Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ꤛꤥ꤭ꤟꤢ꤬ 14:26 - ลีเทส่อพ๊าอาเซ เร๊อ เห่ขุทวาลู๊

26 หม่าแน๊เรอ, เพ เก่ นอแฮ เป่ ซี เพรเมจว่า ซี แหย่โยบูโพ๊แบ่เจ่ เร๊อ แวมุย ปา. อา เก่ อิซว๊าอี๊แส่ เป่ ซี เตล๋อ ปลี ปา, โท๊โต่ ล๋อ เต เด๊อ แว เฮ๊โทเฮ๊อ ซี เต๊เห่เนอ, อา เก่ เด๊อซิเง กาคยา คยาแซ๊ ซี ปา.

အခန်းကိုကြည့်ပါ။ ကော်ပီ

Eastern Kayah Shadaw Dialect

26 ꤗꤢ꤬ꤔꤢꤧꤚꤣꤧ꤬, ꤖꤢꤩ꤭ ꤊ꤫ꤢꤦ꤬ ꤔꤢꤪ꤭ꤟꤢꤧ꤭ ꤕ꤫ꤢꤩ꤬ ꤞꤤ꤭ ꤖꤚꤢꤩ꤬ꤗꤢꤩ꤬ꤡꤝ꤫ꤢ꤬ ꤞꤤ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤢꤧ ꤠꤢꤧ꤭ꤗꤝꤤ꤭ ꤕꤢ꤭꤯ ꤢ꤬ ꤊ꤫ꤢꤦ꤬ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤕꤢ꤭, ꤓꤥ꤭ꤒꤥ꤬ ꤜꤢꤪ꤭ ꤒꤢꤩ꤬ ꤘꤣ ꤠꤢꤧ꤭ ꤟꤢꤩꤓꤥ꤭ꤟꤣꤧ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧꤞꤤꤔ꤫ꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤞꤤ꤭ ꤕꤢ꤭꤯

အခန်းကိုကြည့်ပါ။ ကော်ပီ




ꤛꤥ꤭ꤟꤢ꤬ 14:26
75 ပူးပေါင်းရင်းမြစ်များ  

“แว เก่ นอแฮ เพรเมจว่าเต เด๊อ อา โอ่ เด๊อ เพโอ่ เออเนอ เตเพร เด๊อ ซี โอ่ ปา. อา หม่า เตหม่าเต่จ๊อ อา แหย่โยบูโพ๊แบ่เจ่ เด๊อ อา โอ่ เด๊อ เพ อา โอ่ แฮ. ช๋า อา แฮโต่ ปาเนอ, อา เก่ แด๊โฉ่โล เป่ ซี เร๊อ แวหรี่แวแก ปา.


แว เก่ กุยแถ่ เพ เด๊อ อา เก่ ซูตา เป่ ซี เพรเมจว่า ซี เตเพร เด๊อ แว เหล่โอ่ เออเนอ ปา. เร๊อ อา เก่ โอ่เกอ เร๊อ ซี ตูจูเพร ปา.


ซีเง เกอลาติ เร๊อ, ครี๊ เด๊อะแล โทเฮ๊อ อา แหย่โยบูโพ๊ เด๊อ ซีโหล่ เฮ๊อ, เร๊อ อา แหย่โยบูโพ๊ โอ่หม่าโอ่กลอ เด๊อ ซีกู อาขว่าอาคยา, อู โหล่ อิซว๊า ปา ซี เตเพร่ว โต่, เมเตเฮ๊เรอ อา แหย่โยบูโพ๊ อิซว๊า เฮ๊อ ซี เตปว๋า เต๊อเจ่อเฮ๊อ. โท๊โต่ อา อิซว๊า ซี เออเนอหม่า, เตหมะเตจ๊อ, เตแลโฮแลแห่ หม่าโต่. ฮู๊เนอเร๊อ โอ่หม่าโอ่กลอ แลแค เด๊อ ครี๊ อากู ฮู๊ อา แหย่โยบูโพ๊ อิซว๊า โทเฮ๊อ ซี เนอ นี๋.


เก่ เฮ๊ ลอล๋อ โหง่ หม่า, แว จว๊าแก ซีเหล่ หม่า อาแร๊ เล๊อ เจ๊อ เด๊อ ซีเงเจ๊อ, เมเตเฮ๊เรอ แว เก่ จว๊า โต่ เฮ๊เนอ, เพรเมจว่า หม่าเฮ๊อ แหย่โยบูโพ๊แบ่เจ่ เออเตเพร แฮ เด๊อ ซีโอ่ โต่. หม่าแน๊เรอ แว เก่ จว๊า เฮ๊เนอ, แว เก่ นอแฮแล ลาติ ลู เด๊อ ซีโอ่ ปา.


หม่าแน๊เรอ เหย่ซู่ครี๊ เด๊อะแล แหย่โยบูโพ๊ แบ่เจ่ เด๊อ ซีโหล่ อาขว่าอาคยา, ล๋อ ซี เออเต๊เห่ เนอหม่า ซีซิเงเฮ๊อ เตหมะเตจ๊อ เฮ๊อ.


