ꤛꤥ꤭ꤟꤢ꤬ 14:30 - ลีเทส่อพ๊าอาเซ เร๊อ เห่ขุทวาลู๊

³⁰ แว เก่ เฮ๊เบ่ งยางยาเร๊อ ซี เนอหม่า เบ๊อะโอ่ เอ๊ ปาโต่เฮ๊อ. โลเน๊มู๊แหม่ กู่กล๊อ เด๊อ อา เป๊อ เห่ขุ เออเนอโตโดเนอ, อา เตเร แฮเฮ๊อ อา เตเตอเรอฉว่าชอ เออเนอ, อา เมเป่ เร๊อ แว โต่.

Eastern Kayah Shadaw Dialect

³⁰ ꤠꤢꤧ꤭ ꤊ꤫ꤢꤦ꤬ ꤟꤢꤩꤙꤢꤩ꤬ ꤑꤢ꤭ꤑꤢ꤭ ꤔꤢꤧ ꤞꤤ꤭ ꤔꤣꤧ꤬ꤗꤢ꤬ ꤢ꤬ꤏꤣꤧꤢ꤬ꤋꤢꤩ꤭ ꤥ꤬ ꤢꤩ ꤕꤢ꤬ꤒꤥ꤬ꤟꤣꤧ꤯ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤎꤢꤩ꤬ꤓꤣ꤬ ꤘꤣ ꤢ꤬ ꤕꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤘꤥ꤭ꤔꤣꤧ꤬, ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤟꤣꤧ꤯ ꤢ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤣꤧ꤭ꤔꤣꤧ꤬, ꤢ꤬ ꤗꤢꤩ꤬ꤕ꤫ꤢꤩ꤬ ꤔꤢꤧ ꤠꤢꤧ꤭ ꤒꤥ꤬꤯

ꤛꤥ꤭ꤟꤢ꤬ 14:30 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:19

เป ซิเง เร๊อ เป เออเต๊เห่ เนอหม่า จอแปแหร่ อาพู๊อาเลอ เต๊เห่ หม่าแน๊เรอ ล๋อ แกแย เด๊อ อาโร เต๊เห่ เนอหม่า อา โอ่ แลแค เด๊อ โลเน๊มู๊แหม่รีแจ่ กู่กล๊อ เด๊อ อา เม เตมู๊แหม่ เออโตโด อา เตเป๊อตี๊หรี่ อาเล.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:4

หม่าแน๊เรอ พู๊เลอ ซี๋, ซี หม่า จอแปแหร่ อาแกแย เต๊เห่ เร๊อ ซี เมเป่แก เฮ๊อ เพรโพร อาก่าอาแปล เต๊เห่ เฮ๊อ, เมเตเฮ๊เรอ จอแปแหร่โอ่ เด๊อ ซีเหน่กู เออเตเพรเนอ อาดุ เล๊อ เจ๊อ เร๊อ โลเน๊มู๊แหม่รีแจ่ กู่กล๊อ เด๊อ อา โอ่เต่อเกอ เร๊อ แกแยเห่ขุพู๊ เด๊อ อา เม เตจ๊อเตเต โต่ เนอเต๊เห่ อากู เออโตโด เนอ เจ๊อ.

เตเด๊อะโลแถ่ 12:9

แปล่ดุ มู๊หนู่มู๊ส่าเค โตโบ เด๊อ อู เอ๊ ลูมูย เร๊อ โลเน๊มู๊แหม่รีแจ่ กู่กล๊อ หม่าโต่เรอ ลูซีเฟอร เด๊อ อา จว๊า อิลออี๊โหล่ ลอ อู เห่ขุต๊าบ่า เออโตโบ เนอ, อู วีตาแก ลอ อา เร๊อ อา เตเน่วพู๊ เต๊เห่ เด๊อ เห่ขุ.

ꤛꤥ꤭ꤟꤢ꤬ 12:31

“กู๊แหน่เรอ เบ๊อะแฮโต่เฮ๊อ เด๊อ อู เก่ เมจากาคยา แกแย เห่ขุพู๊ เฮ๊อ. กู๊แหน่เรอ เบ๊อะแฮโต่เฮ๊อ เด๊อ อู เก่ เหว่เถ่แก โลเน๊มู๊แหม่รีแจ่ กู่กล๊อ ซาตาน เด๊อ อา เป๊อ แกแย เด๊อ อา หยื่อเอ่โต่ เต๊เห่ เออเนอ โตโด เฮ๊อ.

เอเฟซัส 6:12

เมเตเฮ๊เรอ, เป ช๊าฉื่อ เร๊อ แกแย เด๊อ อาโอ่ เร๊อ อาพ๊าอาหย่า อาสุ่ยอาเทอ เต๊เห่เนอ หม่าโต่. เป ช๊าฉื่อ เร๊อ โลเน๊โลหน่า เด๊อ อา เป๊อเต เต๊เห่, เร๊อ โลเน๊ เด๊อ อาโอ่ เร๊อ อา เตอเรอฉว่าชอ เต๊เห่ เร๊อ โลเน๊ ฉว่าชอ เด๊อ อา เป๊อ เห่ขุ อา คี๊เล เนอเต๊เห่, เร๊อ โลเน๊ มู๊แหม่ เด๊อ อา โอ่ เด๊อ ม๊อเล เนอเต๊เห่.

เปโตร อาเหร่อเล๊อ ต๊าบ่า 2:22

“อา เม เตซื๊อ เตอเจ๋อ โต่. อู หนิโฮน๊อ เร๊อ อา เฮ๊เบ่ แลโฮ เตเพร่ว โต่.”

เอเฟซัส 2:2

เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่.

