ꤛꤥ꤭ꤟꤢ꤬ 14:6 - ลีเทส่อพ๊าอาเซ เร๊อ เห่ขุทวาลู๊

⁶ เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

Eastern Kayah Shadaw Dialect

⁶ ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤠꤢꤧ꤭ ꤗꤢ꤬ ꤊꤜꤢꤧ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤔꤢꤧ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤟꤣꤧ꤯ ꤠꤢꤧ꤭ ꤓꤝꤢ꤭ ꤕ꤫ꤢꤩ꤬ꤟꤣꤧ ꤢꤨ꤭ ꤊꤜꤢꤧꤡꤝꤢ ꤘꤣ ꤖꤢꤩ꤭ ꤢ꤬ ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤢ꤬ ꤊꤢꤩ꤬ ꤡꤝꤢ ꤘꤤ꤭ꤒ꤫ꤢꤦ꤬ ꤔꤢꤧ ꤠꤢꤧ꤭ ꤒꤥ꤬ ꤟꤢꤩꤔꤣꤧ꤬, ꤢ꤬ ꤡꤝꤢꤒ꤫ꤥ꤬ ꤡ꤫ꤢꤧ꤬ ꤘꤣ ꤖꤢꤩ꤭ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯

ꤛꤥ꤭ꤟꤢ꤬ 14:6 ပူးပေါင်းရင်းမြစ်များ

เพรโด่แนพู๊ เต๊เห่ 4:12

แกแย เด๊อ อา เมแลเปล๊ แจ่ เป หม่า ตือแพ๊ เหย่ซู่ เตเพร แพ๊. แกแย อาโร เด๊อ จอแปแหร่ เด๊อ เหย่ซี เร๊อ อา เก่ เมแลเปล๊กา เป อาเงเนอ, เด๊อ เห่ขุ เออต๊าบ่า ล๊อ เจ๊อ เนอ อา โอ่ เตเพร่ว โต่.”

ꤛꤥ꤭ꤟꤢ꤬ 10:9

แว หม่า กู่ดากู เฮ๊อ. ล๋อ แกแย เด๊อ อา แฮโน โตตื้อ เด๊อ แวโอ่ เด๊อ อา หม่าดื่อ กู่ดากู เออเต๊เห่ เนอ, อา เก่ พย๊าหนิ เตเมแลเปล๊แก ปา. อา เก่ เฮ๊เถ่ แฮโน เร๊อ อา เก่ แม๊เถอะ อา เหล่เอ่ เฉ่ขุปา ปา.

เอเฟซัส 2:18

เด๊อ ครี๊ เม เป่ โทเฮ๊อ เด๊อ เปเง เร๊อ แหย่โยบูโพ๊แบ่เจ่ เตเพร่ว แพ๊ เมจว่า เป แฮเง เป อาขว่าอาคยา, ล๋อ เป แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, เป แฮโนหนิ เฮ๊อ เด๊อ จอแปแหร่ อาเป๊เส่เง เฮ๊อ.

ꤛꤥ꤭ꤟꤢ꤬ 1:4

อา หม่า เตเซอเพร อา แก่ช๊าแก่แร เร๊อ เตเซอเพร เออเนอ อา เด๊อะ เตลี เด๊อ อู ปว๋า เตเพร อาเง.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

ꤛꤥ꤭ꤟꤢ꤬ 1:17

จอแปแหร่ เด๊อะตา เตซว๊าเตแส่ เร๊อ คูโมเสส เร๊อ คูโมเสส เด๊อะตา แฮเง เน๊อ เป, ตื๊อดื่อเร๊อ เหย่ซู่ครี๊ หม่า หม่าเฮ๊อ แกแย เด๊อ อา เด๊อะตา เป่ เป เตบุ๊ยเตเตอเรอ เร๊อ เตหมะเตจ๊อ.

ꤟꤤꤙꤚꤢꤨ 7:25

ฮู๊เนอเรอ แกแย เด๊อ อา แฮ เด๊อ จอแปแหร่ อา โอ่ เร๊อ อา แฮโน แฮเง เด๊อ เหย่ซู่ อา โอ่ เต๊เห่เนอ, เหย่ซู่ เก่ เมแลเปล๊กาเบ๊ เหย่ซี กู๊แหน่เออ ตาแฮเง ตูจูเพร เจ๊อ ปา, เมเตเฮ๊เรอ แซ่ฮู๊ อา เก่ โน กุยซิยอเบ๊ เป่ แกแย ฮู๊เนอ เต๊เห่ อาเง เด๊อ จอแปแหร่ อา โอ่ เนอ, อา เบ่ เซอเพร ตูจูเพร.