ซี เหน่กล่อ เออเนอหมา แหย่โยบูโพ๊ แบ่เจ่ เด๊อ จอแปแหร่ เด๊อะแล เป่ ซี เออเตเพร อาเหล่โอ่ อา เตหลู่เเตโฮ เนอหม่า ซี ซิเง โต่ แอ? เมเตเฮ๊เรอ จอแปแหร่ พรี งูดุ โทเฮ๊อ ซี อาขว่าอาคยา, ซี เหน่กล่อ เออเนอ ซี เตเร๊อดื่อ หม่า ปา โต่ เฮ๊อ. อา ทวาแถ่ เฮ๊อ จอแปแหร่ อาเต เฮ๊อ. ฮู๊เนอเรอ นอเอ่ แลแค ซี เหน่กล่อ เออเนอ เด๊อ จอแปแหร่ อาลีอาเตเค อาเงเนอ นี๋.


จอแปแหร่ แด่ดุแด่ทู เหย่ซู่ เร๊อ อา แด่โอ่ ลู เด๊อ อากู๊ขุ จ๊อทว๊า ตากยา, เร๊อ ฮู๊ อาเพ จอแปแหร่ อ๊อแล โทเฮ๊อ เน๊อ อา เก่ เด๊อะ ลู แหย่โยบูโพ๊ เนอ อา เด๊อะเฮ๊อ ลู เฮ๊อ. เร๊อ เหย่ซู่ กลอตาแล๊ตา เฮ๊อ เต เด๊อ เน แม๊เถอะ หนิโฮเฮ๊อ กู๊แหน่เออ เนอเต๊เห่ เฮ๊อ.


แว กุยจ๊อเบ ตื๊อดื่อปา เด๊อ เป แบ่เจ่ เหย่ซู่ครี๊ อา จอแปแหร่, หม่าเฮ๊อ เปเพ เด๊อ อาเตอเรอดุอาเตอเรอทู อาโพร อาเตอเรอ เออเตเพร อา โอ่. เร๊อ แซ่ฮู๊ ซี เก่ ซิเงแฮ ตาเต แร๊เล๊อโป่ จอแปแหร่ อาเงเนอ, แว กุยจ๊อเบ เร๊อ จอแปแหร่ อา แหย่โยบูโพ๊ เก่ เด๊อะ ซี เตลีแมลีเพ๊, เร๊อ อา เก่ เด๊อะโล เป่ ซี เร๊อ จอแปแหร่ ปา.


เบ๊อะซี หยื่อเอ่หนิ เฮ๊อ จอแปแหร่ เด๊อ อา เมจว่า ซี เออ เบ๊อะเนอ, อา หม่า จอแปแหร่ เตเพร เด๊อ เป เหล่แม๊ชือ อา แก่ช๊าแก่แร อาขว่าอาคยา, อา เก่ เมเล๊อบา เป่ดื่อ ซี เตซิครือซิลอ เน๊อ ซี ซิปล่อ อา เตตู๊จุเตอเจ๊อ นี๋. โท๊โต่ แซ่ฮู๊ ซี เตแม๊ชือ เก่ ฉว่าแถ่ชอแถ่ แฮเง เกอโป่ เด๊อ เง เร๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยา แพ๊ เนอเรอ แว กุยจ๊อเบ เป่ เด๊อ ซีเง.


เหย่ซี เล๊อบา ล๊อปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี เฮ๊เบ่เถ่ ลอ เน๊อ โหง่โค๊ตีกลี๊ ฮู๊ แหย่โยบูโพ๊แบ่เจ่ นอเฮ๊เบ่ เหย่ซี เนอเต๊เห่.


ฮู๊เนอ อาขว่าอาคยา, เบ๊อะเหย่ซู่ เซอเพร กาคยา คยาแซ๊ เด๊อ เตเซอ เบ๊อะเนอ, อา โคเจ่ เต๊เห่ เตเนแถ่ โต่เบ่ คยาแซ๊ เด๊อ อา เฮ๊เบ่แก อาโหง่ เออเนอ เร๊อ เหย่ซี หยื่อเอ่ ลีเทส่อพ๊า เร๊อ อา เฮ๊หนื่ออื่อแก อาโหง่ เนอเต๊เห่.


เบ๊อะเหย่ซี จ๊อบู่จ๊อเบแถ่ แบ่เจ่ เร๊อ โด่เอ่ เหล่เอ่เหล่โอ เบ๊อะเนอ, แหย่โยบูโพ๊แบ่เจ่ เฮ๊ เหย่ซี เน๊อ, “นว๊าเถ่ โค๊แก เป่ แว คูบารนาบัส เร๊อ คูเซาโล เนอ. เมเตเฮ๊เร๊อ แว นว๊าแถ่หนื่ออื่อ โท. เฮ๊อ เหย่ซี เด๊อ อา เก่ เบ่ เม แว เตแร.”


เร๊อ จอแปแหร่ เด๊อะโล เป่ เพรโพร เออเต๊เห่ เร๊อ เหย่ซี เมเต เออเต๊เห่ เนอหม่า เหย่ซีเง เร๊อดื่อ หม่าโต่. เฮ๊ตาเต้าเจ๊อหม่า ซีเง แพ๊. กู๊แหน่เออ เต เออเต๊เห่เนอ อา เฮ๊ เป่ ซี เร๊อ ซี หนิโฮ เฮ๊อ. เด๊อ จอแปแหร่ นอแฮ แหย่โยบูโพ๊ แบ่เจ่ อา เตโพรเตเตอเรอ เด๊อ อา โอ่ เด๊อ ม๊อขุ แฮเร๊อ, อา แฮ แรเตเออ อาขว่าอาคยา, เหย่ซี แฮ แด๊โฉ่ เป่ ซี เร๊อ เตซิครือมีลา เออ เฮ๊อ. ม๊อขุเตเน่วพู๊ เต๊เห่ เจ๊อ เน๋อ อา ซิหยื่อ แม๊ปูซิเง ตาเตเกอ แหน่เจ๊อ เตหรี่เตแก เออเต๊เห่ เจ๊อ.


