อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.
ꤛꤥ꤭ꤟꤢ꤬ 13:31 - ลีเทส่อพ๊าอาเซ เร๊อ เห่ขุทวาลู๊31 คูยูดาส เถ่จว๊า โทเฮ๊อ เบ๊อะเนอ, แบ่เจ่ เหย่ซู่ เฮ๊ เหย่ซี เน๊อ, “กู๊แหน่เออ เบ๊อะแฮโต่เฮ๊อ เด๊อ แกแยพู๊คู หม่าเฮ๊อ แวเออ เก่ พย๊าหนิเฮ๊อ เตเตอเรอดุ เตอเรอทู เฮ๊อ. จอแปแหร่ เก่ พย๊าหนิ โดโต่ เตเตอเรอดุ เตอเรอทู เด๊อ แกแยพู๊คูเออ อา โอ่ เฮ๊อ. အခန်းကိုကြည့်ပါ။Eastern Kayah Shadaw Dialect31 ꤋꤢꤨ꤭ꤛꤢꤨꤘꤢ꤬ ꤓꤢꤩ꤬ꤡꤝꤢ ꤓꤥ꤭ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤊꤢꤨꤔ꤫ꤢꤧ꤬ꤣꤧ꤭ ꤏꤣꤧꤋꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ ꤘꤣ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ꤟꤣꤧ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤘꤤ꤭ꤒ꤫ꤢꤦ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤘꤣ ꤖꤚꤢꤩ꤬ꤜꤢꤨ꤬ ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭ ꤢ꤬ ꤥ꤬ ꤟꤣꤧ꤯ အခန်းကိုကြည့်ပါ။ |
ꤛꤥ꤭ꤟꤢ꤬ 13:31
27 ပူးပေါင်းရင်းမြစ်များ
เทอ เด๊อ อาเด๊อะ อู ซิปล่อเซอเพร เด๊อ แบ่เจ่ เหย่ซู่ เฮ๊ เออเนอหมา หม่า แหย่โยบูโพ๊แบ่เจ่ แพ๊. อูเปเป๋ เบ่เบ่ เด๊อ อา หยื่อเอ่ ลู เต๊เห่เนอ, อา เก่ พย๊าหนิ ปา. แบ่เจ่ เหย่ซู่ พย๊าหนิ แล๋ เตเตอเรอดุ เตอเรอทู โต่, เมเตเฮ๊เรอ อา เซอ ก๊อถ่อกาคยา เร๊อ อา กา กี๊แถ่ เด๊อ ม๊อขุ ล๋ายโต่. ฮู๊เนอเร๊อ จอแปแหร่ อา แหย่โยบูโพ๊ แฮโนโอ่ เด๊อ เหย่ซี ซิปล่อกู เตเพร่ว ล๋ายโต่.
กู๊แหน่เรอ แซ่ฮู๊ เพรเป๊อเต เด๊อ ม๊อขุ เร๊อ ม๊อขุ อา เตอเรอฉว่าชอ เต๊เห่ เก่ แม๊เถอะ ซิเง จอแปแหร่ โอ่เร๊อ อา เตแจ่เตลีแม บ๋า เต, เร๊อ อา เด๊อะโล เป่ เหย่ซี เร๊อ อา เมทวา จิจือ โต่เฮ๊อ แกแยยิวพู๊ เด๊อ อา ทวา ครี๊พู๊ เต๊เห่ เร๊อ แกแยยิวพู๊ หม่าโต่ เร๊อ อา ทวา ครี๊พู๊ เต๊เห่เนอ อา เมทวาเฮ๊อ ลู ตู๊หมู่แพ๊ ฮู๊ อา เพรหยื่อเอ่ตู๊หมู่ตอกล๊อ ตู๊หมู่จือลู เนอเฮ๊อ.
