ꤛꤥ꤭ꤟꤢ꤬ 12:16 - ลีเทส่อพ๊าอาเซ เร๊อ เห่ขุทวาลู๊

¹⁶ เบ๊อะเนออาเค อา โคเจ่ เต๊เห่ ซิเงโปลแล เตเมทวาแถ่ อาโหง่แลช๊า เออเต๊เห่ ล๋ายโต่. เต เออเต๊เห่ เนอหม่า อา เม เล๊อบาแถ่เฮ๊อ เพรโพร อา เตเฮ๊หนื่ออื่อ มู๋ หนู่เค เต๊เห่เฮ๊อ. หม่าแน๊เรอ, เบ๊อะแบ่เจ่ เหย่ซู่ กากี๊แถ่ โทเฮ๊อ เด๊อ ม๊อขุ เบ๊อะเนอ, เหย่ซี ซิเงแถ่เบ่ โหน่แพ๊ เร๊อ อา เม เตเออเต๊เห่เนอ อา โตลอ เร๊อ เพรโพร อา เตเฮ๊หนื่ออื่อ มู๋หนู่เค เต๊เห่ เร๊อ อา โคเจ่ เต๊เห่ ซิเงแถ่ โต่เบ่ เร๊อ อา เมโต เป่ลอ ลู ฮู๊ เพรโพร เฮ๊หนื่ออื่อ เนอเต๊เห่.

Eastern Kayah Shadaw Dialect

¹⁶ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤞꤤꤑꤢꤩ꤭ꤕꤜꤥ꤭ꤜꤢ꤭ꤟꤤ ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤣꤧ꤭ꤒꤣꤧ꤬ꤟꤢꤩ꤬ ꤜꤢ꤭ꤟꤤꤒꤥ꤬꤯ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤗꤢꤩ꤬ ꤜꤣꤙꤢ꤭ꤓꤢꤧ꤬ꤟꤣꤧ ꤖꤚꤢꤩ꤬ꤖꤚꤥ꤬ ꤢ꤬ ꤒꤢꤩ꤬ꤟꤢꤩꤥ꤬ꤔꤢꤩ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤒꤣꤧ꤬ꤟꤢꤩ꤬ꤟꤣꤧ꤯ ꤗꤢ꤬ꤔꤢꤧꤚꤣꤧ꤬, ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤊꤢ꤬ꤊꤣꤧ꤬ꤓꤢꤧ꤬ ꤓꤥ꤭ꤟꤣꤧ ꤘꤣ ꤗꤢꤪꤋꤢꤨ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤔꤥ꤬ꤖꤢꤧ ꤔꤢꤧ ꤢ꤬ ꤗꤢꤩ꤬ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤒꤥ꤭ꤜꤢꤪ꤭ ꤔꤢꤧ ꤖꤚꤢꤩ꤬ꤖꤚꤥ꤬ ꤢ꤬ ꤒꤢꤩ꤬ꤟꤢꤩꤥ꤬ꤔꤢꤩ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤞꤤꤔ꤫ꤢꤩ꤬ꤓꤢꤧ꤬ ꤒ꤫ꤥ꤬ꤙꤢꤩ꤬ ꤔꤢꤧ ꤢ꤬ ꤗꤢꤩ꤬ꤒꤥ꤭ ꤕ꤫ꤢꤩ꤬ꤜꤢꤪ꤭ ꤜꤢꤨ꤭ ꤟꤢꤨ ꤖꤚꤢꤩ꤬ꤖꤚꤥ꤬ ꤟꤢꤩꤥ꤬ꤔꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

ꤛꤥ꤭ꤟꤢ꤬ 12:16 ပူးပေါင်းရင်းမြစ်များ

ꤛꤥ꤭ꤟꤢ꤬ 2:22

ฮู๊เนอ อาขว่าอาคยา, เบ๊อะเหย่ซู่ เซอเพร กาคยา คยาแซ๊ เด๊อ เตเซอ เบ๊อะเนอ, อา โคเจ่ เต๊เห่ เตเนแถ่ โต่เบ่ คยาแซ๊ เด๊อ อา เฮ๊เบ่แก อาโหง่ เออเนอ เร๊อ เหย่ซี หยื่อเอ่ ลีเทส่อพ๊า เร๊อ อา เฮ๊หนื่ออื่อแก อาโหง่ เนอเต๊เห่.

ꤛꤥ꤭ꤟꤢ꤬ 14:26

หม่าแน๊เรอ, เพ เก่ นอแฮ เป่ ซี เพรเมจว่า ซี แหย่โยบูโพ๊แบ่เจ่ เร๊อ แวมุย ปา. อา เก่ อิซว๊าอี๊แส่ เป่ ซี เตล๋อ ปลี ปา, โท๊โต่ ล๋อ เต เด๊อ แว เฮ๊โทเฮ๊อ ซี เต๊เห่เนอ, อา เก่ เด๊อซิเง กาคยา คยาแซ๊ ซี ปา.