ꤛꤥ꤭ꤟꤢ꤬ 8:32

เร๊อ ซี เก่ ซิเง เตหม่า เตจ๊อปา. เร๊อ เตหม่า เตจ๊อ เก่ ปลวาเถ่ ซี ปา,” อา เฮ๊ เหย่ซี ฮู๊เนอ.

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.

ꤛꤥ꤭ꤟꤢ꤬ 5:21

ฮู๊ แวเพ เมเซอเพร กาคยา แกแย เด๊อ อา เซอ เร๊อ อา เด๊อ อู ซิปล่อเซอเพร เนอ, อาพู๊คูเออ อา เก่ เด๊อะเป่ เกออู ซิปล่อเซอเพร เด๊อ อา ซิปล่อโอ่ ซิหยื่อ เด๊อะ เป่ อู เนอเต๊เห่ ปา.

ยอห์น เนอบ่า ต๊าบ่า 1:9

แกแย เด๊อ อา โอ่หม่าโอ่กลอ เกออู เด๊อ ครี๊ อา เตอิซว๊าอี๊แส่ อากู โต่, เร๊อ อา ฉู่โนเล๊อ โป่ อา เตอิซว๊าอี๊แส่ เต๊เห่ เด๊อ ครี๊ อา เตอิซว๊าอี๊แส่ อากู เต๊เห่เนอ, จอแปแหร่ โอ่เกอ เร๊อ เหย่ซี โต่. แกแย เด๊อ อา โอ่หม่าโอ่กลอ เด๊อ ครี๊ อา เตอิซว๊าอี๊แส่ อากู เต๊เห่เนอ, เพเร๊อพู๊ ซิเนอลอ เก่ โอ่เกอ เร๊อ เหย่ซี แพ๊.

เตเด๊อะโลแถ่ 20:15

แกแย เตเพรเพร เด๊อ อู เก่ แม๊เถอะ อู ราโอ่ อามุย เด๊อ ลีเซอเพร เออต๊าบ่า อากู โต่ เฮ๊ เนอ, อู เบ่ วีตาแก อา เด๊อ หมิเผ่ เออเต๊เผ่ อากู.

ꤛꤥ꤭ꤟꤢ꤬ 15:1

“แว หม่า แท๊ทือเหมาะ เด๊อ อา หม่าแหน่ เออต๊อเหมาะ, แวเพ หม่า เกเร๊แบ่เจ่.

มัทธิว 11:27

เร๊อ จอแปแหร่ เหย่ซู่ เฮ๊ เหย่ซี เน๊อ, “แวเพ เด๊อะตาลอ เฮ๊อ แว เตปว๋า เต๊อะเจ่อ เฮ๊อ. แกแย ซิเง แว เตเพร๊โต่, ซิเงตื๊อแพ๊ แวเพ จอแปแหร่ เตเพรเพร แพ๊” เร๊อ แกแย เด๊อ อา ซิ เง เพ จอแปแหร่ เนอหม่า ตื๊อแพ๊ อา พู๊ เพรคู เน๊อ แกแย เด๊อพู๊ คู นว๊า แถ่ลู เด๊อ อา เก่ เด๊อะโล เป่ ลู เนอ เต๊เห่ แพ๊.

ꤛꤥ꤭ꤟꤢ꤬ 6:51

แว หม่า เหล่เอ่ เด๊อ อา เด๊อะอู ซิปล่อเซอเพร เร๊อ อา โอ่ เด๊อ ม๊อขุ ตาแล. อูเปเป๋ เบ่เบ่, อา เก่ เอ่ เหล่เอ่ เออเนอ, อา เก่ เซอเพร ตูจูเพร ปา. เหล่เอ่ เออเนอหมา หม่าเฮ๊อ แวหย่า เออเนอ เฮ๊อ. แซ่ฮู๊ แกแย เห่ขุพู๊ เก่ เซอเพร อาเงเนอ แว เด๊อะแลแก แว เหน่กล่อ เออ เด๊อ เหย่ซีเง เฮ๊อ.”

