ꤛꤥ꤭ꤟꤢ꤬ 14:20 - ลีเทส่อพ๊าอาเซ เร๊อ เห่ขุทวาลู๊

²⁰ เบ๊อะเนอเตอเนอ ปาเนอ, ซี เก่ ซิเง เน๊อ แว โอ่ เด๊อ แวเพ อากู เร๊อ ซี โอ่ เด๊อ แวกู เร๊อ แว โอ่ เด๊อ ซีกู ปา.

Eastern Kayah Shadaw Dialect

²⁰ ꤙꤣꤧꤔꤣꤧ꤬ꤒꤣ꤬ꤔꤣꤧ꤭ ꤕꤢ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ ꤔꤢꤧ ꤠꤢꤧ꤭ ꤥ꤬ ꤘꤣ ꤠꤢꤧ꤭ꤖꤢꤩ꤭ ꤢ꤬ꤊꤢꤨ꤭ ꤚꤣꤧ꤬ ꤞꤤ꤭ ꤥ꤬ ꤘꤣ ꤠꤢꤧ꤭ꤊꤢꤨ꤭ ꤚꤣꤧ꤬ ꤠꤢꤧ꤭ ꤥ꤬ ꤘꤣ ꤞꤤ꤭ꤊꤢꤨ꤭ ꤕꤢ꤭꤯

ꤛꤥ꤭ꤟꤢ꤬ 14:20 ပူးပေါင်းရင်းမြစ်များ

ꤛꤥ꤭ꤟꤢ꤬ 17:26

แซ่ฮู๊ เน เตโม แวเออ เก่ โอ่ เด๊อ เหย่ซี อากู, โท๊โต่ แซ่ฮู๊ แว เก่ โอ่เกอ เด๊อ เหย่ซี อากู อาเงเนอ, แว เด๊อะซิเง เป่เฮ๊อ เหย่ซี เร๊อ เน, เร๊อ แว เก่ เด๊อซิเง เป่แฮ เป่ โป่ เหย่ซี เร๊อ เน ปา,” แบ่เจ่ เหย่ซู่ กุยจ๊อเบ เร๊อ อา เฮ๊ ฮู๊เนอ.

ꤊꤢ꤬ꤜꤢ꤬ꤒꤤ 2:20

เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:12

อู แม๊เถอะน๊อ จอแปแหร่ เตเพร่ว โต่. เป เก่ โม เกอเร๊อ ลู เตเพร เร๊อ เตเพร เฮ๊เนอหม่า, จอแปแหร่ โอ่หม่าโอ่กลอ เฮ๊อ เด๊อ เปกู เร๊อ อาเตโม โอ่เล๊อโอ่บา เฮ๊อ เด๊อ เปกู เฮ๊อ.

ꤛꤥ꤭ꤟꤢ꤬ 14:10

แว โอ่เกอ เด๊อ เพกู เร๊อ เพ โอ่เกอ เด๊อ แวกู เนอหม่า, เน หยื่อเอ่ แหน่โต่ แอ? แว เฮ๊เบ่ ซี เออเนอหมา, แวโหง่ เกอ เร๊อดื่อ หม่าโต่. แว เม เต เออเต๊เห่ เนอหม่า เพ เด๊อ อา โอ่ เด๊อ แวกูเออ เตเพร เมหนิ ลอปลี แพ๊.

ꤚꤥꤗꤢꤩ꤬ 8:1

ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

ꤛꤥ꤭ꤟꤢ꤬ 10:38

หม่าแน๊เรอ เก่ แว เมเฮ๊อ ฮู๊ แวเพ เมเนอ เฮ๊เรอ ซี เก่ หยื่อเอ่ แลแค เจ๊อ ตีกี๋ โต่ เฮ๊เนอ, ปีตี๊ตื๊อดื่อ เร๊อ ซี โตเบ่ หยื่อเอ่ ช๊าเหล่ แลแค เต เด๊อ แว เม อาโค๊ตีกลี๊ เนอเต๊เห่. ซี เก่ หยื่อเอ่ แว เตเม เต๊เห่ เฮ๊เรอ ซี เก่ ซิเงแฮ เร๊อ เพโอ่ เด๊อ แวกู เร๊อ แว โอ่เด๊อ อากู ปา, อา เฮ๊ เหย่ซี ฮู๊เนอ.”

