ꤛꤥ꤭ꤟꤢ꤬ 14:19 - ลีเทส่อพ๊าอาเซ เร๊อ เห่ขุทวาลู๊

¹⁹ เตอเปลอฮู๊ อากูเนอ, แกแย เห่ขุพู๊ เต๊เห่ แม๊เถอะ ปา แว โต่. หม่าแน๊เรอ ซีเนอ, ซี เก่ แม๊เถอะ แว ปา. แว เซอเพร อาขว่าอาคยาเร๊อ ซี เก่ เซอเพร เกอ ปาปา.

Eastern Kayah Shadaw Dialect

¹⁹ ꤒꤣꤧ꤬ꤕꤜꤣ꤬ꤟꤢꤨ ꤢ꤬ꤊꤢꤨ꤭ꤔꤣꤧ꤬, ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ ꤕꤢ꤬ ꤠꤢꤧ꤭ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ꤚꤣꤧ꤬, ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤠꤢꤧ꤭ ꤕꤢ꤭꤯ ꤠꤢꤧ꤭ ꤞꤣꤧ꤭ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ ꤊꤣꤧ꤭ ꤕꤢ꤭ꤕꤢ꤭꤯

ꤛꤥ꤭ꤟꤢ꤬ 14:19 ပူးပေါင်းရင်းမြစ်များ

ꤛꤥ꤭ꤟꤢ꤬ 16:16

“งยาแต๋โต่ ปาหม่า ซี แม๊เถอะน๊อ ปา แว โต่ เฮ๊อ, หม่าแน๊เรอ งยาแต๋โต่ คยาแซ๊ ปาหม่า ซี แม๊เถอะ คยาแซ๊ แว ปา.”

ꤟꤤꤙꤚꤢꤨ 7:25

ฮู๊เนอเรอ แกแย เด๊อ อา แฮ เด๊อ จอแปแหร่ อา โอ่ เร๊อ อา แฮโน แฮเง เด๊อ เหย่ซู่ อา โอ่ เต๊เห่เนอ, เหย่ซู่ เก่ เมแลเปล๊กาเบ๊ เหย่ซี กู๊แหน่เออ ตาแฮเง ตูจูเพร เจ๊อ ปา, เมเตเฮ๊เรอ แซ่ฮู๊ อา เก่ โน กุยซิยอเบ๊ เป่ แกแย ฮู๊เนอ เต๊เห่ อาเง เด๊อ จอแปแหร่ อา โอ่ เนอ, อา เบ่ เซอเพร ตูจูเพร.

ꤛꤥ꤭ꤟꤢ꤬ 7:33

แบ่เจ่ เหย่ซู่ เฮ๊ เน๊อ, “แว โอ่เต่อ งยาเกอปา เร๊อ ซี โต่. งยาแต่โต่ ปาหม่า แว เก่ กาคยา คยาแซ๊ เด๊อ เพรนอแฮ แว เออเตเพร อา โอ่ เฮ๊อ.

ꤛꤥ꤭ꤟꤢ꤬ 11:25

แบ่เจ่ เหย่ซู่ เฮ๊ ลู เน๊อ, “แว หม่า เพร เด๊อ อา เมเซอเพร กาคยา แกแยเซอ เต๊เห่. แว หม่า เพร เด๊อ อา เด๊อะ อู ซิปล่อเซอเพร. แกแย เด๊อ อา หยื่อเอ่ แว เต๊เห่เนอ, อา เซอ เจ๊อ ตื๊อดื่อเรอ อา เก่ เซอเพร กาคยา ปา.