เตเด๊อะโลแถ่ 22:17

จอแปแหร่ อา แหย่โยบูโพ๊ เร๊อ เพรกาฉู่แด่ เพรเหมาะ เฮ๊ เน๊อ, “แฮเมอ แลแค.” ล๋อ แกแย เด๊อ อา หนิโฮ เต เออเต๊เห่เนอ, นอเฮ๊เกอ แลแค เหย่ซี เน๊อ, “แฮเมอ แลแค.” เร๊อ แกแย เด๊อ อา ซิโอเทอ เต๊เห่เนอ, แฮเมอ, แฮพย๊า โอ ครา แลแค เทอ เซอเพรเออ.

ꤛꤥ꤭ꤟꤢ꤬ 8:51

แว เฮ๊จ๊อจ๊อ ซี, แกแย เตเพรเพร เก่ อา จูเอ่ หนิดา แวโหง่ เฮ๊เนอ, อา เซอปา แตแค๋ โต่,” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:23

แกแย เด๊อ อา วี๊แก พู๊คู เออเนอหม่า หม่าเฮ๊อ อา วี๊แก เพ จอแปแหร่ เฮ๊อ. แกแย เด๊อ อา เอ๊โมฉื่อ พู๊ คู เออเนอหม่า หม่าเฮ๊อ อาเอ๊โมฉื่อ เพ จอแปแหร่ เฮ๊อ.

ꤛꤥ꤭ꤟꤢ꤬ 10:28

แว เด๊อะ เหย่ซี ซิปล่อเซอเพร ตูจูเพร. อา เก่ เซอ ปา โตโพ๋ โต่. อู แฮ จุ่ยเถ่ แจ่ ปา เหย่ซี เด๊อ แว กู๊ยากู เตเพร่ว โต่.

ꤛꤥ꤭ꤟꤢ꤬ 18:37

คุ๊ยปีลาต เฮ๊ ลู เน๊อ, “เก่ เฮ๊ฮู๊เนอ เฮ๊เรอ เน ทวา คุ๊ย เตเพร เฮ๊อ เนอ?” อา แด๊เฮอ ลู ฮู๊เนอ. แบ่เจ่ เหย่ซู่ เฮ๊ฉื่อ ลู เน๊อ, “แว หม่า คุ๊ย เตเพร หม่าแหน่ ฮู๊ เน เฮ๊ เนอเฮ๊อ. แซ่ฮู๊ แว เก่ เฮ๊โฉ่เป่ อู เร๊อ เตหมะเตจ๊อ เนอเรอ, แว แฮ อากาโอ่พู๊เจแล เด๊อ เห่ขุเออ เฮ๊อ. ล๊อ แกแย โอ่เกอ เด๊อ เตหมะเตจ๊อ ตากยา เต๊เห่เนอ อา เก่ หนิดา แวโหง่ ปา” อา เฮ๊ ฮู๊เนอ.

ꤛꤥ꤭ꤟꤢ꤬ 6:33

เมเตเฮ๊เรอ จอแปแหร่ อาเหล่เอ่ หม่าแหน่ หม่า อา โอ่ เด๊อ ม๊อขุ ตาแล เร๊อ อา เด๊อะเป่ แกแย เห่ขุพู๊ ซิปล่อเซอเพร เนอเตเพร เฮ๊อ,” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 14:19

เตอเปลอฮู๊ อากูเนอ, แกแย เห่ขุพู๊ เต๊เห่ แม๊เถอะ ปา แว โต่. หม่าแน๊เรอ ซีเนอ, ซี เก่ แม๊เถอะ แว ปา. แว เซอเพร อาขว่าอาคยาเร๊อ ซี เก่ เซอเพร เกอ ปาปา.

ꤛꤥ꤭ꤟꤢ꤬ 6:57

ฮู๊ แวเพ เด๊อ อา นอแฮ แวเออ เตเพร เซอเพร เนอ, เด๊อ อาขว่าอาคยา, เร๊อ แว เซอเพร เกอ. ฮู๊เนอเร๊อ แกแย เด๊อ อา เอ่ แวหย่า เตเพรเพร เนอ, เด๊อ แวขว่าแวคยา, เร๊อ อา เก่ เซอเพร เกอ ปา.