เตข่าเฮ๊โล เนอหม่า อา โอ่ โซเจ่อ.


เตเด๊อ อา เมแลเปล๊กา เป เออเนอหมา หม่าเด๊อ เป แหน่แบ่เจ่ เร๊อดื่อ เม อาจ๊ออาเต อาคยา เนอ หม่าโต่, หม่าเด๊อ อา ซิยอ เร๊อดื่อ เป ขว่าคยา อา เมแลเปล๊กา เป แพ๊. เด๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยาเร๊อ, อา ซู๊ปลีแก เป, โทเรอ อา เด๊อ เป เตโอ่เป๊เจ่แล อาเซ เร๊อ เตโอ่เซอเพร อาเซ เต๊เห่.


เร๊อ แว เก่ นอตาแล เป่ ซี ฮู๊ แวเพ อ๊อแล หนื่ออื่อ โทเฮ๊อ เนอเต๊อเจ่อ เด๊อ ซีโหล่ ปา. หม่าแน๊เรอ ซี เก๊ พย๊าหนิ แต่ล๋าย เตเตอเรอฉว่าชอ เด๊อ อา โอ่ เด๊อ ม๊อขุเออ แฮแล แต่ล๋าย เด๊อ ซีเหน่ลูโต่ เนอ, ซี เบ่ โอ่ป่อตื๊อดื่อ เบ๊อะวีกู เออเนอ ปา.”


หม่าแน๊เรอ แว โคแบ๊ซว๊า ซี๋, ซี เบ่ ช๊อแถ่ แฮเงโป่ แลแค ซี เตโอ่เซอเพร เออเนอ เด๊อ ซี เตหยื่อเตแหน่ บูโพ๊ เด๊อ อาชออาแตแนแร๊ เออเนอ อาลู. เร๊อ เบ๊อะซี กุยจ๊อเบ เบ๊อะเนอ, ซิเลเกอเร๊อ แลแค แหย่โยบูโพ๊ แบ่เจ่ ยูแกล๊ยูโกล หนิ ซี เนอเต๊เห่ นี๋.


เด๊อ เตเออ อาขว่าอาคยา, แหย่โยบูโพ๊ แบ่เจ่ เด๊อะโล เป่ เป เน๊อ, เก่ อู นอเอ่ ตื๊อดื่อปา เหล่สื่อดุ อาเลอ เออเตเม เฮ๊เรอ แกล๊เหล่โน เด๊อ เหล่สื่อ หม่าแหน่ เออเตเม อากูเนอ, อา ลูโมล๋ายโต่.


ฮู๊เนอเรอ แหย่โยบูโพ๊ แบ่เจ่ เฮ๊ เน๊อ, “เออเตอเนอ, ซี เก่ หนิโฮ จอแปแหร่ อาโหง่พราแถ่ เฮ๊เรอ,


เป แบ่เจ่ เหย่ซู่ครี๊ อาบุ๊ยอาเตอเรอ, เพ จอแปแหร่ อาเตโม เร๊อ แหย่โยบูโพ๊ แบ่เจ่ อา เตแบ๊ซว๊าแบ๊โค เออเนอ, อา เก่ โอ่ เกอ ดื่อ เร๊อ ซี ปว๋า เตเพร นี๋.


ฮู๊เนอ อาขว่าอาคยา, แกแย เตเพรเพร เด๊อ อา เท๊ฉื่อ เตอิซว๊าอี๊แส่ เออเนอหมา, อา เท๊ฉื่อ แกแยเห่ขุพู๊ หม่าโต่. อา เท๊ฉื่อเฮ๊อ จอแปแหร่ เด๊อ อา เด๊อ ซี แหย่โยบูโพ๊ แบ่เจ่ เออเตเพร เนอเฮ๊อ.


แว ซิหยื่อ นอซิเงโปล เกอ ซี เร๊อ แกแย เด๊อ อา อิชอ มู๊แหม่ เหย่ซู่ แตแค๋ โต่ เนอเต๊เห่ หม่า, ตื๊อแพ๊ แกแย เด๊อ แหย่โยบูโพ๊ แบ่เจ่ ยูแกล๊ยูโกล ลู เนอเต๊เห่ แพ๊. แหย่โยบูโพ๊ แบ่เจ่ เก่ ยูแกล๊ยูโกล แกแย เตเพรเพร โต่ เฮ๊เนอ, อา อ๊อแลเบ๊ แลแค เร๊อ เหย่ซู่ หม่า แบ่เจ่ เตเพร, ฮู๊เนอ เตเพร่ว โต่.


เมเตเฮ๊เรอ, เพรโพร อา เตแด๊โฉ่โด่แน เต๊เห่ เนอหม่า, อา แฮ ฮู๊ แกแย ซิหยื่อ นอแด๊โฉ่ เนอ หม่าโต่. เหย่ซี แด๊โฉ่โด่แน เป่ อู เตหรี่เตแก เออเนอหมา อา แด๊โฉ่โด่แน เป่ อู ฮู๊ แหย่โยบูโพ๊ แบ่เจ่ แด๊โฉ่ เป่ เหย่ซี เนอแพ๊. เร๊อ เตหรี่เตแก เออเนอหมา อา โอ่ เด๊อ จอแปแหร่ อา โอ่ แฮ.


