ꤛꤥ꤭ꤟꤢ꤬ 14:2 - ลีเทส่อพ๊าอาเซ เร๊อ เห่ขุทวาลู๊

² เด๊อ แวเพ อาหี่ เนอ, หี่ด๊อกู เหล่โอ่ อากู๊เหล่ โอ่ เอ๊แหน่เจ๊อ. อา เก่ โอ่หม่าโต่ เฮ๊เรอ, แว จว๊า เฮ๊ โต่ ซี เมเต? แว เตเร จว๊า ตี๊หรี่แตแร หนื่ออื่อ เป่ เฮ๊อ ซี เหล่โอ่ โต๊โผ่ เฮ๊อ.

Eastern Kayah Shadaw Dialect

² ꤘꤣ ꤠꤢꤧ꤭ꤖꤢꤩ꤭ ꤢ꤬ꤟꤤ꤬ꤊꤢꤨ꤭ ꤔꤣꤧ꤬, ꤟꤤ꤬ꤘꤢꤪꤊꤢꤨ꤭ ꤜ꤫ꤢꤩ꤬ꤥ꤬ ꤥ꤬ ꤢꤩꤔꤢꤧ꤬ꤡꤣꤧ꤯ ꤢ꤬ ꤊꤢꤩ꤬ ꤥ꤬ꤗ꤫ꤢ꤬ꤒꤥ꤬ ꤟꤢꤩꤚꤣꤧ꤬, ꤠꤢꤧ꤭ ꤡꤝꤢ ꤟꤢꤩ ꤒ꤫ꤥ꤬ ꤞꤤ꤭ ꤗꤢꤩ꤬ꤒꤢꤩ꤭? ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤡꤝꤢ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤕ꤫ꤢꤩ꤬ ꤟꤣꤧ ꤞꤤ꤭ ꤜ꤫ꤢꤩ꤬ꤥ꤬ ꤒꤣ꤬ꤖꤥ꤬ ꤟꤣꤧ꤯

ꤛꤥ꤭ꤟꤢ꤬ 14:2 ပူးပေါင်းရင်းမြစ်များ

โครินธ์ เนอบ่า ต๊าบ่า 5:1

เปเหน่กล่อ เด๊อ อาแซ่เน๊อ หี่ เด๊อ เป โอ่ เกอเร๊อ อา เด๊อ เห่ขุ เออเตเม เนอ, ช๋า อู เมโพร๊แก เฮ๊อ อา ปา, อา ซิ เฮ๊ เฮ๊อ ช๋า เป เซอ ปาหม่า, เป ซิเง เร๊อ จอแปแหร่ เก่ เมโอ่เป่ เฮ๊อ เปหี่เซ หม่าเฮ๊อ เปเหน่กล่อ อาเซ เออเนอ เด๊อ ม๊อขุ เนอ เฮ๊อ. อา เก่ เม เร๊อ อาเหน่ เร๊อ หี่เซ หม่าเฮ๊อ เปเหน่กล่อ อาเซ เออเนอ, อา เซอแจ่ ปา โต่, อา เก่ โอ่หม่าโอ่กลอ ตูจูเพร ปา.

ꤛꤥ꤭ꤟꤢ꤬ 13:36

“แบ่เจ่, เน เตเร จว๊า เบ๊อะโต๊โผ่เต ปา?” คูซีโมน เปโตร แด๊เฮอ ลู ฮู๊เนอ. เร๊อ แบ่เจ่ เหย่ซู่ เฮ๊ฉื่อ ลู เน๊อ, “เหล่โอ่ เด๊อ แว เตเร จว๊า เออโต๊โผ่เนอ, กู๊แหน่เร๊อ เน ครวาจว๊า แจ่ เกอแล๋ แว โต่. หม่าแน๊เรอ เน เก่ ครวาจว๊า เกอเนอ แว เด๊อคยา ปา.”

ꤟꤤꤙꤚꤢꤨ 13:14

เมเตเฮ๊เร๊อ วี เด๊อ เปเง เด๊อ อา โอ่หม่าโอ่กลอ ตูจูเพร เด๊อ เห่ขุ เออเนอ อาโอ่ ตีวี๋ โต่. เป แม๊ปู วี เด๊อ อา เตเร แฮ ปา เออเนอ ตีวี.