โครินธ์ อาเหร่อเล๊อ ต๊าบ่า 15:45

“แกแยเห่ขุพู๊ อาเหร่อเล๊อ เตเพร เด๊อ อู เอ๊ ลู เร๊อ เพอาดัม เออเนอ จอแปแหร่ เด๊อ ลู ซิปล่อเซอเพร,” ลีเทส่อพ๊ากู เฮ๊ฮู๊เนอ. หม่าแน๊เรอ เหย่ซู่ครี๊ เด๊อ อู เอ๊ ลู เร๊อ เพอาดัม เด๊อ คยาเล๊อ เออเตเพรเนอ, อา เด๊อะตา แฮเง เฮ๊อ แกแยเห่ขุพู๊ เต๊เห่ อา เตโอ่เซอเพร อาเซ เร๊อ แหย่โยบูโพ๊ แบ่เจ่ เฮ๊อ.

ꤛꤥ꤭ꤟꤢ꤬ 16:22

เต เก่ ทวาแถ่ แซ่เกอดื่อ เน๊อ ซี ฮู๊เออเนอ ปา. กู๊แหน่เร๊อ ซี เก่ ซิเปลซิหย่อ ปา, หม่าแน๊เรอ แว เก่ แม๊เถอะ คยาแซ๊ ซี ปา เร๊อ ซี เก่ ซิครือซิลอ แหน่เจ๊อ ปา. โท๊โต่ อู พย๊าแก แจ่ ปา เจ๊อ ซี เตซิครือซิลอ เตเพร่ว เจ๊อโต่ ปา.

ꤚꤥꤗꤢꤩ꤬ 8:34

ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.

ꤚꤥꤗꤢꤩ꤬ 5:10

เด๊อ อาเหร่อเค เนอหม่า, เป ทวา แกแย เด๊อ อา ซิเถ่ จอแปแหร่ เต๊เห่. เด๊อ อาพู๊คู ข่าเซอ อาซิปล่อ เด๊อ เปเง อาขว่าอาคยา, อา เม โครเกล กาคยา คยาแซ๊ เฮ๊อ เป เฮ๊อ. กู๊แหน่เออ เป ทวาเฮ๊อ อาโค แบ๊ซว๊า เฮ๊อ. เป ซิเง ตาเต เจ๊อเฮ๊อ. เร๊อ เป เหล่แลเปล๊เบ๊ แพ๊ เร๊อ อาพู๊คู อา เตโอ่เซอเพร อาคยา แพ๊.

โครินธ์ อาเหร่อเล๊อ ต๊าบ่า 15:20

หม่าแน๊เรอ, ครี๊ เซอ ก๊อถ่อกาคยา เออเนอหมา อา หม่าแหน่ เจ๊อ. เด๊อ อา เซอ ก๊อถ่อกาคยา เหร่อเล๊อ อู เด๊อ เตเซอ อาขว่าอาคยา, อา เด๊อะโล ซิเง ตาเต เป่ เจ๊อ เฮ๊อ เป เร๊อ แกแย เด๊อ อา เซอ ตาลว๊า โทเฮ๊อ เต๊เห่เนอ, อา เก่ ก๊อถ่อเซอเพร กาคยา ลอคยา เด๊อ เตเซอ ปา.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ꤛꤥ꤭ꤟꤢ꤬ 13:33

“แวพู๊แวเลอ ซี, แว โอ่เต่อ งยาเกอปา เร๊อ ซี โต่เฮ๊อ. ซี เก่ แม๊ปูซื๊อ แว ปา. ฮู๊ แว เฮ๊โทเฮ๊อ แกแยยิวพู๊ ทวาดุทวาเต เต๊เห่เนอ, แว เก่ เฮ๊ เป่ โป่ ซี กู๊แหน่เออ เน๊อ เหล่โอ่ เด๊อ แว เตเร จว๊า เออเนอ, ซี จว๊าแจ่โต่.

ꤛꤥ꤭ꤟꤢ꤬ 12:35

เออโตโพ๊เรอ แบ่เจ่ เหย่ซู่ เฮ๊แก เกอเร๊อ อาเหน่ เน๊อ, “เตลี เออเนอ อา โอ่โก๊โป่ เร๊อ ซี เตอเปลอฮู๊ ปาแพ๊. เบ๊อะเตลี โอ่เกอปา เร๊อ ซี เบ๊อะเนอ, ตูรู๊ จว๊าเป่แฮ แลแค. เตคี๊ เก่ แฮโต่ คยา ซี ปา. แกแย จว๊า เด๊อ เตคี๊เกล เตเพรเนอ, อา จว๊าโต เบ๊อะเตเนอ, อา ซิเง เกอเร๊อ อาเหน่ โต่.