เปโตร อาเหร่อเล๊อ ต๊าบ่า 2:4

แฮ แลแค เด๊อ แบ่เจ่ โอ่เออ, อา หม่า อาแซ่เน๊อ หล่อเซอเพร เตเม เด๊อ อู เตเน ลู เร๊อ อางูอาพรี โอ่โต่. เร๊อ อู วีแก แก ลู หม่าแน๊เรอ จอแปแหร่ นว๊าพย๊าแถ่ คยาแซ๊ ลู เร๊อ อางูดุงูชอ แหน่เจ๊อ เด๊อ ลูเง.

ꤛꤥ꤭ꤟꤢ꤬ 10:7

ฮู๊เนอ อาขว่าอาคยา, เหย่ซู่ เฮ๊ คยาแซ๊ เน๊อ, “แว เฮ๊จ๊อจ๊อ ซี, แว หม่า ซิหมิโป อา กู่ดากู เฮ๊อ.

ꤚꤥꤗꤢꤩ꤬ 5:2

เด๊อ เป หยื่อเอ่ แบ่เจ่ เหย่ซู่ครี๊ อาขว่าอาคยาเร๊อ, อา นอ โอ่เซอเพร เฮ๊อ เป เด๊อ จอแปแหร่ อาบุ๊ยอาเตอเรอ อากู เฮ๊อ. กู๊แหน่เออ เป โอ่เซอเพร เกอเฮ๊อ เด๊อ อาบุ๊ยอาเตอเรอ อากู เฮ๊อ. เร๊อ เป ซิครือ แม๊ชือแม๊ตู่ เกอ เฮ๊อ จอแปแหร่ อา เตอเรอดุเตอเรอทู เออเนอ เฮ๊อ.

โคโลสี 3:4

ครี๊ หม่า เพร เด๊อ อา เด๊อ ซี ซิปล่อเซอเพร เตเพร เร๊อ ช๋า อา ตาแล คยาแซ๊ ปา เนอ, อา เก่ โอ่ เน๊อ อา เตอเรอดุเตอเรอทู ปา. เบ๊อะเนอ อาเค ปาเนอ, ซี เก่ โอ่โลแถ่ เต่อเกอ เน๊อ อา เตอเรอดุเตอเรอทู เออเนอ ปา.

โครินธ์ อาเหร่อเล๊อ ต๊าบ่า 15:45

“แกแยเห่ขุพู๊ อาเหร่อเล๊อ เตเพร เด๊อ อู เอ๊ ลู เร๊อ เพอาดัม เออเนอ จอแปแหร่ เด๊อ ลู ซิปล่อเซอเพร,” ลีเทส่อพ๊ากู เฮ๊ฮู๊เนอ. หม่าแน๊เรอ เหย่ซู่ครี๊ เด๊อ อู เอ๊ ลู เร๊อ เพอาดัม เด๊อ คยาเล๊อ เออเตเพรเนอ, อา เด๊อะตา แฮเง เฮ๊อ แกแยเห่ขุพู๊ เต๊เห่ อา เตโอ่เซอเพร อาเซ เร๊อ แหย่โยบูโพ๊ แบ่เจ่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:8

เก่ เป เฮ๊ เน๊อ เป เมน๊อ เตซื๊อเตปล๊า โตโพ๋ โต่ เฮ๊เนอหม่า หม่าเฮ๊อ เป แลโฮแลแห่ เร๊อดื่อ เปเหน่, เร๊อ เตหมะเตจ๊อ โอ่ เด๊อ เปกู เตอเจ๋อ โต่.

ꤛꤥ꤭ꤟꤢ꤬ 6:68

คูซีโมน เปโตร เฮ๊ กาคยาฉื่อ ลู เน๊อ, “แบ่เจ่, เป เตเร จว๊าโต เกอ อูเป? เตอิซว๊าอี๊แส่ เด๊อ อา เด๊อะ เป ซิปล่อเซอเพร ตูจูเพร เนอ อา โอ่ แพ๊ดื่อ เด๊อ เนโอ่ แพ๊.

