ꤛꤥ꤭ꤟꤢ꤬ 15:18 - ลีเทส่อพ๊าอาเซ เร๊อ เห่ขุทวาลู๊

¹⁸ “แกแย เห่ขุพู๊ เต๊เห่ เก่ ซิเถ่ ซี เฮ๊เนอ, เตเนแถ่ โต่เบ่ แลแค เน๊อ อา ซิเถ่ เหร่อโทเฮ๊อ แว เนอ นี๋.

Eastern Kayah Shadaw Dialect

¹⁸ “ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤊꤢꤩ꤬ ꤞꤤꤓꤢꤩ꤬ ꤞꤤ꤭ ꤟꤢꤩꤚꤣꤧ꤬ ꤒꤣꤧ꤬ꤔꤢꤩ꤬ꤓꤢꤧ꤬ ꤒ꤫ꤥ꤬ꤙꤢꤩ꤬ ꤜꤢ꤭ꤋꤢꤧ꤭ ꤔꤢꤧ ꤢ꤬ ꤞꤤꤓꤢꤩ꤬ ꤚ꤫ꤣꤧ꤬ꤓꤥ꤭ꤟꤣꤧ ꤠꤢꤧ꤭ ꤔꤣꤧ꤬ ꤔꤤ꤮꤯

ꤛꤥ꤭ꤟꤢ꤬ 15:18 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:13

ฮู๊เนอเรอ แว โป่แหว่ ครี๊พู๊ ซี๋, แกแย เด๊อ อา เม เตจ๊อเตเต โต่ เต๊เห่ เก่ ซิเถ่ ซี เฮ๊เรอ, คย๊ายื๊อ แลแค แต่เหม่ นี๋.

ꤛꤥ꤭ꤟꤢ꤬ 7:7

แกแย เห่ขุพู๊ เต๊เห่ ซิเถ่ แจ่ ซี โต่. หม่าแน๊เรอ อา ซิเถ่ แลแค แว, เมเตเฮ๊เรอ แว ย๋อ เฮ๊เถ่โล เหย่ซี เม เตมู๊แหม่ เต๊เห่ เน๋อ.

ꤛꤥ꤭ꤟꤢ꤬ 3:20

ล๋อ แกแย เด๊อ อา เม เตมู๊แหม่รีแจ่ เต๊เห่เนอ, อา ซิเถ่ เตลี เร๊อ อา แฮ เด๊อ เตลี อา โอ่ โต่, เมเตเฮ๊เรอ แกแย เด๊อ อา เม เตมู๊แหม่รีแจ่ เต๊เห่เนอ, อา ซิอิเช เร๊อ อา เตซื๊อเตโอ่หร่า เต๊เห่ โอ่โลแถ่ เร๊อ อา แฮโตโต่.

ꤜꤢꤨꤊꤢ꤬ 6:22

ซี ย๋อหยื่อเอ่ แกแยพู๊คู หม่าเฮ๊อ แวเออ อาขว่าอาคยา, เร๊อ อู ซิเถ่ ซี, อู เอ๊โมฉื่อ ซี โต่, อู เป๊อเจ่ออิแช๊ ซี เร๊อ อู เฮ๊ มู๊แหม่รีแจ่ ซี อาขว่าอาคยา, ซี เก่ พย๊าหนิ หม่าแหน่ เจ๊อเฮ๊อ เตเด๊อะบุ๊ยเด๊อะเตอเรอ เฮ๊อ.

มัทธิว 10:22

เด๊อ แวขว่าแวคยา เนอ, อู ปว๋า เตเพร เก่ ซิเถ่ ลอ ซี ปา. หม่าแน๊เรอ แกแย เด๊อ อา ก๊อถ่อแตแน โอ่กลอช๊อหม่า เด๊อ อา เตหยื่อเตแหน่ อากู โต่เด๊อ อาตื๊อดื่อ เต๊เห่เนอ, จอแปแหร่ เก่ เมแลเปล๊กา เหย่ซี ปา.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:1

เพ จอแปแหร่ โม เกอเร๊อ โท เจ๊อเฮ๊อ เป บ๋า เต เนอ, แม๊มอ แลแค, อา โม เกอเร๊อ เป เออเนอ, โต่ เจ๊อ เด๊อ อู เบ่ เอ๊ เจ๊อ เป เร๊อ จอแปแหร่ อาพู๊อาเลอ เต๊เห่ เจ๊อ. เป ทวา หม่าแหน่ แหน่ เฮ๊อ จอแปแหร่ อาพู๊อาเลอ เต๊เห่ เฮ๊อ. แกแย เห่ขุพู๊ เต๊เห่ ซิเง จอแปแหร่ โต่ อาขว่าอาคยา, อา ซิเง เป โต่.

มัทธิว 5:11

“เบ๊อะอู เป๊อเจ่ออิแช๊ ซี, อู เมจาเมจือ ซี, อู เกบูเกบย่า ซี เร๊อ อู เฮ๊ มู๊แหม่รีแจ่ ซี เด๊อ แวขว่าแวคยา เต๊เห่เนอ, ซี พย๊าหนิ เตเด๊อะบุ๊ยเด๊อะเตอเรอ.

ꤡꤛꤢꤩ꤭ꤗꤢ꤬ꤎꤣ꤬ 4:4

แกแย เด๊อ อา ซิปล่อก่า เด๊อ จอแปแหร่ อาขุ ซี๋, ซี แบ๊ซว๊า เน๊อ เห่ขุ อา เตมู๊แหม่รีแจ่ เต๊เห่ เนอหม่า ซี ทวาแถ่เฮ๊อ เพร เด๊อ อา ซิเถ่ จอแปแหร่ เต๊เห่เฮ๊อ เนอหม่า ซี ซิเง โต่ แอ? แกแย เด๊อ อา ซิหยื่อ ทวาแถ่ เห่ขุ อา เตมู๊แหม่รีแจ่ เออเต๊เห่ อา โคแบ๊ซว๊า เตเพรเพรเนอ อา เม ซิเถ่ซิฮา เฮ๊อ อาเหน่ เน๊อ จอแปแหร่ เฮ๊อ.

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3

แกแย เด๊อ อา โอ่ป่อแม๊ชือ แลแค เร๊อ อา เก่ ทวาแถ่ แซ่เน๊อ เหย่ซู่ครี๊ ปา เต๊เห่เนอ, ฮู๊ ครี๊ บูโพ๊เนอ, อา เก่ แด่บูโพ๊ เกอ อาเหน่ ฮู๊เนอ ปา.

มัทธิว 24:9

“โทเรอ อู เก่ปื่อ เก่จอ ลอ ซี ปา, อู เก่มือ เก่ปอ ลอ ซีปา, โท๊โต่ อูเก่ เมเซอ ซี ปา. เด๊อ ซี จ๊อ เร๊อแว อาขว่าอาคยา, เร๊อ แกแย ปว๋า เตเพร ซิโตโค ซี ปา.

ꤛꤥ꤭ꤟꤢ꤬ 16:1

“แซ่ฮู๊ ซี เก่ วี๊แก แต่ ซี เตหยื่อ เตแหน่ แต่เหม่ เนอ, แว แด๊โฉ่โล ลอเป่ โทเฮ๊อ ซี เตเออเต๊เห่ เฮ๊อ.

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”