โครินธ์ เนอบ่า ต๊าบ่า 4:4

โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.

ꤟꤤꤙꤚꤢꤨ 4:15

เป เพรหลู่แต กู่กล๊อดุเล๊อ เออเตเพรเนอ, อา ซิเง เป เตอ๊าเจ่เหร่เจ่ เต๊เห่ เร๊อ อา ซิยอ เกอเร๊อ เป. เมเตเฮ๊เรอ อา แม๊เถอะ ป่อชิเต่อเบ่ น๊อเฮ๊อ เน๊อ เตอิลออี๊โหล่ ปว๋า เต๊อเจ่อ ฮู๊ เป แม๊เถอะ ป่อชิเต่อเบ่ เออเนอ หม่าแน๊เรอ อา เมซื๊อเกอ เต โต่.

ꤜꤢꤨꤊꤢ꤬ 22:53

แว โอ่เกอ เร๊อ ซี เด๊อเตหลู่แตโฮกู เนอ ปว๊า เตอเนอ เจ๊อ เร๊อ ซี ปื่อ แว โต่โต่, หม่าแน๊เรอ เบ๊อะโลเน๊ กู่กล๊อ อา เตอเรอฉว่าชอ เป๊อเต อาเคเออ, เบ๊อะเบ่เฮ๊อ เด๊อ ซี เบ่ เมแหน่ เฮ๊อ ฮู๊เออ เฮ๊อ.”

โคโลสี 1:13

อา เมแลเปล๊กา เป เด๊อ โลเน๊มู๊แหม่ กู่กล๊อ อา เตฉว่าเตชอ เด๊อ อา เป๊อหนิ เตคี๊ ลอ เออโตโด อาเล เร๊อ อา ซูโน เป เด๊อ อาพู๊คู เด๊อ อา โม หนิเกอเร๊อ เออเตเพรเออ อาเทอเก่กู เฮ๊อ.

ꤟꤤꤙꤚꤢꤨ 7:26

ฮู๊เนอเรอ, เหย่ซู่ หม่า เพรหลู่แต กู่กล๊อดุเล๊อ เตเพร เด๊อ อา เมเล๊อบา เป่ ลอ ล๋อ เป เตโหล่ เต๊เห่. อา หม่า อา บูโพ๊, อาเตซื๊อ โอ่โต่, อาซิปล่อ อาโพ๊อาแปละ. จอแปแหร่ แด่โอ่ข่อ ตาพา โค๊ดื่อ ลู เร๊อ เพรเมเตซื๊อ เต๊เห่, เร๊อ อา เด๊อะโอ่เฮ๊อ ลู เด๊อ เหล่โอ่ แถ่โลเล๊ออู โต๊โผ่ เฮ๊อ.

โครินธ์ เนอบ่า ต๊าบ่า 5:21

ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.

เพรโด่แนพู๊ เต๊เห่ 1:3

อา ข่าเซอโทเฮ๊อ อาเหน่ เร๊อ อา ก๊อถ่อเซอเพร กาคยา เด๊อ เตเซอ โทเร๊อ เด๊อคยา อาเนอ ลุยเชอ อากูเนอ, อา เด๊อะโล เอ๊เป่ลา อาเหน่ เร๊อ อา โคเจ่ เต๊เห่. โทเร๊อ อา แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก. อา โคเจ่ เต๊เห่ แม๊เถอะ อา เร๊อ อาซิปล่อ หร่าเหร่ ปา แลแค โต่. เหย่ซี หยื่อเอ่ แหน่แหน่ เจ๊อ เน๊อ อา เซอเพร หม่าแหน่ เจ๊อ.

ꤜꤢꤨꤊꤢ꤬ 1:35

เร๊อ เตเน่วม๊อขุ เฮ๊ฉื่อ อา เน๊อ, “แหย่โยบูโพ๊แบ่เจ่ เก่ แฮแล ดื่อ เด๊อ เนลู ปา. เร๊อ เตดุเตทู ตื๊อดื่อ จอแปแหร่ อา เตโพรเตเตอเรอ เก่โอ่เกอดื่อเนปา. เร๊อ เป๊เจ่พู๊เด๊ออาเกเรโอ่ เป๊เจ่ ปา เออเตเพรเนอ อาโพ๊แปละบูโพ๊ปา. เร๊อ อู เก่ เอ๊ ลู เร๊อ จอแปแหร่ อาพู๊คู ปา.

เปโตร อาเหร่อเล๊อ ต๊าบ่า 1:19

เด๊อ ครี๊ พรีกา เฮ๊อ ซี เร๊อ อาสุ่ย เด๊อ อางูดุงูชอ เออ อาขว่าอาคยา, ซี หนิ เฮ๊อ เตปาลา เฮ๊อ. ครี๊ หม่า อาแซ่เน๊อ ซิหมิพู๊ เด๊อ อู แม๊เถอะ อา เตมู๊แหม่ โอ่ เตอเจ๋อ โต่ โตโด เตเพร เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:18

เป ซิเง เร๊อ จอแปแหร่ อาพู๊อาเลอ เต๊เห่ เนอหม่า, อา เม แฮเงลา ปา เตซื๊อเตปล๊า แตแค๋โต่. เมเตเฮ๊เร๊อ จอแปแหร่ อาพู๊คู เหย่ซู่ เออเนอ อา ตอกอเตเก ตาตือ เกอ เร๊อ เหย่ซี เร๊อ โลเน๊มู๊แหม่รีแจ่ กู่กล๊อ เด๊อ อา เม เตมู๊แหม่ เออเนอโตโดเนอ อา เมเบ่เชแจ่ เหย่ซี โต่.