ꤛꤥ꤭ꤟꤢ꤬ 10:27 - ลีเทส่อพ๊าอาเซ เร๊อ เห่ขุทวาลู๊

²⁷ แว ซิหมิ เต๊เห่ เนอหม่า อา หนิดา แวโหง่. แว ซิเง เหย่ซี, เร๊อ เหย่ซี ครวา แวคยา.

Eastern Kayah Shadaw Dialect

²⁷ ꤠꤢꤧ꤭ ꤞꤤꤗꤤ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤔ꤫ꤤ꤬ꤘꤢ꤭ ꤠꤢꤧ꤭ꤍ꤫ꤥ꤬꤯ ꤠꤢꤧ꤭ ꤞꤤꤑꤢꤩ꤭ ꤛꤢꤩ꤬ꤞꤤ꤭, ꤚꤣꤧ꤬ ꤛꤢꤩ꤬ꤞꤤ꤭ ꤋꤚꤝꤢ꤭ ꤠꤢꤧ꤭ꤋꤛꤢ꤭꤯

ꤛꤥ꤭ꤟꤢ꤬ 10:27 ပူးပေါင်းရင်းမြစ်များ

ꤛꤥ꤭ꤟꤢ꤬ 10:16

แว ซิหมิ เด๊อ อาโร เด๊อ อา โอ่ เบ๊อะอาโปกู เออโต่เนอ อา โอ่ปา เต๊เห่. แว เบ่ เอ๊กา เกอ เหย่ซี ปา. เหย่ซี เก่ หนิดา เกอ แวโหง่ ปา, เร๊อ เหย่ซี เก่ กา ทวา เต่อ ลอ ลู ซิหมิ ตู๊หมู่จือแพ๊, เพรเกซิหมิ อา แบ่เจ่ เตเพรเพร่ว แพ๊ปา.

ꤛꤥ꤭ꤟꤢ꤬ 10:14

“แว หม่า เพรเกซิหมิ เด๊อ อาแร๊ เตเพร. แว ซิเง แว ซิหมิ เร๊อ แว ซิหมิ ซิเง แว.

เตเด๊อะโลแถ่ 3:20

หนิดา แลแค๋ แว ก๊อถ่อ โอ่เบ๊อะกู่ดา เบ๊เง เร๊อ แว ด่อ กู่ดา เออ. แกแย เตเพรเพร เก่ หนิโฮ แว ด่อ กู่ดา เก่เฮ๊ เร๊อ บ๊าโมฉื่อ เนอ, แว เก่ แฮโน เอ่เต่อโอเต่อ เกอเร๊อ อา, เร๊อ อา เก่ เอ่เต่อโอเต่อ เกอเร๊อ แว ปา.

โครินธ์ อาเหร่อเล๊อ ต๊าบ่า 8:3

หม่าแน๊เรอ แกแย เตเพรเพร เด๊อ อา โม จอแปแหร่ เนอ, จอแปแหร่ ซิเง ลู เน๊อ อา หม่า อาแกแย เฮ๊อ.

ꤟꤤꤙꤚꤢꤨ 3:7

ฮู๊เนอเรอ แหย่โยบูโพ๊ แบ่เจ่ เฮ๊ เน๊อ, “เออเตอเนอ, ซี เก่ หนิโฮ จอแปแหร่ อาโหง่พราแถ่ เฮ๊เรอ,

ꤛꤥ꤭ꤟꤢ꤬ 5:25

แว เฮ๊โฉ่จ๊อจ๊อ ซี, เบ๊อะเด๊อ แกแยเซอ เต๊เห่ เก่ หนิโฮ จอแปแหร่ อาพู๊คู โหง่, เร๊อ แกแย เด๊อ อา หนิโฮ เออเต๊เห่ เก่ เซอเพร ปา เนอ, อา เก่ แฮโต่ ปา. อา แฮโต่ เจ๊อเฮ๊อ กู๊แหน่ เฮ๊อ.

ꤛꤥ꤭ꤟꤢ꤬ 8:12

แบ่เจ่ เหย่ซู่ เฮ๊ คยาแซ๊ แกแย เนอเต๊เห่ เน๊อ, “แว หม่า เห่ขุ อาเตลี. แกแย เด๊อ อา ครวา แวคยา เตเพรเพร เนอ, อา จว๊า ปา เด๊อ เตคี๊ อาเกล แตแค๋ โต่. อา เก่ พย๊าหนิ เตลี เด๊อ อา เด๊อ ลู ซิปล่อเซอเพร อาเซ เออเนอ ปา.”

