ꤛꤥ꤭ꤟꤢ꤬ 14:12 - ลีเทส่อพ๊าอาเซ เร๊อ เห่ขุทวาลู๊

¹² แว เฮ๊จ๊อจ๊อ ซี, แกแย เด๊อ อา หยื่อเอ่ แว เต๊เห่เนอ, อา เก่ เมเต เด๊อ แว เมโทเฮ๊อ เออเนอเต๊เห่ ปา. แว เตเร จว๊าเฮ๊อ เด๊อ เพ อา โอ่ อาขว่าอาคยา, อา เก่ เมดุ เมแหล่ เมเอ๊เล๊อ เล๊อปา เจ๊อ เร๊อ เออเต๊เห่ ปา.

Eastern Kayah Shadaw Dialect

¹² ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤠꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤗꤢꤩ꤬ꤒꤢꤩ꤬ ꤘꤣ ꤠꤢꤧ꤭ ꤗꤢꤩ꤬ꤓꤥ꤭ꤟꤣꤧ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤡꤝꤢꤟꤣꤧ ꤘꤣ ꤖꤢꤩ꤭ ꤢ꤬ ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤊ꤫ꤢꤦ꤬ ꤗꤢꤩ꤬ꤘꤢꤨ꤬ ꤗꤢꤩ꤬ꤜ꤫ꤢꤧ꤬ ꤗꤢꤩ꤬ꤢꤩꤜꤣ ꤕꤢ꤬ ꤡꤣꤧ ꤔꤢꤧ ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭꤯

ꤛꤥ꤭ꤟꤢ꤬ 14:12 ပူးပေါင်းရင်းမြစ်များ

มัทธิว 21:21

แบ่เจ่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี๋, เน หยื่อเอ่ เร๊อ เน เก่ ซิปล่อหร่าเหร่ โต่ เฮ๊เนอหม่า ฮู๊ แว เฮ๊ ก่อดุ๊ยเหมาะ เร๊อ อา เซอคราแก เออเนอ, ซี หม๋า ซี เม แจ่เกอดื่อ ฮู๊เนอ แพ๊. ซี เก่ เมแจ่เล๊อ ปา เจ๊อ เร๊อ เนอ ปา. ซี เก่ เฮ๊ โฉ่ เออเตเม เน๊อ, ‘ซ๊อซื๊อ จว๊า ตาพาแก เด๊อ เทอดุซาวา อากูเนอ,’ เฮ๊เนอหม่า อา เก่ ทวาแถ่ เป่ ซี ฮู๊ ซี เฮ๊ เนอ ปา.

ꤗꤢ꤬ꤊꤢꤨ 16:17

แกแย เด๊อ อา หยื่อเอ่ เต๊เห่เนอ แว เก่ เด๊อะ เหย่ซี เตอเรอฉว่าชอ เด๊อ อา เก่ เมแจ่ แลแค อาโค๊ตีกลี๊ เต๊เห่ ปา. เหย่ซี เก่ เหว่เถ่เบ๊ แลแค โลเน๊ เต๊เห่ เร๊อ แวมุย เนอปา, เหย่ซี เก่ เฮ๊เบ่ แจ่ โหง่อาโร เนอเต๊เห่ ปา.

เพรโด่แนพู๊ เต๊เห่ 16:18

อา เฮ๊ ฮู๊เนอ ม๊อเนอม๊อเซ งยาเฮ๊อ เร๊อ อา เมซู๊ซ๊าดี๊แด แหน่เจ๊อ คูเปาโล อาซิปล่อ เร๊อ อา ตีรี๊ กาคยาโต ลู เร๊อ อา เฮ๊ โลเน๊โลหน่าเออ เน๊อ, “เด๊อ เหย่ซู่ครี๊ อามุย อากูเนอ, แว นอเถ่จว๊าแก เน เด๊อ เพรเหมาะ เออเตเพร อากู,” อา เฮ๊โท โตโพ๊โต โลเน๊โลหน่า เออโตโด เถ่จว๊าแก เด๊อ ลูเหน่.