ซี หม่า แกแย เด๊อ อา จามู๊แหม่ เต๊เห่แพ๊ ตื๊อดื่อเรอ ซี ซิเง เด๊อะเอ่ ซีพู๊ซีเลอ เต๊เห่ เร๊อ เตเด๊อ อาแร๊ เต๊เห่ เจ๊อ เก่เฮ๊เรอ, เตเนแม๊มอ แลแค ซีเพ เด๊อ ม๊อขุ เออเตเพรเนอ, อา เก่ เด๊อ หม่าแหน่ เป่ เจ๊อ แกแย เด๊อ อา กุยแถ่ ลู แหย่โยบูโพ๊แบ่เจ่ เออเนอ ปา.”


จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.


เร๊อ เบ๊อะโหมะเอลีซาเบธ หนิโฮ โหมะมารีย์ เฮ๊โมเฮ๊แร๊ ลู เบ๊อะเนอ, เป๊เจ่พู๊ เด๊อ อาฮ๊อกู เออเตเพรเนอ, อา กู๊ก่าแถ่. เร๊อ โหมะเอลีซาเบธ เออเนอ อา เล๊อบาแถ่ เร๊อ แหย่โยบูโพ๊แบ่เจ่.


“เด๊อ ซี ถู่แหล่แต๊แกละ ซีซิปล่อ อาขว่าอาคยา, แว เจ ซี เร๊อ เทอ. หม่าแน๊เรอ แกแย โอ่เตเพร เด๊อ อา เตอเรอฉว่าชอ เล๊อ เจ๊อ เน๊อ แว เตเพรเนอ อา เก่ แฮ เด๊อ แวคยา ปา. อา เก่ เจ ซี เร๊อ แหย่โยบูโพ๊ แบ่เจ่ เร๊อ หมิ ปา. แว กู๊กลอแพ๊ อาแข่แด๊พ๊า เน๋อ อา ต่าเร๊อ แว โต่.


จอแปแหร่ เฮ๊โฉ่โปล เป่เกอโป่ อู เน๊อ เด๊อ เตเมแลเปล๊กา เตหรี่เตแก เออเนอหมา อาโต หม่าแหน่ เจ๊อ. เด๊อ เตเมม๊าเมแด, อาเตเม โค๊ตีกลี๊ เต๊เห่ เร๊อ อาเตเม ตาปาคย๊ายื๊อ เต๊เห่ อาขว่าอาคยา, อา เด๊อะโลโปล เป่เฮ๊อ อู เร๊อ เตเมแลเปล๊กา เตหรี่เตแก เออเนอหมา อา โตเฮ๊อ. โท๊โต่, จู๋ ดื่อ อาโต จอแปแหร่ อาซิปล่อ เร๊อ อา เด๊อะตา ครา เป่ อู เตแจ่เตลีแม เชหยู่ เต๊เห่. เร๊อ อา เด๊อะตา แฮเง เร๊อ แหย่โยบูโพ๊ แบ่เจ่. เด๊อ แหย่โยบูโพ๊ แบ่เจ่ เชหยู่เออ เต๊เห่ อาขว่าอาคยา, จอแปแหร่ เด๊อะโลโปล เป่เฮ๊ออู เร๊อ เตหรี่เตแก เออเนอหมา อา โตเฮ๊อ.


โอ่ป่อหม่าหนิ เต อาแร๊ เด๊อ จอแปแหร่ เด๊อะแล โทเฮ๊อ เน เออเต๊อเจ่อเนอ นี๋. แหย่โยบูโพ๊ แบ่เจ่ เด๊อ อา โอ่เซอเพร เด๊อ เนกู เนอเตเพร อา เตอเรอฉว่าชอ ขว่าคยาเร๊อ ปื่อหม่า เร๊อดื่อ เตแร๊ เออเต๊อเจ่อ นี๋.


เมซิเปล แต่ จอแปแหร่ อา แหย่โยบูโพ๊ แต่เหม่. จอแปแหร่ เด๊อ ซี แหย่โยบูโพ๊แบ่เจ่ เออเนอหมา, อา แซ่เฮ๊อ เร๊อ เมม๊าเมแด เต๊อเจ่อ เด๊อ ซี หม่า จอแปแหร่ อาเต เฮ๊อ. แหย่โยบูโพ๊แบ่เจ่ เออเนอ, อา เก่ โอ่เต่อ เร๊อ ซี โต่เด๊อ จอแปแหร่ แฮ เมแลเปล๊กา ซี ปา เนอเตอเนอ ปา.


เมเตเฮ๊เรอ, จอแปแหร่ อาเทออาเก่กู เนอ, เหล่เอ่เหล่โอ หม่า เต เด๊อ อา โหล่ดุเล๊ออู หม่าโต่. เต เด๊อ อา โหล่ดุเล๊อ อู หม่า, เตจ๊อเตเต, เตโอ่โส่โอ่เคร, เร๊อ เตซิครือซิลอ เด๊อ แหย่โยบูโพ๊ แบ่เจ่ เด๊อะ เป เออเต๊เห่ เนอแพ๊.