ꤊꤢ꤬ꤜꤢ꤬ꤒꤤ 4:9

หม่าแน๊เรอ กู๊แหน่เออ ซี ซิเงเฮ๊อ จอแปแหร่ เฮ๊อ. แว เก่ เฮ๊ หม่าแหน่ เจ๊อ ซี เร๊อ จอแปแหร่ ซิเงเฮ๊อ ซี เฮ๊อ. หม่าเมเตเรอ ซี ซิหยื่อ ฉิกย๊าคยา ปา เด๊อ เห่ขุเน๊ขุ อา เตซว๊าเตแส่ เต๊เห่ เร๊อ อาเหล่โกล เหล่แบ่ เต๊เห่ เด๊อ อา อ๊าเจ่ เหร่เจ่ เร๊อ อาบุ๊ยอาเตอเรอ โอ่โต่ เออเต๊เห่ อาเล เนอ เมเต? หม่า ซี ซิหยื่อ ทวาแถ่ คยาแซ๊ เหย่ซี อาหลู่เล๊ แอ?

ꤛꤥ꤭ꤟꤢ꤬ 10:8

ล๋อ แกแย เด๊อ อา แฮ เหร่อ เด๊อ แวเป๊เส่เง เนอเต๊เห่ หม่า, เพรเอ่โห่เอ่ฮี๊, เพร ปื่อเผ่ แหย่เปล๊เอ่อู เต๊เห่ แพ๊. เร๊อ ซิหมิ เต๊เห่ หนิดา เหย่ซีโหง่ โต่.

ꤛꤥ꤭ꤟꤢ꤬ 12:26

อูเปเป๋ เบ่เบ่, เด๊อ อา ทวา แว หลู่เล๊ เนอ, อา เบ่ครวา เกอ แว. ตื๊อหม่า, แว โอ่เบ๊อะเต๋ โต๊โผ่ เบ่เบ่, อา เก่ โอ่เกอ เบ๊อะเนอ ปา. แวเพ เก่ แด่ดุแด่ทู แกแย เด๊อ อา ทวา แว หลู่เล๊ เนอเตเพร ปา.

ꤛꤥ꤭ꤟꤢ꤬ 8:43

แว เฮ๊ เป่ ซี เร๊อ ซี จว๊า ซิเงโปล เจ๊อ ตีกี๋ โต่ เร๊อ หม่า อา เม เจ๊อ ฮู๊เต? ซี ซิเงโปล โต่ หม่าเมเตเฮ๊เรอ ซี ซิหยื่อ หนิดา เจ๊อแหน่ แวโหง่ ตีกี๋ โต่.

ꤜꤢꤨꤊꤢ꤬ 9:23

โทเร๊อ เหย่ซู่ แด๊โฉ่ เป่ เหย่ซี ปว๋า เตเพร เน๊อ, “แกแย เตเพรเพร อา ซิหยื่อ ครวาเกอแว เฮ๊เนอ, อา โตเบ่ เม ฮู๊ แว ซิหยื่อนอเม ลู เนอเต๊เห่, อา เม จู๋ ดื่อ อาซิปล่อ หม่า อาหนิ โต่. อา เบ่ แย๊แถ่ หนิเร๊อดื่อ อา อี๊ถื่อดีเต่ ปว๋า เตอเนอ เร๊อ อา เบ่ กอครวา เกอแวคยา.

มัทธิว 17:5

เบ๊อะอา เฮ๊เบ่ ปาแพ๊ เบ๊อะเนอ, อ๊อโหล่ อู ตาบา อู ตาบี๊แก เหย่ซี เร๊อ โหง่พราเถ่ ตือมือ เด๊อ อ๊อโหล่ อากู เน๊อ, “เออ หม่า แวพู๊ เด๊อ แว โมหนิเกอเร๊อ อา เร๊อ แว ซิปล่อโอ่ เกอเร๊อ อา เตเพร, หนิดา แลแค อาโหง่ นี๋.”

ทิโมธี เนอบ่า ต๊าบ่า 2:19

หม่าแน๊เรอ อู เม โกโยแจ่ เน๊อ จอแปแหร่ อา เตแก่ช๊า อาหม่าอากลอ เออเนอ โต่. เด๊อ เตแก่ช๊า เออ อาโอ่เนอ อู ราโอ่ เน๊อ, “แบ่เจ่ ซิเง เกอเร๊อดื่อ อาแกแย” เร๊อ “แกแย ปว๋า เตเพร เด๊อ อา เฮ๊ เร๊อ แว หม่า แบ่เจ่ อาแกแย เต๊เห่เนอหม่า, อา โตเบ่ ตีรี๊ จว๊าโค๊แก อาเหน่ เร๊อ เตซื๊อ เออเนอ.”

ꤛꤥ꤭ꤟꤢ꤬ 21:22

แบ่เจ่ เหย่ซู่ เฮ๊ฉื่อ ลู เน๊อ, “แว เก่ ซิหยื่อ นอโอ่เซอเพร โต่ ลู เด๊อ แว แฮปา เก่เฮ๊เรอ, จู๊ดื่อ แว แพ๊. เนอหม่า เน เตเม หม่าโต่, เน เตเม หม่า เน เบ่ ครวาเกอ แว แพ๊,” อา เฮ๊ ลู ฮู๊เนอ.

