เบ๊อะแหย่โยบูโพ๊แบ่เจ่ เด๊อ อา เด๊อะโล เตหมะเตจ๊อเออ แฮปา เบ๊อะเนอ, อา เก่ ยูแกล๊ยูโกล เป่ ซี เน๊อ ล๋อ เตหมะเตจ๊อ เนอเต๊เห่ ปา. อา เก่ แด๊โฉ่โล เป่ ซี เร๊อ อา เต เตเน เร๊อดื่อเนอ หม่าโต่. อา เก่ แด๊โฉ่โล เป่ ซี ฮู๊ อา หนิโฮ แฮหนิ เด๊อ จอแปแหร่ อา โอ่ เนอเต๊เห่ ปา. อา เก่ เด๊อะโล เป่ ซี เร๊อ เต เด๊อ อา ทวาแถ่ ล๋ายโต่ เนอเต๊เห่ ปา.
ꤛꤥ꤭ꤟꤢ꤬ 14:17 - ลีเทส่อพ๊าอาเซ เร๊อ เห่ขุทวาลู๊17 อา หม่า หม่าเฮ๊อ แหย่โยบูโพ๊แบ่เจ่ เฮ๊อ. อา เก่ อิซว๊าอี๊แส่ ยูแกล๊ยูโกล ซี เน๊อ เตหม่า เตจ๊อ เออเนอ ปา. แกแย เห่ขุพู๊ เต๊เห่ แม๊เถอะน๊อ ลู โต่โต่, ซิเงน๊อ ลู โต่โต่ อาขว่าอาคยา, อา เอ๊ฉื่อ ลู โต่ ปา. หม่าแน๊เรอ ซี ซิเงเฮ๊อ ลู, เมเตเฮ๊เรอ อา โอ่เซอเพร เต่อเกอ เร๊อ ซี เร๊อ อา เก่ แฮโอ่ เด๊อ ซี ซิปล่อกู ปา. အခန်းကိုကြည့်ပါ။Eastern Kayah Shadaw Dialect17 ꤢ꤬ ꤗꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤣꤧ꤯ ꤢ꤬ ꤊ꤫ꤢꤦ꤬ ꤤ꤬ꤞꤝꤢꤤ꤬ꤞꤢꤧ꤬ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤞꤤ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤣꤧ꤭ꤔꤣꤧ꤬ ꤕꤢ꤭꤯ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ꤔꤢꤪ ꤜꤢꤨ꤭ ꤒꤥ꤬ꤒꤥ꤬, ꤞꤤꤑꤢꤩ꤭ꤔꤢꤪ ꤜꤢꤨ꤭ ꤒꤥ꤬ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤢꤩꤏꤢꤦ꤬ ꤜꤢꤨ꤭ ꤒꤥ꤬ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤞꤤꤑꤢꤩ꤭ꤟꤣꤧ ꤜꤢꤨ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤒ꤫ꤣ꤬ꤊꤣꤧ꤭ ꤔꤢꤧ ꤞꤤ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ꤥ꤬ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤕꤢ꤭꤯ အခန်းကိုကြည့်ပါ။ |
ꤛꤥ꤭ꤟꤢ꤬ 14:17
30 ပူးပေါင်းရင်းမြစ်များ
ซีเง เกอลาติ เร๊อ, ครี๊ เด๊อะแล โทเฮ๊อ อา แหย่โยบูโพ๊ เด๊อ ซีโหล่ เฮ๊อ, เร๊อ อา แหย่โยบูโพ๊ โอ่หม่าโอ่กลอ เด๊อ ซีกู อาขว่าอาคยา, อู โหล่ อิซว๊า ปา ซี เตเพร่ว โต่, เมเตเฮ๊เรอ อา แหย่โยบูโพ๊ อิซว๊า เฮ๊อ ซี เตปว๋า เต๊อเจ่อเฮ๊อ. โท๊โต่ อา อิซว๊า ซี เออเนอหม่า, เตหมะเตจ๊อ, เตแลโฮแลแห่ หม่าโต่. ฮู๊เนอเร๊อ โอ่หม่าโอ่กลอ แลแค เด๊อ ครี๊ อากู ฮู๊ อา แหย่โยบูโพ๊ อิซว๊า โทเฮ๊อ ซี เนอ นี๋.
