ꤛꤥ꤭ꤟꤢ꤬ 14:21 - ลีเทส่อพ๊าอาเซ เร๊อ เห่ขุทวาลู๊

²¹ แกแย เตเพรเพร เด๊อ อา ปื่อหม่าหนิ แว โหง่เฮ๊แก เออเต๊เห่, เร๊อ อา ครวา โอ่เซอเพร เต๊เห่ เนอหม่า หม่าเฮ๊อ แกแย เตเพร เด๊อ อา โม หม่าเฮ๊อ แว เฮ๊อ. แกแย เด๊อ อา โม แว เนอ แวเพ เก่ โมหนิเร๊อ ลู ปา. แวเนอ, แว เก่ โมหนิเกอ อา ปา เร๊อ แว เก่ เด๊อะโล เหน่กล่อ เจ๊อ อา เร๊อ แวเหน่ ปา.”

Eastern Kayah Shadaw Dialect

²¹ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤕ꤫ꤢꤦ꤬ꤗꤢ꤬ꤚꤣꤧ ꤠꤢꤧ꤭ ꤒꤢꤩ꤬ꤗ꤫ꤢ꤬ꤊꤢꤧ꤭ꤍ꤫ꤥ꤬ ꤣꤧ꤭ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤋꤚꤝꤢ꤭ ꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤗꤥ꤬ ꤗ꤫ꤢ꤬ꤟꤣꤧ ꤠꤢꤧ꤭ ꤟꤣꤧ꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤥ꤬ ꤠꤢꤧ꤭ ꤔꤣꤧ꤬ ꤠꤢꤧ꤭ꤖꤢꤩ꤭ ꤊ꤫ꤢꤦ꤬ ꤗꤥ꤬ꤚꤣꤧ ꤜꤢꤨ꤭ ꤕꤢ꤭꤯ ꤠꤢꤧ꤭ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤗꤥ꤬ꤚꤣꤧꤊꤣꤧ꤭ ꤢ꤬ ꤕꤢ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤘꤣꤧꤜꤥ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤡꤣꤧ ꤢ꤬ ꤔꤢꤧ ꤠꤢꤧ꤭ꤔ꤫ꤢꤩ꤬ ꤕꤢ꤭꤯”

ꤛꤥ꤭ꤟꤢ꤬ 14:21 ပူးပေါင်းရင်းမြစ်များ

ꤛꤥ꤭ꤟꤢ꤬ 14:15

“ซี เก่ โม แว เฮ๊เรอ, ซี เก่ หนิดา จูเอ่ แว โหง่เฮ๊แก เต๊เห่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:3

เมเตเฮ๊เร๊อ เตโมเร๊อ จอแปแหร่ อาโหง่แลช๊า หม่า หม่าเฮ๊อ เตจูเอ่ อาโหง่เฮ๊แก เออเต๊เห่ เฮ๊อ. เร๊อ เป เก่ ครวาเม เกอ ลอ ล๋อ อาโหง่เฮ๊แก เนอเต๊เห่ เฮ๊เนอหม่า อาแป่อาแหย่น๊อโต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:5

หม่าแน๊เรอ อูเป เตเพร เบ่เบ่, อา เก่ จูเอ่ ลูโหง่ เฮ๊เนอ, เตโม เกอเร๊อ จอแปแหร่ เล๊อแถ่บาแถ่ หม่าแหน่ เจ๊อเฮ๊อ เด๊อ อากู เฮ๊อ. เด๊อ เป จูเอ่ อาโหง่ อาขว่าอาคยา, เป ซิเง ตาเต เจ๊อเฮ๊อ เร๊อ เป ทวาแถ่เฮ๊อ เตเตอเจ๋อโต เฮ๊อ เร๊อ จอแปแหร่ เฮ๊อ.

ยอห์น เนอบ่า ต๊าบ่า 1:6

เตโม อาโหง่แลช๊า หม่า, เป โอ่เซอเพร ครวา หนิดา จอแปแหร่ โหง่เฮ๊แก เนอเต๊เห่ เฮ๊อ. ฮู๊ ซี ล๋อ ปลี หนิโฮ โทดื่อเฮ๊อ โหง่เฮ๊แก เด๊อ กูลู่ เค เร๊อ อา เฮ๊ เนอ, ล๋อ ซีเออ เต๊เห่เนอ ซี โตเบ่ โอ่เซอเพร เด๊อ เตโมเร๊อ ลู อากู, อา เฮ๊ ฮู๊เนอ.