ꤚꤥꤗꤢꤩ꤬ 5:21

เมฮู๊เนอเรอ, ฮู๊ เตซื๊อเตปล๊า เพรเป๊อตี๊หรี่ ลอ แกแย ล๋อ ปลี เร๊อ อา นอโอ่ทวาแถ่ เฮ๊อ เตเซอ ฮู๊เนอ, กู๊แหน่เออ แซ่ฮู๊ เป เก่ พย๊าหนิ แฮเง เกอ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อา โอ่ เนอ, จอแปแหร่ อาบุ๊ยอาเตอเรอ เป๊อตี๊หรี่ เกอ เร๊อ เกอ เฮ๊อ เป เร๊อ เตจ๊อเตเต เฮ๊อ.

เตเด๊อะโลแถ่ 1:5

ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.

เปโตร อาเหร่อเล๊อ ต๊าบ่า 1:21

เด๊อ ครี๊ อาขว่าอาคยา, ซี หยื่อเอ่แหน่ จอแปแหร่ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เร๊อ อา แด่ดุแด่แถ่โล เล๊อ เฮ๊อ ลู เออเตเพร เฮ๊อ. ฮู๊เนอเร๊อ ซี เตหยื่อ เร๊อ ซี เตแม๊ชือ เออเนอ, อา โอ่ เฮ๊อ เด๊อ จอแปแหร่ อาลูเฮ๊อ.

เตเด๊อะโลแถ่ 19:11

เบ๊อะเนออาเค แว แม๊เถอะ ม๊อขุ ลูโมโอ่ โทเฮ๊อ เร๊อ ตีซิเพบู ก๊อถ่อโอ่ เบ๊อะเนอ โตโด. แกแย แถ่แด๊ ตีซิ เออเตเพรเนอ อู เอ๊ ลูมูย เน๊อ, “จ๊อ เร๊อ โหง่” เร๊อ “เมเต โต.” แกแย เออเตเพรเนอ, เบ๊อะอา เมจากาคยา อู เบ๊อะเนอ, อา เมจากาคยา โต แพ๊ เร๊อ อา ช๊าฉื่อ เร๊อ เพร เด๊อ อา ซิเถ่ ลู เต๊เห่.

โคโลสี 2:9

เมเตเฮ๊เรอ เหย่ซู่ครี๊ แฮ กลว่าแถ่ อาเหน่กล่อ ฮู๊ แกแย เนอ ตื๊อดื่อเรอ, อา เล๊อบา ลอ เจ๊อ เน๊อ จอแปแหร่ อาเหล่โกล เต๊เห่ ล๋อ ปลี เจ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:6

เหย่ซู่ครี๊ แฮแล เด๊อ เห่ขุเออ เร๊อ อา แฮเจ อาเหน่ เร๊อ เทอ, อา แฮ ข่าเซอ อาเหน่ เร๊อ อาสุ่ย เบ่ทุ๊ยแล. อา แฮ ตื๊อแพ๊ เร๊อ เทอ เต๊อเจ่อ หม่าโต่. อา แฮ ลอ เจ๊อ เทอ เร๊อ สุ่ย เนอเจ่อ ลอ เจ๊อ. แหย่โยบูโพ๊ แบ่เจ่ เร๊อดื่อ ข่าเฮ๊อ อาซิปล่อ เร๊อ เออเนอหมา อา โตเฮ๊อ, เมเตเฮ๊เรอ แหย่โยบูโพ๊ แบ่เจ่ หม่า อาจ๊ออาเต.

เตเด๊อะโลแถ่ 3:14

“ราจว๊า ลีเออ เด๊อ วีเลาดีเซีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ อู เอ๊ เน๊อ, ‘อาเมน’ เออเนอ เตเพร อาโอ่. อา หม่า เพร เด๊อ อาซิปล่อจ๊อ เร๊อ อาข่าเฮ๊โล จ๊อจ๊อเตเต เออเตเพร อาโอ่. จอแปแหร่ นอแบ๊ตา แฮเง ลอ เตล๋อ ปลี เออเนอ เร๊อ อา แพ๊.