เพรโด่แนพู๊ เต๊เห่ 9:34

เร๊อ คูเปโตร เฮ๊ อา เน๊อ, “คูไอเนอัส, เหย่ซู่ครี๊ แหย่โอ่เหม่เฮ๊อ เน เฮ๊อ. ก๊อถ่อ มอ เร๊อ กิกย๊าดว้า เน เหล่เมอเนอ” เร๊อ ไอเนอัส ก๊อถ่อ โตโปล่ตา ปยา เจ๊อ.

เพรโด่แนพู๊ เต๊เห่ 19:12

ฮู๊เนอ อาขว่าอาคยา, คูเปาโล นอจ่อ เกอเร๊อ อา กู๊โทฮู๊ทื๊อเป๊เส่ เต๊เห่ เร๊อ อิเกพู๊ เด๊อ อา เหล่จอตาตือบี๊ เด๊อ เง เด๊อ อา นอเอ่น๊อ เกอเร๊อ โทเฮ๊อ เต๊เห่เนอ, อู เก่ พย๊าจว๊า เด๊อ แกแยชู๊ยแกแยเช เต๊เห่ อา โอ่, เน๊อ โลเน๊โลหน่า เมเบ่ ลู เต๊เห่ อา โอ่ เฮ๊เนอ, อา เตชุ๊ยเตเช อาโอ่เหม่แก เจ๊อ. โทเร๊อ โลเน๊โลหน่า เต๊เห่ เถ่แกล่ ตาพาแก ลอปลี เจ๊อ.

เพรโด่แนพู๊ เต๊เห่ 9:40

คูเปโตร นอเถ่แก ลอ อู เด๊อ อากลอ เร๊อ อา แด๊งือแล กุยจ๊อเบ เต. โทเรอ อา ตีรี๊ แม๊จว๊า เด๊อ เหมาะโดรคัส โลโอ่เนอ เร๊อ อา เฮ๊ เน๊อ, “เหมาะทาบิธ๋า ก๊อถ่อมอ” อา เฮ๊ เร๊อ เหมาะทาบิธา แม๊กอลอเถ่ เร๊อ อา แม๊เถอะ คูเปโตร อาเค, อา ก๊อถ่อ โอ่แนโอ่.

เพรโด่แนพู๊ เต๊เห่ 8:7

โลเน๊โลหน่า มู๊แหม่ เต๊เห่ เอ๊โทเอ๊โม เถ่จว๊า ตาพาแก เด๊อ แกแย เต๊เห่ อาลู เนอ อา โอ่ เอ๊ลา. โท๊โต่ อา แหย่โอ่เหม่ โอเอ๊ เป่ ลา แกแย เด๊อ อา เซอ ชี๊กยา เต๊เห่ เร๊อ แกแย เด๊อ อา กู๊โด่ด๊า ตือรือ เต๊เห่.

เพรโด่แนพู๊ เต๊เห่ 5:15

เพรโด่แนพู๊ เต๊เห่ ย๋อ เม อาโค๊ตีกลี๊ เป่ เฮ๊อ อู เตเออเต๊เห่ อาขว่าอาคยา, เบ๊อะคูเปโตร จว๊ารว๊า แกล๊กู เบ๊อะเหย่ซี แก่ช๊า เออ เบ๊อะเนอ, แซ่ฮู๊ อา แหย่โย เก๊โอ่ เก่ตาเบ่ เพรชุ๊ยเพรเช เออเต๊เห่ เนอเรอ, แกแย เต๊เห่ แย๊แฮหนิ แลแค แกแยชู๊ยแกแยเช เต๊เห่ เร๊อ อา แฮ เด๊แล เป่ เหย่ซี อาเหล่เมอ เต๊เห่, เหล่เด เต๊เห่ เด๊อ แกล๊ดุกู.

เพรโด่แนพู๊ เต๊เห่ 2:41

แกแย เด๊อ อา หยื่อเอ่ คูเปโตร อา เตเฮ๊เบ่โด่แน เออเต๊เห่เนอ, อา เจหนิแลแค อาเหน่ เร๊อ เทอ. เร๊อ เบ๊อะเนอเตอเนอเนอ, แกแย หยื่อเอ่แลแค เร๊อ อากา โกโน โอ่เอ๊แถ่ เกอ โป่ เหย่ซี เนอ, อา พื๋อ โอ่ อาเพร โซรี๊ เจ๊อ.

