ꤛꤥ꤭ꤟꤢ꤬ 14:18 - ลีเทส่อพ๊าอาเซ เร๊อ เห่ขุทวาลู๊

¹⁸ แว แด่โอ่แคร๊แก ซี โต่. แว เก่ แฮ คยาแซ๊ เด๊อ ซีโอ่ ปา.

Eastern Kayah Shadaw Dialect

¹⁸ ꤠꤢꤧ꤭ ꤘꤢꤧ꤬ꤥ꤬ꤋꤚꤢꤧꤊꤢꤧ꤭ ꤞꤤ꤭ ꤒꤥ꤬꤯ ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ ꤋꤛꤢ꤭ꤞꤢꤧ ꤘꤣ ꤞꤤ꤭ꤥ꤬ ꤕꤢ꤭꤯

ꤛꤥ꤭ꤟꤢ꤬ 14:18 ပူးပေါင်းရင်းမြစ်များ

มัทธิว 18:20

หม่าเมเตเฮ๊เนอ, แกแย ซิเนอ แพ๊ เบ่เบ่, ซิโซ แพ๊ เบ่เบ่, เหย่ซี เก่ โอ่เต่อโอ่ปล๊อ ลู เด๊อ แวมุย คยา เก่เฮ๊เรอ, แว เก่ โอ่เต่อ เกอตื่อ เร๊อ เหย่ซี ปา.”

มัทธิว 28:20

โทเรอ อิซว๊าอี๊แส่ แลแค เหย่ซี เน๊อ อา เก่ จูเอ่ ครวาเม ลอฮู๊ แว เฮ๊ แก ซีโหง่ เนอเต๊เห่ นี๋. แว เก่ โอ่เต่อเกอ เร๊อ ซี ปว๊า โพ๊ เจ๊อ ปา, โต่ เจ๊อ เด๊อ เห่ขุ ตื๊อดื่อแก เจ๊อปา เบ่เบ่, แว เก่ โอ่ เกอ เร๊อ ดื่อซีปา.”

ꤛꤥ꤭ꤟꤢ꤬ 14:16

แว เก่ กุยแถ่ เพ เด๊อ อา เก่ ซูตา เป่ ซี เพรเมจว่า ซี เตเพร เด๊อ แว เหล่โอ่ เออเนอ ปา. เร๊อ อา เก่ โอ่เกอ เร๊อ ซี ตูจูเพร ปา.

ꤛꤥ꤭ꤟꤢ꤬ 14:3

แว จว๊า ตี๊หรี่แตแร เป่ โท ซี เหล่โอ่ โต๊โผ่ ปา เร๊อ แว กา คยาแซ๊ เด๊อ ซีโอ่ ปา. แซ่ฮู๊ ซี เก่ กา โอ่เต่อเกอ เร๊อ แว เบ๊อะแว เหล่กาโอ่ อาเหล่โอ่ เออปาเนอ, แว แฮ เอ๊กา คยาแซ๊ ดื่อ ซี ปา นี๋.

ꤛꤥ꤭ꤟꤢ꤬ 16:16

“งยาแต๋โต่ ปาหม่า ซี แม๊เถอะน๊อ ปา แว โต่ เฮ๊อ, หม่าแน๊เรอ งยาแต๋โต่ คยาแซ๊ ปาหม่า ซี แม๊เถอะ คยาแซ๊ แว ปา.”

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

เธสะโลนิกา เนอบ่า ต๊าบ่า 2:16

เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

ꤟꤤꤙꤚꤢꤨ 2:18

เร๊อ กู๊แหน่เออ, อาเหน่ แบ่เจ่ เร๊อดื่อ ย๋อ แม๊เถอะป่อเต่อ แฮ เบ่น๊อ โทเฮ๊อ เตข่าจาข่าจือ เต๊เห่, เตอิลออี๊โหล่ เต๊เห่ อาขว่าอาคยา แกแย เด๊อ อา แม๊เถอะ ป่อชิเต่อเบ่ เน๊อ เตอิลออี๊โหล่ เต๊เห่เนอ อา เมจว่าเบ๊ อู แพ๊.