ꤛꤥ꤭ꤟꤢ꤬ 16:27

เมเตเฮ๊เรอ แวเพ โมหนิเร๊อ ซี เร๊อ อาเหน่ เร๊อดื่อเจ๊อ. เด๊อ ซี โมหนิเร๊อ เฮ๊อ แว, ซี หยื่อเอ่หนิ เฮ๊อ แว เร๊อ แว โอ่ เด๊อ เพ อา โอ่ แฮ อาขว่าอาคยา, อา โมหนิเร๊อ เฮ๊อ ซี เฮ๊อ.

ꤜꤢꤨꤊꤢ꤬ 11:28

หม่าแน๊เรอ เหย่ซู่ เฮ๊ฉื่อ ลู เน๊อ, “แกแย เด๊อ อา พย๊าหนิ หม่าแหน่เจ๊อ เตเด๊อะบุ๊ยเด๊อะเตอเรอ เนอหม่า หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เร๊อ อา จูเอ่ เนอเต๊เห่ แพ๊.”

ꤛꤥ꤭ꤟꤢ꤬ 15:14

ซี เก่ เม ฮู๊ แว เฮ๊แก ซี โหง่ เออ เฮ๊เนอหม่า, ซี ทวาเฮ๊อ แว โคแบ๊ซว๊า เฮ๊อ.

เตเด๊อะโลแถ่ 3:20

หนิดา แลแค๋ แว ก๊อถ่อ โอ่เบ๊อะกู่ดา เบ๊เง เร๊อ แว ด่อ กู่ดา เออ. แกแย เตเพรเพร เก่ หนิโฮ แว ด่อ กู่ดา เก่เฮ๊ เร๊อ บ๊าโมฉื่อ เนอ, แว เก่ แฮโน เอ่เต่อโอเต่อ เกอเร๊อ อา, เร๊อ อา เก่ เอ่เต่อโอเต่อ เกอเร๊อ แว ปา.

เตเด๊อะโลแถ่ 22:14

“จอแปแหร่ เก่ เตเด๊อะบุ๊ยเด๊อะเตอเรอ แกแย เด๊อ อา โฉ่ปลี อาจาจวา เนอเต๊เห่ ปา. เหย่ซี เก่ โน บ่าเอ่ หนิเกอ ส่อเส่ เด๊อ อา เด๊อะ อู ซิปล่อเซอเพร เออเนอ เต๊เห่ ปา. โทเรอ เหย่ซี เก่ โน หนิเกอ เด๊อวี กู่ดาดุ เนอเต๊เห่ อากู ปา.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

เตเด๊อะโลแถ่ 2:17

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. อา เฮ๊ ฮู๊เตเฮ๊เร๊อ, ล๋อ แกแย เด๊อ อา เมเป่ เต เต๊เห่เนอ แว เก่ เด๊อะ อา ค๊อมูมานา เด๊อ อู แด่โอ๊ อา เออเนอต๊อกล่อ ปา. โทเรอ แว เก่ เด๊อะ เหย่ซี หล่อบู เตเพร เตเม ปา, เร๊อ อู ราโอ่ มุยเซ เด๊อ อาลู เออเนอ ปา. มุยเซ เออเนอ อู ซิเง อา เตเพร่ว โต่, ซิเง ตื๊อแพ๊ แกแย เด๊อ อา พย๊าหนิ หล่อเออเนอ เตเพรเพร่ว แพ๊.”