ꤛꤥ꤭ꤟꤢ꤬ 8:21

แบ่เจ่ เหย่ซู่ เฮ๊ เป่ โป่ เหย่ซี เน๊อ, “แว เก่ เถ่จว๊าเฮ๊อ ปา, เร๊อ ซี เก่ แม๊ปูซื๊อ แว ปา. ซี เก่ เซอ ปา ตื๊อดื่อเรอ จอแปแหร่ ปลวาแก ซี เตซื๊อ เออเต๊เห่ โต่. เบ๊อะแว เหล่จว๊า เหล่โอ่เนอ ซี จว๊าแจ่โต่,” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 6:40

เมเตเฮ๊เรอ, แวเพ อา เตซิหยื่อ หม่า หม่าเฮ๊อ ล๋อ แกแย เด๊อ อา แม๊เถอะ อาพู๊คู เออ เร๊อ อา หยื่อเอ่ เต๊เห่เนอ, อา เก่ พย๊าหนิ ซิปล่อเซอเพร ตูจูเพร, เร๊อ แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เนอเตอเนอ ปา.”

เพรโด่แนพู๊ เต๊เห่ 10:41

อา โอ่โลแถ่ เป่ อู ปว๋า เตเพร หม่าโต่. อา โอ่โล แถ่ เป่ ตื๊อแพ๊ จอแปแหร่ นว๊าแถ่เฮ๊อ เป เด๊อ เป เก่ ทวาแถ่ เพรข่าเฮ๊โล เออเต๊เห่ เนอแพ๊. อา เซอ ก๊อถ่อ กาคยา โทเฮ๊อ เบ๊อะเนอ, เป เออเต๊เห่เนอ, เป เอ่โหร่โอโหร่ เต่อเกอ โทเฮ๊อ เร๊อ ลู เฮ๊อ.

เตเด๊อะโลแถ่ 20:4

โทเรอ แว แม๊เถอะ จ๊อแผ่ กู่แกล๊เท แถ่โล เต๊เห่. แกแย โอ่แนโอ่ เด๊อ กู่แกล๊แถ่โล ลูเนอ เต๊เห่เนอ, อู เด๊อ เหย่ซี เตอเรอฉว่าชอ เด๊อ อา เก่ เมจากาคยา อู ปา. แว แม๊เถอะ เกอโป่ แกแย เด๊อ อา ข่าเด๊อะโล เร๊อ เหย่ซู่ อาหรี่อาแก เร๊อ อา แด๊โฉ่โด่แน เป่ อู จอแปแหร่ อาลาอาโหง่ เต๊เห่ อาขว่าอาคยา, อู ปาตือแก เหย่ซี แกโบ เต๊เห่ อา ซิปล่อเซอเพร. เตมีเตแหม่ เบ่เบ่, เตมีเตแหม่ อาเตแหย่โย เออเนอ เบ่เบ่, เหย่ซี จ๊อเบแถ่น๊อ เกออู โต่ ตื๊อเนอโทโต่. เตมีเตแหม่ เนอโตโด อา เตเมม๊าเมแด เด๊อ อู เบ่ เมม๊า เด๊อ มาเท๊ลู เนอเบ่เบ่, หม่าโต่เรอ อู เบ่ เมม๊า เด๊อ กู๊ขุลู เนอเบ่เบ่, อา พย๊าฉื่อน๊อ เกออู เตเมม๊าเมแด เตอเจ๋อ โต่. เหย่ซี เซอเพร กาคยา เร๊อ อา เป๊อ เต่อเกอ เต เร๊อ ครี๊ อาหน่าตีรี๊.