เบ๊อะเป แม๊ชือ เร๊อ จอแปแหร่ เก่ เม เป่ เป เบ๊อะเนอ, เป ซิปล่อปย๊า โต่, เมเตเฮ๊เรอ, เบ๊อะจอแปแหร่ เด๊อะตา เป แหย่โยบูโพ๊ แบ่เจ่ เบ๊อะเนอ, อา กลอ แล แล๊แล เป่เฮ๊อ เป อาเตโม เด๊อ เป ซิปล่อกู เฮ๊อ.


แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋.


เออโตโพ๊เรอ แว ซิเงแถ่เบ่ โต่ เตเฮ๊เบ่ เด๊อ แบ่เจ่ เฮ๊แก เน๊อ, ‘คูยอห์น เจ ซี เร๊อ เทอ ตื๊อดื่อเรอ อู เก่ เจ ซี เร๊อ แหย่โยบูโพ๊แบ่เจ่ ปา เนอตือมือ.’


หม่าแน๊เรอ เบ๊อะแหย่โยบูโพ๊แบ่เจ่ ตากาแลโอ่เฮ๊อ เด๊อ ซีกู ปา เบ๊อะเนอ, ซี เก่ เล๊อบา เร๊อ เตฉว่าเตชอ ปา เร๊อ ซี เก่ ทวาแถ่ เป่แว เพรข่าเฮ๊โล เต๊เห่ เด๊อ วีเยรูซาเล็ม อากู, เร๊อ ยูดาห์เต๊เก๋ เล, เร๊อ สะมาเรียเก่, โท๊โต่ อา เก่ โต่ เจ๊อเด๊อ เห่ขุต๊าบ่า ลอ เจ๊อ ปา,” อา เฮ๊ฮู๊เนอ.


อา เฮ๊โท ฮู๊เนอเร๊อ อา โอ๊จว๊า เด๊อ เหย่ซีขุ เร๊อ อา เฮ๊ เหย่ซี เน๊อ, “พย๊าฉื่อ แลแค แหย่โยบูโพ๊แบ่เจ่ เออ.


เพรโพร เต๊เห่ ราโอ่แก เน๊อ, ‘จอแปแหร่ เก่ อิซว๊าอี๊แส่ เหย่ซี ล๋อ ปลี ปา.’ ล๋อ แกแย เด๊อ อา หนิโฮ เพ อา เตอิซว๊าอี๊แส่ เร๊อ อา แฮ อิซว๊าอี๊แส่ เต เด๊อ ลูโอ่ เต๊เห่เนอ, อา เก่ แฮ เด๊อ แวโอ่ ปา.


อู ปื่อซูแถ่ ซี เด๊อ คุ๊ยหี่ บ๊อเกเต๋ เบ่เบ่, ซี โตเบ่ เฮ๊เบ่ ฮู๊เต ฮู๊เตเนอ เบ่ยอหนื่ออื่อ เหร่อ แต่ แลแค เหม่ นี๋. เมเตเฮ๊เรอ เบ๊อะแฮโต่ ปา เร๊อ ซี เก่ เฮ๊เบ่ ตื๊อดื่อ หม่าโต่, แหย่โยบูโพ๊ แบ่เจ่ อา แด๊โฉ่ เมจว่า ดื่อ ซี ปา.


อา เตเน ฮู๊เนอ ตื๊อดื่อเรอ, เบ๊อะอา โอ่เมอ เบ๊อะเนอ, อา โอ่เมอแหม่ แม๊เถอะ แบ่เจ่ จอแปแหร่ อา เตเน่วม๊อขุ เตเพร กาปย๊า เด๊อะโอ่โล เป่ ลู เร๊อ อา เฮ๊ ลู เน๊อ, “เพดาวิด อาพู๊คู คูโยเซฟ, เบ่ยอเบ่สี่ แต่ เด๊อ เน เก่ พย๊า เหมาะมารีย์ เออเนอ แต่เหม่ นี๋, หม่าเมเตเฮ๊เรอ, อา โหมะดอ เนอหม่า จอแปแหร่ อา แหย่โยบู๊โพ๊ แบ่เจ่ เด๊อะโหมะดอแถ่ ลู แพ๊.


เป ซิเง เน๊อ เตเฮ๊เบ่ โหง่ เออตือมือเนอ อาโต แพ๊. เมเตเฮ๊เรอ, เด๊อ ลีเทส่อพ๊า อากูเนอ, แหย่โยบูโพ๊ แบ่เจ่ เฮ๊ แซ่เกอดื่อ ฮู๊เนอ, เร๊อ อา เฮ๊ เน๊อ,


เบ๊อะเนออาเค อา โคเจ่ เต๊เห่ ซิเงโปลแล เตเมทวาแถ่ อาโหง่แลช๊า เออเต๊เห่ ล๋ายโต่. เต เออเต๊เห่ เนอหม่า อา เม เล๊อบาแถ่เฮ๊อ เพรโพร อา เตเฮ๊หนื่ออื่อ มู๋ หนู่เค เต๊เห่เฮ๊อ. หม่าแน๊เรอ, เบ๊อะแบ่เจ่ เหย่ซู่ กากี๊แถ่ โทเฮ๊อ เด๊อ ม๊อขุ เบ๊อะเนอ, เหย่ซี ซิเงแถ่เบ่ โหน่แพ๊ เร๊อ อา เม เตเออเต๊เห่เนอ อา โตลอ เร๊อ เพรโพร อา เตเฮ๊หนื่ออื่อ มู๋หนู่เค เต๊เห่ เร๊อ อา โคเจ่ เต๊เห่ ซิเงแถ่ โต่เบ่ เร๊อ อา เมโต เป่ลอ ลู ฮู๊ เพรโพร เฮ๊หนื่ออื่อ เนอเต๊เห่.


