ꤛꤥ꤭ꤟꤢ꤬ 11:27 - ลีเทส่อพ๊าอาเซ เร๊อ เห่ขุทวาลู๊

²⁷ “อ่อ, แว หยื่อเอ่ ว๊า, แบ่เจ่,” อา เฮ๊ฉื่อ ฮู๊เนอ. “แว หยื่อเอ่ หม่าแหน่ เจ๊อ เร๊อ เน หม่า เมสิยาห์ หม่าเฮ๊อ เพรเมแลเปล๊กา หม่าเฮ๊อ จอแปแหร่ อา พู๊เพรคู เด๊อ อา เตเร แฮ เด๊อ เห่ขุ เออเตเพร เนอเฮ๊อ.”

Eastern Kayah Shadaw Dialect

²⁷ “ꤢꤪ꤬, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤠꤢ, ꤙꤢꤧ꤬ꤡꤢꤩ꤬,” ꤢ꤬ ꤟꤢꤩꤏꤢꤦ꤬ ꤟꤢꤨꤔꤣꤧ꤬꤯ “ꤠꤢꤧ꤭ ꤛ꤫ꤢꤦ꤬ꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤔꤢꤧ ꤔꤢꤧ꤬ ꤗꤢ꤬ ꤗꤢꤩ꤬ꤏꤤꤛꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤟꤣꤧ꤯”

ꤛꤥ꤭ꤟꤢ꤬ 11:27 ပူးပေါင်းရင်းမြစ်များ

มัทธิว 16:16

คูซีโมน เปโตร เฮ๊ฉื่อ ลู เน๊อ, “เน หม่า ครี๊ เด๊อ อา เมแลเปล๊ กา อู เตเพรเฮ๊อ. เนหม่า อา ทวา จอแปแหร่ เด๊อ อา เซอเพร เตเพร อาพู๊คู.”

ꤛꤥ꤭ꤟꤢ꤬ 6:69

เป หยื่อเอ่ เร๊อ เป ซิเง เร๊อ เน หม่า จอแปแหร่ อา แกแยบูโพ๊พู๊ เตเพร, เร๊อ อา นอแฮแล เน เฮ๊อ.”

ꤛꤥ꤭ꤟꤢ꤬ 6:14

เบ๊อะแกแย เออเต๊เห่ แม๊เถอะโท แบ่เจ่ เหย่ซู่ เม เตโค๊ตีกลี๊คยา เออเต๊เห่ เบ๊อะเนอ, เหย่ซี เฮ๊ แลแค เน๊อ, “เพรโพร เด๊อ อา เตเร แฮแล เด๊อ เห่ขุเออ ปา อู เฮ๊ เนอหม่า อา หม่า แหน่ เฮ๊อ อา เฮ๊อ,” อา เฮ๊ แลแค ฮู๊เนอ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:1

อูเป๋ เตเพร เบ่เบ่ อา เก่ หยื่อเอ่ เร๊อ เหย่ซู่ หม่า ครี๊ เฮ๊เนอ, อา ทวาเฮ๊อ จอแปแหร่ อาพู๊อาเลอ เตเพรเฮ๊อ, โท๊โต่ อูเป๋ เตเพร เบ่เบ่ อา เก่ โมเร๊อ เพ เนอหม่า, อา โมเร๊อ เกอดื่อเฮ๊อ อาพู๊อาเลอ เต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

เพรโด่แนพู๊ เต๊เห่ 8:36

เร๊อ เบ๊อะเหย่ซี เออซิเนอ จว๊า เป่แฮ โป่ เด๊อ เง เบ๊อะเนอ, เหย่ซี จว๊าโต่ เด๊อ เทอเหล่โอ่ โต๊โผ่. เออโตโพ๊เรอ แกแย ทวา กู่กล๊อ เออเตเพรเนอ อา เฮ๊ ลู เน๊อ, “เทอ โอ่ เบ๊อะเออ ว๊า! แว เก่ ซิหยื่อ เจ แวเหน่ เร๊อ เทอ เฮ๊เนอหม๋า เตเมดี๊แด ตาตือ แวแกล๊ โอ่ เต๊อเจ่อเจ่อ แอ?”

ꤛꤥ꤭ꤟꤢ꤬ 4:42

เหย่ซี เฮ๊ เพรเหมาะ เนอเตเพร เน๊อ, “เป หยื่อเอ่ เหย่ซู่ กู๊แหน่เออ เนอหม่า หม่าเด๊อ เน แด๊โฉ่ เป่ เป อาขว่าอาคยา เนอ หม่าโต่. เด๊อ เป หนิโฮ อา เตแด๊โฉ่โด่แน เร๊อ เปเหน่ โทเรอ เป ซิเง เร๊อ อา หม่า ครี๊ เด๊อ อา เมแลเปล๊กา เห่ขุพู๊ เออเนอ เตเพร หม่าแหน่ เฮ๊อ, อาขว่าอาคยา เนอแพ๊.”

ꤛꤥ꤭ꤟꤢ꤬ 1:49

คูนาธานาเอล เฮ๊ฉื่อ ลู เน๊อ, “รับบี เน หม่า จอแปแหร่ อาพู๊คู หม่าแหน่ เฮ๊อ, เน หม่า อิสราเอล อาคุ๊ยจ๊อแผ่ หม่าแหน่ เจ๊อ เฮ๊อ.”

ꤜꤢꤨꤊꤢ꤬ 2:11

เออเตเซ เด๊อ คูดาวิด อาวีกู เนอ, เพรเมแลเปล๊กา อา แบ่เจ่ หม่าเฮ๊อ ครี๊ เออ แฮ โอ่ เป๊เจ่แล เฮ๊อ.

มัทธิว 11:3

“เน หม่า เมสิยาห์ เด๊อ เพรโพร เต๊เห่ เฮ๊หนื่ออื่อ เนอ อา เก่ แฮ ปา เนอ เตเพร เฮ๊อ แอ? หม่าโต่เรอ เป โตเบ่ โอ่ป่อแม๊ชือปา เด๊อ อาโร เตเพร แอ?”

มัทธิว 16:20

เร๊อ แบ่เจ่ เหย่ซู่ เด๊อะรอเด๊อะเร อา โคเจ่ เต๊เห่ เนอ, แว หม่า ครี๊ เตเพรเนอ จว๊าแด๊โฉ่โล เป่ แต่ อู เตเพร่ว แต่เหม่ นี๋.

เพรโด่แนพู๊ เต๊เห่ 8:37

(คูฟีลิป เฮ๊ฉื่อ ลู เน๊อ, “เน เก่ หยื่อเอ่ ซิกอล๊อแกแน หม่าแหน่ เหย่ซู่ครี๊ เฮ๊เนอหม่า, เน เจ เนเหน่ เร๊อ เทอ หม่า อาหนิ แพ๊.” อา เฮ๊ ลู เร๊อ อา เฮ๊ฉื่อคยา เน๊อ, “เหย่ซู่ครี๊ หม่า จอแปแหร่ อาพู๊คู หม่าแหน่ เนอหม่า แว หยื่อเอ่” อา เฮ๊ฉื่อ ฮู๊เนอ)