หม่าแน๊เรอ เป หม่า จอแปแหร่ อาแกแย เต๊เห่. อูเป๋ เตเพร เบ่เบ่ เด๊อ อา ซิเง จอแปแหร่ เตเพรเนอ, อา ครวาหนิดา เกอดื่อ เปโหง่. หม่าแน๊เรอ จอแปแหร่ อาแกแย หม่าโต่ เต๊เห่เนอ, อา ครวา หนิดา เกอ เปโหง่ โต่. ฮู๊เนอ อาขว่าอาคยา, แกแย เด๊อ อา พย๊าหนิ แหย่โยบูโพ๊ แบ่เจ่ เด๊อ อา เฮ๊เบ่ เตหมะเตจ๊อ เออเตเพร เต๊เห่ เนอหม่า อูเป, เร๊อ แกแย เด๊อ อา พย๊าหนิ ซิปล่อ เด๊อ อา เฮ๊เบ่ แลโฮแลแห่ดื่อเง เนอโตโด เต๊เห่ เนอหม่า อูเปเนอ, เป ซิเง เบโปล แจ่ ดื่อ แพ๊.
หม่าแน๊เรอ อูเปเป๋ เบ่เบ่, เด๊อ อา พย๊าหนิ เกออู แหย่โยบูโพ๊ แบ่เจ่ เด๊อ อา ซิปล่อกู โต่. เต๊เห่เนอ, อา พย๊าฉื่อ เกออู แหย่โยบูโพ๊ แบ่เจ่ อา เตอิซว๊าอี๊แส่ โต่. แกแย ฮู๊เนอ เต๊เห่เนอ, อา ซิเงโปลเบ๊ เกออู อาโหง่แลช๊า โต่, อา เตเน แลแค แพ๊ เน๊อ อา โอ่เล๊อโอ่กลอ แพ๊, เมเตเฮ๊เรอ, เพร เด๊อ อา เฮ๊โปลเบ๊ เป่ เหย่ซี เนอหม่า ตื๊อแพ๊ แหย่โยบูโพ๊ แบ่เจ่ เตเพร แพ๊.
ซี เหน่กล่อ เออเนอหมา แหย่โยบูโพ๊ แบ่เจ่ เด๊อ จอแปแหร่ เด๊อะแล เป่ ซี เออเตเพร อาเหล่โอ่ อา เตหลู่เเตโฮ เนอหม่า ซี ซิเง โต่ แอ? เมเตเฮ๊เรอ จอแปแหร่ พรี งูดุ โทเฮ๊อ ซี อาขว่าอาคยา, ซี เหน่กล่อ เออเนอ ซี เตเร๊อดื่อ หม่า ปา โต่ เฮ๊อ. อา ทวาแถ่ เฮ๊อ จอแปแหร่ อาเต เฮ๊อ. ฮู๊เนอเรอ นอเอ่ แลแค ซี เหน่กล่อ เออเนอ เด๊อ จอแปแหร่ อาลีอาเตเค อาเงเนอ นี๋.
โท๊โต่ เด๊อ ซี เตหยื่อเตแหน่ อาขว่าอาคยาเร๊อ, แซ่ฮู๊ ครี๊ เก่ แฮ โอ่หม่าโอ่กลอ เด๊อ ซี ซิปล่อกู อาเงเนอเรอ, แว กุยจ๊อเบ เป่ เด๊อ ซีเง. แว กุยจ๊อเบ เร๊อ ซี เก่ โมแฮ เร๊อ โมแฮ หนิ จอแปแหร่, โทเรอ ซี เก่ โมแฮ เร๊อ โมแฮ เกอเร๊อ ลู เตเพร เร๊อ เตเพร. ซี เก่ เมฮู๊เนอ เฮ๊เรอ ฮู๊ ส่อหรุ่ย ช๊าตาแยแย เนอ, ซี เตโม เก่ จว๊าแยเกอ ฮู๊เนอ ปา. โทเรอ ฮู๊ อู แบ๊แล กลอหม่าแร๊ หี่ เตเม อาแก่ช๊าเนอ, ซี เตโม เก่ กลอหม่าแร๊ แซ่เกอดื่อ ฮู๊เนอ ปา.
จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.
เด๊อ ซี เร๊อ ครี๊ ทวาแถ่ เฮ๊อ ลู เตเต๊อเจ๋อโต อาขว่าอาคยา, ครี๊ แด่ปล๊อเต่อ เกอเฮ๊อ ซี เร๊อ ยูดาห์ ครี๊พู๊ เต๊เห่ เฮ๊อ. โทเรอ เด๊อ แหย่โยบูโพ๊แบ่เจ่ อา เตโพรเตอเรอ อาขว่าอาคยา, ซี เด๊อ อา ทวาเกอ แกแยยิวพู๊ หม่าโต่ เออเต๊เห่เนอ, อู ช๊อแถ่ เต่อเกอ เฮ๊อ ซี เร๊อ แกแยยิวพู๊ เด๊อ จอแปแหร่ อาหี่ เออเนอเฮ๊อ.
“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. อา เฮ๊ ฮู๊เตเฮ๊เร๊อ, ล๋อ แกแย เด๊อ อา เมเป่ เต เต๊เห่เนอ แว เก่ เด๊อะ อา ค๊อมูมานา เด๊อ อู แด่โอ๊ อา เออเนอต๊อกล่อ ปา. โทเรอ แว เก่ เด๊อะ เหย่ซี หล่อบู เตเพร เตเม ปา, เร๊อ อู ราโอ่ มุยเซ เด๊อ อาลู เออเนอ ปา. มุยเซ เออเนอ อู ซิเง อา เตเพร่ว โต่, ซิเง ตื๊อแพ๊ แกแย เด๊อ อา พย๊าหนิ หล่อเออเนอ เตเพรเพร่ว แพ๊.”
จอแปแหร่ อา เตหลู่เเตโฮ เนอ อา โอ่เต่อแจ่ แหน่ เร๊อ เตแหย่โย แอ. ฮู๊เนอเฮ๊อ, เป เออเต๊เห่ เนอหม่า จอแปแหร่ เด๊อ อา เซอเพร เออเตเพร อา เตหลู่เเตโฮ. จอแปแหร่ เฮ๊ เน๊อ, “แว เก่ แฮโอ่ เด๊อ แวแกแย เต๊เห่ อา ซิปล่อกู ปา เร๊อ แว เก่ จว๊า เต่อเกอ เร๊อ เหย่ซี ปา. เร๊อ แว เก่ ทวา เหย่ซี จอแปแหร่ ปา, เร๊อ เหย่ซี เก่ ทวา แวแกแย เต๊เห่ ปา.”
เก่ เฮ๊ฮู๊เนอเร๊อ, แว เก่เบ่ เม ฮู๊เต? แว เก่ กุยจ๊อเบ ฮู๊ แหย่โยบูโพ๊ แบ่เจ่ ยูแกล๊ยูโกล แว ซิปล่อ เนอ แพ๊, โท๊โต่ แว เก่ กุยจ๊อเบ ดื่อ เร๊อ โหง่ เด๊อ อู ซิเง เกอ แว เนอเต๊เห่ แพ๊. เบ๊อะแว อิโร เบ๊อะเนอ, แว เก่ อิโร ฮู๊ แหย่โยบูโพ๊ แบ่เจ่ ยูแกล๊ยูโกล แว ซิปล่อ เนอ แพ๊, โท๊โต่ แว เก่ อิโรดื่อ เร๊อ โหง่ เด๊อ อู ซิเง เกอ แว เนอเต๊เห่ แพ๊.
ကြော်ငြာတွေ