เมเตเฮ๊เรอ คุ๊ยดาวิด อาเหน่แบ่เจ่ เร๊อดื่อ เนอ แหย่โยบูโพ๊ แบ่เจ่ อา นอเฮ๊ ลู เนอ, ‘แบ่เจ่ จอแปแหร่ เฮ๊ แว แบ่เจ่ เน๊อ, “โอ่แนโอ่ เด๊อ แว กู๊ขุ จ๊อทว๊า เออตากยา, โอ่แนโอ่ โต่ ช๋า, แว เมเป่ ลอปลี เฮ๊อ ล๋อ แกแย เด๊อ อา ซิเถ่ เน เนอเต๊เห่แฮโอ่ลอ เด๊อ เนเตเป๊ออาเล ปาเนอนี๋.”’


“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. แกแย เด๊อ อา เมเป่เต เต๊เห่เนอ อา ข่าเบ่ ปา เด๊อ แหย่โย ตากยา อาเตเซอ ตูจูเพร เออเนอ โต่ เฮ๊อ.”


ซี เร๊อ, เบ๊อะซี หนิโฮ เกอ เตหมะเตจ๊อ, เตซิครือมีลา เด๊อ อา เมแลเปล๊กา ซี อาหรี่อาแก เบ๊อะเนออาเค, ซี หยื่อเอ่ เร๊อ ซี ทวาแถ่ เตเตอเจ๋อ โต เร๊อ ครี๊ เฮ๊อ. เด๊อ ซี หยื่อเอ่ ครี๊ อาขว่าอาคยา, อา เด๊อะแล ซี แหย่โยบูโพ๊แบ่เจ่ เด๊อ อา เฮ๊แก หนื่ออื่อ โทเฮ๊อ เออเนอ เฮ๊อ. แหย่โยบูโพ๊แบ่เจ่ เออเนอ อา แซ่เฮ๊อ เร๊อ เมม๊าเมแด เต๊อเจ่อ เด๊อ อา เด๊อะโล เร๊อ ซี ทวาเฮ๊อ จอแปแหร่ อาแกแย เฮ๊อ.


เด๊อ เป ทวา หม่าเฮ๊อ จอแปแหร่ อาหลู่เล๊ เต๊เห่ อาขว่าอาคยา, เป เด๊อะโล เป่ อู เร๊อ เป ซิปล่อ อาโพ๊อาแปละ, เป เตซิคว๊าซิเง, เป เตซิปล่อทู, เป เตซิยอเร๊อ อู เออเต๊เห่ เฮ๊อ. แหย่โยบูโพ๊ แบ่เจ่ โอ่ เด๊อ เปกู เร๊อ เป โม ลอซิปล่อสู่เทอ เจ๊อ อู เจ๊อ.


แซ่ฮู๊ เป เก่ เมจว่า เบ๊เกอ แกแย เด๊อ อ๊าเจ่เหร่เจ่ เต๊เห่เนอเรอ, แว เม แบ๊บือ ลอ โทเฮ๊อ ซี ปว๋า เต๊อเจ่อ เน๊อ เป โตเบ่ เอครือแรครือ เต, ฮู๊เนอ. เร๊อ ซิเงแถ่เบ่ แลแค แบ่เจ่ เหย่ซู่ อา เตเฮ๊เบ่ เด๊อ อา เฮ๊ เน๊อ, ‘เด๊อะเต เน๊อ อูเนอ พย๊าหนิ เอ๊เล๊อ ปา เจ๊อ เตบุ๊ยเตเตอเรอ เน๊อ อู เด๊อะ เน เนอเจ๊อ,’” คูเปาโล เฮ๊ เป่ เหย่ซี ฮู๊เนอ.


จอแปแหร่ หม่า อา แม๊เถอะ ซิเงลอ อู ปว๋า เตเพร อาซิปล่อ. เด๊อ อา เด๊อะ เป่ แกแยยิวพู๊ หม่าโต่ เต๊เห่ แหย่โยบูโพ๊แบ่เจ่ อาขว่าอาคยา, อา เด๊อะโล เฮ๊อ เร๊อ อา ซิปล่อโอ่เฮ๊อ เหย่ซี ฮู๊ อา เด๊อะ โทเฮ๊อ เป แหย่โยบูโพ๊ เนอ เฮ๊อ.


คูสเทเฟน เฮ๊ โป่ เน๊อ, “ซี ซิปล่อ เพรอเกอเด๊อ เจ๊อ! ซี ซิปล่อเนอ อา แซ่เจ๊อเร๊อ แกแย เด๊อ อา ซิเง จอแปแหร่ โต่ เต๊เห่ เนอ เจ๊อ! จอแปแหร่ อาลาอาโหง่ อาเง เร๊อ ซี กู๊หลิกอออ โกโน๋ โต่! ซี ครวาเมโตโคร แซ่เจ๊อเร๊อ ซี โหมะเพเพอโพ เด๋อ งย๊าเค เต๊เห่ เมเนอ เจ๊อ, เร๊อ ซี เมดี๊แด ตาตือ แหย่โยบูโพ๊ ปว๋า โตโพ๊ เจ๊อ!