เพรโด่แนพู๊ เต๊เห่ 4:4

หม่าแน๊เร๊อ แกแย เด๊อ อา หนิโฮ เหย่ซี เตโด่แน เออเต๊เห่เนอ, อา หยื่อเอ่กา เอ๊ลา เหย่ซู่. แด๊ โชชื่อ แพ๊ เพรคูอาดุ เด๊อ อา หยื่อเอ่ เหย่ซู่ เต๊เห่เนอ อา ผื๋อ โอ่ เจ๊อ แงรี๊ เจ๊อ.

ꤛꤥ꤭ꤟꤢ꤬ 16:7

เก่ เฮ๊ ลอล๋อ โหง่ หม่า, แว จว๊าแก ซีเหล่ หม่า อาแร๊ เล๊อ เจ๊อ เด๊อ ซีเงเจ๊อ, เมเตเฮ๊เรอ แว เก่ จว๊า โต่ เฮ๊เนอ, เพรเมจว่า หม่าเฮ๊อ แหย่โยบูโพ๊แบ่เจ่ เออเตเพร แฮ เด๊อ ซีโอ่ โต่. หม่าแน๊เรอ แว เก่ จว๊า เฮ๊เนอ, แว เก่ นอแฮแล ลาติ ลู เด๊อ ซีโอ่ ปา.

เพรโด่แนพู๊ เต๊เห่ 2:33

จอแปแหร่ แด่ดุแด่ทู เหย่ซู่ เร๊อ อา แด่โอ่ ลู เด๊อ อากู๊ขุ จ๊อทว๊า ตากยา, เร๊อ ฮู๊ อาเพ จอแปแหร่ อ๊อแล โทเฮ๊อ เน๊อ อา เก่ เด๊อะ ลู แหย่โยบูโพ๊ เนอ อา เด๊อะเฮ๊อ ลู เฮ๊อ. เร๊อ เหย่ซู่ กลอตาแล๊ตา เฮ๊อ เต เด๊อ เน แม๊เถอะ หนิโฮเฮ๊อ กู๊แหน่เออ เนอเต๊เห่ เฮ๊อ.

ꤛꤥ꤭ꤟꤢ꤬ 7:39

เทอ เด๊อ อาเด๊อะ อู ซิปล่อเซอเพร เด๊อ แบ่เจ่ เหย่ซู่ เฮ๊ เออเนอหมา หม่า แหย่โยบูโพ๊แบ่เจ่ แพ๊. อูเปเป๋ เบ่เบ่ เด๊อ อา หยื่อเอ่ ลู เต๊เห่เนอ, อา เก่ พย๊าหนิ ปา. แบ่เจ่ เหย่ซู่ พย๊าหนิ แล๋ เตเตอเรอดุ เตอเรอทู โต่, เมเตเฮ๊เรอ อา เซอ ก๊อถ่อกาคยา เร๊อ อา กา กี๊แถ่ เด๊อ ม๊อขุ ล๋ายโต่. ฮู๊เนอเร๊อ จอแปแหร่ อา แหย่โยบูโพ๊ แฮโนโอ่ เด๊อ เหย่ซี ซิปล่อกู เตเพร่ว ล๋ายโต่.

ꤛꤥ꤭ꤟꤢ꤬ 7:33

แบ่เจ่ เหย่ซู่ เฮ๊ เน๊อ, “แว โอ่เต่อ งยาเกอปา เร๊อ ซี โต่. งยาแต่โต่ ปาหม่า แว เก่ กาคยา คยาแซ๊ เด๊อ เพรนอแฮ แว เออเตเพร อา โอ่ เฮ๊อ.

เพรโด่แนพู๊ เต๊เห่ 6:7

ฮู๊เนอเรอ จอแปแหร่ อาลาอาโหง่เออ อา โลปีชี จว๊า เร๊อ จว๊า เจ๊อ. โทเรอ เด๊อ วีเยรูซาเล็ม อากู เนอ, แกแย เด๊อ อา หยื่อเอ่แหน่เอ่รี เต๊เห่ โอ่โหร่โอ่เอ๊แถ่ เร๊อ แถ่ เจ๊อ. โท๊โต่ เพร หลู่แตเต เต๊เห่เนอ, อา หยื่อเอ่แหน่เอ่รี เอ๊ เกอ แหน่เจ๊อ.