โคโลสี 2:17

เมเตเฮ๊เรอ, มู๋ หนู่เคเนอ, จอแปแหร่ เด๊อะตา เตซว๊าเตแส่, เมป่วยเมลา เออเต๊เห่ เร๊อ ล๋อ เต เออเต๊เห่ เนอหม่า, อาแซ่เน๊อ เตแหย่โยเออ เด๊อ อา เด๊อะโล เน๊อ เต เตเร ทวาแถ่ เด๊อ เง ฮู๊เต ปา เนอแพ๊. อาเหน่แบ่เจ่ หม่าแหน่ แหน่ หม่า ครี๊ แพ๊.

เตเด๊อะโลแถ่ 3:7

“ราจว๊า ลีเออ เด๊อ วีฟีลาเดลเฟีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อาบูโพ๊ อาจ๊ออาเต เออเตเพร อาโอ่. อา ปื่อหม่าโอ่ หนิ คุ๊ยดาวิด อาชอถิ. เบ๊อะอา บ๊าโม กู่ดา เบ๊อะเนอ, อู เมบี๊แจ่ เตเพร่ว โต่. เร๊อ เบ๊อะอา เมบี๊ เบ๊อะเนอ, อู บ๊าโมแจ่ เตเพร่ว โต่.

เพรโด่แนพู๊ เต๊เห่ 3:15

ซี เมเซอแกเฮ๊อ แกแย เด๊อ อา เด๊อ อู ซิปล่อเซอเพร เออเนอ เตเพร เฮ๊อ, หม่าแน๊เรอ จอแปแหร่ เมเซอเพร กาคยา คยาแซ๊ อา เด๊อ เตเซอ เฮ๊อ. เร๊อ เตทวาแถ่ อาเหน่ ฮู๊เออ เนอหม่า เป แม๊เถอะ เจ๊อ เฮ๊อ เน๊อ เปเหน่ เฮ๊อ.

เตเด๊อะโลแถ่ 22:1

เตเน่วพู๊ เออเตเพร ยูโล เป่ แว เทอเซอเพร อาเทอแล เด๊อ อา เช๊อเกอเล๊อ แม๊เถอะ โน ล๊อปลู๊ แซ่เจ๊อเร๊อ หล่อซู๊บู แปล๊ลีชี๊ เนอแตแล เร๊อ อา โอ่ เด๊อ จอแปแหร่ เน๊อ อาซิหมิพู๊ อาคุ๊ยจ๊อแผ่ กู่แกล๊เท แถ่โลโอ่เนอ เร๊อ อา ทุ๊ยเถ่.

ꤟꤤꤙꤚꤢꤨ 9:8

เด๊อ เตเออ อาขว่าอาคยา, แหย่โยบูโพ๊ แบ่เจ่ เด๊อะโล เป่ เป เน๊อ, เก่ อู นอเอ่ ตื๊อดื่อปา เหล่สื่อดุ อาเลอ เออเตเม เฮ๊เรอ แกล๊เหล่โน เด๊อ เหล่สื่อ หม่าแหน่ เออเตเม อากูเนอ, อา ลูโมล๋ายโต่.

ꤚꤥꤗꤢꤩ꤬ 15:16

จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.

เพรโด่แนพู๊ เต๊เห่ 9:2

เร๊อ อา จว๊ากูยซิยอ ลู เร๊อ อา เก่ ราจว๊าหนิ ลี ข่าเฮ๊โล เต๊เห่ เร๊อ อา เก่ ราจว๊า เป่ยูดาห์เต่จ๊อเบโฮ เด๊อ อา โอ่ เด๊อ วีดามัสกัส อากู เนอเต๊เห่ อาโอ่. ลี ข่าเฮ๊โล เออ เต๊เห่ เนอ, อา เฮ๊ จว๊า เหย่ซี เร๊อ เพรเหมาะ เบ่เบ่, เพรคู เบ่เบ่, อูเปเป๋ เบ่เบ่, เบ๊อะคูเซาโล แม๊เถอะ เร๊อ เหย่ซี ครวาเมเกอ แบ่เจ่ เหย่ซู่ อาแกล๊ เต๊เห่ เฮ๊เนอ, อา เก่ ปื่อ เหย่ซี ปา เร๊อ อา เก่ ซูกาแก เหย่ซี เด๊อ วีเยรูซาเล็ม ปา, อา ราจว๊า ฮู๊เนอ.