โตโพ๊เค เบ๊อะอา เอ่โอ เต่อเกอ เร๊อ อา โคเจ่ เออเต๊เห่ เบ๊อะเนอ, อา เฮ๊แก เหย่ซี เน๊อ, “เถ่จว๊าแก แต่ แลแค เด๊อ เยรูซาเล็ม วีเออ อากูเนอ แต่ แลเหม่. โอ่ป่อตื๊อดื่อ แลแค เบ๊อะเนอ โต่เด๊อ ซี พย๊าหนิ เชหยู่ เด๊อ แว แด๊โฉ่หนื่ออื่อ โทเฮ๊อ ซี เร๊อ แวเพ อ๊อแล เด๊อ อา เก่ เด๊อะ ซี ปาเนอ นี๋.”


เบ๊อะอู เอ๊กา กาแถ่ แต่ล๋าย อา เด๊อ ม๊อขุ ล๋ายโต่ เนอ, เด๊อ แหย่โยบูโพ๊แบ่เจ่ อาขว่าอาคยา เร๊อ, อา เฮ๊แก อา เพรโด่แนพู๊ เต๊เห่ เด๊อ อา นว๊าแถ่ โทเฮ๊อ ลู เนอเต๊เห่ เร๊อ เหย่ซี เก่ เบ่ เมเต เต๊เห่ อาหรี่อาแก.


เทอ เด๊อ อาเด๊อะ อู ซิปล่อเซอเพร เด๊อ แบ่เจ่ เหย่ซู่ เฮ๊ เออเนอหมา หม่า แหย่โยบูโพ๊แบ่เจ่ แพ๊. อูเปเป๋ เบ่เบ่ เด๊อ อา หยื่อเอ่ ลู เต๊เห่เนอ, อา เก่ พย๊าหนิ ปา. แบ่เจ่ เหย่ซู่ พย๊าหนิ แล๋ เตเตอเรอดุ เตอเรอทู โต่, เมเตเฮ๊เรอ อา เซอ ก๊อถ่อกาคยา เร๊อ อา กา กี๊แถ่ เด๊อ ม๊อขุ ล๋ายโต่. ฮู๊เนอเร๊อ จอแปแหร่ อา แหย่โยบูโพ๊ แฮโนโอ่ เด๊อ เหย่ซี ซิปล่อกู เตเพร่ว ล๋ายโต่.


โทเร๊อ แหย่โยบูโพ๊แบ่เจ่ กลว่าอาเหน่ ฮู๊ ถู่หลุ่ย เร๊อ อา แฮ ตาโอ่ เด๊อ เหย่ซู่ ลู เบ๊อะเนออาเค โหง่พรา ตา เด๊อ ม๊อขุ เร๊อ อา เฮ๊ เน๊อ, “เน หม่า แวพู๊คู เด๊อ แว โม เกอเร๊อ เร๊อ อาโตอาเบ่ เร๊อ แว ซิปล่อสู่เทอ เตเพร.”


คูยอห์น อาเพ เพเศคาริยาห์ เล๊อบาแถ่ เร๊อ แหย่โยบูโพ๊แบ่เจ่ เร๊อ อา เฮ๊โพร หนื่ออื่อ เหร่อ จอแปแหร่ อาหรี่อาแก เนอ,


เร๊อ เตเน่วม๊อขุ เฮ๊ฉื่อ อา เน๊อ, “แหย่โยบูโพ๊แบ่เจ่ เก่ แฮแล ดื่อ เด๊อ เนลู ปา. เร๊อ เตดุเตทู ตื๊อดื่อ จอแปแหร่ อา เตโพรเตเตอเรอ เก่โอ่เกอดื่อเนปา. เร๊อ เป๊เจ่พู๊เด๊ออาเกเรโอ่ เป๊เจ่ ปา เออเตเพรเนอ อาโพ๊แปละบูโพ๊ปา. เร๊อ อู เก่ เอ๊ ลู เร๊อ จอแปแหร่ อาพู๊คู ปา.


อา หม่า อา เก่ ทวา ดุ เด๊อ จอแปแหร่ อา เป๊เส่เง ปา เตเพร. แท๊ทือเส่เทอแย เบ่เบ่, เทอเผร่ เบ่เบ่ อา โตเบ่ เอ่โอหนิ เตอเจ๋อ โต่. อา เก่ เล๊อบา เร๊อ แหย่โยบูโพ๊แบ่เจ่ เด๊อ อา โหมะฮ๊อกู เบ๊อะเนอ เจ๊อ ปา.


เมฮู๊เนอเรอ, แว เฮ๊ซี๋ จว๊า แลแค เด๊อ แกแย เมว เจ่อ เต๊เห่ อาโอ่, เร๊อ จว๊า เมทวาแถ่ เหย่ซี เน๊อ แว โคเจ่ นี๋. จว๊า เจ เป่ แลแค เหย่ซี เทอ เร๊อ เพ อามุย, พู๊คู อามุย เร๊อ แหย่โยบูโพ๊แบ่เจ่ อามุย นี๋.


เบ๊อะเหย่ซี ซิปล่อ เตเนโค๊คยาลู เร๊อ เหย่ซี เถ่จว๊าแก เบ๊อะเนอ, คูเปาโล เฮ๊เบ่ โหง่ เด๊อคยาเล๊อ ตือมือ เน๊อ, “แหย่โยบูโพ๊แบ่เจ่ เฮ๊เบ่ แฮเง เน๊อ เพรโพร อิสยาห์ เร๊อ อา เฮ๊โฉ่แก เป โหมะเพเพอโพ เด๋อ งย๊าเค เต๊เห่ เนอหม่า อา โตตื๊อ เจ๊อ.