เตเด๊อะโลแถ่ 21:2

แว แม๊เถอะ วีบูโพ๊ หม่าดื่อเฮ๊อ เยรูซาเล็ม วีเซ เออตีวีเนอ, เร๊อ อา โอ่ เด๊อ ม๊อขุ เด๊อ จอแปแหร่ อา โอ่ เร๊อ อา แฮแล. อู ตี๊หรี่แตแร กือแซ๊ หนื่ออื่อ เป่ ลู ฮู๊ เพรกาฉู่แด่ เพรเหมาะ เตเพร เด๊อ อา โอ่ป่อฉื่อ อาเว เนอ.

เตเด๊อะโลแถ่ 3:12

แกแย เด๊อ อา เมเป่ เตเนอ, แว เก่ เด๊อะทวาแถ่ อา เร๊อ แว จอแปแหร่ อา เตหลู่เเตโฮ อาอี๊ถื่อ ปา, โทเรอ อา เก่ โอ่ ตื๊อดื่อลา เบ๊อะเนอ ปา. แว เก่ ราโอ่หนิ แว จอแปแหร่ อามุย เด๊อ อาลู ปา. โทเรอ แว เก่ ราโอ่ แว จอแปแหร่ อาวี หม่าดื่อ เยรูซาเล็ม วีเซ อามุย เออเนอ เด๊อ อาลู ปา. เยรูซาเล็ม วีเซ เออเนอ, อา โอ่ เด๊อ ม๊อขุ เด๊อ แว จอแปแหร่ อาโอ่ เร๊อ อา แฮแล. เร๊อ แว เก่ ราโอ่เกอ แว มุยเซ เด๊อ อาลู ปา.

ꤟꤤꤙꤚꤢꤨ 11:10

เพอับราฮัม เม ฮู๊ จอแปแหร่ เฮ๊ ลู เนอ, เมเตเฮ๊เรอ อา โอ่ป่อ แม๊ชือหนิ วี เด๊อ อาแก่ช๊า อาหม่าอากลอ ตูจูเพร เออเนอ เตอวี. วี เออตีวีเนอ, จอแปแหร่ ตี๊หรี่แตแร หนื่ออื่อ โทเฮ๊อ เร๊อ อา ช๊อแถ่ หนิโทดื่อ เฮ๊อ เร๊อ อาเหน่.

ꤛꤥ꤭ꤟꤢ꤬ 13:33

“แวพู๊แวเลอ ซี, แว โอ่เต่อ งยาเกอปา เร๊อ ซี โต่เฮ๊อ. ซี เก่ แม๊ปูซื๊อ แว ปา. ฮู๊ แว เฮ๊โทเฮ๊อ แกแยยิวพู๊ ทวาดุทวาเต เต๊เห่เนอ, แว เก่ เฮ๊ เป่ โป่ ซี กู๊แหน่เออ เน๊อ เหล่โอ่ เด๊อ แว เตเร จว๊า เออเนอ, ซี จว๊าแจ่โต่.

ꤛꤥ꤭ꤟꤢ꤬ 16:4

ช๋า เบ๊อะแฮโต่เฮ๊อ ปา เบ๊อะเนอ, ซี เก่ ข่าเบ่ เตจาเตจือ เต๊เห่ ปา. แซ่ฮู๊ ซี เก่ ซิเงแถ่เบ่ โต่ เต เด๊อ แว เด๊อะ รอ หนื่ออื่อ ซี เตเออเต๊เห่ อาเงเนอเนอ, แว แด๊โฉ่หนื่ออื่อ เป่ เฮ๊อ ซี กู๊แหน่เออ เฮ๊อ. เด๊อ กูลู่ เค เนอหม่า แว ย๋อ โอ่เกอ เร๊อ ซี อาขว่าอาคยา, แว เฮ๊โฉ่โลน๊อ เป่แล ซี โต่.”

ꤛꤥ꤭ꤟꤢ꤬ 17:24

“เก๋อ เพ, แกแย เด๊อ เน เด๊อะ เร๊อ แว เออเต๊เห่เนอ, แว โอ่ เบ๊อะโต๊โผ่เนอ, แว ซิหยื่อ เอ๊ โอ่เกอ เหย่ซี เบ๊อะเนอ. แว ซิหยื่อ เด๊อ เหย่ซี เก่ แม๊เถอะ แว เตเตอเรอดุ เตอเรอทู เด๊อ เน เด๊อะ แว เออเต๊เห่, เมเตเฮ๊เรอ, เน โม ปา แว เด๊อ เป แบ๊แล แต่ล๋าย เห่ขุ โต่ เบ๊อะเนอ ปา เจ๊อ.”

