิดา แวโหง่ เฮ๊เนอ, อา เซอปา แตแค๋ โต่,” อา เฮ๊ เหย่ซี ฮู๊เนอ.

ꤜꤢꤨꤊꤢ꤬ 6:40

โคเจ่เนอ อาแจ่ เล๊อ เร๊อ อาซ๊าร๊า แตแค๋ โต่. หม่าแน๊เรอ, โคเจ่ เตเพรเพร เด๊อ อา อิซว๊า ปลื๊อโท ลอเฮ๊อ เด๊อ อาซ๊าร๊า โอ่ เตเพรเนอ, อา เก่ แจ่ แซ่เน๊อ อาซ๊าร๊า เนอแพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:15

แกแยยิวพู๊ เต๊เห่ หม่า เพรเมเซอ แบ่เจ่ เหย่ซู่ เร๊อ เพรโพร เต๊เห่, โท๊โต่ อา เหว่เถ่แก เป. อา เมโต จอแปแหร่ ซิปล่อ โต่, โทเรอ อา ซิเถ่ซิฮา ลอ เจ๊อ อูปว๋า เตเพร เจ๊อ.

ꤛꤥ꤭ꤟꤢ꤬ 10:31

แกแยยิวพู๊ เต๊เห่ อาโถ่ แลแค หล่อ เร๊อ เตเร ต่าเซอ ลู.

ꤛꤥ꤭ꤟꤢ꤬ 11:57

เบ๊อะเนอเค เพรหลู่แต กู่กล๊อ เต๊เห่ เร๊อ ฟาริสี เต๊เห่เนอ อา เฮ๊ตา แลแค อาโหง่ เนอ, แซ่ฮู๊ เป เก่ ปื่อหนิ เหย่ซู่ เนอ เนอ, แกแย เด๊อ อา แม๊เถอะ ลู เตเพรเพร เนอ, อา โตเบ่ แด๊โฉ่โล เป่ เป.

ꤛꤥ꤭ꤟꤢ꤬ 8:59

เออโตโพ๊เรอ เหย่ซี โถ่ แลแค หล่อ เร๊อ อา เตเร ต่าเซอ แลแค เร๊อ แบ่เจ่ เหย่ซู่ หม่าแน๊เรอ แบ่เจ่ เหย่ซู่. จว๊า ตาดวาโอ๊บี๊แก อาเหน่ เร๊อ อา เถ่จว๊าเหม่แก เบ๊อะเตหลู่แต โฮกูเนอ.

ꤛꤥ꤭ꤟꤢ꤬ 7:32

เหย่ซี เฮ๊เบ่โห่ เฮ๊เบ่เซ๊ เกอเร๊อลู เร๊อ แบ่เจ่ เหย่ซู่ครี๊ อาหรี่อาแก คยา ฮู๊เออ เบ๊อะเนอ, ฟาริสี เต๊เห่ หนิโฮ เร๊อ เหย่ซี เน๊อ เพรหลู่แต ทวาดุทวาเต เต๊เห่ นอจว๊าปื่อ แบ่เจ่ เหย่ซู่ เร๊อ เกลอฮู๊ เด๊อ อา โอ่ป่อ เตหลู่แตโฮ เนอเต๊เห่.

ꤛꤥ꤭ꤟꤢ꤬ 5:16

ฮู๊เนอ อาขว่าอาคยา, เหย่ซู่ ย๋อ เม เตเออเต๊เห่ เด๊อ ม๊อเนอโด่ ขว่าคยา, แกแยยิวพู๊ ทวาดุทวาเต เต๊เห่ เป๊อแถ่ เมซู๊ช๊าแฮ ลู.

ꤜꤢꤨꤊꤢ꤬ 2:34

เพสิเมโอน เด๊อะบุ๊ยเด๊อะเตอเรอโท เหย่ซี เร๊อ อา เฮ๊แกหนิ เป๊เจ่พู๊ อาโหมะ โหมะมารีย์ เออเนอ เน๊อ, “เป๊เจ่เออ จอแปแหร่ นว๊าแถ่เฮ๊อ ลู เด๊อ อา เก่ เมแลเปล๊กา อิสราเอล เต๊เห่ ปา, เร๊อ อา เก่ แด่ดุแด่แถ่โล เกอลาติ แกแย เด๊อ อาโร เต๊เห่ ปา. อา หม่า จอแปแหร่ อา เตม๊าเตแด เต๊อเจ่อ, เร๊อ แกแย เก่เฮ๊เบ่จู๊แกฉื่อลูปาเนอ, โอ่โร๊เอ๊ลาปา.

ꤛꤥ꤭ꤟꤢ꤬ 8:52

แกแยยิวพู๊ เต๊เห่ เฮ๊ ลู เน๊อ, “กู๊แหน่เร๊อ เป ซิเง ตาเตเฮ๊อ เร๊อ โลเน๊ เมเบ่ เน เฮ๊อ. เพอับราฮัม เซอโทเฮ๊อ, เพรโพร เต๊เห่ หม่า อา เซอ โทเฮ๊อเฮ๊อ หม่าแน๊เรอ เน จว๊าเฮ๊โต่ เร๊อ แกแย เตเพรเพร เก่ จูเอ่ หนิดา แวโหง่ เฮ๊เนอ, อา เซอปา แตแค๋ โต่, เน เฮ๊ ฮู๊เนอ.

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

ꤗꤢ꤬ꤊꤢꤨ 10:39

เร๊อ เหย่ซี เฮ๊ฉื่อ ลู เน๊อ, “เป จ่าเพรอเบ๊ แพ๊.” เร๊อ เหย่ซู่ เฮ๊ฉื่อ เหย่ซี เน๊อ, “เทอเบ เด๊อ แว เตเร โอ เออเนอ ซี เก่ โอน๊อเกอ ปา, โทเรอ เตจาเตจือ เด๊อ แว เตเร ข่าเบ่ เออเนอ ซี เก่ ข่าเบ่น๊อ เกอดื่อ ปา.