เบ๊อะเอเชียเก่กู เนอ, แหย่โยบูโพ๊แบ่เจ่ นอจว๊า แด๊โฉ่โด่แน เหย่ซี เร๊อ จอแปแหร่ อาลาอาโหง่ โต่ อาขว่าอาคยา, เหย่ซี จว๊าโค๊ เร๊อ จว๊าล๊อปลู๊เบ๊แก เร๊อ ฟรีเจียเก่ เน๊อ กาลาเทียเก่.


แหย่โยบูโพ๊แบ่เจ่ เน๊อ ล๋อ เป เออเต๊เห่ ซิปล่อโต แคลู เร๊อ เตซว๊าเตแส่ เด๊อ อาโร เต๊เห่เนอ, เป ซิหยื่อ นอวี๊นอแย๊ ซี เตอเจ๋อ โต่. เป ซิหยื่อ นอลือครวาเม แพ๊ ซี เต เด๊อ อา โหล่ ครวาเม เนอเต๊เห่ แพ๊.


คูบารนาบัส เร๊อ คูเซาโล จว๊า ฮู๊ แหย่โยบูโพ๊แบ่เจ่ นอจว๊า เหย่ซี เนอ. เหย่ซี จว๊าตาแล เด๊อ วีเซลูเคีย เบ๊อะอู เหล่กาแด่โอ่ ส่อเกลอดุ อาเหล่โอ่ เนอโต๊โผะ เร๊อ เหย่ซี แถ่ แถ่แด๊หนิ แลแค ส่อเกลอดุ เบ๊อะเนอ เร๊อ เถ่จว๊า เด๊อ ไซปรัส กลื๊อขุ.


หม่าแน๊เร๊อ คูสเทเฟน เนอ, อา เล๊อบา เร๊อ แหย่โยบูโพ๊แบ่เจ่. อา แม๊แถ่ เด๊อ ม๊อขุ เร๊อ อา แม๊เถอะ จอแปแหร่ อาลีอาเตเค, โท๊โต่ อา แม๊เถอะ เหย่ซู่ ก๊อถ่อโอ่ เด๊อ จอแปแหร่ อากู๊ขุ จ๊อทว๊า ตากยา.


เร๊อ คูเปโตร เฮ๊ ลู เน๊อ, “เพอานาเนี๋ย เน จว๊า นอเป๊อเต่อ เนเหน่ เร๊อ โลเน๊ มู๊แหม่ กู่กล๊อ เมเต? เน แลโฮแกเฮ๊อ แหย่โยบูโพ๊ แบ่เจ่ เฮ๊อ. เน จว๊า เบ่ดว๊า โอ๊แก โต่ เห่ขุ งู เด๊อ เน อิเช หนิ เออ เนอเต๊เห่ เมเต?


เบ๊อะเนอเค, เด๊อ วีเยรูซาเล็ม อากูเนอ แกแย โอ่เตเพร, อามุย เร๊อ เพสิเมโอน. อา หม่า แกแย จูเอ่ เบ่หยื่อเบ่แหน่ จอแปแหร่ เตเพร, โท๊โต่ แหย่โยบูโพ๊แบ่เจ่ โอ่เกอ เร๊อ อา. อา หม่า แกแย เด๊อ อา โอ่ป่อแม๊ชือ จอแปแหร่ เก่ เมแลเปล๊กา อิสราเอล เด๊อ เตจาเตจือ อากู เตเพร.


เหย่ซู่ครี๊ เนอ อา ตาแล โอ่เป๊เจ่แล ฮู๊เต เฮ๊เนอหม่า, คูโยเซฟ เนอ อา แฮ แด๊เฮอ เด๊อะม๊า โทเฮ๊อ เหย่ซู่ครี๊ อาโหมะ มารีย์ เด๊อ อา เก่ พย๊า ลู. หม่าแน๊เรอ เบ๊อะอา พย๊า แต่ล๋าย ลู โต่ เบ๊อะเนอ, จอแปแหร่ เด๊อะโหมะดอแถ่ ลู เร๊อ แหย่โยบู๊โพ๊ แบ่เจ่.


เด๊อ อาเหร่อเค เนอหม่า แว ซิเงแต่ล๋าย เร๊อ อา หม่า แกแย ทวา ฮู๊เออเนอ เตเพร ล๋ายโต่, ตื๊อดื่อเรอ จอแปแหร่ เด๊อ อา นอ แว เด๊อ แว เก่ เจ เป่ อู เร๊อ เทอ เออเตเพรเนอ อา เฮ๊ แว เน๊อ, ‘ช๋า เนอปา เนอ, เก่ เน แม๊เถอะ แหย่โยบูโพ๊แบ่เจ่ แฮแล โอ่ เด๊อ แกแย เตเพร อาลู ปา เฮ๊เนอ อา หม่า หม่าเฮ๊อ แกแย เด๊อ อา เก่ เจ เป่ อู เร๊อ แหย่โยบูโพ๊แบ่เจ่ ปา เนอเตเพร เฮ๊อ.’


“เบ๊อะแว โอ่เกอปา เน๊อ ซี กู๊แหน่เค เออ, แว แด๊โฉ่โล เป่เฮ๊อ ซี เตเออเต๊เห่ เฮ๊อ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