ꤜꤢꤨꤊꤢ꤬ 13:27

“หม่าแน๊เรอ อา เก่ เฮ๊ฉื่อ โป่ ซี เน๊อ, ‘ซี หม่า แกแย โตเบ๊อะเนอ แว ซิเงน๊อ ซี โต่. ล๋อ ซี เออเต๊เห่ เนอหม่า แกแย เด๊อ อา เม เตมู๊แหม่รีแจ่ เนอเต๊เห่ แพ๊. เถ่จว๊า ตาพาแก ยา แลแค เร๊อ แว เนอ.’

ꤗꤢ꤬ꤊꤢꤨ 8:34

โทเรอ เหย่ซู่ เอ๊แฮปล๊อเต่อ ลอ แกแย ตู๊หมู่ดุ เต๊เห่ เร๊อ อา โคเจ่ เต๊เห่ เด๊อ อา โอ่ เร๊อ อา เฮ๊ เหย่ซี เน๊อ, “แกแย เตเพรเพร เก่ ซิหยื่อ ครวา เกอแวคยา เฮ๊เรอ, อา โตเบ่ เม ฮู๊ แว ซิหยื่อนอเม ลู เนอเต๊เห่. อา เม จู๋ ดื่อ อาซิปล่อ หม่า อาหนิ โต่. อา เบ่ แย๊แถ่ หนิเร๊อดื่อ อา อี๊ถื่อดีเต่ เร๊อ อา เบ่ ครวา เกอแว คยา.

มัทธิว 25:12

“ตื๊อดื่อเรอ กาฉู่แด่ เพรคู เฮ๊ฉื่อ เหย่ซี เน๊อ, ‘แว เฮ๊แหน่ เจ๊อ ซี, แว ซิเงน๊อ ซี โต่.’

มัทธิว 16:24

โทเรอ แบ่เจ่ เหย่ซู่ เฮ๊ อา โคเจ่ เต๊เห่ เน๊อ, “แกแย เตเพรเพร เก่ ซิหยื่อ ครอครวา เกอแว เฮ๊เรอ, อา โตเบ่ เม ฮู๊ แว ซิหยื่อ นอเมลู เนอเต๊เห่, อา เม จู๋ ดื่อ อาซิปล่อ หม่า อาหนิ โต่. อา เบ่ แย๊แถ่ เกอเร๊อดื่อ อา อี๊ถื่อดีเต่ เร๊อ อา เบ่ ครอครวา เกอแวคยา.

มัทธิว 7:23

เบ๊อะเนอเคปา แว เก่แด๊โฉ่ฉื่อ เหย่ซี เน๊อ, ‘แว ซิเงน๊อ ซี แตแค๋ โต่. แกแย เด๊อ อา เม เตมู๊แหม่รีแจ่ ซี๋ เถ่จว๊า ตาพาแก ยา เร๊อ แว.’”

เตเด๊อะโลแถ่ 14:4

เหย่ซี เออเต๊เห่ เนอหม่า เพรคู เด๊อ อาซิปล่อ อาโพ๊อาแปละ เร๊อ อา โอ่เมอ เต่อน๊อ เร๊อ เพรเหมาะ โต่ เต๊เห่. เหย่ซี หม่า เพรคูพู๊เส่ เด๊อ อา จ๊อจื้อ เต๊เห่. ซิหมิพู๊ เนอโตโด จว๊าเบ๊อะเต๋ โต๊โผ่ เบ่เบ่, เหย่ซี ครวาจว๊าเกอ ลูคยา. เหย่ซี หม่า อู อี๊ถ่ากา โทเฮ๊อ อา เด๊อ เห่ขุพู๊ เต๊เห่ อาเกล เร๊อ เหย่ซี หม่า แกแย เต๊เห่ เด๊อ อู หลู่แถ่ เหร่อเล๊อ ลู เด๊อ จอแปแหร่ เร๊อ ซิหมิพู๊ เนอโตโด อาโอ่ เฮ๊อ.

เพรโด่แนพู๊ เต๊เห่ 3:23

แกแย เด๊อ อา หนิดา จูเอ่ เกอ เพรโพร เนอเตเพร อาลาอาโหง่ โต่ เต๊เห่เนอ, จอแปแหร่ เก่ แด่ตาพาแก เหย่ซี เร๊อ จอแปแหร่ อาพู๊อาเลอ เหล่โอ่ ปา, โท๊โต่ อา เก่ เมปย๊าแก เหย่ซี ปา.’

ꤗꤢ꤬ꤊꤢꤨ 10:21

เร๊อ เหย่ซู่ แม๊ตา ต๋า ลู เร๊อ อา ซิยอเร๊อ ลู เร๊อ อา เฮ๊ เน๊อ, “เตเด๊อ เน โหล่เม เนอ อา โอ่ปา เต๊อเจ่อ, กา อิเชแกลอ เน ตาหมื่อตาเต เนอเต๊เห่ เร๊อ เด๊อะแก เร๊อ แกแย โซพ๊าโซแรพู๊ เนอ. เน เก่ เมฮู๊เนอ เฮ๊เรอ เน อา พย๊าหนิ เตดุแหย่แถ่เซ เด๊อ ม๊อขุ ปา. กาเมโทเฮ๊อ ฮู๊เนอ เร๊อ แฮครวา เกอแวคยา.”