เพรโด่แนพู๊ เต๊เห่ 4:16

เหย่ซี แด๊เฮอ เกอเร๊อลู เน๊อ, “เป โตเบ่ เม เหย่ซี ฮู๊เต? เหย่ซี เม ทวาแถ่ เตโคตีกลี๊ เออเต๊เห่เนอ, ล๋อ แกแย โอ่ เด๊อ วีเยรูซาเล็ม อากู เออเต๊เห่ ซิเง ลอปลี เฮ๊อ อาขว่าอาคยา, เป เก่ เฮ๊ เร๊อ อาหม่าโต่ เนอ อา หนิปาโต่ เฮ๊อ.

ꤛꤥ꤭ꤟꤢ꤬ 14:28

“ซี หนิโฮ โทเฮ๊อ แว เฮ๊ ซี เน๊อ, ‘แว จว๊าแก ซีเหล่ ปา ตื๊อดื่อเรอ แว เก่ กาโตเกอ คยาแซ๊ ซี ปา.’ แว เซเร จว๊า เด๊อ เพ อา โอ่ ปา, แว เฮ๊ ซี ฮู๊เออเนอ, ซี เก่ โม แว เฮ๊เรอ ซี ซิครือ แพ๊, เมเตเฮ๊เรอ แวเพ เนอ อาดุเล๊อ เร๊อ แว.

เพรโด่แนพู๊ เต๊เห่ 10:46

เมเตเฮ๊เรอ เหย่ซี หนิโฮ ดื่อ แกแย เออเต๊เห่ เฮ๊เบ่ เร๊อ โหง่โค๊ตีกลี๊ เต๊เห่ อาขว่าอาคยา, เหย่ซี ถู่เซ๊แถ่ แลแค จอแปแหร่. โทเรอ คูเปโตร เฮ๊ เน๊อ,

เพรโด่แนพู๊ เต๊เห่ 4:33

เพรโด่แนพู๊ เต๊เห่ จว๊าเฮ๊โล เป่ อู เน๊อ แบ่เจ่ เหย่ซู่ อาก๊อถ่อ เซอเพร กาคยา อาหรี่อาแก เออเนอ, อา เล๊อบา เจ๊อ เน๊อ เตโพรเตเตอเรอ อาฉว่าอาชอ โท๊โต่ จอแปแหร่ กลอแลเล๊อ กลอแลบา เป่ เจ๊อ อาบุ๊ยอาเตเตอเรอ เด๊อ เหย่ซี ล๋อ ปลี อาเหน่ลู เจ๊อ.

ꤗꤢ꤬ꤊꤢꤨ 11:13

เร๊อ อา แม๊เถอะจว๊าจู ก่อดุ๊ยเหมาะ เด๊อ อาเหล่ โตโฮ๊ เออต๊อเหมาะ. หม่า อาเส่ โอ่ แอ? อาเตเน เร๊อ อา จว๊าโต เด๊อ ก่อดุ๊ยเหมาะ โอ่, หม่าแน๊เรอ เบ๊อะอา จว๊าโต่ เด๊อ ก่อดุ๊ยเหมาะ โอ่ เบ๊อะเนอ, อา แม๊เถอะ อาเส่ ตอปล๋อ โต่, เบ๊อะโตเส่ ล๋ายโต่ อาคยา อา โอ่ โชชื่อแพ๊ อาเหล่ แพ๊.

ꤛꤥ꤭ꤟꤢ꤬ 4:37

เมฮู๊เนอเรอ โหง่โด่แน เฮ๊ เน๊อ, ‘เตเพร เร๊อ ช๊อ, เตเพร เร๊อ เก๊’ เนอหม่า อาโต แพ๊.

ꤛꤥ꤭ꤟꤢ꤬ 5:20

เมเตเฮ๊เรอ, เพ โมหนิเกอเร๊อ อาพู๊คู เร๊อ อา เด๊อะโล ลู ล๋อ เต เด๊อ อา เม เร๊อ อาเหน่ เนอเต๊เห่. อาเพ เก่ เด๊อะโล ลู แรเต เด๊อ อาดุเล๊อ ปา เจ๊อ เร๊อ เออเต๊เห่ ปา เร๊อ ซี เก่ คย๊าอายื๊อ แหน่เจ๊อ ปา.