เพอับราฮับ, เพอิสอัด เร๊อ เพยาโคบ เต๊เห่ อา จอแปแหร่ เน๊อ เป โหมะเพเพอโพ เด๋อ หนู่เค เต๊เห่ อา จอแปแหร่ เด๊อะโล แถ่เฮ๊อ อา เตลีเตเค เนอ อาหลู่เล๊ เหย่ซู่ เออเนอ เฮ๊อ. หม่าแน๊เรอ ซี เด๊อะตาแก อา เด๊อ แกแย ทวาดุทวาเต เต๊เห่ อา กู๊ยากู เร๊อ เบ๊อะคุ๊ยปีลาต เจแม๊ โทเฮ๊อ เด๊อ อา เก่ ปลวาเถ่แก ลู เบ๊อะเนอ, ซี จูเกอ ลู โต่. เด๊อ คุ๊ย เออเตเพร อา เป๊เส่เงเนอ, ซี เคร๊ฉื่อ ตาปา เจ๊อ อู เจ๊อ.
จอแปแหร่ เออเนอ อาแร๊ แหน่เจ๊อ เด๊อ เป ทวา ลูแกแย เออเต๊เห่ อาขุ. ครี๊ เม เป่ โทเฮ๊อ เต เด๊อ เปเง อาขว่าอาคยา, จอแปแหร่ เด๊อะโลตา เฮ๊อ อา เตเมโมเมแร๊ เป เออเต๊เห่ เฮ๊อ. แซ่ฮู๊ จอแปแหร่ เก่ เด๊อะโล เป แกแยเห่ขุพู๊ ช๋า เนอปา ตือทือ เต๊เห่ เร๊อ อาบุ๊ยดุอาเตอเรอทู เออเต๊เห่ ปาเนอ เนอ, อา เม เป่ เด๊อ เปเง ฮู๊เออ แพ๊.
กู๊แหน่เออ เต เด๊อ อา โฮ๊ ตาตือ บี๊ ล๋อ เป เด๊อ อา หยื่อเอ่ เหย่ซู่ เออเต๊เห่ อาเป๊เส่ เนอ อา โอ่ ปา เตอเจ๋อ โต่. ฮู๊เนอเรอ, กู๊แหน่เออ เป แม๊เถอะ แฮเง ลา เฮ๊อ แบ่เจ่ อา เตลีเตตาเค เร๊อ เป ทวาแถ่ แซ่เฮ๊อเร๊อ หม่าโด่ เด๊อ อา ลีช๊าเตเค กาคยา แบ่เจ่ อา เตลีเตเค เต๊เห่เนอ เฮ๊อ. เป แม๊เถอะ แฮเง ลา เฮ๊อ แบ่เจ่ อาลีเตเค, เร๊อ แหย่โยบูโพ๊ แบ่เจ่ เม เป่ เฮ๊อ เป เด๊อ เป เก่ แซ่แฮ เร๊อ แซ่แฮ, แซ่เฮ๊อ เร๊อ เป แบ่เจ่ เด๊อ อา เตอเรอดุทู เออเตเพรเนอ เฮ๊อ.
เบ๊อะซี โอ่เซอเพร เด๊อ เมวจ่อโรพู๊ เด๊อ อา หยื่อเอ่ เกออู จอแปแหร่ โต่ เออเต๊เห่ อาเกล, เร๊อ อา แด่ เตซื๊อ ซี เร๊อ ซี หม่า แกแย เด๊อ อา เม เตมู๊แหม่รีแจ่ เบ๊อะเนอ, โอ่เซอเพร แซแร แร๊ แลแค ซีเหน่ นี๋. เหย่ซี เก่ แม๊เถอะ ซี เตแรแร๊ เต๊เห่ ปา เร๊อ ช๋า จอแปแหร่ แฮแล อาม๊อเนอ ปา เตอเนอเนอ, อา เก่ แด่ดุแด่หยื่อ ลู ปา.
ကြော်ငြာတွေ