ꤛꤥ꤭ꤟꤢ꤬ 17:23

แซ่ฮู๊ เหย่ซี เก่ ซิปล่อ จิจือแร๊ ลู เตเมเม๋ แพ๊, โท๊โต่ แซ่ฮู๊ แกแย เห่ขุพู๊ เต๊เห่ เก่ ซิเงแฮ เร๊อ เน นอแฮแล แว, เร๊อ เน โมหนิเร๊อ เพร เด๊อ อา หยื่อเอ่ แว เต๊เห่ ฮู๊ เน โมหนิเร๊อ แว เนอเรอ, แว โอ่ เด๊อ เหย่ซี อากู เร๊อ เน โอ่ เด๊อ แวกู.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:1

เพ จอแปแหร่ โม เกอเร๊อ โท เจ๊อเฮ๊อ เป บ๋า เต เนอ, แม๊มอ แลแค, อา โม เกอเร๊อ เป เออเนอ, โต่ เจ๊อ เด๊อ อู เบ่ เอ๊ เจ๊อ เป เร๊อ จอแปแหร่ อาพู๊อาเลอ เต๊เห่ เจ๊อ. เป ทวา หม่าแหน่ แหน่ เฮ๊อ จอแปแหร่ อาพู๊อาเลอ เต๊เห่ เฮ๊อ. แกแย เห่ขุพู๊ เต๊เห่ ซิเง จอแปแหร่ โต่ อาขว่าอาคยา, อา ซิเง เป โต่.

เธสะโลนิกา เนอบ่า ต๊าบ่า 2:16

เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

ꤛꤥ꤭ꤟꤢ꤬ 16:14

เด๊อ อา แฮ แด๊โฉ่โล เป่ ซี เร๊อ ล๋อ อา หนิโฮ เต เด๊อ แวโอ่ เนอเต๊เห่ อาขว่าอาคยา, อา เก่ เด๊อะ โล แว เตอเรอดุ เตอเรอทู ปา.

ꤛꤥ꤭ꤟꤢ꤬ 14:18

แว แด่โอ่แคร๊แก ซี โต่. แว เก่ แฮ คยาแซ๊ เด๊อ ซีโอ่ ปา.

ทิโมธี เนอบ่า ต๊าบ่า 4:22

แบ่เจ่ เก่ โอ่เกอดื่อ เร๊อ เน นี๋. เตบุ๊ยเตเตอเรอ เก่ โอ่เกอดื่อ เน๊อ ซี ล๋อ ปลี นี๋.

โครินธ์ เนอบ่า ต๊าบ่า 3:18

กู๊แหน่เออ เต เด๊อ อา โฮ๊ ตาตือ บี๊ ล๋อ เป เด๊อ อา หยื่อเอ่ เหย่ซู่ เออเต๊เห่ อาเป๊เส่ เนอ อา โอ่ ปา เตอเจ๋อ โต่. ฮู๊เนอเรอ, กู๊แหน่เออ เป แม๊เถอะ แฮเง ลา เฮ๊อ แบ่เจ่ อา เตลีเตตาเค เร๊อ เป ทวาแถ่ แซ่เฮ๊อเร๊อ หม่าโด่ เด๊อ อา ลีช๊าเตเค กาคยา แบ่เจ่ อา เตลีเตเค เต๊เห่เนอ เฮ๊อ. เป แม๊เถอะ แฮเง ลา เฮ๊อ แบ่เจ่ อาลีเตเค, เร๊อ แหย่โยบูโพ๊ แบ่เจ่ เม เป่ เฮ๊อ เป เด๊อ เป เก่ แซ่แฮ เร๊อ แซ่แฮ, แซ่เฮ๊อ เร๊อ เป แบ่เจ่ เด๊อ อา เตอเรอดุทู เออเตเพรเนอ เฮ๊อ.

เพรโด่แนพู๊ เต๊เห่ 22:18

เด๊อ แว เตแม๊เถอะลว๊า เอออากูเนอ, แว แม๊เถอะ แบ่เจ่ เร๊อ อา เฮ๊ แว เน๊อ, ‘เถ่จว๊าแก แพรแพรเมอ เด๊อ วีเยรูซาเล็ม เอออากูเนอ, เมเตเฮ๊เรอ เนข่าเฮ๊โล เน๊อ เด๊อ แวหรี่แวแก เออเต๊เห่เนอ แกแย เบ๊หมู่ เบ๊อะเออ เต๊เห่ หนิดา เกอ เนเต โต่.’

โครินธ์ เนอบ่า ต๊าบ่า 12:8

แซ่ฮู๊ จอแปแหร่ เก่ พย๊า ตาพาแก เป่ แว เตจาเตจือ เออเนอ, แว กุยซิยอ ลู โซโพ๊ เจ๊อ.