โครินธ์ เนอบ่า ต๊าบ่า 13:5

แซ่ฮู๊ ซี เก่ ซิเง เกอเร๊อ แลแค ซีเหน่ เร๊อ ซี จ๊อ เร๊อ ซี เตหยื่อ แอ? ซี จ๊อ โต่ แอ? เนอ, แด๊เฮอ แล เกอเร๊อ แลแค ซีเหน่ เนอ. ครี๊ โอ่เซอเพร เด๊อ ซีเหน่ลู เนอหม่า ซี ซิเง โต่ แอ? หม่าแน๊เรอ ซี เก่ แม๊เถอะ เร๊อ ซี จ๊อ เร๊อ ซี เตหยื่อ โต่ เฮ๊เรอ, เหย่ซู่ครี๊ โอ่เซอเพร เด๊อ ซีกู โต่.

โคโลสี 1:27

จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.

ꤛꤥ꤭ꤟꤢ꤬ 16:26

เบ๊อะเนอเตอเนอ ปาเนอ, ซี กุยจ๊อเบแถ่ แลแค เร๊อ แวมุย ปา เร๊อ แว โหล่กุย เป่ ปา เด๊อ ซิเง โต่.

โคโลสี 2:9

เมเตเฮ๊เรอ เหย่ซู่ครี๊ แฮ กลว่าแถ่ อาเหน่กล่อ ฮู๊ แกแย เนอ ตื๊อดื่อเรอ, อา เล๊อบา ลอ เจ๊อ เน๊อ จอแปแหร่ อาเหล่โกล เต๊เห่ ล๋อ ปลี เจ๊อ.

โคโลสี 1:19

เมเตเฮ๊เรอ, ล๋อ จอแปแหร่ โอ่ เร๊อ อา เตเล๊อเตบา เต๊เห่เนอ, อา ซิหยื่อ นอโอ่เกอ เด๊อ ครี๊ อากู.

ꤛꤥ꤭ꤟꤢ꤬ 6:56

แกแย เด๊อ อา เอ่ แวหย่า โอ แวสุ่ย เตเพรเพร เนอ, อา โอ่เซอเพร เด๊อ แวกู, เร๊อ แว โอ่เซอเพร เด๊อ ลูกู เฮ๊อ.

โครินธ์ เนอบ่า ต๊าบ่า 5:17

แกแย เตเพรเพร เด๊อ อา ทวาแถ่ เฮ๊อ เต๊อเจ๋อ แพ๊ เน๊อ ครี๊ เนอ, อา ทวาแถ่ เฮ๊อ แกแย เตเพร เด๊อ จอแปแหร่ แบ๊แล เต๊เปล่ เซ ลู เฮ๊อ. อา วีแก แก อา เตโอ่เซอเพร อาเลอ เต๊เห่ เร๊อ อา โอ่เซอเพร เต๊เปล่แก เด๊อ อาเซ เฮ๊อ.

ꤛꤥ꤭ꤟꤢ꤬ 17:11

แว โอ่ ตื๊อดื่อ ปา เด๊อ เห่ขุเออ โต่, หม่าแน๊เรอ เหย่ซี เออเต๊เห่ เก่ โอ่ ตื๊อดื่อปา เด๊อ เห่ขุเออ ปา. แวเร๊อ, แว เก่ กาคยา คยาแซ๊ เด๊อ เนโอ่ ปา. เก๋อ เพ บูโพ๊! แซ่ฮู๊ เหย่ซี เก่ โอ่ลู เร๊อ ซิปล่อ เตเมเม๋ แพ๊ ฮู๊ แว เร๊อ เน โอ่ลู เร๊อ ซิปล่อ เตเมเม๋ แพ๊ อากูเนอ, ตอกอเตเก บี๊หนิดื่อ เหย่ซี เร๊อ เนมุย เด๊อ อาโพรอาฉว่าอาชอ, เนมุย เด๊อ เน เด๊อะ แว เออเนอ นี๋.

ꤛꤥ꤭ꤟꤢ꤬ 16:23

เบ๊อะเนอเตอเนอ ปาเนอ, ซี แด๊เฮอ ปา เจ๊อ แว เตอเจ๋อ โต่ เฮ๊อ. แว เฮ๊จ๊อจ๊อ ซี, ซี เก่ กุย แวเพ อิเตเต๋ เบ่เบ่, ซี เก่ กุย เร๊อ แวมุย เฮ๊เนอ, แวเพ เก่ เด๊อ ซี ปา.