ꤛꤥ꤭ꤟꤢ꤬ 7:39

เทอ เด๊อ อาเด๊อะ อู ซิปล่อเซอเพร เด๊อ แบ่เจ่ เหย่ซู่ เฮ๊ เออเนอหมา หม่า แหย่โยบูโพ๊แบ่เจ่ แพ๊. อูเปเป๋ เบ่เบ่ เด๊อ อา หยื่อเอ่ ลู เต๊เห่เนอ, อา เก่ พย๊าหนิ ปา. แบ่เจ่ เหย่ซู่ พย๊าหนิ แล๋ เตเตอเรอดุ เตอเรอทู โต่, เมเตเฮ๊เรอ อา เซอ ก๊อถ่อกาคยา เร๊อ อา กา กี๊แถ่ เด๊อ ม๊อขุ ล๋ายโต่. ฮู๊เนอเร๊อ จอแปแหร่ อา แหย่โยบูโพ๊ แฮโนโอ่ เด๊อ เหย่ซี ซิปล่อกู เตเพร่ว ล๋ายโต่.

เพรโด่แนพู๊ เต๊เห่ 2:36

“ฮู๊เนอ อาขว่าอาคยา, อิสราเอล อากลุยอาแล ล๋อ ปลี ซี๋, ซี เบ่ ซิเง ตาเต เร๊อ เหย่ซู่ เด๊อ ซี มือเซอ แถ่ อา เด๊อ อี๊ถื่อดีเต่ลู เออเตเพรเนอ, จอแปแหร่ เด๊อะทวาแถ่ เฮ๊อ ลู เร๊อ อา หม่า แบ่เจ่ หม่า อาหม่าหม่า, ครี๊ หม่า อาหม่าหม่า เฮ๊อ,” คูเปโตร เฮ๊ ฮู๊เนอ.

ꤛꤥ꤭ꤟꤢ꤬ 12:23

เร๊อ แบ่เจ่ เหย่ซู่ เฮ๊ เน๊อ, “เบ๊อะแฮโต่เฮ๊อ เด๊อ แกแยพู๊คูเออ เก่ พย๊าหนิเฮ๊อ เตเตอเรอดุ เตอเรอทู เฮ๊อ.

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤟꤤꤙꤚꤢꤨ 8:1

กู๊แหน่เออ, เต เด๊อ อา โหล่ดุเล๊อ อู เต๊อเจ่อ เด๊อ แว ซิหยื่อ นอซิเงโปล ซี เนอหม่า หม่าเฮ๊อ เป เพรหลู่แต กู่กล๊อดุเล๊อ เออเตเพร เฮ๊อ. อา หม่า เหย่ซู่ เฮ๊อ. กู๊แหน่เออ อา โอ่แนโอ่ เด๊อ ม๊อขุ เร๊อ อา โอ่แนโอ่ เด๊อ จอแปแหร่ เด๊อะ อาลีอาเตเค, อาโพรอาเตอเรอ เออเตเพร เหล่โอ่แนโอ่ อาจ๊อทว๊า เนอตากยา เฮ๊อ.

เพรโด่แนพู๊ เต๊เห่ 3:13

เพอับราฮับ, เพอิสอัด เร๊อ เพยาโคบ เต๊เห่ อา จอแปแหร่ เน๊อ เป โหมะเพเพอโพ เด๋อ หนู่เค เต๊เห่ อา จอแปแหร่ เด๊อะโล แถ่เฮ๊อ อา เตลีเตเค เนอ อาหลู่เล๊ เหย่ซู่ เออเนอ เฮ๊อ. หม่าแน๊เรอ ซี เด๊อะตาแก อา เด๊อ แกแย ทวาดุทวาเต เต๊เห่ อา กู๊ยากู เร๊อ เบ๊อะคุ๊ยปีลาต เจแม๊ โทเฮ๊อ เด๊อ อา เก่ ปลวาเถ่แก ลู เบ๊อะเนอ, ซี จูเกอ ลู โต่. เด๊อ คุ๊ย เออเตเพร อา เป๊เส่เงเนอ, ซี เคร๊ฉื่อ ตาปา เจ๊อ อู เจ๊อ.