ꤟꤤꤙꤚꤢꤨ 6:20

เหย่ซู่ จว๊าโนเหร่อ เป่เฮ๊อ เปเหล่โอ่ เด๊อ เง เฮ๊อ. อา ทวา เป่เฮ๊อ เป เพรหลู่แต กู่กล๊อดุเล๊อ เด๊อ อา โอ่ ข่างยา ตูจูเพร เออเนอเฮ๊อ. อา เออเนอ อา แซ่เฮ๊อ เร๊อ เพรหลู่แตเต เมลคีเซเดค เด๊อ เหร่อเนอเค เตเพรเฮ๊อ.

เตเด๊อะโลแถ่ 3:21

“แว เมเป่ โทเฮ๊อ เร๊อ แว โอ่แนหนิ เต่อเกอ เฮ๊อ เร๊อ แวเพ เด๊อ กู่แกล๊เท แถ่โล อาขุ เฮ๊อ. ฮู๊เนอเรอ แกแย เด๊อ อา เมเป่เต เต๊เห่เนอ, แว เก่ นอโอ่แนโอ่ เต่อเกอ เหย่ซี เร๊อ แว เด๊อ แว กู่แกล๊เท แถ่โล อาขุ เออเนอ ปา.

เตเด๊อะโลแถ่ 1:5

ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.

ꤟꤤꤙꤚꤢꤨ 9:8

เด๊อ เตเออ อาขว่าอาคยา, แหย่โยบูโพ๊ แบ่เจ่ เด๊อะโล เป่ เป เน๊อ, เก่ อู นอเอ่ ตื๊อดื่อปา เหล่สื่อดุ อาเลอ เออเตเม เฮ๊เรอ แกล๊เหล่โน เด๊อ เหล่สื่อ หม่าแหน่ เออเตเม อากูเนอ, อา ลูโมล๋ายโต่.

ꤒꤤꤒꤢꤨ 1:2

เตจ๊ออาเต เออเนอ อา เด๊อ เหย่ซี เตแม๊ซื๊อ เด๊อ เหย่ซี เก่ พย๊าหนิ ซิปล่อเซอเพร ตูจูเพร ตาเลเคร๊ อาเง เฮ๊อ. เบ๊อะเห่ขุ โอ่ทวาแถ่ แต่ล๋ายโต่ เบ๊อะเนอ, จอแปแหร่ เด๊อ อา แลโฮน๊อ แตแค๋ โต่ เออเตเพรเนอ, อา อ๊อแล หนื่ออื่อ โทเฮ๊อ เร๊อ อา เก่ เด๊อะ เป เตเซอเพร เออเนอ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:9

จอแปแหร่ นว๊าแถ่ เป เร๊อ เป เก่ ข่าเบ่ อา เตซิปล่อดุ อาเตเมจากาคยา เออเนอ หม่าโต่. เด๊อ เป แบ่เจ่ เหย่ซู่ครี๊ ขว่าคยาเรอ, อา นว๊าแถ่ เป เร๊อ เป เก่ พย๊าหนิ ลาเฮ๊อ เตเมแลเปล๊กา เออเนอแพ๊.

เพรโด่แนพู๊ เต๊เห่ 9:16

ล๋อ เตจาเตจือ เด๊อ อา โตเบ่ ข่าจา เด๊อ แวขว่าแวคยา เต๊เห่เนอ, แว เก่ เด๊อะโล ซิเง เจ๊อดื่อ ลู เร๊อ แวเหน่ ปา.”

ꤛꤥ꤭ꤟꤢ꤬ 14:28

“ซี หนิโฮ โทเฮ๊อ แว เฮ๊ ซี เน๊อ, ‘แว จว๊าแก ซีเหล่ ปา ตื๊อดื่อเรอ แว เก่ กาโตเกอ คยาแซ๊ ซี ปา.’ แว เซเร จว๊า เด๊อ เพ อา โอ่ ปา, แว เฮ๊ ซี ฮู๊เออเนอ, ซี เก่ โม แว เฮ๊เรอ ซี ซิครือ แพ๊, เมเตเฮ๊เรอ แวเพ เนอ อาดุเล๊อ เร๊อ แว.

ꤜꤢꤨꤊꤢ꤬ 14:22

“อา หลู่ กาโตคยา เร๊อ อา เฮ๊ อาแบ่เจ่ เน๊อ, ‘แบ่เจ๋ แว จว๊าเมโท ลอเฮ๊อ ฮู๊ เน เฮ๊ตาโหง่ เนอเต๊เห่ เฮ๊อ, หม่าแน๊เรอ เหล่โอ่ โอ่กอคูปา เต๊เห่.’