เอเฟซัส 2:10

กู๊แหน่เรอ เป ทวาแถ่ ฮู๊เออ เนอหม่า, จอแปแหร่ เม เป่ เป แพ๊. เด๊อ เป ทวาแถ่ เตอเจ๋อโต เฮ๊อ เร๊อ เหย่ซู่ครี๊ อาขว่าอาคยา, จอแปแหร่ เด๊อะ เป เตโอ่เซอเพร อาเซ เฮ๊อ. แซ่ฮู๊ เป เก่ เมเตแร๊ อาเงเนอเนอ, อา เด๊อะ เฮ๊อ เป เฮ๊อ. เป เก่ เม เตแร๊ เออเต๊เห่ อาเงเนอ, อา ตี๊หรี่แตแร หนื่ออื่อ งย๋า เป่ลาเฮ๊อ เด๊อ เปเง เฮ๊อ.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

ꤛꤥ꤭ꤟꤢ꤬ 17:7

กู๊แหน่เร๊อ ล๋อ เต เด๊อ แวเฮ๊แวเม เออเต๊เห่เนอ, อา โอ่ เด๊อ เนโอ่ เร๊อ อา แฮ แพ๊เนอ เหย่ซี ซิเง เฮ๊อ.

โครินธ์ เนอบ่า ต๊าบ่า 12:2

เด๊อ อาเหร่อเค เช๊อลุยหน่า เบ๊อะเนอ, อู เอ๊กา กี๊แถ่ แกแยเพ เด๊อ อา หยื่อเอ่ ครี๊ เตเพร เด๊อ ม๊อขุ โซโต่ โต๊โต่ โต๊โผ่. (อาเหน่กล่อ โอ่ป่าแถ่เต่อ เกอ แอ? หม่า อา โอ่ป่าแถ่เต่อ โต่ แอ เนอ, แว ซิเง โต่. ซิเง แพ๊ตื๊อ จอแปแหร่ เตเพร แพ๊.)

โครินธ์ เนอบ่า ต๊าบ่า 5:19

เป ซิหยื่อ เฮ๊เนอหม่า ฮู๊เตเฮ๊เนอ, เด๊อ ครี๊ อาขว่าอาคยาเร๊อ จอแปแหร่ เมทวาแถ่ เฮ๊อ แกแยเห่ขุพู๊ ปว๋า เตเพร เร๊อ อา โคแบ๊ซว๊า เฮ๊อ. จอแปแหร่ แด่ ปา แกแย แกแยเห่ขุพู๊ เต๊เห่ อา เตเมซื๊อ โต่ เฮ๊อ. เร๊อ อา เด๊อะตาแก เฮ๊อ เป เตเมเออ เด๊อ เป เก่ จว๊า แด๊โฉ่โด่แน โล เป่ อู เร๊อ จอแปแหร่ เมทวากาคยา คยาแซ๊ เฮ๊อ แกแยเห่ขุพู๊ เต๊เห่ เร๊อ อา โคแบ๊ซว๊า เฮ๊อ.

ꤚꤥꤗꤢꤩ꤬ 16:7

ซู จว๊า หนิเป่ เกอ แว เตเฮ๊โมเฮ๊แร๊ เด๊อ คูอันโดรนิคัส เร๊อ หม่อยูเนีย นี๋. เหย่ซี หม่า แกแยยิวพู๊ แซ่เน๊อ แว เออเนอ แพ๊. อู ด๊อตา โหร่เกอ เหย่ซี เร๊อ แว เด๊อ ทอกู หนิ. เหย่ซี หม่า เพรโด่แนพู๊ เต๊เห่ เด๊อ อู แด่ดุหยื่อแหน่ แหน่เจ๊อ เต๊เห่. เหย่ซี ครวาเหร่อเล๊อ ครี๊ อาคยา เร๊อ แว หนิ.

ꤛꤥ꤭ꤟꤢ꤬ 14:11

เบ๊อะแว เฮ๊ เป่ ซี เน๊อ แว โอ่เกอ เด๊อ เพกู เร๊อ เพ โอ่เกอ เด๊อ แวกู เออเนอหมา, ตูรู๊ หยื่อเอ่ แลแค. ซี เก่ หยื่อเอ่ลา แว โต่ เฮ๊เรอ, ปีตี๊ตื๊อดื่อ เร๊อ ซี โต แม๊ แว เม เมเตโคตีกลี๊คยา เด๊อ แว เด๊อะโล โทเฮ๊อ เนอเต๊เห่ เร๊อ หยื่อเอ่เต เด๊อ แว เฮ๊ เป่ ซี เออเต๊เห่ เนอ.