เพรโด่แนพู๊ เต๊เห่ 2:33

จอแปแหร่ แด่ดุแด่ทู เหย่ซู่ เร๊อ อา แด่โอ่ ลู เด๊อ อากู๊ขุ จ๊อทว๊า ตากยา, เร๊อ ฮู๊ อาเพ จอแปแหร่ อ๊อแล โทเฮ๊อ เน๊อ อา เก่ เด๊อะ ลู แหย่โยบูโพ๊ เนอ อา เด๊อะเฮ๊อ ลู เฮ๊อ. เร๊อ เหย่ซู่ กลอตาแล๊ตา เฮ๊อ เต เด๊อ เน แม๊เถอะ หนิโฮเฮ๊อ กู๊แหน่เออ เนอเต๊เห่ เฮ๊อ.

ꤛꤥ꤭ꤟꤢ꤬ 16:4

ช๋า เบ๊อะแฮโต่เฮ๊อ ปา เบ๊อะเนอ, ซี เก่ ข่าเบ่ เตจาเตจือ เต๊เห่ ปา. แซ่ฮู๊ ซี เก่ ซิเงแถ่เบ่ โต่ เต เด๊อ แว เด๊อะ รอ หนื่ออื่อ ซี เตเออเต๊เห่ อาเงเนอเนอ, แว แด๊โฉ่หนื่ออื่อ เป่ เฮ๊อ ซี กู๊แหน่เออ เฮ๊อ. เด๊อ กูลู่ เค เนอหม่า แว ย๋อ โอ่เกอ เร๊อ ซี อาขว่าอาคยา, แว เฮ๊โฉ่โลน๊อ เป่แล ซี โต่.”

ꤜꤢꤨꤊꤢ꤬ 24:45

โทเรอ แซ่ฮู๊ เหย่ซี เก่ ซิเงโปลเพ๊แร๊ ลีเทส่อพ๊า เต๊เห่ อาเงเนอ, อา โบ๊โมแถ่ เป่เฮ๊อ เหย่ซี ซิปล่อเตเน เต๊เห่ เฮ๊อ.

ꤜꤢꤨꤊꤢ꤬ 24:25

ฮู๊เนอ โทเรอ เหย่ซู่ เฮ๊ เหย่ซี เน๊อ, “แกแย โอ่เล๊อโอ่กลอ ซี๋, เพรโพร เต๊เห่ เฮ๊หนื่ออื่อแก โหง่ เต๊เห่เนอ, ซี หยื่อเอ่ แหย่ แหน่เจ๊อ ว๋า!

ꤜꤢꤨꤊꤢ꤬ 18:34

หม่าแน๊เรอ อา โคเจ่ เต๊เห่ ซิเงโปล ลู เตเฮ๊เบ่ เออตือมื๋อ โต่. เตเฮ๊เบ่เออ อาโหง่แลช๊า เออเนอ, อู แด่ ด๊อโอ๊ด๊อบี๊ เป่ เหย่ซี อาขว่าอาคยา, เหย่ซี ซิเงโปล แลแค อา เฮ๊ เป่ เหย่ซี เออเนอ โต่.

ꤜꤢꤨꤊꤢ꤬ 9:45

หม่าแน๊เรอ อา โคเจ่ เต๊เห่ ซิเงโปล ลู เตเฮ๊เบ่ เออตือมือ อาโหง่แลช๊า โต่. แซ่ฮู๊ เหย่ซี เก่ ซิเง เตเม เนอ, อู เบ่โอ๊เบ่บี๊แก อาโหง่แลช๊า แพ๊. เหย่ซี แด๊เฮอบื่อ แบ่เจ่ เหย่ซู่ เตเพร่ว โต่.

ꤛꤥ꤭ꤟꤢ꤬ 17:5

เพ๋, ฮู๊ แว เตอเรอดุ เตอเรอทู โอ่เต่อเกอ เร๊อ เน เด๊อ เห่ขุ ทวาแถ่ แต่ล๋ายโต่ ปา เบ๊อะเนอ, เด๊อะคยามอ แว เตอเรอดุ เตอเรอทู เออเนอ เด๊อ เนเบ๊เส่เง กู๊แหน่เออ แต๋.”

ꤗꤢ꤬ꤊꤢꤨ 16:19

แบ่เจ่ เหย่ซู่ เฮ๊เบ่โท เร๊อ อา โคเจ่ เต๊เห่ เร๊อ จอแปแหร่ เอ๊กา กาแถ่แก ลู เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา.

ꤗꤢ꤬ꤊꤢꤨ 9:32

อา โคเจ่ ซิเงโปลแร๊ อา เตอิซว๊าอี๊แส่ เหย่ซี เออ อาโหง่แลช๊า โต่ หม่าแน๊เรอ เหย่ซี แด๊เฮอบื่อ ลู เตเพร่ว โต่.